ئه‌ڤرۆ نیوز، مه‌سعود خه‌له‌ف
ئەندامەکێ خولا به‌رێ یا جڤاتا نوێنەرێن عیراقێ مەحما خەلیل کو نوکە ل چیایێ شنگالێ یه ل گه‌ل كومه‌كا چەکدارێن خوبەخش كو بەرەڤانیێ ژ ئاخا پیروزا کوردستانێ دکەت بۆ ئه‌ڤرۆ نیوز راگەھاند : ب پشتەڤانیا سەروک بارزانی چیایێ شنگالێ ھاتە پاراستن و دلخوشیا خوه ب سەرەدانا سەروکێ حکومەتا ھەرێما کوردستانێ نێچیرڤان بارزانی بو چیایێ شنگالێ دیارکر.
مەحما خەلیل بو ئه‌ڤرۆ نیوز راگەھاند کارێ پێتڤی حکومەتا ھەرێما کوردستانێ بۆ دەڤەرا شنگالێ دێ کەت.
ئه‌ڤرۆ نیوز:
فازل نه‌بى رێڤه‌به‌رێ فه‌رمانگه‌ها كه‌شناسى و بیڤه‌له‌رزا هه‌رێما كوردستانێ راگه‌هاند سوبه‌هى روژا چوارشه‌مبى، دێ شه‌پوله‌كا به‌فر و بارانێ هه‌رێما كوردستانێ ڤه‌گریت و كاریگه‌ریا وێ شه‌پولێ هه‌تا رۆژا ئه‌ینى دێ یا به‌رده‌وام بیت.
فازل ئیبراهیم دیسا گۆت: شه‌پولا بارینا به‌فرێ دێ زێده‌ر كارتێكرنا خوه ل سه‌ر هه‌ردو پارێزگه‌هێن سلێمانیێ و دهۆكێ هه‌بیت، ب ره‌نگه‌كێ ل ناڤ سه‌نته‌ر و ده‌ڤه‌رێن وان یێن چیایى دێ به‌فره‌كا زور باریت و ب ره‌نگه‌كێ به‌رچاڤ دێ پلێن گه‌رمایێ هێنه خوار.
ئه‌ڤرۆ نیوز:
لژنا دارایى ل په‌رله‌مانێ عیراقێ ئاشكرا كر كو ژمارا فه‌رمانبه‌رێن عیراقێ كو ل خزینا گشتى موچه‌ى وه‌ردگرن، 3 ملیون و 230 هزار فه‌رمانبه‌رن.
فالح سارى ئه‌ندامێ لژنا دارایى ل په‌رله‌مانێ عیراقێ دیسا دیاركر كو ئه‌ڤ ژمارا دامه‌زراندنا فه‌رمانبه‌را ژ ئه‌گه‌رێ وێ چه‌ندێ بوویه كو خه‌لك ب ته‌زكیا حزبى و خزم خزمانێ هاتیه دامه‌زراندن و پاره‌یه‌كێ زور ب هه‌ده‌ر دچیت و گۆت: مه پێشنیاز كریه كو ئه‌و وه‌زاره‌تێن گه‌له‌ك فه‌رمانبه‌ر ژ ڤى جورى هه‌ین، د ته‌مه‌نه‌كێ زووتر دا بهێنه خانه‌نشینكرن.
سارى هه‌روه‌سا گۆت: رێژا ده‌رماله و موچان ل میزانیا بكاربه زێده‌تره ژ 51% و پێدڤیه چاڤ خشاندنه‌ك تێدا بهێته كرن.
ئه‌ڤرۆ نیۆز، سالار دۆسكى”
ب مه‌ره‌ما پتر خزمه‌تكرنا كه‌سانێن ده‌ست كورت و هه‌ژار و په‌ككه‌فتى، ب تایبه‌ت ته‌خا ئاواران ئه‌وێن نها ل كوردستانێ و باژێرێ دهۆكێ دژین، سه‌نته‌رێ رزگاریێ ره‌وشه‌نبیرى ب هه‌ڤكارى ل گه‌ل دو رێكخراوێن خێر خواز رابوون ب به‌لاڤه‌كرنا چه‌ندین هاریكارییێن دراڤى ل سه‌ر (50) خێزانان ئاواره كو ل ده‌رڤه‌ى كه‌مپا دومیز دژین.
