ئەڤرۆ:

ژنەکا خودان زارۆ ل دادگەھا دھۆکێ شکایەت ل زاڤایێ خوەکر کو دەمێ ھەڤژینێ وێ ژ مال دچوو ب زۆری کریارا جنسی ل کەل دکەر حەفت جارا و د دەمێن جودا جودا دا و دبێژیت: ھندی من خوە ژێ دا پاش ژی ئەوی ھەر زۆرداری ل گەل من دکر و نەدشیام باخڤم ژی گەف لمن دکرن و ئەز ترساندنم ب بھانەیا وێ چەندێ کو دێ سومعەتا من شکێنیت.
ژنەکا خودان زارۆ شکایەت ل زەلامێ خووشکا خوەکر ئانکو زاڤایێ خوە و ل بەرامبەری دادگەھێ گۆت: دەمێ ھەڤژینێ من ژ مال دچوو زاڤایێ من ب زۆری کریارا جنسی ل کەل من دکەر و حەفت جارا و د دەمێن جودا جودا دا ب سەرێ من ئینایە ھندی من خوە ژێ دا پاش ژی ئەوی ھەر زۆرداری ل گەل من دکر و نەدشیام باخڤم ژی گەف لمن دکرن و ئەز ترساندنم ب بھانەیا وێ چەندێ کو دێ سومعەتا من شکێنیت، گۆتژی ئەڤ تشتی وەل من کر زەلامێ من لبەر من رەش بیت لەوما من گۆتە بابێ خوە دێ خوە ژ ھەڤژینێ خوە دەمە بەردان چونکو زاڤایێ تە تەعدایی ل من کریە ب کێر زەلامێ خوە ناھێم. ھەڤژینێ وێ ژی بۆ دیدەڤانێ روودانەکێ وی ب چاڤ نەدیتی ئانکو ب تنێ یا گولێ بوویی دوپاتی ل سەر ھەمان ئاخفتنێن ھەڤژینا خوەکر ل بەرامبەری دادگەھێ و گۆتژی ھەڤژینا من داخاز ژمن کر وێ بەردەم من بەردا، بەلێ دەمێ من زانی ئەڤ تاوانبارە ئەگەرێ بەردانێ بۆ من ھەڤژینا خوە زڤراندەڤە.
زێدەتر گۆت: ئەڤ تاوانبارە وەکو مروڤاینی دھاتە مالا من من گومان ژ رەوشتێ وی نەدبر و دیسا من گومان ژ رەوشتێ ھەڤژینا خوە ژی نەدبر ئەڤە ١٠ سالە ئەم ل گەلێک بەلێ ئەڤی مرۆڤی بۆ خوە ئەڤ باوەریێ ب دەلیڤە دیت دا بگەھیتە مەرەما خوە.
ژلایێ خوەڤە پارێزەر ئالان عەبدولغەفار دبێژیت: پشتی دادگەھێ دوڤچوونا تەلەفونا کری ڤەدیتن و راپورتا تەندروستی دیار بوویی کو چ شوونوارێن دەرەکی نینن دیار بکەن کو ئەڤی مرۆڤی کریارا جنسی یا ل گەل ڤێ ژنێ کری، بۆ دادگەھێ دیار بۆ ژی لاپەرێ ڤی تاوانباری یێ بەرێ یێ سپییە و چ گرۆڤە ل سەر دیار نەبوون و دانپێدان ب تاوانا خوە نەکر بەرۆڤاژی گۆت: ب تنی جارەکێ ئەز و ھەڤالەکێ خوە چووین مە مالا وان بویاغکر، ئەڤ ژنە بێبەختیان لمن دکەت و زەلامێ وێ گەلەکێ ب گومانە، گۆتژی پشتی دادگەھێ بریار دایی ئەڤ کەسە بێ گونەە دەرکەت و چ ل سەر نەچوو، ئەڤێ ژنێ ئەڤ ئاریشە کر چونکو حەزژێ زەلامێ خوە نەدکر ١٧ سالان ژ وێ مەزنترە و د ڤیا ل گەل بژیت ئەڤ تاوانە ب دووڤ زاڤایێ خوەڤەنا سێ ھەیڤان ھاتە زیندانکرن ژبلی نەخۆشی و قەھرێ سەرەرای شکاندنا ناڤێ وی و خێزانا وی و زارۆیێن وی و ھەردو بنەمال ل بەرک رەش بوون.
پارێزەرێ ناڤھاتی دیارکر ژی کو ژلایێ شەریعەتی ڤە ھەکە چ ل سەر ڤی مرۆڤی دوپات نەبیت و چار دیدەڤان ژی نەبن یێ بێ گونەھە، ژلایێ قانوونیڤە قانوونا سزایێن عیراقی مادێ ٣٩٣ ێ دبێژیت ھەکە ھاتوو ئەو تاوانە ل سەر وی کەتبا دا سزایێ وی بیتە زیندانا ھەتا ھەتایێ ھەکە نە دێ ھێتە بەردان.
ھەر د ڤێ دەربارێدا حاجی بێسکی شارەزایێ جڤاکی دیارکر کو ئەڤ ژنکە ھەر ل دەستپێکا ژیانا خوە یا ھەڤژینیێ یا نە درست بوویە و ئەم نوزانین کا ڤێ کچێ چەوا ھە ڤژینی دگەل ڤی زەلامی کریە و بۆ حەژێ نەدکر مادەم ب دلێ خوە شووپێکریە دڤیابا یا رازیبا ب رزقێ خوە بەلێ دیارە ڤێ ژنکێ ئاریشێن دەروونی و چڤاکی ھەنە و غیرە ت ئاریشەیەکا بەربەلاڤە دناڤ جڤاکێ مەدا تایبەت لنک ژنێ، ئەڤە ھەموو ژ ئەگەرێ غیرە و حەسەدێ چێبوویە.