وێنه‌كێ خوشیا به‌فرێ و وێنه‌كێ مرنا ژبه‌ر به‌فرێ

09/01/2015 23:41

263

ئه‌ڤرۆ نیوز: ره‌وان نهێلى

د.فه‌یسه‌ل قاسم پێشكێشكارێ به‌رنامێ الاتجاه المعاكس یێ كه‌نالێ ئه‌لجه‌زیره‌ د یه‌پجێ خوه‌یێ فێسبوكێ دو وێنه‌ داناینه‌ و تێدا نڤیسى یه‌” بشار ئه‌سه‌د، ب گرنژین ڤه‌ دچیته‌ نڤیسینگه‌ها خوه‌ و یێ دلخوشه‌ ب به‌فرا ره‌خ و دورێن وى، و ئاواره‌ زارۆیێن خوه‌ ژبه‌ر سه‌رما به‌فرێ كو مرینه‌، د ڤه‌شێرن، ئه‌ها ئه‌ڤه‌یه‌ سووریا به‌شار ئه‌سه‌د.
هه‌ژى گوتنێ یه‌، ئه‌ڤرۆ بشار ئه‌سه‌د، چه‌ند وێنێن خوه‌ ب هه‌لكه‌فتا هاتنا به‌فرێ به‌لاڤكرینه‌.

ژێده‌رێن ده‌نگوباسا به‌لاڤكرینه‌ كو ئێكه‌م زارۆیا سوورى د ژیێ 10 سالیێ دا كو ئاواره‌ى لوبنانى بووية، ل كه‌مپه‌كا وى وه‌لاتى ژبه‌ر دژواریا سه‌رما به‌فرێ گیانێ خوه‌ ژ ده‌ست دایه‌

فه‌رمانبه‌رێن هه‌رێمێ ل گه‌ل به‌غدا دێ مووچه‌ى وه‌رگرن

09/01/2015 22:53

890

ئه‌ڤرۆ نیوز:
ژێده‌ره‌كێ ژ وه‌زاره‌تا دارایى یا عیراقێ ئاشكراكر: بڕیاره‌ ل گه‌ل به‌لاڤكرنا مووچه‌ى ب فه‌رمانبه‌رێن عیراقێ ،ده‌ست ب دانا موچێن فه‌رمانبه‌رێن كوردستانێ بهێته‌ كرن.
ژێده‌رى بۆ مالپه‌رێ فه‌رمى یێ پارتى راگه‌هاندیه‌” گیروبوونا مووچه‌ى دێ ب دووماهى هێت، ژبه‌ر كو ل گه‌ل فه‌رمانبه‌رێن عیراقێ، فه‌رمانبه‌رێن هه‌رێمێ ژى دێ مووچه‌ى وه‌رگرن”.
دوهى رۆژا پێنجشه‌مبى، دلشاد شه‌عبان ئه‌ندامێ لژنا دارایى ل په‌رله‌مانێ كوردستانێ راگه‌هاندبوو” بڕیاره‌ هه‌فتیا بهێت، پشكا بودجێ هه‌رێما كوردستانێ ژ ئالیێ به‌غدا ڤه‌ بهێته‌ هنارتن و هه‌تا بودجێ عیراقێ ل په‌رله‌مانى په‌سه‌ند ببیت، بڕیاره‌ هه‌یڤانه‌ 750 ملیار دینار ژ ئالیێ به‌غدا ڤه‌ بۆ هه‌رێمێ بهێنه‌ هنارتن”.

ئه‌مریكا ژڤانێ هێرشا سه‌رانسه‌رى بۆ ژناڤبرنا داعش ل عیراقێ ئاشكراكر

09/01/2015 22:11

312

ئه‌ڤرۆ نیوز:

جەنراڵ مارتن دێمبسی، سه‌رۆكێ ده‌سته‌یا هه‌ڤپشكا سوپاسالارێن ئه‌مریكا راگه‌هاند كو ئه‌مریكا یا به‌رده‌وامه‌ بۆ به‌رسینگرتنا كریارێن داعش ل عیراقێ و ژناڤێ هێرشا به‌رفره‌ه بۆ سه‌ر داعش ل عیراقێ راگه‌هاند و گۆت: هێزێن مه‌ ل هه‌ولێر و به‌غدا چاڤه‌رێى هاتنا بهارێ دكه‌ن”.
مارتن گۆت: هێزێن مه‌ ل هه‌ولێر و به‌غدا نه‌روینشتیه‌ خار، به‌لێ چاڤه‌رێى هاتنا بهارێ دكه‌ن، به‌لێ نوكه‌ ژى یێ به‌رده‌وام كار بۆ لاوازكرنا داعش دكه‌ن.

