ئه‌ڤرۆ نيوز:
ل ڤێره هنده‌ك ژ وان گۆلان به‌رچاڤى هه‌وه‌يێن هێژا دكه‌ين ئه‌وێن كو مێژوويا ته‌پا پێ ل جيهانێ گوهۆڕى كو پتريا وان گۆلێن گه‌له‌ك چاره‌نڤيس سازن و ژ لايێ ياريكه‌رێن ناڤدارێن جيهانێ هاتينه تۆماركرن.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
خوه‌نيشادانێن رۆژهه‌لات به‌رفره‌هـ دبن و گه‌له‌ك بريندار و گرتى ژى يێن هه‌ين
ئه‌ڤرۆ نيوز، نيوار محه‌مه‌د سه‌ليم:
رێكخستنا لێخوەشبوونا نێڤده‌وله‌تى (ئه‌منستی ئنترناشيۆنال) گازى ئیرانێ دکەت کو ھەمبەر خوەپێشاندەرێن کورد ھێزێکە گه‌له‌ك زێدە و نەپێدڤی ب کار نەئينن، هێمن سه‌يدى يێ نڤيسه‌ر و ڤه‌كۆله‌ر ژى دده‌ت زانين كو خونيشادانێن مهاباد يێن به‌رفرهـ بووين و گه‌له‌ك بريندار يێن هه‌ين و ژماره‌كا ئێكجار زێده يا هاتيه زيندانكرن ژى.
ب ھەزاران کەس ژ بوو شەرمزارکرنا دەستدرێژییا سكسيا ھەمبەر ژنا کورد “فه‌ريناز” رژیابوونه کۆلانان و ھێزێن ئه‌منى ژى ب توندی هێریش كره سه‌ر وان.
ئه‌منستی ئنترناشيۆنال د بەلاڤۆکا خوه دا راگه‌ھاند کو کاربدەستێن ئیرانی برینداربوونا، ھەری کێم، ٢٥ کەسان د بوویەرێن دوھی دا پشتراستکر کو د ناڤ وان دا حه‌فت پۆلیس ژی ھەنە.
لێخوەشبوونا نێڤده‌وله‌تى دیار دکەت کو د ناڤ گەل دا خەم و ترس ھەیە کو ھێزێن ئەمنى جارەکا دى ئه‌شكه‌نجه‌دان و تەپەسەرکرنا خوەپێشادەران بکەن، پشتی کو گازيا خوەنیشاندانێن نوو ھاتينه کرن.
جیگرێ رێكخستنا لێخوەشبوونا نێڤده‌وله‌تى ل رۆژھلاتا ناڤین ساد بۆمەدۆ گۆت: “پشتی توندوتيژیا دوھی، رەوشەکا گرژ و ئالۆز ل ماھاباد و باژێرێن دى یێن کوردان ھەیە”.
بۆمەدۆ گۆتژى: “مافێ ھێزێن ئه‌منيا جڤاکێ مسۆگەر بکه‌ن، لێ دڤێت ئەو ئێك ل گۆر پیڤانێن قانوونێن ناڤنەتەوی بن و ھێزەکا گه‌له‌ك دوار ل ھەمبەر خوەپێشانەران نەهێته بكارئينان”.
هێمن سه‌يدى يێ نڤيسه‌ر و ڤه‌كۆله‌ر ژى دده‌ت زانين كو ئه‌ڤ خونيشادانێن ل مهاباد و باژێرێن دى دهێنه كرن نه ژ بوو وێ چه‌ندێ يه كو ئۆتێلێ ب سوژن يان كاره‌كێ ژ وى ره‌نگى بكه‌ن، به‌لێ ژ بوو ئيدانه‌كرنا وێ كريارا ده‌ستدرێژيا سكسى يه يا ل هه‌مبه‌ر وێ كچا كورد هاتيه كرن و پێدڤيه ئه‌و كاربه‌ده‌ستێ ئيرانى يێ ئه‌ڤ كرياره كرى بگه‌هيته مافێ خوه.
بۆ پشكا كوردى ل راديۆيا ده‌نگێ ئه‌مريكا ئاماژێ ب وێ چه‌ندێ ژى دكه‌ت كو خونيشادانێن مهاباد يێن به‌رفرهـ بووين و گه‌له‌ك بريندار يێن هه‌ين و ژماره‌كا ئێكجار زێده يا هاتيه زيندانكرن ژى.
