ئه‌ڤرۆ:

رێیێن زارۆنەبوونێ وەکو چارەسەریەکێ نە ژن ژ زارۆیان بۆ دەمەکێ دەستنیشانکری ب راوەستیت و ئەڤ چارەسەری یە دھێتە کرن پشتی کچ شوو دکەن و زارۆ پەیدادبن و نوکە گەلەک ھەنە پشتی شوو دکەن و بەری زارۆ پەیداببن، راستەوخو ڤێ چارەسەریێ بکار دئینن، بەلێ ئەڤ چەندە یا خەلەتە، چونکی دبیت ئەڤ رێیە دبیتە ئەگەرێ ھندێ کو ئەو ژن ژ زارۆبوونێ بێ ھەر ببیت یان ئاریشە بۆ پەیداببن و پشتی ھینگی دووڤ چارەسەریا خوە بگەریت تاکو زارۆ ببن و پێدڤیە ل دەستپێکێ ژنێ زارۆ ھەبن و پاش بڕیارا ب کارئینانا دەرمان و رێیێن زارۆنەبوونێ بدەت و گۆت: ژبەرکو چ ئاریشە بو ژنی و زارۆی دروست نابن و بۆ زارۆی دێ ژی بەرگریەکا باش ھەبیت و رەنگە پشتی ب کارئینانا رێیێن زارۆنەبوونێ ژن تووشی نەخۆشیان یانژی ئالوزی و گیرو بوونا عادەیێن ھەیڤانە ببیت و پشتی چەند سالێن زارۆنەبوونێ پەشیمان ببیت ژ وی کارێ وێ کری.

ئەڤرۆ: 

رێڤەبەرێ گشتیێ ساخلەمیێ ل پارێزگەھا دھۆکێ د. نزار عسمەت دیارکر کو ب ھەڤکاریا رێکخراوا UNFPA چەند ھۆلێن ساخلەمیا دایکان دێ ل کەمپان ھێنە دروست کرن.
د. نزار عسمەت دوھی ٥-٥-٢٠١٥ د رێورەسمەکێ دا کو ب ھەلکەفتا رۆژا جیھانیا داپیرکان ٥/٥ کو ل ھۆلا نەخۆشخانا ژنان و زارۆبوونێ ل دھۆکێ ھاتبوو گێران ھەروەسا دیارکر کو ساخلەمیا دھۆکێ گرنگیەکا تایبەت ب ڤێ رۆژێ ددەت و بەردەوام پرۆگرامێن پێشڤەبرنا شیانێن ڤێ پێشەیێ پێشکێشی وان دکەت و گۆت ژی ھەر ئالوزیەک ل دەمێ زارۆبوونێ تووشی زارۆی ببیت دێ کارتێکرن ل ساخلەمیا وی ب درێژیا ژیانێ ببیت و ئەڤ چەندە بارگرانیە بۆ دەزگەھێن ساخلەمیێ.
ل دۆر وێ گازندێ کو ل دەمێ زارۆبوونێ پارە ژ ژنان دھێنە وەرگرتن، د. نزار گۆت وەرگرتنا پارەی ژ لایێ ھەر فەرمانبەرەکێ ساخلەمیێ ل دووڤ قانوونا وەزارەتا ساخلەمیێ رێ پێ ناھێتە دان و ھەر حالەتەکێ ئەم پێ بھێینە ھایدار کرن دێ دووڤچوون ل سەر ھێتە کرن و ئەو فەرمانبەر ھێتە سزا دان.
رێڤەبەرێ گشتیێ رێکخراوا UNFPA ینستور ئویوماھاگی کو دڤان رێورەسمان یێ بەرھەڤ بوو دیارکر کو د ڤێ رۆژی دا وان ھاریکاری پێشکێشی ساخلەمیا دھۆکێ کرن، گۆت ژی ئاریشا ھەرە مەزن ئەوە ھێشتا ھندەک ژن ب تنێ ل دەمێ زارۆبوونێ قەستا نۆشداران دکەن.