ئه‌ڤرۆ نيوز:
ژ ئه‌نجامێ كه‌فتنه به‌ر فشارێن نزمێن ده‌ريا ناڤه‌راست ل وه‌لاتێ توركيا كو ژ ناڤه‌راستا ئه‌ورۆپا هاتينه، ل هه‌رێما كوردستانێ ل هنده‌ك جهان به‌فر باريه و هنده‌ك ژى رێژه‌كا باشا بارانێ باريه كو ل دهۆكێ 27 ملم بارانێ بارينه، رێژا باران بارينێ ل سه‌ر ئاستێ هه‌رێمێ ب ڤى ره‌نگێ ل خوارێ يه:
ئه‌ڤرۆ نيوز:
پۆليسێن نه‌هێلانا گۆنه‌هباريان ده‌سته‌سه‌ركرنا بانده‌كێ ره‌ڤاندن و دزيكرنێ راگه‌هاندن كو ئه‌ندامێن وى گرۆپى گه‌له‌ك چه‌ك و پاره ژ خه‌لكى وه‌رگرتينه.
دوهى ئێڤارى 3\1\2015 رێڤه‌به‌ريا پۆليسێن نه‌هێلانا گۆنه‌هباريان ل هه‌ولێر ئاشكه‌را كر كو بانده‌كێ مه‌زن يێ ره‌ڤاندن و دزيكرنێ ده‌سته‌سه‌ركر، كو بانده‌كێ مه‌زنه و د ڤه‌كولينێن ده‌سپێكى دا دانپێدان ب تاوانێن مه‌زن كريه، د ناڤ ره‌ڤاندن و دزيكرن هه‌بوويه. ئه‌و ئێك ژى ئاشكه‌را كر كو هه‌موو ئه‌ندامێن باندى كوردن و خه‌لكێ ناڤ باژێرێ هه‌ولێرن.
پۆليسێن نه‌هێلانا گۆنه‌هباريان ل هه‌ولێر ته‌كست كر كو نوكه نه‌ڤێت ئه‌و هه‌موو پێزانينان ل سه‌ر وى باندى به‌لاڤ بكه‌ن، به‌لێ داخواز ژ وه‌لاتيان كر: “هه‌ر وه‌لاتيه‌كێ حه‌له‌ته‌كێ ژ ڤى ره‌نگى ب سه‌رى هاتبيت، په‌يوه‌نديێ ب پۆليسێن نه‌هێلانا گۆنه‌هباريان بكه‌ن يان راگه‌هاندنا پۆليسێن هه‌ولێر”.
دهێته چاڤه‌رێكرن د چه‌ند رۆژێن داهاتى دا، پشتى ته‌مامبوونا ڤه‌كۆلينان، رێڤه‌به‌ريا وان هه‌موو پێزانينان و تاوانێن ڤى بۆندى بۆ وه‌لاتيان ئاشكه‌را بكه‌ت.
ئه‌ڤرۆ نيوز، مه‌سعود خه‌له‌ف
شیرەتکارا ئەلمانی ئه‌نگێلا مێرکل راگه‌هاند: “ئەو نە ل دژی ھندێ نە کو یونان ژ دەڤەرا یورۆ بھێتە دەرخستن، ھەكە چاڤخشاندنەک ژ لایێ چەپگران ڤە د سیاسەتا کێمکرنا مەزاختیان ل وەلاتێ خوه”.
ئەڤ ئێکە ژ لایێ رۆژناما شبیگل یا ئەلمانی ڤە ھاتیە ڤەگوھاستن ل گور ھنەک ژێدەرێن نێزیک ژ حوکمەتا ئەلمانی و تێدا ھاتیە کو “حوکمەتا ئەلمانی دبینیت کو چارە نینە ژ دەرڤەيی دەرکەفتنا یونانێ ژ دەڤەرا یورۆ، ھەكە سەرۆکێ ئۆپۆزسیؤنێ ئه‌لێکسیس تسیبراس بۆ سەرۆکێ حوکمەتێ و ده‌ست ژ رێيا کێمکرنا مەزاختیان ژ بودجێ بەردا و قەرێن وەلاتێ خوه ژی د ده‌مێ خوه دا نەدان”.
