ئه‌ڤرۆ نيوز:
ئه‌ڤرۆ رۆژا پێنجشه‌مبى رێكه‌فتى 21ى گۆلانا 2015ێ حه‌يده‌ر عه‌بادى سه‌رۆك وه‌زيرێن عيراقێ ل گه‌ل هه‌ڤپيشه‌يێ خوه يێ رۆسى ديميترى ميدفيديف ل مۆسكۆ كه‌فت.
عه‌بادى دێ د ڤێ كۆمبوونێ دا، داخوازا چه‌كى ژ رۆسيا كه‌ت و ديسا دێ بابه‌تێن گرێدايى ئابوويى و په‌يوه‌نديێن هه‌ردو لايان گه‌نگه‌شه كه‌ن ب گۆره‌يى ژێده‌رێن نێزيك ژ سه‌رۆك وه‌زيرێن عيراقێ.
دوهى ژى عه‌بادى ل گه‌ل خودانێن سێ ژ مه‌زنترين كۆمپانيێن رۆسى يێن د وارێ په‌ترۆل و غازێ دا كار دكه‌ن كۆمببوو ل جهێ خوه‌جهيا خوه ل مۆسكۆ.
دوهى رۆژا چارشه‌مبى رێكه‌فتى 20ى گۆلانا 2015ێ حه‌يده‌ر عه‌بادى سه‌رۆك وه‌زيرێن عيراقێ ب سه‌ره‌دانه‌كا فه‌رمى گه‌هشتبوو مۆسكۆ يا پايته‌ختێ رۆسيا و بڕياره په‌يوه‌نديێن دو قۆلى يێن هه‌ردو وه‌لاتان و بابه‌تێن ئابوورى و پرسا ب چه‌ككرنا هێزێن عيراقى و دابينكرنا پێزانينێن هه‌والگه‌رى و پشته‌ڤانيكرنا ده‌زگه‌هێن ئه‌منى و له‌شكرى بهێنه گه‌نگه‌شه‌كرن.
پێشتر به‌غدا چه‌ند گرێبه‌ستێن چه‌كى ل گه‌ل مۆسكۆ گرێداينه بۆ دابينكرنا چه‌كى و پێدڤيێن له‌شكرى و ژ وان ژى ئێك ب بهايێ 4.2 مليار دۆلارايه بۆ دابينكرنا 40 فرۆكێن Mi-28 و Mi-35.
نيشاندان