ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1310 |
| 1 يۆرۆيێ ئه‌ورۆپى | 1450 |
| 1 ليرێ توركى | 480 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
ل گۆری راپۆرت و راپرسین ددن زانین، ل ھەر سێ پارێزگەھێن ھەرێما کوردستانا عیراقێ 386 ژنان د کێمی سالەکێ دە خوە شەوتاندنە.
ھەتا نوھا، 57 ژ وان مرنە. ھندەک باوار دکن کو خوەکوشتنا ژنان ژ تەنگاڤیێن ئابۆری تێن، لێ ھەروسا باواری ھەیە کو ئەڤ یەک ئەنجاما پاشکەتنا جڤاکێیە.
بەیار باڤی، ڤەکۆلەرێ جڤاکی ل زاخۆ ددە زانین کو ژ سالا 1991 ڤە تا نوھا، خوەکوشتن گەلەکی د ناڤ ژنان دە بەلاڤ بوویە.
د ڤێ دەمێ کو ھەرێما کوردستان ل سەر گەلەک ئاستان پێشدە دکەڤە، د ئاستا جڤاکی دە ھین پاشکەتییە، چاڤدێر دبێژن.
گەلۆ چما د ڤێ سەدسالێ دە، ھین پرسگرێکێن ژ ڤ رەنگی ل کوردستانێ ساخن؟ بەیار باڤی ڤێ یەکێ ب کووراھی ژ گوھدارێن دەنگێ ئامەریکا رە شرۆڤە دکە.
ژێده‌ر: راديۆيا ده‌نگێ ئه‌مريكا
ئه‌ڤرۆ نيوز:
سه‌رۆك وه‌زيرێن عيراقێ چاره‌نڤيسێ خوه د پۆستێ خوه د ئێخيته به‌ر مه‌ترسيا ده‌سته‌لاتا عه‌لى سيستانى مه‌زنه مه‌رجه‌عێ شيعان ل عيراقێ.
ب گۆره‌يى ژێده‌ره‌كى كو بۆ رۆژناما “صباح الجديد” راگه‌هانديه، حه‌يده‌ر عه‌بادى سه‌رۆك وه‌زيرێن عيراقێ مان يان نه‌مانا خوه د پۆستێ خوه خستيه به‌ر ده‌ستێ عه‌لى سيستانى و سه‌رپشككريه كا چاوان مه‌ترسيێ ل گه‌ل پۆستێ وى بكه‌ت.
ئه‌وى ژێده‌رى راگه‌هانديه كو ئه‌و ئه‌ركێ كه‌فتيه سه‌ر ملێ عه‌بادى، گه‌له‌ك گران بوويه و گه‌له‌ك ژ وێ زێده‌تره ژ ئه‌وا حوكمه‌ت خوه ل به‌ر بگريت، ئاشكه‌را ژى كريه كو ژ لايێ چه‌ند دامه‌زراوێن ده‌ڤه‌رێ و پشته‌ڤانێن وى ل ناڤ عيراقێ گڤاشتن ل سه‌ر كريه، ئه‌ڤه ژى وه‌سان كريه كو عه‌بادى نه‌شێت ل گه‌ل هه‌ڤسه‌نگيا د ناڤبه‌را سياسه‌تا حوكمه‌تێ و پابه‌ندبوونا نێڤده‌وله‌تى دا دروست بكه‌ت.
ژێده‌رى ئه‌گه‌ره‌كێ دى يێ به‌ر سينگێ حه‌يده‌ر عه‌بادى ئاشكه‌را كريه و دبێژيت: “ژ لايێ هنده‌ك ژ لايه‌نێن نيڤ له‌شكرى بێ ڤه‌گه‌ريان بۆ فه‌رماندێ گشتيێ هێزێن چه‌كدار ل عيراقێ بڕيارێ ده‌ردكه‌ن و گوهـ ناده‌نه بڕيارێن حوكمه‌تێ.
سه‌ره‌دانا عه‌بادى بۆ ئه‌مريكا ئێكا دى يه ژ وان ره‌خێن ل عه‌بادى دهێنه گرتن و هنده‌ك ژ كوتله و لايه‌نێن سياسى نه‌درازى نه ژ مۆكميا په‌يوه‌نديا عيراقێ و ئه‌مريكا ژ لايێ له‌شكرى و ئه‌منى ڤه.
ئه‌ڤرۆ نيوز:
دوهى رۆژا ئێكشه‌مبى رێكه‌فتى 11ى گۆلانا 2015ێ، مه‌سعود بارزانى، سه‌رۆكێ هه‌رێما كوردستانێ ئه‌مريكا ب جهـ هێلا و ب سه‌ره‌دانه‌كا دو رۆژى گه‌هشته هنگاريا.