هه‌ردو گونه‌هبار هاتنه‌ كوشتن

09/01/2015 21:21

226

ئه‌ڤرۆ نیوز:
ژ ئه‌نجامێ پوپه‌راسیونێن هێزێن ئێمناهیێ و پۆلیسێن فره‌نسا، هه‌ردو تومه‌تبارێن سه‌ره‌كى یێن هێرش كرینه‌ سه‌ر رۆژناما (چارلى ئیبدو ) ئه‌ڤرۆ ئێڤارى كوشتن.
ل دووڤ ژێده‌رێن ده‌نگوباسا، تومه‌تباره‌كێ دى ژى ل ده‌ڤه‌را (پۆرت دوفانسان) چه‌ند وه‌لاتى ل موله‌كا بازرگانى ب بارمته‌ گرتبوون، لێ ئه‌و ژى ژ ئالیێ هێزێن پۆلیسێن فره‌نسا ڤه‌ هاتنه‌ كوشتن و بارمته‌ هاتنه‌ ئازادكرن.

فاینشال تایمز: ئه‌ز نه‌ شارلی مه‌

09/01/2015 20:29

ئه‌ڤرۆ نیوز مه‌سعود خه‌له‌ف
د رۆژناما فاینشال تایمز یا بریتانی دا گوتاره‌ك یا نڤیسه‌ر روبرت شرینسلی هاتیه‌ ل ژێر ناڤێ‌ (كیفخوه‌ش بن كو كه‌سه‌ك ب ڤێ‌ وێره‌كیێ‌ هه‌بوو كو ببیته‌ شارلی).
ل ده‌ستپێكا گوتار خوه‌ نڤیسه‌ر دبێژه‌”ئه‌ز نه‌ شارلی مه‌) بێ‌ كو ئه‌ڤ ئێك نه‌رازیبوونا وی یا هه‌ڤدژی شێوازێ‌ كوڤارێ‌ بده‌ته‌ دیاركرن، به‌لكو به‌روڤاژی مه‌به‌ستێ‌ ، ئه‌و دخوازه‌ ببێژه‌، كو وی ئه‌و وێره‌كی نینه‌ ئه‌وا كو ده‌سته‌كا نڤیسه‌ران یا كوڤارا شارلی هه‌بوویه‌.
هه‌روه‌سا نڤیسه‌ر د گوتارا خوه‌ دا دبێژیت كو ئه‌ڤ خوه‌دی ده‌ركه‌تنا مه‌زن ژ لایێ‌ جیهانێ‌ ڤه‌ ل ڤان نڤیسه‌رێن كو بووینه‌ قوربانی و ێره‌كیا وان یا مه‌زن بۆ مه‌ دده‌ته‌ دیاركرن كو ئه‌ڤ جورێ‌ نڤیسه‌ران دكارن جیهانێ‌ ژی بگوهه‌رن.
ژ لایه‌كی دیڤه‌ رۆژناما تایمز گوتاره‌ك به‌لاڤكریه‌ یا نڤیسه‌ر تشارلز برمر ل ژێر ناڤێ‌ ” فره‌نسا ته‌مه‌نێ‌ پشتگوهئێخستان 6 مه‌لیون موسلمان دده‌ت”
ژ لایه‌كی دیڤه‌ نڤیسه‌ر د گوتارا خوه‌دا دبێژیت كو هه‌ر چه‌نده‌ جیهان ل دژی ڤێ‌ كریارێ‌ ئێك هه‌لوه‌ێست بوو، لێ دیسان هنده‌ك كه‌س هه‌نه‌ كو په‌نجێن تومه‌تباریێ‌ دده‌نه‌ پال ره‌فتارا ده‌وله‌تا فره‌نسا د گه‌ل كوچبه‌ران، له‌وما فره‌نسا نه‌شیا ببیته‌ ئێك د گه‌ل كوچبه‌ر و په‌نابه‌رێن ژ ره‌گه‌ز مه‌غربی.

