ئەڤرۆ:
وەزیرێ بەڕەڤانیا عیراقێ دیار کر کو لەشکرێ عیراقێ نوکە مژوولی خوە ب ھێزکرن و رێکخستێ یە و ل گەل رزگارکرنا مووسل، داعش دێ ل عیراقێ ژ ناڤ چیت.
خالد عوبێدی ئاشکرا کر کو حوکمەت و وەزارەتا بەڕەڤانیا عیراقێ د پڕچەککرنا ھێزێن خوە د بەردەوامن و دێ لەشکرەکێ ب ھێز کو شیانێن پاراستنا عیراقێ ھەبن، ئاڤەکەنە ڤە.
بسپۆرێ ستراتیژی د وارێ رۆژھەلاتا ناڤین دا خوان کلۆد، دبێژیت: “دەرخستنا داعش ژ مووسلێ دێ ئێک ژ مەزنترین ئاستەنگان بن یێن دکەڤنە د رێیا باراک ئۆبامای دا ل سالا 2015 کو پنتاگۆنێ ل بەرە ھێرشا سەرتاسەری یا سەر مووسلێ ل بوھارا ئەڤ سالە دەست پێ بکەت”.
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سهرهكى Twitter
فۆكس نیوز: پرچه‌ككرنا پێشمه‌رگه‌ى د به‌رژه‌وه‌ندیا ئه‌مریكا دایه
ئه‌ڤرۆ نيوز:
رۆژناما (فۆكس نیوز) یا ئه‌مریكی، د راپۆرته‌كا خوه‌دا ئاماژێ ب به‌رخوه‌دان و ئازایه‌تیا هێزێن پێشمه‌رگێ كوردستانێ دكه‌ت كو ل به‌ره‌یێن شه‌ڕى دژى تیرۆرستێن داعشێ سه‌ركه‌فتن بده‌ستڤه‌ئینایه و دبێژیت ژى، د به‌رژه‌وه‌ندیا ئاسایشا ئه‌مریكا دایه چه‌كێ پێشكه‌فتى بده‌ته پێشمه‌رگه‌ى و پێشمه‌رگه ژى ب هه‌ژى دیتیه بۆ پرچه‌ككرنێ.
هێرشا داعش یا رۆژئاڤایێ شنگالێ هاته شكاندن
ئه‌ڤرۆنیۆز، ڤه‌گێر:
عه‌مید به‌هرام یاسین بۆ ئه‌ڤرۆنیۆز دیار كر كو ئه‌ڤ شه‌ڤه ل ده‌مژمێر 7:50 ده‌قیقه داعش ژلایێ رۆژئاڤایێ شنگالێ ڤه هێرش كره سه‌ر هێزا پێشمه‌رگا، به‌لێ پێشمه‌رگا به‌رسڤا وان و هێرشا وان شكاند.
عه‌مید به‌هرام ئاماژه ب وێ یه‌كێ دا كو ژ ئه‌نجامێ وێ هێرشێ چو زیان نه‌گه‌هشتینه پێشمه‌رگه‌ى.
هه‌ر ل دور ڤى بابه‌تى په‌رله‌مانتارێ خولا به‌رێ یێ په‌رله‌مانێ عیراقێ مه‌حما خه‌لیل گۆت: (داعش شیانێن هێرشا نه‌ماینه و نوكه پێشمه‌رگه د بزاڤا وێ چه‌ندێ دایه كو رێیا سوریێ ژ داعش بگریت، كو رێیه‌كا ستراتیجی یه بۆ بازرگانیا داعش).
پاتریا وێ دێ 10 ده‌مژمێران خوه گریت
ئه‌ڤرۆ نیوز، ناجی به‌ده‌ل:
كومپانیا سامسونگ راگه‌هاند كو ل ده‌مه‌كێ نێزیك به‌رهه‌مه‌كێ نوو ژ به‌رهه‌مێ كومپانیێ ئه‌و ژی لاپتوپه كه و تا نها وه‌ك وێ نه‌هاتینه درۆستكرن .
لاپتوپێ نوویێ سامسونگێ ناڤێ وێ ( ATIV BOOK 9 Ultrabook) یه ستوراتیا وێ 1.14 سانتیمه‌تره و گرانیا وێ 948 گرامه.
پرۆسیسه‌رێ ئه‌وی لاپتوپی ژ جورێ (core m) كو تایبه‌ت بو ئه‌وی جورێ لاپتوپی هاتیه درۆستكرن و شاشه‌یا وێ ب (uhd) ئانكو 1440*2560 پیكسله و قه‌باره‌یا وێ 12.2 ئینجه و هاردێ وێژی 256 گێگایه و رام ژی 8 گێگایه .
هه‌روه‌سا كومپانیا ناڤبری ئه‌و چه‌نده ژی دیاركر كو پاتریا ئه‌وی لاپتوپی 10 ده‌مژمێران به‌رده‌وام دبیت بو كاركرنێ و ل دووماهیكا ئه‌ڤێ سالێ كه‌ڤیته بازاری و ب نرخێ 1200 دولاران.