ھەروەسا ھەمان ژێدەران بۆ رۆژناما شبیگل دانە خویاکرن کو مێرکل و وەزیرێ دارایی فولفانگ شوبیلیە ديتنا خوه گوھاڕتنە و دبینن: “ئەم دێ شێين بەرپرساتیا دەرکەتنا یونانێ ژ دەڤەرا یورۆ ھەلگرين، ئەو ژ بەر کو دەڤەرا یورۆ گەلەک پێشکەفتن ب خوه ڤە دیتن ژ دەستپکا قەیرانا کو ل سالا 2012 ھاتیه پێش”.
ئه‌ڤرۆ نیوز، بارزان سلێمان مزوورى
ژێده‌رك ژ هێزێن پێشمه‌رگه‌ى ل میحوه‌رێ ناوه‌ران بۆ ئه‌ڤرۆ نیوز دیار كر كۆ ئه‌ڤرۆ مه‌غره‌ب چه‌كدارێن تیرورستێن داعش دناڤبه‌را گوندێ بایبوخت و خورسه‌بات ل نێزیك گوندێ دێركێ سه‌ر ب ناحیا باشیك ڤه ، مژیلى دروست كرنا چه‌كه‌كێ ده‌ستكر بون كو دژى هێزێن پێشمه‌رگه‌ى بكار بینن ده‌مێ دروست كرنا وى ب دوماهى دهێت داكۆ بهاڤێژنه هێزێن پێشمه‌رگه‌ى ئه‌و چه‌ك دناڤ داعشدا دپه‌قیت لدوڤ زانیاریێن ده‌سپێكێ ب ده‌هان داعش هاتینه كوشتن و بریندار كرن.
ناڤبرى ئاشكر ژى كر كۆ لدوڤ وان پێزانینێن گه‌هشتینه مه كۆ ئه‌و چه‌ك ئه‌گه‌ر ل ناڤ وان نه‌په‌قى بۆ دا زیانێن مه‌زن گه‌هینته ئه‌و جهێ كریه ئامانج چونكى ئه‌و چه‌ك ئه‌و چه‌ند روژ بوو كار ل سه‌ر دروست كرنا وى دكر .
ئه‌ڤرۆنیۆز، سالار دۆسكى
سترانبێژا باكورێ كوردستانێ (رۆژین) ب هه‌لكه‌فتا هاتنا سالا نوو ب ژڤانه نوترین به‌رهه‌مێ خوه و ب چه‌ندین زمان و زاراڤان به‌لاڤه بكه‌ت، دهێته چاڤه‌رێكرن ب زووترین ده‌م سترانه‌كێ ژ به‌رهه‌مێ نوو كلیپ بكه‌ت.
سترانبێژا ده‌نگ خوه‌ش رۆژین دئه‌ڤ ساله دا دێ نووترین به‌رهه‌مێ خوه به‌لاڤ كه‌ت و ل ئه‌ڤا نێزیكان ب ژڤانه سترانه‌كێ ژ به‌رهه‌مێ خوه یێ نوو كلیپ بكه‌ت، ئه‌لبۆما رۆژینێ ژ (9) تراكان پێك دهێت، (2) ستران ب زاراڤێ سورانى نه، زێده‌بارى سترانێن توركى تێدا هه‌نه و پێشبینى دهێته‌كرن كو سترانه‌كێ ب به‌رخودانا باژێرێ كۆبانێ دهه‌مان به‌رهه‌م دا هه‌بیت.
مووسل، بارزان سلێمان مزوورى
به‌رپرسێ لقا 14 مووسل عصمت ره‌جه‌ب، بۆ ئه‌ڤرۆ نیوز دیار كر كو چه‌كدارێن تیرورستێن داعش بوابا نركال ل پارێزگه‌ها موسل یا TNT كرى بۆ په‌قاندنێ د ڤێ بوابێ دا گه‌له‌ك تشتێن شوونوارى یێن بها گران تێدانه و دێ وان كه‌ل و په‌لێن شینوارى بۆ جهه‌كێ نه‌دیار ڤه‌گوهێزن .
ناڤبرى زێده‌تر گوت : ئه‌ڤرۆ 18 ته‌رمێن داعش یێن شه‌رێ به‌ندلاڤا مووسل گه‌هشتینه دادگه‌ها نوشدارى ئه‌ون یێن ب ده‌ستێن پێشمه‌رگه‌ى و بوردومانێن فروكه‌یا هاتینه كوشتن.
