ئەڤرۆ:
ھندەک زەلام وەسا ژنان دبینن کو ئافراندیەکا سەیرە و یا بزەحمەت مرۆڤ تێبگەھیت و رەفتارێ ل گەل بکەت، نزا وان ئەڤ بۆچوونە ژ کیڤە ئینایە، ژن ئافرندیەکا نازکە و تێگەھشتنا وی یا بساناھیە، ب تنێ بۆ وی یێ ئەڤ چەندە بڤێت، زەلام رێیا رەفتارا خوە ل گەل ژنێ دەستنیشان دکەت، و ئەو پێشبینیا کارڤەدانا وێ دکەت، ڤێجا دێ بۆچی خوە ئالۆز کەین؟
ئەڤە ئەو کارن یێن دلێ ژنێ خۆش دکەن: ھەستی بۆ چێکە کو یا ئەو گرنگە: چو ژ ڤێ گرنگتر نینە، چەند جوانە ژن ھەست پێبکەت کو جھێ خوە و گرنگیا خوە ل نک زەلامی یا ھەی.
گرنگیدان ب گەنگەشێن وێ و گوھدانا وێ: ئەڤە کارەکێ پێدڤی و گرنگە، گوھداریا زەلامی بۆ گەنگەشا وێ نیشانەکا ب ھێزە بۆ رێزگرتنا وێ و بۆچوونا وێ خو ھەکە بۆچوون د جودا ژی بن.
پەسنکرنا وێ: ئەڤە رێزگرتنەکا مەعنەویە و دێ وێ ھاندەت پتر سەرکەفتنان بینیت، و دێ ھەڤبەندیا خوە ل گەل ھەڤژینێ خوە ب ھێزتر لێکەت.
پێشکێشکرنا دیاریان بێ ھەلکەفت: ئەڤە سێرە بۆ بلندکرنا ورەیا وێ، و دلخۆشکرنا وێ نامینیتە ل سەر بھایێ مادی یێ دیاریێ، بھایێ مەعنەوی ل نک ھەمی ژنان گرنگترە، چونکو دیاریا بێ ھەلکەفت رامانا وێ ئەوە کو ب ھەمی ھزر و دل و مێشک ئەو دیار یا بۆ وێ ھاتی.
لڤینێن رۆمانسی: رۆمانسیەت گەلەک یا گرنگە و ھەمی ژن حەز دکەن ھەبیت، پیچەکا رۆمانسیەتێ ل گەل رەفتارا خوە بکار بینە، ئەو دێ رەنگڤەدانێ ل سەر گێولێ وێ کەت و دێ ھەڤبەندیا وێ ل گەل ھەڤژینێ وێ خۆش کەت، خو دێ باندۆرا وێ گەھیتە کەسێن دی ژی یێن ل دەردورا.
ھەدارێ ل گەل بکێشە دەمێ دچیتە بازاری: تو دزانی ئەو چەند حەز دکەت تو دەمی بدەیێ دەمێ دچیتە ناڤ بازاری؟ و تو ل گەل یێ ب ھەدار بی، و تو تشتێن ژێگرتی بۆ دەستنیشان بکەی و بێژیێ کا بجەربینە، ئەڤە دێ وێ گەلەک کەیفخۆش کەت و دێ ھەست پێکەت کو جۆرەکێ دیێ پویتەدانێ یێ ھەی.
ھەست پێبکەی دەمێ دکەڤیتە تەنگاڤیەکێ: جوانترین کارێ ژنێ دکەتە بەندا زەلامی ئەوە کو ھەست پێبکەت زەلام یێ ل گەل وێ ل دەمێ تەنگاڤیان، ئەڤە نیشانا دلینیا تەیە ل گەل وێ، ئەڤە کارەکێ ماقویلە و ب تنێ ژ مرۆڤێن ماقویل و ھەست نازک دەردکەڤیت، بۆ ڤێ چەندێ چو جاران پشتا خوە نەدێ.
ئەڤ کارە ژ ھەمیان پتر دلێ ژنێ خۆش دکەن
نيشاندان