ئه‌ڤرۆ نيوز:
ئه‌ڤرۆ رێ و ره‌سمێن كۆبه‌ندێ جيهانى يێ ئابوورى يێ ده‌ريا مرى ل رۆژهه‌لانا ناڤين و باكوورێ ئه‌فريقيا ل ئوردن ده‌ست ب كارێن خوه كر و بۆ ئاگه‌هداربوون ژ كارێن كۆربه‌ندى ل ڤێره ب ره‌نگه‌كێ زيندى ته‌ماشه بكه‌ن.
بۆ گوهداريكرنا گۆتارێ ب زمانێ عه‌ره‌بى: ڤێره كليك بكه
ئەڤرۆ نیۆز، قائید میرۆ:
پەرلەمانتارەکێ پارتی ئاماژە ب وێ چەندێ دکەت كو جێگرێ سەرۆکێ جڤاتا نوونەرێن عێراقێ جۆداھیێ د ناڤبەرا پەرلەمانتارێن کورد دا دکەت و پتر گرنگی ب پەرلەمانتارێن گۆڕان دده‌ت.
عەرەفات کەرەم، ئەندامێ فڕاکسیۆنا پارتی ل جڤاتا نوونەران بۆ ئەڤرۆ نیوز گۆت: “ئارام شێخ مەحەمەد جێگرێ دویێ یێ سەرۆکێ جڤاتا نوونەران ل سەر بەھرا پارتى دایە بزاڤا گۆڕان و ل سەر پشکا کوردان دایە، لەوڕا دڤێت نافبری وەکو کورد سەرەدەریێ بکەت نەک وەکو گۆڕان.
عەرەفات گۆتژی: “مخابن ئارام شێخ مەحەمەد جوداھیێ د ناڤبەرا پەرلەمانتاران دکەت و زۆرجاران شاندێن پەرلەمانی بۆ دەرڤە چووینە، بەلێ جێگرێ سەرۆکێ پەرلەمانی کو بەر گۆڕان کەفتیە تنێ پەرلەمانتارێن فڕاکسیۆنا خوە دهنێريته ژ دەرڤە و ئەڤە ژی بوویە جھێ دلگرانیا ئەندامێن دی یێن کورد”.
ئه‌ڤرۆ نيوز:
بڕياره ئه‌ڤرۆ د چاچۆڤێ كۆربه‌ندێ ئابوورى يێ جيهانى دا يێ ده‌ريا مرى، مه‌سعود بارزانى سه‌رۆكێ هه‌رێما كوردستانێ ل ده‌مژمێرێ 11:45 ده‌قيقه گۆتاره‌كێ پێشكێش بكه‌ت.
ئه‌ڤ گۆتاره دێ يا هه‌ڤپشك بيت ل گه‌ل ئه‌ياد عه‌لاوى جێگرێ سه‌رۆك وه‌زيرێن عيراقێ و دێ ل دۆر ره‌وشا ئاشتى و سه‌قامگێرى و به‌ر ب پێشڤه‌چوونێ ل رۆژهه‌لاتا ناڤه‌راست بيت.
ئەڤرو نیوز،بارزان مزووری:
ژێدەرەکى ژ چەکدارێن رێکخراوا ئازاد ل ناڤ باژێرێ مووسل بۆ ئەڤرۆ نیوز ئاشکرا کر کو دوھی رۆژا پێنجشه‌مبى رێكه‌فتى 21ى گۆلانا 2015ێ ل نێزیک دەمژمێر 3:00 ئیڤاری فرۆکەیێن ھەڤپەیمانان ماوێ 30 خولەکا بارەگایێن چەکدارێن تیرورستێن داعش ل دەڤەرا “الرفاعی” ل نێزیک پرا سێ ل ناڤ باژێرێ مووسل بوردومان کرن د ئەنجام دا 80 چەکدارێن تیرورستێن داعش ھاتنه کوشتن و برینداركرن و د گەل تێکشکاندنا 10 ترومبێلێن ھەرمه‌ر یێن نھا کەفتینە د دەستێن داعش دا.
