ئه‌ڤرۆ نیوز:
مه‌سرور بارزانى راوێژكارێ جڤاتا ئاسایشا هه‌رێما كوردستانێ ئاماژه ب وێ یه‌كێ كر سه‌رۆك بارزانى ده‌نگوباسێن خوه‌ش یێن ڤێ هه‌ین.
گوهداریا ده‌قێ ئاخافتنێن مه‌سرور بارزانى بكه‌ن.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
عەبادی بەرسڤا سەرۆک وەزیرێن ھنگاریا ددەت
پشتی سەرۆک وەزیرێن ھنگاریا ( فیکتۆر ئۆربان) د کۆنگرەکێ ھەڤپشک دا ل گەل سەرۆک بارزانی دوھی ل بۆدابستا پایتەختا وی وەلاتی راگەھاندی ئەو پشتەڤانیا سەربخوەیا ھەرێما کوردستانێ دکەن، ئەڤرۆ سەرۆکاتیا جڤاتا وەزیرێن عیراقێ بەرسڤا وی دا.
ئۆفیسا راگەھاندنا سەرۆکێ وەزیرێن عیراقێ د بەیاننامەکێ دا کو ئەڤرۆ سێشەمبی بەلاڤکری راگەھاند” مەندەھۆشیا خوە ژ داخویانیێن سەرۆک وەزیرێن ھنگاری (فیکتۆر ئوربان) یێن پشتەڤانیکرنا سەربخوەیا ھەرێما کوردستانێ دیاردکەین و وەکو مایتێکرنەکێ د کاروبارێن ناڤخوەیی یێن عیراقێ دا د ھەژمێرین”.
د بەیانناما ناڤبری دا زێدەتر ھاتیە” داخوازێ ژ ھەموو وەلاتان دکەین رێزێ ل سەروەریا عیراقێ و ئێکگرتنا ئاخا وێ بگرن و مایێ خوە د کاروبارێن وێ یێ ناڤخوەیی دا نەکەن و ھەلویستێ خوە ل دۆر رەتکرنا پرۆژێن پارچەکرنێ و پاراستنا عیراقا ئێکگرتی دوبارە دکەین”.
ھەر د وێ بەیاننامێ دا ھاتیە “ئەم پێشوازیێ ل ھەر پشتەڤانیەکا بۆ عیراقێ دھێتە کرن د شەڕێ دژی تیرۆرستێن داعشێ دکەین، لێ پێدڤیە ئەو پشتەڤانی ب رازیبوون و ب رێیا حوکمەتا عیراقێ بیت”.
ره‌وشا دراڤى ل بازارێن دهۆكێ
هاتنوچوونا هه‌رێمێ روونكرنه‌كێ به‌لاڤ دكه‌ت
ئه‌ڤرۆ نيوز:
رێڤه‌به‌ريا گشتيا هاتنوچوونا هه‌رێمێ ئاگه‌هداريا وه‌لاتيان دكه‌ت كو ئه‌ڤێن تابلۆيێن ترۆمبێلێن وان “فحص مؤقت” و نه‌هاتينه تۆماركرن، هه‌تا 31ى ڤێ هه‌يڤێ سه‌ره‌دانا رێڤه‌به‌ريێن هاتنوچوونێ ل پارێزگه‌هێن هه‌رێمێ بكه‌ن بۆ ئاماكرنا ترۆمبێلێن وان.
ب گۆره‌يى به‌ياننامه‌كێ كو رێڤه‌به‌ريا گشتيا هاتنوچوونا هه‌رێمێ به‌لاڤكريه و ئه‌ڤرۆ نيوز وێنه‌ك ب ده‌ست خوه ئێخستيه، تێدا هاتيه: رێڤه‌به‌ريا گشتيا هاتنوچوونا هه‌رێمێ ب گۆره‌يى مادێ 34 برگا “1” ژ قانوونا هاتنوچوونا ژماره 86 يا سالا 2014ێ به‌لاڤكريه‌كێ به‌لاڤ دكه‌ت و ئاگه‌هداريا هه‌موو ئه‌وان خودان ترۆمبێلێن هه‌لگرێن تابلۆيێن “فحص مؤقت” دكه‌ت يێن تۆمارنه‌كرى ل رێڤه‌به‌رييێن هاتنوچوونێ يێن پارێزگه‌هێن عيراقێ هه‌تا 31ى گۆلانا 2015ێ سه‌ره‌دانا رێڤه‌به‌ريا هاتنوچوونا دهۆك، هه‌ولێر، سلێمانى، سۆران، گه‌رميان، راپه‌رين بكه‌ن.