پێشتر فه‌لاح مسته‌فا، به‌رپرسێ فه‌رمانگه‌ها په‌يوه‌نديێن ژ ده‌رڤه يا هه‌رێما كوردستانێ راگه‌هاند بوو كو بارزانى بۆ ماوێ دو رۆژان دێ ل هنگاريا مينيت و ل گه‌ل سه‌رۆك وه‌زيرێن هنگاريا و به‌رپرسێن وى وه‌لاتى كۆم بيت.
ب گۆره‌يى ئه‌و زانياريێن ل به‌ر ده‌ست ئه‌ڤرۆ رۆژا دوشه‌مبى رێكه‌فتى 11ى گۆلانا 2015ێ سه‌رۆكێ هه‌رێما كوردستانێ و سه‌رۆك وه‌زيرێن هنگاريا دێ كۆم بن و د كۆمبوونێ دا كو يا تايبه‌ت ب پرسا شه‌رێ تيرۆرێ و كاودانێن سياسى و ئه‌منى يێن عيراقێ و هه‌رێما كوردستانێ.
هه‌ر ب گۆره‌يى ئه‌و زانياريێن رۆژنامه‌ڤانى بڕياره هنگاريا هاريكاريا له‌شكرى يا هه‌رێما كوردستانێ بكه‌ت و چه‌ندين شيره‌تكارێن له‌شكرى بۆ مه‌شقكرنێ ب هێزا پێشمه‌رگه‌يێ كوردستانێ ره‌وانه بكه‌ن.
ئەڤرۆ:
پەیڤدارێ دەستەیا پاراستن و چاککرنا ژینگەھا ھەرێما کوردستانێ لوقمان شێروانی دیارکر کو پالپشت ب دەستھەلاتا قانوونی یا ھژمار ھەشت یا پاراستن و چاککرنا ژینگەھا کوردستانێ، ب کۆژمێ 62 ملیۆن دیناران، 14 کۆمپانی ژ دھۆکێ و سێ ژ ھەولێرێ ژ بەر پابەند نەبوونا وان ب مەرج و رێنمایێن ژینگەھێ ھاتینە سزا دان.
لوقمان شێروانی ھەروەسا دیارکر کو ئەو کۆمپانی ھەر ئێک ژ سێ ملیۆنان ھەتا شەش ملیۆنان ھاتینە سزا دان، داھاتێ وان ژی دێ چیتە د سندۆقا ژینگەھێ بۆ پەرەپێدانا ژینگەھا ھەرێمێ ھێتە تەرخان کرن.
ئەڤرۆ:
وەزارەتا چاندن و ژێدەرێن ئاڤێ ل ھەرێما کوردستانێ بریار دا کو ئینانا گوشتێ مریشک و ھێک و بەرھەمێ مریشکان ھەر ژ دوھی 10ى گۆلانا 2015ێ ژ تورکیا بھێتە قەدەغە کرن.
وەزیرێ چاندن و ژێدەرێن ئاڤێ عەبدولستار مەجید د داخۆیانیەکێ دا کو خەندان بەلاڤ کری ئاشکرا کریە کو بریار ھاتیە دان ھەموو جۆرێن گوشت و بەرھەمێ پەلەوەران ژ وەلاتێ تورکیا بۆ ھەرێما کوردستانێ بھێتە قەدەغە کرن، ل دۆر ھوکارێ قەدەغە کرنێ ژی دیارکریە کو ل تورکیا حالەتێن پەیدابوونا نەخۆشیا ئەنفلوەنزا بالندان H5N1 ل دووڤ راپۆرتا ساخلەمیا ئاژەلی یا جیھانی OIE ھاتینە تۆمار کرن.
عەبدولستار مەجید ئەو ژی دیارکریە کو بجھئینانا ڤێ بریارێ دێ یا بەردەوام بیت ھەتا کو رێکخراوا ساخلەمیا ئاژەلی یا جیھانی ب فەرمی ئاگەھداریا وان بکەت کو ئەڤ نەخۆشیە ب دووماھی ھاتیە.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ب تمامى ئه‌ور بيت و باران ژى دێ ل جهـ و ده‌مێن جودا باريت و دبيت ل گه‌ل بارانێ بريسى ژى هه‌بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 12ى گۆلانا 2015ێ ئه‌سمان دێ ب تمامى ئه‌ور بيت و باران ژى دێ ل جهـ و ده‌مێن جودا باريت و دبيت ل گه‌ل بارانێ بريسى ژى هه‌بن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 17 بۆ 26 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.