دهۆك سه‌ركێشیا خولێ ژ زێره‌ڤانى وه‌رگرت

09/01/2015 17:45

ئه‌ڤرۆ نیوز، هه‌ژار مه‌عروف:
تیما ته‌پا پێ یا دهۆك به‌رده‌وامى دا ئه‌نجامێن خوه‌ یێن سه‌ركه‌فتنى ل وه‌رزێ ئه‌ڤ ساله‌ دخولا پلا نایاب یا هه‌رێما كوردستانێ دا پشتى د یاریا خوه‌ یا ئه‌ڤرۆ دا شیاى سه‌ركه‌فتنه‌كا گرنگ لسه‌ر یانا نه‌وروز توماربكه‌ت ب گوله‌كێ بێ به‌رامبه‌ر و سه‌ركێشا خولێ ژ تیما زێره‌ڤانى وه‌رگرت دوێ یاریێ دا ئه‌وا ئه‌ڤرۆ ل یاریگه‌ها دهۆكێ یا سێ د كه‌شو هه‌وایه‌كێ ساردا هاتیه‌كرن ، گولا دهۆك ل ده‌قیقا 22 ژلایێ یاریكه‌ر كامیران محه‌مه‌د هاتبوو توماركرن، ب ڤى ئه‌نجامى تیما دهۆك پێشڤه‌هاته‌ رێزا دوێ ب 22 خالان و ب جوداهیا گولان تیما زێره‌ڤانى ل رێزا دوێ دهێت .
ژلایه‌كى دى ڤه‌ ل یاریگه‌ها كه‌لار تیما زاخۆ توشى خوساره‌تیێ بوو لسه‌ر ده‌ستێ یانا شێروانه‌ ب دو گولان بێ به‌رامبه‌ر و ئارارات ب سه‌ركه‌فت لسه‌ر پێشمه‌رگا سلێمانیێ ب سێ گولان به‌رامبه‌ر دو گولا، هندرین ل گه‌ل برایه‌تى بێ گول وه‌كهه‌ڤ بوون و كه‌ركوك ب سه‌ركه‌فت لسه‌ر تیما سلێمانیێ ب گوله‌كێ بێ به‌رامبه‌ر.

ئێکگرتنا هێزا پێشمەرگەی ژ هەر دەمەکی گرنگترە

09/01/2015 17:37

101

ئەڤرۆ نیوز،زنار توڤی:
دکتور مەحمود ئوسمان سەبارەت ئێکگرتنا هێزا پێشمەرگێ کوردستانێ د تورا کومەلایه‌تیا فێسبوكێ دا بابەتەک بەلاڤکریە و تێدا دبێژیت:ئێکگرتنا هێزا پێشمەرگەی د هێزەکا نیشتیمانی دا ل ژێر دەسهەلاتا حکومەتا هەرێمێ ژ هەر دەمەکی گرنگترە،بتایبەتی ل شەرێ دژی داعشێ دا پێشمەرگەی ئەڤ چەندە سەلماند،نە بتنێ خوینا وان ل باشوری بەلکو خوینا وان ل هەر چار پارچێن کوردستانێ تێکەلبوو یە،چ هێجەت نینن بو جێبەجێنەکرنا ڤی ئەرکێ پیروز.
هەروەسا دبێژیت:هەموو پارت بتایبەتی پارتی و ئێکەتی دڤێت پێنگاڤا بهاڤێژن بو ئێکگرتنا ئاسایش و دەزگایێن دی یێن حکومەتێ،ئەڤەژی ئەرکەکە کو ل سالا ۲۰۰٦ وەرە هەموو لایەن باس دکەن و بەلێنا ددەن بو جێبەجێکرنێ.
مەحمود ئوسمانی ئەوژی گوت:سەرکەفتنا ڤی پروژەی پێدڤی ب بنبرکرنا گەندەلیێ و بن دیوارێن دناڤ وەزارەتان دا هەیە،بو وێ چەندێ مووچە و دەرمالێن پێشمەرگەی زێدە ببن کو شایستەی وێ چەندێ نە،لەورا راهێنانێن پێدڤی و دابینکرنا چەکێ قورس بو پێشمەرگەی زور دگرنگن،داکو داعشێ بشکێنن و دوور بێخن و کێمتر زەرەر و زیان هەبن.