پێنج به‌رى نوكه ل ئێك ژ ئۆتێلێن باژێرێ مهاباد ل رۆژهه‌لاتێ كوردستانێ پشتى كو كه‌سه‌كێ پله‌دار ژ هێزێن ئه‌منى يێ سه‌ر ب هێزێن ته‌ناهيێ يێن كۆمارا ئيسلامى ل ئێك ژ ئۆتێلێن وى باژێرى ب ناڤێ “ئۆتێل تارا” بزاڤا ده‌ستدرێژى كريه سه‌ر كچه‌كا گه‌نج يا كورد ب ناڤێ “فه‌ريناز خوسره‌وانى”، كو ئه‌و كچ كارمه‌ند بووه ل وێ ئۆتێلێ و وێ ژى خوه ژ قاتێ چارێ يێ وێ ئۆتێلێ به‌ردايه خوار و گيانێ خوه ژ ده‌ست دايه.
وه‌كو نه‌رازيبوون به‌رامبه‌ر وێ ره‌فتارێ، ئه‌و كارمه‌ندێ سه‌ر ب هێزێن ته‌ناهيێ يێن ئيرانێ، ل رۆژا پێنجشه‌مبى رێكه‌فتى 7ى گۆلانا 2015ێ ب هزاران وه‌لاتيێن باژێرێ مهابادێ خوه‌نيشادانه‌كا به‌رفره‌هـ سازكر و ل ده‌مێ گه‌هشتنا هێزێن پۆليسێن باژێرى بۆ جهێ روودانێ كو به‌رامبه‌ر وێ ئۆتێلێ بوو يا روودان تێدا روودايى، شه‌ر و پێكدادان د ناڤبه‌را خوه‌نيشانده‌ران و هێزێن پۆليسان روودا.
كوڕێ پێشه‌وا قازى محه‌مه‌د، سه‌رۆكێ كۆمارا ئێكێ يا كوردستانێ ل مهابادێ كو د هه‌مان ده‌م سه‌رۆكێ پارتيا ئازاديا كوردستانێ يه به‌ياننامه‌ك ل دۆر روودانێن نوكه يێن مهاباد به‌لاڤكر و تێدا داخواز ژ وه‌لاتيێن رۆژهه‌لاتێ كوردستانێ كر كو دژى زۆرى و سته‌مێ ب راوه‌ستن و سه‌رهلدانان بكه‌ن.
دوهى ژى ل گه‌ل باژێر و باژێركێن وى رۆژهه‌لاتێ كوردستانێ بۆ ڤێ مه‌ره‌مێ خوه‌نيشادان هاتنه كرن و ژنێن ئامه‌دێ ژى ئه‌ڤ كاره د خوه‌نيشادانه‌كێ دا شه‌رمزار كر و ئه‌ڤرۆ ژى بڕياره ل دهۆكێ وه‌كو پشته‌ڤانى بۆ خوه‌نيشانده‌ران، خرڤه‌بوونه‌ك بهێته ئه‌نجام دان.
داعش داخوازيه‌كا مه‌ترسيدار ژ وه‌لاتيان دكه‌ت
عسمه‌ت ره‌جه‌ب به‌رپرسێ لقێ 14 يێ پارتى ديموكراتى كوردستان ل مووسل بۆ ئه‌ڤرۆ نيوز دياركر كو چه‌كدارێن تيرۆرستێن داعش به‌رى گۆتارا رۆژا ئه‌ينى ده‌ست پێ بكه‌ت هه‌موو مه‌لا كۆمڤه‌كرن و داخواز ژێ كر كو د گۆتارا خوه يا رۆژا ئه‌ينى دا بێژنه هه‌موو خه‌لكى ل سه‌ر وان پێدڤيه ريهێن خوه و پرچا خوه به‌رده‌ن و جلكێن وه‌كو يێن داعش ل به‌ر خوه بكه‌ن، يێ ڤى كارى ژى نه‌كه‌ت دێ ب دره‌نده‌ترين شێوه هێته سزادان.
ئه‌ڤ پێنگاڤا داعش د ده‌مه‌كى دايه كو هێزێن عيراقى و هه‌ڤپه‌يمان ئاماژێ ب وێ چه‌ندێ دكه‌ن كو كريارا ئازادكرنا مووسل يا نێزيك بوويى و ئه‌گه‌رێ وێ چه‌ندێ هه‌يه كو ئه‌وان ئه‌ڤ كاره كربيت دا كو وه‌لاتيێن مووسل و چه‌كدارێن داعش ژێك نه‌هێنه جوداكرن.
دا زانين ژى كو چه‌كدارێن تيرۆرستێن داعش به‌رى هه‌يڤه‌كێ بڕيار دابوو خودانێن كۆمه‌لگه‌هێن نوشدارى ل مووسل كۆمه‌لگه‌هێن خوه ب ئێكجارى ب دايخن و نوكه هه‌موو دايخستينه.