ده‌میرتاش : دێ بسناهى مه‌رجێ 10% ده‌رباز كه‌ین
ئه‌ڤرۆ نیوز، مه‌سعود خه‌له‌ف
ھەڤسەرۆکێ گشتی یێ HDP سه‌لاحه‌دین دەمیرتاش د کۆنگرەیا پارتیا خوەیا باژارێ وانێ دە گۆت “ئەمێ ب ھێسانی مه‌رجێ 10% دەرباز بکه‌ین. گوھ نەدن وان کەسێن کو دخوازن مە د بن بەندا ھلبژارتنێ دا بھێلن. ئارمانجا مە؛ نە دەرباسکرنا بەندا ژ سەدی 10%، ئارمانجا مە دەرباسکرنا ژ 15% یه”
دەمیرتاش د کۆنگرەیا پارتیا خوەیا باژارێ وانێ دە گۆت، مەبەستا مە برێڤەبرنا ترکیێه.
ھەڤسەرۆکێ گشتی یێ HDP سه‌لاحه‌دین دەمیرتاش دا زانین ژی و گۆت “ده‌ما ئەم ببه‌نه دەستھلاتدار دڤێ کەس نەترسە، ژ بەر کو ئەمێ وان ژی بکن ده‌سهه‌لاتدار. ژ بەر کو دەما ئەم ببه‌ن دەستھلاتدار ب تەنێ کورد نابن دەستھلاتدار؛ ترک، ئه‌رمه‌ن ، ئازەری ، ئەرەب، و هه‌ر كه‌ش ژی دێ بێژە، ئەز ژی دڤێ دەستھلاتداریێ دا ھەمە.”
نێچیرڤان بارزانى ل زوومار ئه‌ڤ بڕیاره دان
ئه‌ڤرۆ نیوز:
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ، سه‌را میحوه‌رێ رۆژئاڤا دیجله ل ده‌ڤه‌را سحێلا و سنوورێ زوومار دا و ل گه‌ل فه‌رمانده و به ر‌پرسێن سه‌ربازى یێن میحوه‌رى به‌حسێ پێدڤیێن پێشمه‌رگه‌ى ل به‌ره‌یێن شه‌رى كر و بڕیار دا كێشا نه‌بوونا كاره‌بێ ل زوومار بهێته چاره‌كرن و جاره‌كادى خزمه‌تگوزاریێن گشتى بۆ زوومار بهێنه پێشكێشكرن.
پاشان د سه‌ره‌دانا خوه‌دا بۆ ناڤه‌ندا سه‌نته‌رێ زوومار، نێچیرڤان بارزانى سه‌را باره‌گایێ زوومار یێ پارتى و كومیتا زوومار یا ئێكه‌تیێ كر كو ب تنێ ئه‌ڤ دو باره‌گایه پشتى رزگاركرنا زوومار ڤه‌گه‌ریاینه، بارزانى گۆت” دڤێت كێشا نه‌بوونا كاره‌بێ بهێته چاره‌كرن و جاره‌كادى خزمه‌تگوزاریێن گشتى بۆ زوومار بهێنه پێشكێشكرن”
كریارێن نه‌ژادپه‌رستى ل ئورۆپا دزێده‌بوونێ دانه
ئه‌ڤرۆ نیوز، مه‌سعود خه‌له‌ف
ل وەلاتێن ئورۆپا د ڤان رۆژێن داوی دا نژادپەرستی زێدە بوویە. ئێك ژ وان وەلاتان ژی ئەلمانیایە کو ٣ ملیۆن وەلاتیێن تورک لێ دژین ل گه‌ل گه‌له‌ك وه‌لاتیێن ژ نه‌ته‌وه‌یێن جودا جودا یێن موسلمان.
ل ئەلمانیا کو خانی و مزگەفت دھاتن شەوتاندن، ڤێ جارێ ژی نژادپەرستان ئێریش برنه سەر قوتابخانان.
ل نێزیكى باژارێ Dormagen ل ھاجکەنبرۆچێ ل سەر دیوارێن قوتابخانا سەرەتایی یا بناڤێ Burg و قوتابخانا دواناڤنجی یا بناڤێ AM Laybnîz نڤیسێن نژادپەرەستی ھاتن نڤیسین.
د نڤیسان دا ده‌ڤ هاڤێتن ترکان و ژ بۆ وان گۆتنێن نه‌خوه‌ش هاتنه نڤیسین ل دور ڤان بوویه‌ران پۆلیسان ده‌ست ب لێكولینانكریه.
ھەروھا ل سەر دیوارێن مزگەفتا کو هێشتا د قوناخا ئاڤاكرنێ دا بوو ل Dormagenê نڤیسێن نژادپەرەستی ھاتبوون نڤیسین.
هه‌ژی گۆتنێ یه كو بوویه‌رێن ب ڤی ره‌نگی ژ ده‌ما ده‌ركه‌تنا داعش ل رۆژهه‌لاتا ناڤین د زێده‌بووینه و به‌ری نها لایه‌نگرێن داعش ژی خوه‌نیشاندانك د پایته‌ختا ئه‌لمانیا دا دروستكربوون.