هاتيه ژى: “مه‌ره‌م ژ سه‌ره‌دانا وان بۆ ئاماده‌كرن پێدانا پێزانينێن ترۆمبێلێن وايه ب رێڤه‌به‌ريێن هاتنوچوونێ ب گۆره‌يى فۆرما تايبه‌ت”.
ژڤانێ كۆمبوونا نێچيرڤان بارزانى و نوونه‌رێن كورد ل به‌غدا هاته دياركرن
ئه‌ڤرۆ نيوز:
بڕياره سوبه‌هى سه‌رۆكێ حوكمه‌تا هه‌رێما كوردستانێ ل گه‌ل سه‌رۆك فراكسيۆنێن نێڤا جڤاتا نوونه‌رێن عيراقێ و وه‌زيرێن كورد ل به‌غدا كۆم بيت و هه‌لويستێ خوه ل سه‌ر كێم هنارتنا به‌هرا هه‌رێمێ ژ بودجه‌يى گه‌نگه‌شه بكه‌ن.
خسرۆ گۆران، سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ بۆ رووداو گۆت: “بڕياره سوبه‌هى رۆژا چارشه‌مبى رێكه‌فتى 13ى گۆلانا 2015ێ نوونه‌رێن كورد يێن ل به‌غدا كو پێكهاتينه ژ سه‌رۆكێن فراكسيۆنان و وه‌زيرێن كورد ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ كۆم ببن”.
پێشتر هاتبوو راگه‌هاندن كو نوونه‌رێن كوردان ل به‌غدا و سه‌رۆكێ حوكمه‌تا هه‌رێما كوردستانێ دێ پێكڤه روونن دا كو بگه‌هنه رێيه‌كا كا چ تشتێ باشه بهێته كرن به‌رامبه‌ر هه‌لويستێ به‌غدا يێ دروست نه‌هنارتنا پشكا هه‌رێما كوردستانێ ژ بودجێ.
چارشه‌مبيا بۆرى 6ى گۆلانا 2015ێ حوكمه‌تا به‌غدا 543 مليار دينار وه‌كو پشكا هه‌رێمێ ژ بودجێ هه‌يڤا سێ خسته سه‌ر حسابا هه‌رێما كوردستانێ، به‌لێ ل 11ى گۆلانا 2015ێ ب تنێ 488 مليار ژ وى پاره‌يى گه‌هشتن و ب گۆره‌يى به‌رپرسێن هه‌رێمێ ژى ئه‌ڤ پاره گه‌له‌ك كێمتره ژ ئه‌وێ بڕيار بوو بۆ هه‌رێمێ بهێته ره‌وانه كرن.
كۆمه‌لا ئيسلامى رۆژانێن گرێدانا كۆنگرێ خوه ده‌ستنيشانكرن
ئه‌ڤرۆ نيوز:
كۆمه‌لا ئيسلامى كوردستان رۆژا گرێدانا كۆنگرێ سيێ يێ خوه دياركر و ئه‌و بڕيار ژى د كۆمبوونا دووماهيێ يا سه‌ركرداتيا وێ حزبێ دا هاته دان.
دوهى رۆژا دوشه‌مبى رێكه‌فتى 11ى گۆلانا 2015ێ ب سه‌رۆكاتيا عه‌لى باپير جڤاتا سه‌ركرداتيا كۆمه‌لا ئيسلاميا كوردستانێ دووماهى كۆمبوونا خوه يا ئاسايى ل هه‌له‌بچه ئه‌نجام دا.
محه‌مه‌د حه‌كيم ئاخفتنكه‌رێ ب ناڤێ كۆمه‌لا ئيسلامى راگه‌هاند: پشتى ب دووماهى هاتنا كۆنفرانسێن ده‌ڤه‌ران كو قووناغا به‌رى كۆنگره‌يى بوو، دوهى سه‌ركرداتيێ رۆژا به‌ستنا كۆنگره‌يى ديار كر”.
