ئه‌ڤرۆ نیوز:
ئه‌ڤرۆ وه‌زاره‌تا به‌ره‌ڤانیا عیراقێ د به‌یاننامه‌كێ دا راگه‌هاند كو وه‌جبا ئێكێ یا زریپوشێن ژ جورێ (MRAP) گه‌هشته وان و وه‌رگرتن كو دژى مینانه و دێ بۆ شه‌رى دژى داعش بكارئینن.
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سهرهكى Twitter
نابیت سوری، سودانی، فه‌له‌ستینی بچنه ڤى وه‌لاتى
ئه‌ڤرۆ نیوز، مه‌سعود خه‌له‌ف
حكوومه‌تا لیبی بریار دا كو ئێدی هه‌لگرێن ره‌گه‌زناما سودانی و سوری و فه‌له‌ستینی قه‌ده‌خه بكه‌ت كو بهێنه ناڤ ئاخا وێ.
هه‌روه‌سا وه‌زاره‌تا نافخو یا لیبیا ژی داخویاكرن كو ئه‌ڤ بریار ژ هه‌می ده‌ریێن سنوری یێن ئه‌ردى و ده‌ریایی و ئاسمانی دگریت.
ئه‌ڤ بریار هاتیه دان، پشتى كو زانیاری ته‌كه‌ز دكه‌ن كو هنه‌ك كه‌س ژ ڤان ره‌گه‌زنامان چووینه لیبیا و گه‌هشتینه رێزێن گروپێن ته‌روریستی ل باژارێ بنغازی يى ليبى.
یێ په‌شیمانه
ئه‌ڤرۆ نیوز مه‌سعود خه‌له‌ف
فرانسو هولاند سه‌رۆكێ فره‌نسا دا خویاكرن دڤێت فره‌نسا هاریكاریێ بده‌ته ئوپوزسیونا سووری و دبێژه ” ئه‌ز هه‌ست ب په‌شیمانيێ دكه‌م ژ به‌ر كو مه ده‌ستێوه‌ردان د سووری دا نه‌كر ل ده‌ما كو به‌شار ئه‌سه‌د چه‌كێن كیماووی ل سالا 2013 بكارئينان و نوكه داعش ده‌ركه‌تیه پێشبه‌ری مه، و ئه‌می ڤه‌كولینێ دكه‌ين كا چ په‌یوه‌ندی دناڤبه‌را ئه‌سه‌د و داعشێ دا هه‌یه”.
هه‌روه‌سا سه‌رۆكێ فه‌ره‌نسی دبێژه كو دڤێت رێكه چاره‌سه‌یه‌كی ببینن بۆ هاریكاریا وه‌لاتێن لێ قه‌ومای داكو هاتنا په‌نابه‌ران كێم ببيت بۆ وه‌لاتێن ئه‌وروپی. و دڤێت سنورێن وه‌لاتێن ئه‌وروپی موكومتر بكه‌ن ل هه‌مبه‌ر هاتنا په‌نابه‌ران.
نه‌هێلان زارویه‌كێ قه‌ره‌چ ل گورستانێ بهێته ڤه‌شارتن
ئه‌ڤرۆ نیوز، مه‌سعود خه‌له‌ف
باژێرڤانیا باژارێ شامبلان، باشوری پاریس، ده‌ستوورییا ڤه‌شارتنێ د گۆرستانا وی باژاری دا نه‌دا زارویه‌كه قه‌ره‌چ ..
ل گور رۆژناما لوباریزیان ژ زارده‌ڤێ سه‌روكێ باژێرڤانیا شامبلان گۆتیه: ” جهێن ڤه‌شارتنا مرییان دكێمن، و ئه‌م ده‌رفه‌تێ پتر دده‌نه كه‌سێن كو باجا خوه داینه”.
ڤێ بریارێ هێرش و نه‌رازیبوون ل ده‌ف چالاكڤانێن دبوارێ مافێن مرۆڤان دا په‌یداكر و په‌یڤدارێ ب ناڤێ رێكخراوێن مه‌ده‌نی گۆت “ئه‌ڤ بریاره‌كه نه‌ژادبه‌ره‌ست و دژبه‌ری بیانیاییه”
فره‌نسا وه‌كو جوارترین وه‌لاتێ ئه‌ورپی دهێته ل قه‌له‌مدان د ره‌فتارا خوه یا ل گه‌ل قه‌ره‌چێن كوچبه‌ری فره‌نسا بویین و لێ دژین .
پرانیا قه‌ره‌چان ل فره‌نسا دژین و هه‌ژمارا وان دگه‌هیته 20 هه‌زاران و خانیێن زێده‌گاڤی داناینه.
وێنه‌یى: سه‌ره‌دانا نێچیرڤان بارزانى بۆ شنگال
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ سه‌را ناحیا سنوونێ و مه‌زارگه‌هێ شه‌رفه‌دین ل چیایێ شنگال دا.