دیار کر ژى کو داعش نوكه چووبوو د وان ئاڤاهيان ڤه و خه‌لكێ وان تاخان ده‌ركربوو و خێزان و كه‌سوكارێن خوه لێ بنه‌جهـ كربوون.
وی ژێدەتر زێدەتر گۆت: “داعش گەلەک چەکەکێ مەزن د ناڤ مووسل کۆم کربوو گەلەک ژ وی چەکی د ڤان دو روژان دا ژ لایێ فرۆکەیان ڤه ھاتە ناڤبرن”.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ د ناڤبه‌را ئه‌و و ساهياتيێ دا بيت.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن بلندێن وه‌لاتێ توركيا و ڤه‌كێشانا فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 23ى گۆلانا 2015ێ ئه‌سمان دێ د ناڤبه‌را ئه‌و و ساهياتيێ دا بيت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 21 بۆ 30 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 10 بۆ 20 کلم د دەمژمێرەکێ دا، ماوێ دیتنێ ژی دێ 10 کلم بیت.
ئه‌ڤرۆ نيوز:
لژنا په‌رله‌مانى يا تايبه‌ت ب ڤه‌كۆلينێ دكه‌ڤتنا مووسل دا راگه‌هاند كو پێدڤيه د سێ رۆژێن داهاتى دا ئه‌ندامێن لژنێ پرسيارێن گرێدايى هه‌ردو جێگرێن سه‌رۆك كۆمارى، نورى مالكى و ئوسامه نوجێفى و سه‌رۆكێ هه‌رێما كوردستانێ مه‌سعود بارزانى به‌رهه‌ڤ كه‌ن.
ئه‌ندامێ لژنێ عه‌باس خه‌زاعى راگه‌هاند: “سه‌رۆكاتيا لژنێ ئه‌ندامێن لژنا ڤه‌كۆلينێ د كه‌فتنا مووسل دا ئاگه‌هداركرينه كو پرسيارێن تايبه‌ت يێن په‌يوه‌ندى ب نورى مالكى و ئوسمامه نوجێفى و مه‌سعود بارزانى ڤه هه‌ين د ماوێ سێ رۆژێن داهاتى دا، ژێك ڤاڤێرن و بۆ لايه‌نێن شۆله‌ژێ ره‌وانه بكه‌ن”.
گۆتژى: “لژنه دێ چاڤه‌رێ به‌رسڤان بيت ژ وان هه‌رسێ به‌رپرسان ل دۆر ئه‌وان پرسيارێن دێ ل دۆر كه‌فتنا موووسل ژێ هێنه كرن”.
پشتى كه‌فتنا مووسل د ده‌ستێ داعش دا و دروستبوونا گه‌له‌ك گه‌نگه‌شێ ل سه‌ر ئه‌گه‌رێ كه‌فتنا مووسل، جڤاتا نوونه‌رێن عيراقێ ل هه‌يڤا ئێك يا ئه‌ڤ ساله لژنه بۆ ڤه‌كۆلينێ ژ په‌رله‌مانتاران پێك ئينايه و هه‌تا نوكه چه‌ندين كه‌س چووينه به‌ر سينگێ ڤێ لژنێ و بڕياره ب گۆره‌يى ڤێ داخۆيانيێ لێپرسين ل گه‌ل هه‌ر ئێك ژ نورى مالكى يێ سه‌رۆك وه‌زيرێ به‌رێ و فه‌رماندێ به‌رێ يێ گشتيێ هێزێن چه‌كدار و ئوسمامه نوجێفى جێگرێ سه‌رۆك كۆمارى و سه‌رۆكێ هه‌رێما كوردستانێ مه‌سعود بارزانى بهێته كرن.
