ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 31\12\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1225 |
| 1 يۆرۆيێ ئه‌ورۆپى | 1490 |
| 1 ليرێ توركى | 520 |
بهايێ دراڤى هاته خوار
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سهرهكى Twitter
ساخلەمیا دھۆکێ ب ڤی کۆژمێ پارەیی یا قەردارە
ئه‌ڤرۆ نيوز:
د. نزار عێمەت، رێڤەبەرێ گشتی یێ ساخلەمییا دھۆکێ دیارکر سالا 2014 سالەکا پری زەحمەت و کارەسات و شکەستن و سەرکەفتنا بوویە و سالەکا ب ھەمی وارەکی نەئاسایی بوویە و گۆت: ھەر ل دەستپێکا ھاتنا ئاوارا کو ب رێژا 63% ل دھۆکێ ئاکنجی بوون، ئامادەباشی بۆ پێشوازیکرنێ و چارەسەریێ ھاتنە کرن ب رێیا پێکئینانا ھژمارەکا مەزن یا تیمێن ساخلەمیێ و پشتی ئاکنجیبوونا وانژی بەردەوام سەرەدانێن مەیدانی ھەبووینە، ژبلی کو بنگەھێن ساخلەمیێ ژی بەردەوام دخزمەتێ دابوون.
ھەروەسا ل ھەموو بەرۆکێن شەری ژی تیمێن ساخلەمیێ ھاتنە پێکئینان بۆ چارەسەرکرنا پێشمەرگەیان و دابینکرنا پێدڤیێن وان یێن ساخلەمیێ و تیمێن تایبەت ژی چارەسەریا ئاوارا و پێشمەرگەیێن سەرێ چیایێ شنگالێ کرینە و نوکە دو بنگەھێن تایبەت ل سەرێ یای ھاتینە دانان.
دەربارەی داھاتێن رێڤەبەریا گشتی یا ساخلەمیا پارێزگەھا دھۆکێ دیارکر سالا 2014، 206 ملیار دینار داھاتی بووینە و خەرجی 185 ملیار دینار بووینە 18 ملیار دینار قەر لسەر رێڤەبەریێ ھەنە و گۆت: نوکە پێنج نەخۆشخانە د قۆناغێن ئاڤەدانکرنێ دانە و 21 پرۆژە ھاتینە بجھئینان و 33 پرۆژە ب کوژمێ 353 ملیار دینار د قوناغێن بجھئینانێ دانە.
ره‌وشا كه‌شوهه‌وايێ سه‌رێ سالێ
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ساهى بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنافشارێن بلندێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنج شه‌مبى رێكه‌فتى 1\1\2015 ئه‌سمانێ دهۆكێ دێ بيته ساهى ل گه‌ل په‌يدابوونا هنده‌ك ئه‌ورێن كێم.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ يا نێزيكى رۆژێن به‌رى نوكه بيت ب ره‌نگه‌كى د ناڤبه‌را 8 بۆ 18 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ 8 هه‌تا 10 كيلۆمه‌تران بيت.
پێزانين ل سه‌ر بيڤه‌له‌رزا ل ئاكرێ دايى
ئه‌ڤرۆ نيوز:
رێڤه‌به‌ريا گشتيا بيڤه‌له‌رز و كه‌شناسيا هه‌رێمێ راگه‌هاند كو دوهى ب شه‌ڤ بيڤه‌له‌رزه‌كێ ل ئاكرێ دا و ب گۆره‌يى زانياريێن وان ئه‌ڤێ بيڤه‌له‌رزێ چو زيانێن گيانى و ماددى نه‌بوون.
ب گۆره‌يى نڤيساره‌كا پشكا بيڤه‌له‌رزان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ كو وێنه‌ك بۆ ئه‌ڤرۆ نيوز هنارتيه هاتيه: دوهى 30\12\2014 ده‌مژمێر 8:39 ده‌قيقه‌يى شه‌ڤێ ل دووڤ ده‌مێ هه‌ولێرێ بيڤه‌له‌رزه‌كێ ل ئاكرێ دا.
ئاماژه ب وێ چه‌ندێ ژى كريه كو ئه‌ڤ بيڤه‌له‌رزه پله سێ بوو ب گۆره‌يى پيڤه‌رێ ريخته‌ر ب دووراتيا 10 كيلۆمه‌تران ژ ده‌روبه‌رێن ئاكرێ ب كووراتيا 14 كيلۆمه‌تران .
