ئه‌ڤرۆ نيوز:
جڤاتا ئاسايشا هه‌رێما كوردستانێ گرۆپه‌كێ تيرۆرستى ده‌سته‌سه‌ركرنا شه‌ش كه‌سێن سه‌ر ب داعش ڤه راگه‌هاند كو ب هيڤيى بوون كرياريێن تيرۆرستى ئه‌نجام بده‌ن.
جڤاتا ئاسايشا هه‌رێما كوردستانێ ئه‌ڤرۆ رۆژا دوشه‌مبى رێكه‌فتى 18ى گۆلانا 2015ێ راگه‌هاندنه‌ك به‌لاڤ كر كو تێدا هاتيه: “د چارچۆڤێ ئۆپه‌راسيۆنێن هه‌والگه‌ريێن جڤاتا ئاسايشا هه‌رێما كوردستان، شيان گرۆپه‌كێ تيرۆرستى يێ داعش ده‌ستگير بكه‌ن و هه‌موو پيلانێن وان ژ ناڤ ببه‌ن”.
هاتيه ژى: “ئه‌ڤ گرۆپه ژ شه‌ش كه‌سان پێك دهێن و هه‌موو خۆجهێن هه‌ولێرن و كوردن، ئه‌وان تيرۆرستان دانپێدان ب وێ چه‌ندێ ژى كريه كو د مزگه‌فتان ڤه ب هزرا تۆندڕه‌ويێ هاتينه په‌روه‌رده كرن و په‌يوه‌ندى ب گرۆپێ تيرۆرستى يێ داعش كريه و داخواز ژێ هاتيه كرن كو كريارێن تيرۆرستى ل هه‌ولێر ئه‌نجام بده‌ن”.
جڤاتا ئاسايشا هه‌رێما كوردستانێ ئاماژه ب وێ چه‌ندێ ژى دكه‌ت كو ئه‌ڤى گرۆپى 18 بۆمبه ئاماده‌كرينه دا كو ل چه‌ند جهێن گشتى ب ته‌قينن.
د راگه‌هاندنا جڤاتا ئاسايشا هه‌رێما كوردستانێ دا، سۆپاسيا هه‌ڤكاريا خه‌لكێ هه‌رێما كوردستانێ هاتيه كرن كو هه‌ڤكاريا ده‌زگه‌هێن ئه‌منى كرينه و ئاماژه ب وێ چه‌ندێ ژى كريه كو كه‌سوكارێن هنده‌ك ژ وان ده‌سته‌سه‌ركريان هه‌ڤكاريا ئۆپه‌راسيۆنێ كريه.
ئه‌ڤه ژى ده‌قێ دانپێدانێن وان تيرۆرستايه:
نيشاندان