دڤى بیاڤى دا، به‌یار دومیزى به‌رپرسێ سه‌نته‌رێ رزگارى ل ده‌ڤه‌را دومیز بۆ مالپه‌رێ ئه‌ڤرۆ نیۆز گۆت: سه‌نته‌رێ رزگارى ل دومیز ب هه‌فكارى ل گه‌ل رێكخراوا reach یا نافخوه‌یى و رێكخراوا Christian aid رابووینه ب به‌لاڤه‌كرنا بيست هزار دۆلاران ل سه‌ر (50) خێزانێن، په‌ككه‌فتى و ئێتیم و یێن ئاواره كو كوردێن رۆژئاڤانه و ل ده‌رڤه‌یى كه‌مپا دۆمیز دژین و هه‌ر خێزانێ (400) دۆلار گه‌هشتنێ.
ئه‌ڤرۆ نیوز، ناجی به‌ده‌ل:
رزا نائیف رێڤه‌به‌رێ تورا پاراساتنا جڤاكی ل پارێزگه‌ها دهۆكێ بو ئه‌ڤرۆ نیوز راگه‌هاند: رێڤه‌به‌ریا وان وه‌ك هه‌ر رۆژه‌كا ئاسایی ده‌ست ب ده‌واما خوه كریه و نه‌كریه بهێنڤه‌دان كو ل هه‌ریما كوردستانێ بهێنڤه‌دانه ب رۆژا له‌شكه‌ری ل عیراقێ.
ناڤبری ئه‌و چه‌نده ژی دازانین : ده‌وامكرنا مه وه‌ك ریزگرتنه‌ك بو پێشمه‌رگه‌ی و نها ل به‌رۆكێن شه‌ری قاره‌مانیا وان ئه‌م نها د ئه‌ڤێ ئارامیێ داینه و مه چ مفا و خێر ژ له‌شكه‌رێ عیراقی نه دیتی ژبلی كاره‌سات و ده‌رده‌سه‌ری .
رزا نائیف گوت ژی: ئه‌ڤ هزره ژلایێ چه‌ند كارمه‌نده‌كان هاته‌كرن و ب سه‌ر پشككرنا فه‌رمانبه‌ران و نها 95% یا فه‌رمانبه‌ران هاتینه ده‌واما خوه و وه‌لاتی ژی ل گوری ئه‌وێ نه‌خشه‌یێ بو هاتینه دانان دهێن بو ریڤه‌برنا مامه‌له‌یین خو ل ریڤه‌به‌راتیا مه .
ناڤبری ئه‌و چه‌نده ژی دیاركر كو پێگیربوونا وان ب قاره‌مانی و خوراگریا پێشمه‌رگه‌ی و وه‌ك رێزگرتن و وه‌فاداریه‌ك بو وان، وان نه‌كره بهێنڤه‌دان .
ئه‌ڤرۆ نیوز:
رێكخراوا دۆر بۆ پێزانینێن نه‌فتا هه‌رێما كوردستانێ راپۆرتا خوه یا سالا 2014 یا تایبه‌ت ب نه‌فت و غازا سروشتى ل هه‌رێما كوردستانێ به‌لاڤكر و راگه‌هاند كو یه‌ده‌كێ كوردستانێ یێ بلندبووى بۆ 58 ملیار به‌رمیلان.
راپۆرتێ ئاماژه دایه وێ یه‌كێ كو ل گور ئامارێن هه‌رێما كوردستانێ، هه‌رێم یێ شیاى ل سسالا 2003 هه‌تا 2013 نێزیكى 272 ملیون و 645 هزار و 911 به‌رمیلان به‌رهه‌م بینیت.
ئه‌ڤرۆ نیوز، ناجی به‌ده‌ل:
حه‌كیم عه‌بدولا رێڤه‌به‌رێ په‌یمانگه‌ها راهێنان و گه‌شه‌پێدانا په‌روه‌رده‌یی ل دهۆكێ بۆ ئه‌ڤرۆ نیوز راگه‌هاند: مامۆستا یێن هاتینه وه‌رگرتن و ڤاڤارتن و ژێك جوداكرن و گه‌له‌ك ماموستایان مه‌رج ژێ نه دگرتن بو ئه‌ڤێ په‌یمانگه‌هێ مه لاداینه هنده‌ك ماموستایێن دی مه ل جهێن وان داناینه كو مه‌رج ژێ بكرن.