محه‌مه‌د حه‌كيم گۆتژى: “رۆژێن 28 و 29 و 30ى گۆلانا 2015ێ كۆمه‌لا ئيسلامى هه‌لبژارتن كو تێدا كۆنگرێ سيێ بهێته ئه‌نجام دان و دێ ل هه‌ولێرا پايته‌ختێ هه‌رێما كوردستانێ بيت”، دا زانين كو 31ى گۆلانێ ژى دێ بيته بۆرينا 14 سالان ل سه‌ر راگه‌هاندنا وێ.
به‌رى 14 سالان و ب ره‌نگه‌كێ هوورتر ل 31ى گۆلانا 2001ێ كۆمه‌لا ئيسلامى جودابوونا خوه ژ بزاڤا ئێكبوونا ئيسلامى يا به‌رێ راگه‌هاند و كۆمه‌لا ئيسلامى دامه‌زراند و نوكه ئێكه ژ پێنج هێزێن سه‌ره‌كى يێن سياسى ل هه‌رێما كوردستانێ و خودان شه‌ش كورسيێن په‌رله‌مانى و دو وه‌زيرايه و سێ په‌رله‌مانتار ژى ل جڤاتا نوونه‌رێن عيراقێ يێن هه‌ين و ئێك وه‌زير ژى د كابينا عه‌بادى دا.
چێكرنا سيسته‌مێ ويندۆز دێ هێته راوه‌ستاندن
ئه‌ڤرۆ نيوز:
رێڤه‌به‌رێ په‌ره‌پێدانێ ل كۆمپانيا مايكرۆسۆفت ئاشكه‌را كر كو ويندۆزێ 10 دێ دووماهى ويندۆز بيت كو كۆمپانيا وان به‌رهه‌م بينيت.
جێرى نيكسۆن، رێڤه‌به‌رێ په‌ره‌پێدانێ ل كۆمپانيا مايكرۆسۆفت د كۆنگره‌كێ تايبه‌ت دا ل باژێرێ شيكاگۆ راگه‌هاند: ويندۆز 10 دووماهى ويندۆزه كو كۆمپانى دروست بكه‌ت، به‌لكو ب تنێ دێ ئه‌بده‌يت كه‌ت.
پاشان ژى ماكيرۆسۆفت د راگه‌هاندنه‌كێ دا ئه‌ڤ گۆتنه پشتراسكرن ئاماژه ب وێ چه‌ندێ كر كو ئۆپه‌ره‌يتێن سيسته‌مێ نوو يێ ويندۆزى به‌رهه‌م نائينن و ئه‌ڤا وان ڤيايى يێن پێ گه‌هشتين و ئێدى ب تنێ دێ ويندۆز 10 ئه‌بده‌يت كه‌ن.
ناڤێن 7 ئه‌ندامێن پارتى بۆ لژنا ئاماده‌كرنا دستوورى
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ دياركر كو پارتى ديموكراتى كوردستانێ ناڤێن خوه بۆ لژنا ئاماده‌كرنا دستوورى دياركرينه به‌لێ هه‌تا نوكه ئاراسته‌يى سه‌رۆكاتيا په‌رله‌مانى نه‌كرينه.
ئه‌ندامێ په‌رله‌مانێ كوردستانێ ژ فراكسيۆنا زه‌ر، فه‌رحان جه‌وهه‌ر بۆ مالپه‌رێ فه‌رميێ پارتى ديموكراتى كوردستان گۆت: “پارتى ديموكراتى كوردستان بۆ لژنا ئاماده‌كرنا دستوورى حه‌فت ئه‌ندام به‌ر دكه‌ڤن و ناڤێن وان هاتينه دياركرن، به‌لێ هه‌تا نوكه ئاراسته‌يى سه‌رۆكاتيا په‌رله‌مانێ كوردستانێ نه‌كرينه”.
گۆتژى: “ناڤێن ئه‌ندامێن پارتى ديموكراتى كوردستان بۆ لژنا ئاماده‌كرنا دستوورى پێكهاتينه ژ هه‌ر ئێك ژ شێروان حه‌يده‌رى، حاكم نه‌مر كه‌چۆ، ڤالا فه‌ريد، فه‌رسه‌ت سۆفى، حه‌كيم خه‌سرۆ، سيروان زه‌هاوى و فه‌رسه‌ت ئه‌حمه‌د”.