پشكا بيڤه‌له‌رزان ل رێڤه‌به‌ريا گشتيا بيڤه‌له‌رز و كه‌شناسيا هه‌رێمێ دا زانين ژى كو ژ ئه‌نجامێ ڤێ بيڤه‌له‌رزێ چو زيانێن ماددى و گيانى نه‌بوون.
سه‌رۆك بارزانى په‌يامه‌ك به‌لاڤكر
ئه‌ڤرۆ نيوز:
ب هه‌لكه‌فتا سه‌رسالا زاينى 2015 مه‌سعود بارزانى سه‌رۆكێ هه‌رێما كوردستانێ په‌يامه‌ك به‌لاڤكر و تێدا هيڤى خواستيه كو سالا 2015 ژ بۆ ھەموو ھەڤوەلاتیێن خوەشتڤیێن کوردستانێ و ھەموو مرۆڤایەتیێ سالا بەختەوەری و خوەشگوزەرانیێ بيت.
ديسا هيڤى كرينه كو سالا نوو سالا ب داوی ھاتنا تيرۆر و ئینکارکاری و توندرەویێ بيت و ئێدی روومەت و کەرامەتا مرۆڤ نەهێته بنپێکرن و ئاشتی خوە ل سەر ده‌ڤه‌رێ دابهێت و بھایێن مرۆڤی ل سەر کینداری و رەقيێ دا سەر بکەڤن.
ئه‌ڤه ژى ده‌قێ پياما سه‌رۆكێ هه‌رێما كوردستانێ يه:
ب ناڤێ خوەدایێ مەزن و دلۆڤان
ھێڤیدارم سالا 2015 ژ بۆ ھەموو ھەڤوەلاتیێن خوەشتڤیێن کوردستانێ و ھەموو مرۆڤایەتیێ سالا بەختەوەری و خوەشگوزەرانیێ بە. ھێڤی دکم سالا نوو سالا ب داوی ھاتنا تەرۆر و ئینکارکاری و توندرەویێ بە و ئێدی روومەت و کەرامەتا مرۆڤ نەیێ بنپێکرن و ئاشتی خوە ل سەر ناڤچەیا مە دا بکێشە و بھایێن مرۆڤی ل سەر کینداری و رەق دا سەربکەڤن.
ب ھەلکەفتا سەرێ سالا نوو ھەزاران سلاڤ ژ بۆ گیانێ پاکێ شەھیدێن رێیا ئازادیێ و ژ بۆ روھێ بێگەردێ وان پێشمەرگەیێن قەھرەمانێن ل شەرێ دژی تەرۆریستێن داعیش دە ئازایانە جانێ خوە گۆری گەل و نیشتیمانێ کرن. ژ وێ یەکێ باوەرم کو گەلێ کوردستانێ ب وێ بھایا خوەیا بلندا کە ھەیە سەردکەڤێ و شکەست و سەرشۆری ژ بۆ دژمنان دمینە.
ب پێویستی دزانم ل ڤێ ھەلکەفتێ دە سپاسی خوەراگریا ھەموو تاکە کەسەکی خەلکێ کوردستانێ بکم و ھەر وھا وان ھەموو ئازیزێن ل کۆچبەری و کامپ و وارگەھان دە دژین کو ل رەوشەکە سەخت و دژوار دا تەھەمولا قەیران و نەخوەشیان کرن و پالپشتێ ھێزێن پێشمەرگە و دام و دەزگەھێن ھەرێما کوردستانێ بوون. پشت ب خوەدایێ مەزن و گەلێ کوردستانێ ل سالا نوو دا ھەموو ب سەربلندی ڤەگەرن سەر مال و ھالێن خوە.