به‌رپرسێ لقێ 14 يێ پارتى ئاماژه ب وێ چه‌ندێ ژى كر كو ل رۆژا ئه‌ينى 8ى گۆلانا 2015ێ چه‌كدارێن رێكخراوا ئازاد ل ناڤ باژێرێ مووسل هێرش كره سه‌ر ئێك ژ سه‌ركردێن داعش ل تاخێ ئاريه‌جى و د ئه‌نجام دا ئێك ژ سه‌ركردێن مه‌زن يێن داعش ب ناڤێ مه‌لا ئه‌حمه‌د كوڕانى يێن به‌رنيسا ب عه‌بدولمه‌لك كوشت و هژماره‌كا چه‌كدارێن وى ل گه‌ل دهێنه كوشتن و بريندار كرن.
دهۆك دێ خرڤه‌بوونه‌كێ بۆ پشته‌ڤانيا رۆژهه‌لاتێ كوردستانێ ئه‌نجام ده‌ت
ئەڤرۆ نیوز، ناجی بەدەل:
ھێرش رەشید ئێك ژ رێکخەرێن خرڤەبوونا پشتەڤانیکرنا خوپێشاندانێن رۆژھەلات بۆ ئەڤرۆ نیوز دیارکر كو ئەڤرۆ رۆژا شه‌مبى رێكه‌فتى 9ى گۆلانا 2015ێ و ب ھاریکاریا چالاکڤانێن مەدەنیێن پارێزگەھا دھۆکێ دێ خرڤەبونەکێ بۆ پشتەڤانیکرنا باژێرێ مھابادێ و ئيدانه‌كرنا ئه‌و كرياريا دژى”فه‌رینازێ” ل پارکا ئازادی دەمژمێر 6:00 ئیڤاری رێكئێخين و گۆت: “پشكداريا دهۆكيان ب ئه‌رك دزانين”.
هێرش ئەو گۆتژى: “ئەو خرڤەبوون دێ بۆ ئیدانەکرنا كريارا دژى شەھیدا ھێمایا بەرخودانا گەلێ مە ل رۆژھەلاتا کوردستانێ (فه‌ریناز)ێ هێته كرن و پشتەڤانیکرنە بۆ بەرخودانا باژێرێ بریندارێ مھابادێ دا كو بگەھنە مافێن خوه یێن رەوا و کەسێن تاوانبار د وی کەیسێ دا ب توندترین شێوە بھێنە سزادان”.
داخواز ژ ھەموو لایەن و وەلاتی و گەنج و ئافرەت و ژنێن پارێزگەھا دھۆکێ ژى كر كو رۆل و جھێ خوه ھەبیت د وێ خرڤەبوونێ دا ژ بووی ببیتە رێگرتنەک و پەرژانەک ل دژی روودانێن ب ڤی ره‌نگى دا كو دووبارە نه‌بن.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ژ ئه‌وره‌كێ ناڤنجى بۆ ئه‌ورێن تمام هێته گوهۆڕين و ل ده‌ڤه‌رێن جودا و ده‌مێن جودا دێ باران ژى باريت و هنده‌ك جاران بريسى ژى ل گه‌ل دا بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن ده‌ريا ناڤه‌راست بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 10ى گۆلانا 2015ێ ئه‌سمان دێ ژ ئه‌وره‌كێ ناڤنجى بۆ ئه‌ورێن تمام هێته گوهۆڕين و ل ده‌ڤه‌رێن جودا و ده‌مێن جودا دێ باران ژى باريت و هنده‌ك جاران بريسى ژى ل گه‌ل دا بن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 14 بۆ 28 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.
كۆنگرێ په‌روه‌ردێ ده‌ست ب كارێن خوه دكه‌ت
قانوونا به‌رسينگگرتنا تيرۆرێ دێ هێته راستڤه‌كرن
ئه‌ڤرۆ نيوز:
ب مه‌ره‌ما راستڤه‌كرنا قانوونا به‌رسينگگرتنا تيرۆرێ ل هه‌رێما كوردستانێ لژنا مافێن مرۆڤى ل په‌رله‌مانێ كوردستانێ ل هۆلا لژنێ ل په‌رله‌مانى ل گه‌ل شانده‌كێ ئۆفيسا مافێن مرۆڤى سه‌ر ب نه‌ته‌وێن ئێكگرتى ل 6ى گۆلانا 2015ێ كۆمبوو.
د كۆمبوونێ دا شاندێ مێڤان تێبينيێن خوه ل سه‌ر قانوونان خستنه به‌رچاڤێ لژنا په‌رله‌مانى ب مه‌ره‌ما گۆرينا بيروبۆچوونا و د وێ ده‌ربارێ دا، لژنا په‌رله‌مانى ژى ژ لايێ خوه ڤه ته‌كست ل سه‌ر وێ چه‌ندێ كر كو هه‌رێما كوردستانێ قانوونا ژماره “3” يا سالا 2006ێ يا به‌رسينگگرتنا تيرۆرێ كێم و كاسى تێدا هه‌نه و ب ناڤێ قانوونێ پێشێلكاريا مافێن مرۆڤى هاتيه كرن و ده‌مێ ده‌رچوويى بۆ ماوێ دو سالان بوويه، به‌لێ هه‌تا نوكه بێ راستڤه‌كرن چار جاران كاركرن بۆ قانوونێ هاتيه درێژكرن.