ئه‌ڤرۆ نیۆز، قائید میرۆ
ئه‌ندامه‌كێ جڤاتا پارێزگه‌ها نه‌ینه‌وا ته‌كه‌زكر، ل سالا بۆری وه‌ره هه‌تا نوكه تیرۆرستێن داعش ل ناڤا باژێڕێ مووسل نێزیكی هزار وه‌لایێن مووسل ب تۆمه‌تێن جودا كوشتینه.
غه‌زوان حامد، ئه‌ندامێ جڤاتا پارێزگه‌ها نه‌ینه‌وا ب ئه‌ڤرۆ نیۆز راگه‌هاند” هه‌ر ل ده‌ستپێكا شه‌ڕێ داعش و گرتنا مووسل ژلایێ گروپا تیرۆرستیا داعش، رۆژانه خه‌لك ژلایێ داعشڤه ل ناڤا مووسل دهێته گولله بارانكرن و كوشتن”.
غه‌زوانی گۆتژی” هه‌ر رۆژ داعش وه‌لاتیێن مووسل یان گولله باران دكه‌ت یان بدارڤه دكه‌ت و گوره‌ی زانیاریێن مه رۆژ هه‌یه دو كه‌سا دكوژن و رۆژ هه‌یه هه‌تا 20 كه‌سا دكوژن، بشێوه‌یه‌كێ گشتی سالا بۆری هه‌تا نوكه داعش نێزیكی هزار وه‌لاتیێن مووسل كوشتینه”.
ئه‌ڤرۆ نیوز:
دیار تاهر بابان رێڤه‌به‌رێ گشتى یێ به‌رهه‌مئینانا كاره‌بێ ل وه‌زاره‌تا كاره‌بێ راگه‌هاند كو دو ویستگه‌هێن نوو دێ كه‌ڤنه كارى كو شیانێن به‌رهه‌م ئینانا 390 میگاواتێن كاره‌بێ هه‌یه.
دیار تاهر بابان رێڤه‌به‌رێ گشتى یێ به‌رهه‌مئینانا كاره‌بێ دیاركر ژبلى ڤان 390 میگاواتێن دێ زێده بن، چ به‌رهه‌مه‌كى دى زێده نابیت ژبه‌ر كو قه‌یرانا دارایى گه‌له‌ك پرۆژێن وان یێن كاره‌بێ راوه‌ستاندى نه.
وه‌زاره‌تا كاره‌بێ د ڤێ هه‌یڤێ دا رۆژانه 22 ده‌مژمێرێن كاره‌بێ بۆ وه‌لاتیان دابین دكرن.
ئاكرێ،بێوارحسێن زێبارى
ژبه‌ر هاتنا وه‌رزێ هاڤینى به‌رگریا باژێرڤانیا ئاكرێ رێنمایێ ل سه‌ر شۆفێران به‌لاڤكرن و داخازا هاریكارى و كێمكرنا روویدانان دكه‌ن.
به‌رپرسێ راگه‌هاندنا به‌ره‌ڤانیا باژێرڤانیا ئاكرێ فیراس ئاكره‌یى بۆ ئه‌ڤرۆ گوت : مه ب فه‌ر زانى كۆ رابین ب به‌لاڤكرنا رێنمایان ب سه‌ر شوفێران یێن به‌ره‌ڤانیا باژێرڤانیا ئاكرێ و مه‌ره‌م ژى ئه‌وه نه‌خاسمه به‌ره‌ڤ وه‌رزێ هاڤینێ ڤه دچین و ئه‌و ژى بۆ كێم كرنا و نه‌هێلانا روویدانێن سووتاندنێ ل ده‌ڤه‌رێ ب گشتى و ئه‌م ژى داخاز كه‌ین كۆ هاولاتى ژى دگه‌ل مه هاریكار بن و دیسان ڤان رێنمایان ژى به‌رچاڤ وه‌ربگرن.
نيشاندان