د دوو ده‌قیقا دا پاشكه‌فتنا خوه كره پێشكه‌فتن
ئه‌ڤرۆ، هه‌ژار مه‌عروف:
به‌رى ده‌مه‌كێ كورت تیما ته‌پا پێ یا ئامه‌د سپور شیا پاشكه‌فتنا خوه بكه‌ته پێشكه‌فتن و شیا سه‌ركه‌فتنه‌كا گرنگ و ب زه‌حمه‌ت لسه‌ر یانا ئه‌نقه‌ره خوجو توماربكه‌ت ب سێ گولان به‌رامبه‌ر دو گولان د چارچوڤێ یاریه‌كا پاشخستى دا ژ خولا پلا دو یا توركیا.
دڤێ یاریێ تیما ئامه‌د ل دقیقا 50 گولا ئێكێ توماركر بوو لێ تیما مێڤان یانا ئه‌نقه‌ره خوجو ب دو گولان ل دهقیقهیێن 56-87 پێشكه‌ڤت بوو، لێ ئه‌وان گه‌له‌ك كه‌یف ب هه‌ردو گولێن خوه نه‌برن و تیما ئامه‌د شیا هه‌ر زیكا به‌رسڤا وان ب ده‌ت ب دوو گولان ئه‌وژى ل دهقیقهیێن 88- 90 و تیما ئامه‌د ب ڤێ سه‌ركه‌فتێ ره‌وشا خوه باشتر لێ كر و هیڤیێن خوه ڤه‌گه‌راندنه ڤه بۆ هه‌ڤركى لسه‌ر ئێك ژ پلێتێن ده‌ربازبوونێ بۆ قوناغا پله ئوڤ.
جزیرا بوتان مه‌زنترین حنێر ل توركیا توماركر
ئه‌ڤرۆ، هه‌ژار مه‌عروف:
تیما ته‌پا پێ یا جزیره سپور یا به‌رده‌وامه لسه‌ر ئه‌نجامێن خوه یێن باش سه‌ره‌راى وێ بریارا ئێكه‌تیا ته‌پا پێ یا توركى دژى وێ ده‌رێخستى كو سێ یاریان بێ جه‌ماوه‌ر یاریێن خوه ل یاریگه‌ها خوه د كوپا توركیا دا بكه‌ت، لێ ئه‌ڤ چه‌نده نه‌بوو رێگر د رێكا سه‌ركه‌فتنێن یانه‌یا باژێرێ جزیرا بوتان دا.
ل دووماهى یاریا خوه دا ژ چارچوڤێ یاریێن گه‌را چارێ ژ كوپا توركیا دا شیا حنێره‌كا مه‌زن ل جاده‌یا وه‌رزشى ل توركیا په‌یدابكه‌ت پشتى ب سه‌ركه‌فتى لسه‌ر یانا كونیا سپور ئه‌وا دخولا سوپر لیگ دا یاریێ كه‌ت ب دو گولان بێ به‌رامبه‌ر و پێشڤه هاته رێزا دوێ د كوما هه‌شتێ دا ب شه‌ش خالان.
جزیره ئه‌وا دخولا بالیگى لیگ دا یاریێ كه‌ت ئانكو دبیته خولا پلا پێنجێ لسه‌ر ئاستێ توركیا تیما ئێكانه‌یه د مێژویا توركیا دا تیمه‌ك ژ لیگا بالگى د گه‌هیته ڤێ قوناغێ و سه‌ركه‌فتنێ لسه‌ر یانێن خولا پلا نایاب و پلا ئێك توماربكه‌ت.
وه‌زیرێ به‌ره‌ڤانیێ، به‌حسێ ژڤانێ ژ ناڤچوونا داعش ل عیراقێ دكه‌ت
ئه‌ڤرۆ نیوز:
خالد عوبێدى وه‌زیرێ به‌ره‌ڤانیا عیراقێ دیاركر كو سوپایێ عیراقێ مژوولى خوه‌بهێزكرن و رێكخستێ یه و گۆت” ل گه‌ل رزگاركرنا مووسل، داعش دێ ل عیراقێ ژ ناڤ چیت، موسل ژ هه‌ژى وێ هه‌موو كاڤلكرنێ نه‌بوو، داعش هه‌موو مێژوو و شارستانیه‌تا وى باژێرى تێكدا”.
عوبێدى هه‌روه‌سا راگه‌هاند: حكومه‌ت و وه‌زاره‌تا به‌ره‌ڤانیا عیراقێ د پرچه‌ككرنا هێزێن خوه ب چه‌ك و كه‌ره‌ستێن پێشكه‌فتى یا به‌رده‌وامه و سوپایه‌كێ بهێز كو شیانێن پاراستنا عیراقێ هه‌بن، دێ ئاڤه‌كه‌ینه‌ڤه.
نيشاندان
WP Facebook Auto Publish Powered By : XYZScripts.com