رێڤه‌به‌رێ په‌یمانگه‌هێ ئه‌و چه‌نده ژی دازانین ئه‌وان خوه به‌رهه‌ڤكریه و ل گه‌ل كه‌ل و په‌لێن وانه‌گوتنێ و گۆت: “ئه‌و فه‌رمانبه‌رێن ل ڤێرێ ژی هه‌موو د به‌ره‌ڤن و دشێن نها ده‌ست بده‌وامێ بكه‌ین، لێ هێشتا فه‌رمان ژ وه‌زاره‌تێ بو مه نه‌هاتیه بو ده‌وامێ”.
حه‌كیم عه‌بدولایی ئه‌و ئێكه ژی دازانین كو ل سه‌ر ئاستێ هه‌رێمێ سێ په‌یمانگه‌هـ هاتینه دانان كو بو جارائێكێ یه و دڤێت هه‌ر سێ په‌یمانگه‌هـ ژی پێكڤه ده‌ست ب ده‌وامێ بكه‌ن لێ ژلایێ مه چ ئاریشه مه نه‌ماینه هه‌ر ده‌ما نڤیسارا ده‌وامكرنێ بگه‌هیت و دێ ئێكسه‌ر ده‌ست ب ده‌وامێ كه‌ین و بو وه‌زاره‌تێ گیرۆكر ئه‌م ئه‌گه‌ران نزانین.
ئه‌ڤرۆ نیوز، ناجی به‌ده‌ل:
شێخ شامو ئه‌ندامێ په‌رله‌مانێ كوردستانێ بو ئه‌ڤرۆ نیوز ل هه‌مبه‌ر داخوازكرنا شه‌نگالیان بو پاراستنه‌كا نیڤ ده‌وله‌تی راگه‌هاند:پشتی ئه‌و كاره‌ساتا دژوارا ب سه‌ر شه‌نگالیان هاتى، باوه‌ریا وان ب كه‌سایه‌تیا وان نه‌مایه، هه‌تا باوه‌ریا وان ب ده‌وروبه‌رێن وان بهێت و گۆت: ب هزر و نێرینا وان پارستنه‌كا نێڤده‌وله‌تى بۆ هندێ یه، داعش و نمونه‌یێن وه‌ك وێ نه‌هێنه سه‌ر وانڤه و نه رامانا وێ نه ئه‌وه دڤێن ژ هه‌رێمێ و به‌غدا جودا بن و سه‌ربه‌خو بن ئه‌ڤه دوره ژ راستیێ و به‌لكو گه‌ره‌نتیكرنا پاشه‌رۆژێ وان دڤێت.
ناڤبری ئه‌و چه‌نده ژی دازانین كو لایه‌نێن سیاسی دڤێ ره‌وشا هوسا نازك و په‌ریشانیێ دا بازاری ل سه‌ر شنگالێ دكه‌ن و مخابن ئه‌و لایه‌نێن سیاسی پشته‌ڤانیكرنا جوداكرنا شنگالێ ژ هه‌رێمێ ئه‌ڤه بێ خودیكرنا ئێزدیان و لێدانا چاره‌نڤیسێ ئیزدیانه و ل سه‌ر ئه‌ساسێ ململانیێن سیاسی بازاریێ دكه‌ن و د ئه‌نجام دانا مالا ئێزدیان خراب دكه‌ن.
ئه‌ڤرۆ نیوز، ناجی به‌ده‌ل:
د.عه‌بدولا جاسم ئه‌ندامێ لیژنه‌یا ساخله‌میێ و به‌كاربه‌را ل په‌رله‌مانێ كوردستانێ بۆ ئه‌ڤرۆ نیوز راگه‌هاند:دڤان رۆژێن چویی دا، ده‌نگو باسێ سیڤێن نایلونكری كو جوره‌كێ جیناتیێ ل سه‌ر دده‌ن بو جوانكرنێ گه‌هشتیه مه و گۆت: دووڤچوونا بابه‌تى یا دهێته كرن ، لێ تا نها ژ زه‌ره‌ر و زیانێن وێ بو مه ده‌رنه‌كه‌فتی نه لێ یا پێدڤی یه رێ و ئاوایێن خو پاراستنێ بگرینه به‌ر هه‌تا دگه‌هینه ئه‌نجامێ داویێ و پاشی ب رۆنی بو وه‌لاتیێ خو راگه‌هینین.
نيشاندان