هه‌ر چه‌نده پێشتر نوونه‌رێن ئێكانه يێ ئێزديان ل په‌رله‌مانێ كوردستانێ، شێخ شامۆ، ئاماژه ب وێ چه‌ندێ كربوو كو پارتى دێ ژ به‌هرا خوه كورسيه‌كێ بۆ ئێزديان ته‌رخان كه‌ت، به‌لێ ب گۆره‌يى ڤێ داخۆيانيێ چو كه‌سێن ئێزدى د ناڤ لژنا به‌رهه‌ڤكرنا دستوورى دا نينن.
ئه‌وى ئه‌ندامێ په‌رله‌مانێ كوردستانێ ئاشكه‌را ژى كر كو ئه‌ڤه ناڤێن دووماهيێ نينن و ئه‌گه‌رێ وێ چه‌ندێ هه‌يه كو گۆرانكارى تێدا بهێنه كرن و وه‌كو ده‌سپێك ئه‌و ناڤه هاتينه دياركرن.
پێدڤيه فراكسيۆنێن ناڤا په‌رله‌مانێ د ماوێ هه‌يڤه‌كێ دا ناڤان ئاماده بكه‌ن و بگه‌هيننه سه‌رۆكاتيا په‌رله‌مانێ كوردستانێ.
ڤيديۆ: ڤه‌گه‌ريا سه‌ر كارێ خوه
پشتی ڤەقەتیانێ بۆ ماوی هەشت سالان ژ کارێن هونەری جارەکادی ئەکتەری بوارێ کۆمیدیا مستر بین ڤەگەریا مەیدانا هونەری و نووترین کارێ خوە پێشکێشی جەماوەرێ خوە كر.
داخوازا هه‌رێمبوونا نه‌ينه‌وا دهێته كرن
ئه‌ڤرۆ نيوز:
پارێزگارێ نه‌ينه‌وا داخوازا هه‌رێمبوونا پارێزگه‌ها خوه دكه‌ت و دبێژيت كو پێدڤيه ده‌سته‌لات ل عيراقێ د رێيا دامه‌زراندنا هه‌رێم و جوگرافيا وان ڤه بهێنه به‌لاڤكرن.
د گۆتاره‌كێ دا كو ل هه‌مبه‌ر په‌يمانگه‌ها برۆكينگز بۆ ڤه‌كۆلينا ستراتيژى ل واشنتۆن پێشكێش كر، ئه‌سيل نوجێفى، پارێزگارێ نه‌ينه‌وا راگه‌هاند: پێدڤيه ده‌سته‌لات ل عيراقێ د ريێا دامه‌زراندنا هه‌رێم و جوگرافيا وان ڤه بهێنه به‌لاڤكرن و روون ژى كر كو ب تنێ خه‌لكێ نه‌ينه‌وا دشێت خوه ژ ده‌ستێ تيرۆرێ ئازاد بكه‌ت.
د درێژاهيا گۆتارا خوه دا، پارێزگارێ نه‌ينه‌وا به‌حس ل وێ چه‌ندێ كر كو دامه‌زراندنا هه‌رێما نه‌ينه‌وا دێ ب دو قووناغان ده‌سپێكه‌ت؛ قووناغا ئێكێ هه‌رێما جوگرافيا نه‌ينه‌وا ل سه‌ر سنورێ ئيدارا پارێزگه‌هێ بهێته دامه‌زراندن و د قووناغا دويێ دا، دانوستاندن ل گه‌ل هه‌رێما كوردستانێ و پارێزگه‌هێن هه‌ڤسنورێن نه‌ينه‌وا بهێته كرن بۆ رێكخستنا په‌يوه‌نديێن د ناڤبه‌را وان دا.
ب گۆتنا نوجێفى، دامه‌زراندنا هه‌رێما نه‌ينه‌وا دێ ده‌رفه‌ته‌كێ ده‌ته پێكهاتێن ئه‌وى باژێرى دا كو مافێن خوه د وێ هه‌رێمێ دا ب پارێزن.
نيشاندان
WP Facebook Auto Publish Powered By : XYZScripts.com