ئه‌ڤرۆ نیوز، مه‌حمود نهێلى:
ژ ئه‌گه‌رێ تێكچوونا وێسته‌گه‌ها كاره‌بێ یا سه‌رسنكێ بۆ هه‌یاما پتر ژ 8 ده‌مژمێرایه كاره‌با هه‌ر دوو ناحیێن دێره‌لۆك و شێلادزێ و هژماره‌كا گوندێن سه‌ر ب ده‌ڤه‌را ئامێدیێ ڤه دهێته برین.
ئه‌ندازیاز له‌زگین عه‌لى رێڤه‌به‌رێ به‌لاڤكرنا كاره‌با قه‌زا ئامێدیێ بۆ ئه‌ڤرۆ نیوز دیاركر، كو د ڤێ هه‌یامێ دا فشاره‌كا زۆر كه‌فتیه سه‌ر كاره‌بێ بتایبه‌تى ژى پشتى سه‌قایێ ده‌ڤه‌رێ سار بووى ژ به‌ر وێ یه‌كێ وه‌لاتى رێژه‌یه‌كا پتر یا كاره‌بێ ب كاردئینن ئه‌ڤه ژى بوویه ئه‌گه‌رێ دروست بوونا فشاره‌كا زۆر ل سه‌ر وێستگه‌هێن كاره‌بێ و گۆت: ( ب ڤێ ئه‌گه‌رێ ژى فیده‌رێ هه‌ر دوو وێستگه‌هێن دێره‌لۆك و شێلادزێ كو ژ وێسته‌گه‌هێ سه‌رسنكێ دهێنه كێشان ئه‌ڤرۆ 14/1/ به‌رى نیڤرۆ تێكچوویه و بوویه ئه‌گه‌رێ برینا كاره‌با هه‌ر دوو ناحیێن ناڤبرى و گوندێن ده‌ردووران).
ناڤبرى ئه‌و یه‌ك ژى خویاكر، كو هه‌ر زوو تیمێن چێكرنێ ل دهوكێ هاتینه بۆ چێكرنێ، لێ تا نها تمام نه‌بوویه و ته‌كه‌ز كر كو دێ هه‌موو بزاڤێن خوه بكار ئینن ژ پێخمه‌ت چێكرنه‌ڤه‌یا كاره‌بێ و هه‌ر د ئه‌ڤ شه‌ڤه دا و گه‌هاندنا كاره‌با نیشتیمانى بۆ وێ ده‌ڤه‌رێ.
ئه‌ڤ شه‌ڤه دو ناحیێن پارێزگه‌ها دهۆك دێ د بێ كاره‌ب بن
نيشاندان