د یاریا ڤه‌كرنا قاره‌مانیێ دا، هه‌لبژارتیه‌كێ عه‌ره‌بان خوسارت بوو

09/01/2015 17:19

ئه‌ڤرۆ نیوز، هه‌ژار مه‌عروف:
هه‌لبژارتیێ ئوسترالیا د یاریا ڤه‌كرنا قاره‌مانیا ئاسیا دا شیا پاشكه‌فتنا خوه‌ بكه‌ته‌ سه‌ركه‌فتنه‌كا مه‌زن لسه‌ر هه‌لبژارتیێ كوێت ب چار گولان به‌رامبه‌ر گوله‌كێ كو ئه‌ڤرۆ ده‌ست ب هه‌ڤركیێن قاره‌مانیێ هاته‌كرن ل یاریگه‌هێن وه‌لاتێ ئوسترالیا.
د ڤێ یاریێ دا هه‌لبژارتیێ كوێت ل ده‌قیقا هه‌شتێ شیا ب گولا یاریكه‌رێ خوه‌ حسێن فازل پێشكه‌ڤیت لێ یاریكه‌رێن خودانا یاریگه‌هێ نه‌ هێلا ئه‌و نیڤا ئێكێ كه‌یڤێ ب وێ سه‌ركه‌فتنێ بینن شیان به‌رى نیڤا ئێكێ ب دووماهى بهێت دو گولا ب رێكا یاریكه‌رێن خوه‌ تیم كاهیل و ماسیو توماركرن، ل نیڤا دوێ دا هه‌لبژارتیێ ئوسترالیا د رژد بوون لسه‌ر توماركرنا گولا و شیان دو گولێن دى ژى توماربكه‌ن ب رێكا یاریكه‌رێن خوه‌ میلى و جێمس تراوسى ل ده‌ قیقه‌یێن 62، 90 و هه‌لبژارتیێ خوه‌ به‌ره‌ڤ سه‌ركه‌فتنه‌كا مه‌زن بن د ئێكه‌م یاریى دا.
بریاره‌ سوباهى به‌رده‌وامى ب یاریێن ڤێ قوناغێ بهێته‌كرن ئه‌وژى كوریا ژورى ل گه‌ل عومان ژ یاریێن كوما ئێكێ و ئوزباكستان ل گه‌ل كوریا ژێرى و سعودى یه‌ ل گه‌ل چین د یاریێن كوما دوێ دا.

بزانه‌ هه‌لبژارتیێ عیراقێ ل سه‌ر ئاستێ جیهانى یا چه‌ندێ یه‌؟

09/01/2015 17:14

219

ئه‌ڤرۆ نیوز، هه‌ژار مه‌عروف:
هه‌لبژارتیێ عیراقێ یێ ته‌پا پێ یا به‌رده‌وامه‌ لسه‌ر پاشكه‌فتنا خوه‌ د لیسته‌یا نیڤده‌ولى یا فیفا دا بۆ هه‌لبژارتیێن جیهانى د دووماهى لیسته‌یا فیفا دا هه‌لبژارتیێ عیراقێ یازده‌ رێزا پاشڤه‌ چوو پشتى ئه‌وان ئه‌نجامێن لاواز ل ماوێ بورى توماركرین.
ئێكه‌تیا نیڤده‌ولى یا ته‌پا پێ لسه‌ر مالپه‌رێ خوه‌ دووماهى لیسته‌یا هه‌لبژارتیێن جیهانى دیاركرى یه‌ كو هه‌لبژارتیێ عیراقێ ل رێزا 114 دهێت ب 269 خالا و یا 13 لسه‌ر ئاستێ كێشوه‌را ئاسیا كو هه‌لبژارتیێ ئیرانى ل رێزا ئێكێ دهێت و 51 ل جیهانى و یابان 54 ، كوریا ژورى 69 دهێت د لیسته‌یا فیفا دا.
ل سه‌ر ئاستێ جیهانى هه‌تانوكه‌ هه‌لبژارتیێ ئه‌لمانیا سه‌ركێشیا هه‌لبژارتیێن جیهانى كه‌ت و هه‌ر ئێك ژ هه‌لبژارتیێن كولومپیا رێزا دوێ، ئه‌رجه‌نتین رێزا سێ، به‌لجیكا رێزا چارێ، هوله‌ندا رێزا پێنجێ، به‌رازیل رێزا شه‌شێ دهێن.

خوه‌ ل به‌ر ئاگرێ پانزینێ نه‌گرت

09/01/2015 17:08

450

ئه‌ڤرۆ نیوز، بارزان مزوورى
پشتى كو به‌ربوویه‌ پانزینخانا ل دوریانا ناحیا كه‌له‌كچى ل شه‌ڤا 23 لسه‌ر 24/12 ئه‌ڤ گه‌نجێ وێنێ وى دیار ب ناڤێ زیاد شاكر فه‌تحى ئاگر به‌ربوویى و بۆ نه‌خوشخانێ هاتبوو ڤه‌گوهاستن، به‌لێ ژبه‌ر گرانیا سوتنا وى، خوه‌ ل به‌رنه‌گرت و ئه‌ڤرۆ ل نه‌خوشخانا سوتنێ ل دهۆكێ گیانێ خوه‌ ژ ده‌ستدا.
ئه‌ڤ گه‌نجه‌ ئاكنجیێ كه‌له‌كچى بوو، پشتى 17 رۆژان ل نه‌خوشخانێ ماى، ئه‌ڤرۆ گیانێ خوه‌ ژ ده‌ستدا.

نيشاندان 1...1,940 2,940 3,940 3,9453,9463,947...4,170 زێده‌تر

لاپه‌ر 3,946 ژ 4,170