ئه‌ڤرۆ نيوز:
د ماوێ 24 ده‌مژمێرێن بۆرى دا، ژ ئه‌نجامێ فشارێن نزمێن گزيرتا عه‌ره‌بى و ب گۆره‌يى راپۆرتا رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ رێژه‌كا باشا بارانێ ل وێستگه‌هێن جودا يێن هه‌رێمێ هاتيه تۆماركرن و پشكا شێرى ژ ڤێ رێژێ يا دهۆكێ بوو كو 9.2 ملم باران لێ باريه و ب ڤى ره‌نگێ ل خوارێ:
ئه‌ڤرۆ:
رۆژنامەکا تورکیا دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ریفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و رۆژھەلاتا ناڤین کەت.
رۆژناما حوریەت یا تورکیا د راپۆرتەکێ دا ب گرنگی بەحسێ سەرەدانا سەرۆکێ ھەرێما کوردستانێ بۆ ئەمریکا دکەت و دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ریفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و رۆژھەلاتا ناڤین کەت.
د بەردەوامیا راپۆرتێ دا ھاتیە دیار کرن کو رەنگە نھا دەما راگەھاندنا دەولەتا کوردی ژ ئالیێ ئەمریکا و کوردان ڤە نەھاتیە دیار کرن لێ وەسا خویا دکەت کو ئەمریکا ژی ئێدی رازیە کو د دەمەکی گونجای دا دەولەتا کوردان ل عیراقێ بھێتە راگەھاندن، ژ خوە ھەم ئۆباما و ھەم ژی جێگرێ سەرۆکێ ئەمریکا ب گرنگی ڤە بەحسێ سیاسەتا بارزانی و رۆلێ پێشمەرگە د راوەستاندنا داعشێ دا کرن و سۆپاسیا پێشمەرگە و حوکمەتا کوردان کرن کو ئەوە ژی ئاشکرا دکەت ئەمریکا ئێدی کوردان وەک ھەڤالێ خوە یێ سەرەکی دبینیت ل رۆژھەلاتا ناڤین دا و ئاخاڤتنێن بارزانی ل گەل ئۆباما و بەرپرسێن ئەمریکا گەلەک ب شارەزایی و ئاقلانە بوون و جارەکا دی دوپات کر ئەو نھا مژولن ب شەرێ ل دژی داعشێ و پشتی نەمانا داعشێ دێ خەباتا ریفراندومێ و پێنگاڤێن بۆ دەولەتبوونێ ب لەزتر ھێنە ئاڤێتن و ئەو یەک ژ ئالیێ ئەمریکا ژی ب گەرمی ھاتە پێشوازیکرن.
د بەردەوامیا راپۆرتا رۆژناما حوریەت یا تورکیا ھاتیە کو ب راستی ژی نھا ھێزا کو گوھۆرینان دروست دکەت یا کوردایە و ئەو یەک ھەم ل گەل ئەمریکا و ھەم ژی ل گەل ئێکەتیا ئوروپا رێزەکا مەزن بۆ کوردان دروست کریە و بێگومان دێ ئەنجامێن ڤێ یەکێ ژی ھەبن و وەسا دیارە کو د دەمەکێ نە زێدە دوور دا کورد دێ سوپرزەکا مەزن کەن.
رۆژناما حوریەت یا تورکیا د دووماھیا راپۆرتا خوە دا ئەو یەک ژی دیار کریە کو سیاسەتا ھێزێن ھەڤپەیمان و بەرژەوەندیێن ئەمریکا ل رۆژھەلاتا ناڤین وەک جاران نەماینە و ھاتینە گوھۆرین ئەو گوھۆرین ژی ھەری زێدە د بەرژەوەندا کوردان دایە و د قۆناغا نھا و پاشەرۆژێ دا یێن کو دێ تووشی زیانەکا مەزن بن تورکیا، ئیران و وەلاتێن عەرەبی نە و یێ سەرکەڤتی و قەزەنجکری ژی کورد و ھەڤپەیمانێن ئەمریکا نە، چونکو ئەمریکا و ئوروپا وێ راستیێ ژبیر ناکەن کا کوردان د شەرێ ل دژی رێکخراوا تیرۆرستی دا چەند قوربانی داینە و ئەو باش دزانن کو ھەکە پشتەڤانیێ ل کوردان بکەن دێ کورد ببنە ھەڤپەیمانێن وان یێ ستراتیژی ل دەڤەرێ و د رەوشا نھا دا وان پێدڤی ب ھەڤپەیمانەک ستراتیژی وەک کوردان ھەیە و کورد ژی وێ راستیێ باش دبینن و ل گۆر وێ یەکێ سیاسەتەکا راست برێڤە دبەن.
نيشاندان