بارزانى دیاركر: پشتى پروسا ئازادكرنا شنگالێ، دێ خزمه‌تگوزاریێن تمام بۆ دابین كه‌ین كو ژیان بۆ ده‌ڤه‌رێ ڤه‌گه‌ریت و خه‌لك ڤه‌گه‌ریته سه‌ر مال و مولكێ خوه، یا ژ ده‌ستێن مه بهێت دێ بۆ خه‌لكێ شنگالێ كه‌ین.
ئه‌مریكا جهێ به‌غدادى دزانیت، بزانه دێ چ سال ژ ناڤ به‌ت؟
ئه‌ڤرۆ نیوز:
سیناتور جون مه‌كین سه‌رۆكێ لژنا به‌ره‌ڤانیێ ل كونگرێسێ ئه‌مریكا ئاشكرا دكه‌ت كو باراك ئوباما سه‌رۆكێ ئه‌مریكا جهێ ئه‌بوبه‌كر به‌غدادى سه‌رۆكێ رێكخراوا داعش دزانیت و به‌رى هه‌لبژارتنێن 2016 یێن ئه‌مریكا، پرسا داعش و سه‌كردێ وێ دێ ئێلاكه‌ت.
پێشتر جون كیرى وه‌زیرێ ده‌رڤه‌ریێ ئه‌مریكا ئاشكربوو كو ب دووماهى هاتنا رێكخراوا داعش پێدڤى ب سێ سالانه.
وه‌ره بگره ده‌ستێ من
هاته قه‌ده‌غه‌كرن
ئه‌ڤرۆ نیوز:
عه‌بدولستار مه‌جید، وه‌زیرێ چاندن و ژێده‌رێن ئاڤێ، ئه‌ڤرۆ راگه‌هاند كو وان بڕیاردایه ئینانا سێڤا سور یا ئیرانێ بۆ هه‌رێما كوردستانێ بۆ ده‌مه‌كێ نه‌دیار بهێته قه‌ده‌غه‌كرن ژبه‌ر كو ئه‌ڤ سێڤه نیشانا خراببوون و بهێنگه‌نیێ ژێ په‌یدبوینه و مه‌ترسى بۆ سه‌ر تێكچوونا ره‌وشا ساخله‌میا وه‌لاتیان لێ
دهێته كرن.
وه‌زیرێ چاندنێ دیاركر كو بۆ ڤێ مه‌ره‌مێ وان هه‌موو خالێن سنورى ئاگه‌هداركرینه كو بۆ ده‌مه‌كێ نه‌دیار نه‌هێلن ئه‌ڤ سێڤه بهێته ناڤ هه‌رێمێ.
كه‌نگى ده‌رمالێن قوتابیێن زانكۆیێ دێ هێنه مه‌زاختن؟
ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستى راگه‌هاند بڕیاره د ڤێ حه‌فتیێ دا، نیڤا ده‌رمالێن قوتابیان ل هه‌موو زانكۆ و په‌یمانگه‌هێن حكومى بهێنه به‌لاڤكرن كو ژ ئه‌گه‌رێ قه‌یرانا دارایى گیروبووینه.
فوئاد عه‌لى په‌یڤدارێ وه‌زاره‌تا خواندنا بلند دیاركر كو قه‌یرانا دارایى بوویه ئه‌گه‌ر كو ماوێ سێ هه‌یڤان ده‌رمالێن قوتابیان بهێنه گیروكرن، به‌لێ د ڤێ حه‌فتیێ دا، نیڤا وێ دێ هێته دابه‌شكرن.
ل زانكۆ و په‌یمانگه‌هێن سه‌ر ب وه‌زاره‌تا خواندنا بلند ڤه، نێزیكى 100 هزار قوتابى یێن هه‌ین و كوژمێ ده‌رمالێن وان یێن جودانه، یێن ناڤ باژێرێ 40 هزار دیناران هه‌یڤانه وه‌ردگرن، یێن ده‌رڤه‌ى باژێرى ژى هه‌یڤانه 60 هزار دیناران وه‌ردگرن.
فوئاد عه‌لى دیاركر پشتى چاره‌بوونا قه‌یرانا دارایى، دێ ده‌رمالێن قوتابیان هه‌یڤانه د وه‌ختێ خوه‌دا هێنه دان و گیرو نابن.
ڤيديۆ: رێڤه‌به‌رێ پۆليسێن دهۆكێ ده‌سته‌سه‌كرنا چه‌ندين تاوانباران راگه‌هاند
ئه‌ڤرۆ نيوز:
رێڤه‌به‌رێ پۆليسێن پارێزگه‌ها دهۆكێ، عه‌ميد تارق ئه‌حمه‌د ده‌سته‌سه‌ركنا چه‌ندين تاوانباران راگه‌هاند كو هنده‌ك ژ وان تاوانێن كوشتنێ ئه‌نجام داينه و هنده‌ك ژى ژ ئه‌گه‌رێ دزيكرنێ بووينه.
ئاماژه ب وێ چه‌ندێ ژى كريه كو دو ژ ئه‌و كه‌سێن د كه‌يسێ كوشتنا شۆفێرێ ته‌كسيێ دا هه‌ين، يێن چووين گه‌هشتينه چه‌كدارێن داعش
نيشاندان
WP Facebook Auto Publish Powered By : XYZScripts.com