ناڤبرى دیار كر كۆ دهه‌مان روژدا چه‌كدارێن تیرورستێن داعش لدوڤ وان كه‌سا دگه‌رێت ئه‌وێن قه‌ستا وان جهان دكه‌ن ئه‌و جهێن شه‌به‌كا ته‌له‌فونێ هه‌ى و دگرن و دكوژن ژبه‌ر كو دبێژن ئه‌و كه‌س پێزانینا دده‌نه حكومه‌تا هه‌رێمێ و عێراقێ.
ئه‌ڤرۆ نیوز:
نوكه ل قه‌زا ئامێدیێ به‌فر یا دباریت، گه‌شناسیا هه‌رێمێ ژى پێشبینیا وێ یه‌كێ كربوو كو 4 ڤێ هه‌یڤێ پێله‌كا به‌فرێ ده‌ڤه‌رێن چیایى ڤه‌گریت.
پشكا پێشبينيان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ راگه‌هاندبوو كو ل 4\1\2015 هه‌رێما كوردستانێ دێ كه‌ڤيته به‌ر فشارێن نزمێن وه‌لاتێ توركيا كو هه‌وايه‌كێ سار يێ ل گه‌ل دا و ژێده‌رێ وان ژى ژ ناڤه‌راستا ئه‌ورۆپا يه و دهێته پێشبينيكرن كو ئه‌سمانى دهۆكێ بۆ هه‌ورێن ته‌مام بهێته گوهۆڕين و ل ده‌ڤه‌رێن چيايى يێن به‌فر بباريت.
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ، په‌یاما وێ چه‌ندێ دده‌ته فه‌رمانبه‌ران كو مووچێ هه‌ڤێن 11 و 12 یێن هه‌یڤا 12 دێ د ڤێ هه‌یڤێ دا هێته دان.
سه‌فین دزه‌یى بۆ knn دیاركریه” ل نێزیك دێ مووچێ هه‌یڤا 11 هێته دان داكو هه‌تا دووماهیا ڤێ هه‌یڤێ موچێ هه‌یڤا 12 ژى بده‌ین”.
دزه‌یى ئاشكرا كر كو د ماوێ دو هه‌یڤێن بهێت دا، پێدانا مووچێن فه‌رمانبه‌ران دێ ئاسایى بیته‌ڤه.
ده‌قێ داخویانیا سه‌فین دزه‌یى:
ئه‌ڤرۆ نیوز، زنار توڤى:
وه‌زاره‌تا به‌رگریا ئه‌مریكا (پنتاگون)ێ د مالپه‌رێ خوه یێ فه‌رمى دا لسه‌ر تورا تویته‌رێ وێنێ ڤان ترومبێلێن سه‌ربازى به‌لاڤكرینه،كو دێ بو هێزێن پیشمه‌رگه‌ى هێته ره‌وانه‌كرن.
هه‌روه‌سا ئه‌وژى دیاركریه كو به‌رده‌وام وه‌زاره‌تا به‌رگریا ئه‌مریكا هاریكارى و پشته‌ڤانى گه‌هاندینه هێزێن پێشمه‌رگه‌ى و دێ لسه‌ر ڤان جوره هاریكاریان به‌رده‌وام بن بو گه‌لێ كورد.
ئه‌ڤرۆ نیۆز، سالار دۆسكى
هونه‌رمه‌ندێ مۆزیكژه‌ن بێوار ره‌مه‌زان كو لێده‌رێ سازیێ یه ل گه‌ل تیپا (رۆباد) یا مۆزیكێ و دیسان ل گه‌ل چه‌ندین هونه‌رمه‌ندان سازێ دژه‌نیت و هه‌مان ده‌م پێشمه‌رگه‌یه، ل چه‌په‌رێن به‌رگێریێ بریندار بوویه.
مۆزیكژه‌ن بێوار ره‌مه‌زان بۆ مالپه‌رێ ئه‌ڤرۆ نیۆز گۆت: سوپاس بۆ خودێ نوكه ساخله‌میا من به‌ر ب باشبۆنێ یه، ئه‌ڤه پشتى هاونه‌كا دوژمنى هات و نێزیكى مه كه‌فتى بریندار بوويمة و چه‌ندین رۆژا ل نه‌خوشخانێ مایم، ل سه‌ر به‌رپرساتیا خوه ژ نه‌خوه‌شخانێ ده‌ركه‌فتیمه.
نيشاندان