هه‌ر د كۆمبوونا لژنا مافێن مرۆڤى ل په‌رله‌مانێ كوردستانێ، پشته‌ڤانيا خوه بۆ بزاڤێن يۆنامى دووپات كرن دا كو بزاڤێن خوه باشتر لێ بكه‌ت بۆ نه‌هێلانا ئه‌و كێم و كاسيێن د قانوونێ دا هه‌ين بۆ زێده‌تر پاراستنا مافێن مرۆڤى ل هه‌رێما كوردستانێ.
ڤيديۆ: ديدارا سه‌رۆك بارزانى ل گه‌ل پشكا كوردى يا راديۆيا ده‌نگێ ئه‌مريكا
په‌يامه‌ك ژ كوڕێ قازى محه‌مه‌د ل دۆر روودانێن مهابادێ
ئه‌ڤرۆ نيوز:
كوڕێ پێشه‌وا قازى محه‌مه‌د، سه‌رۆكێ كۆمارا ئێكێ يا كوردستانێ ل مهابادێ به‌ياننامه‌ك ل دۆر روودانێن نوكه يێن مهاباد به‌لاڤكر و تێدا داخواز ژ وه‌لاتيێن رۆژهه‌لاتێ كوردستانێ كر كو دژى زۆرى و سته‌مێ ب راوه‌ستن و سه‌رهلدانان بكه‌ن.
ده‌قێ په‌يامێ:
رۆلێن نه‌ته‌وێ كورد ل رۆژهه‌لاتێ كوردستان! جاره‌كا دى باژێرێ “پێشه‌وا” و پايه‌ختێ كۆمارێ ب روويێ زۆرى و تاوان و بێدادى و تارياتيێ دا په‌قى.
رابوون و سه‌رهلدانا ئه‌ڤرۆ يا مهابادێ، بيرهاتنا سه‌رهلدانا خوينگريى يا تێكوشه‌ريا كوڕێ پارتيا ئازادى كوردستان، شه‌هيد “شوانه سه‌يد قادره”.
هێرشكرنه سه‌ر كچا روو سورا كورد “فه‌ريناز خه‌سره‌وانى” سنبولا ده‌ستدرێژيا هێزێن داگيركه‌رێن ده‌وله‌تا ئيرانێ دژى هه‌موو رۆژهه‌لاێ كوردستانێ يه.
رابن ئه‌يى كورێن نه‌ته‌وا كورد، رابن ئه‌يى رۆژهه‌لاتێ بريندار و پر ئێش و ئازار هه‌ر ژ ورمێ و هه‌تا سنه و كرمانشان و ئيلام و لۆرستان، خوه بكه‌نه خودانێن خوينا فه‌رينازا شه‌هيد، مهابادێ ب تنێ نه‌هێلن و ئه‌ڤ جاره ژى دژى زۆرى و داگيركه‌ر و كوشت بڕيا رۆلێن نشتيمانى سه‌رهلدانێ بكه‌ن.
عه‌لى قازى محه‌مه‌د، سه‌رۆكێ پارتا ئازاديا كوردستانێ
8ى گۆلانا 2715ێ كوردسى
8ى گۆلانا 2015ێ زاينى
داعش مەزنترین مزگەفت ل بادوش پەقاند
ئەڤرو نیوز، بارزان مزووری:
عسمەت رەجەب، بەرپرسێ لقا 14 یا پارتی دیموکراتی کوردستان ل مووسل بۆ ئەڤرۆ نیوز دیار کر کو ئەڤرۆ 8ی گۆلانا 2015ێ چەکدارێن تیرۆرستێن داعش مەزنترین مزگەفت ل ناڤ سەنتەرێ ناحیا بادوش سەر ب پارێزگەھا مووسل ڤە پەقاند.
ناڤبری گۆتژی: “ئەو مزگەفت بەری جەند رۆژەکانە ژ لایێ داعش ڤە ھاتبوو ڤالاکرن ئەو کەلوپەلێن د ناڤ دا بۆ جھەکێ دی ھاتبوونە ڤەگوھاستن و ھاتبوو TNT و رێ ب خەلکی نە ددا بچنە د ناڤ دا.
بەرپرسێ لقا 14 یا پارتی دیموکراتی کوردستان ل مووسل دا زانین ژی کو ب بەھانەیا وێ چەندێ ئەو مزگەفت ھاتیە پەقاندن کو گوڕەک د ناڤ دا ھەبوو.
نيشاندان
WP Facebook Auto Publish Powered By : XYZScripts.com