چه‌ند ئاوارن ل دهۆكێ گيانێ خوه ژ ده‌ست داينه؟
ئەڤرۆ نیوز:
رێڤەبەرێ گشتیێ ساخلەمیا پارێزگەھا دھۆکێ د پرێس کونفرانسەکی دا دیارکر کو 53 هزار و 761 زارۆ ژبلی یێن ئاوارا ژدایکبووینە و گۆت: رێژا ژدایکبوونێ بۆ ھەر ھزار کەسا 38:8% بوویە و چار هزار 491 کەسان ژبلی یێن ئاوارە گیانێ خوە ژدەست دایە و رێژا مرنێ بۆ ھەر ھزار کەسا 3.2% بوویە و ژ وان ژی 11 ژنێن دوگیان گیانێ خوە ژدەستدایە. دەربارەی ئامارێن ئاوەرەیان ژی دیارکر کو 688 هزار و 780 ئاواران سەرەدانا دەزگەھێن ساخلەمیێ کرینە بۆ چارەسەریێ، ژوانژی 138 هزار و 93 نەخۆش ل نەخوشخانەیان ھاتینە نڤاندن و دو هزار و 838 نشتەرگەری بۆ ھاتینە کرن و 5 هزار و 72 زارۆیێن ئاوارە ل دھۆکێ ژدایکبووینە و159 ئاوارەیانژی گیانێ خوە ژدەست دایە.
دايكا من دبێژيت شوو ب كوڕ خاله‌تێ خوه بكه و ئه‌ز ئێكێ دى دخوازم
ئه‌ڤرۆ:
کچەکا 22 سالی مە ئەڤە من قووناغا 12 ب داوی ئینایە ئەڤە ماوەیەکە گەنجەک من دخوازیت و یێ ب دلێ منە، فەەرمانبەرە و ھەروەسا ل زانکۆیێ ژی دخوونیت، بەلێ دایکا من یا رازی نینە ل سەر ڤێ چەندێ دبێژیت ژ بەرک و بیانیە و پتر دخوازیت ژ من کو ئەز شوو ب کوڕ خالەتەکێ خوە بکەم و یان ھەر چ نەبیت ئێکێ خویانی و ئەڤە بوویە کێشە د ناڤبەرا من و وێ دا و ئەو گەنجە ژی ل ھیڤیا منە ھیڤیە بێژنە من کا ئەز چ بکەم و چاوا دایکا خوە رازی بکەم؟
کچا ھێژا:
ھەردەم دایكوباب بزاڤێ ژیانەکا ئارام و خوش بۆ کچ و کورێن خوە دابین بکەن ل دووڤ تێگەھێن د مێشکێ وان دا ژ بەر خەلکی، ب سروشتێ خوە کو ژ ئەگەرێ کاودانێن ژیانێ دروست بوویە و مەترسی ھەردەم د گوھورینا دایە و حەز دکەن بەردەوامیێ بدەنێ وەک خوە و ئەڤ چەندە د لاشعورێ وان دایە و پێ دکەن بێ ھەست ب وێ چەندێ بکەن و نەخاسمە پرانیا دایبابا خودان رەوشەنبیریەکا سنوردای نە کو دبیتە ئەگەرێ ھشکاتیا بوچونێن وان کو ھەردەم لایەکی بتنێ دبینن ئەڤجا دڤێت وێ چەندێ بزانی و لدووڤ وان دیتنا سەرەدەریێ دگەل بکەی و رازی بکەی لسەر دیتنێت خوە و پروژێ پێک ئینانا خێزانێ پێدڤی ب ھزرکرنەکا ووردە و باشترە ھەموو لایا ب ھەلسەنگینی و باشی و خرابیا بەرچاڤ دانی و پاشی عەقلانە بریارا بدە نەک بلەز ژبەرکو لایێ سوزی یێ زالە لسەر و دوور ژ دیتنێن عەقلانە وەردگرن و پاشی پەشیمان دبن و تێکچونا ژیانا وان ئەنجامە بو وێ چەندێ لەوما باش بیر بکە و بریارا خوە وەربگرە .
ھیڤیا وێ بجهـ نەھاتیە
ئەڤرۆ:
سترانبێژا ناڤدار باسکال مشعلانی راگەھاند سەرەرای وێ چەندێ کو ئەڤە دەمەکێ درێژە ئەو دناڤا ھونەری دا کار دکەت، لێ ب گۆتنا وێ ھێشتا ھیڤیا وێ بجە نەھاتیە، کو ئەو ژی وێ دڤێت سترانەکا درێژ یا ئێک دەمژمێری بێژیت و ئەو ستران وەکو یا ھونەرمەندێن مەزنێن بەری وێ ھەتا ھەتا ل سەر زارێ خەلکی بمینیت.
ھێشتا گۆت: بلا ئەم ب ئاشکەرای دان ب وێ چەندێ بدەین کو پتریا سترانێن مە ددەمکی نە، ئانکو بۆ دەمەکی دمینن و ئێدی خەلک ژبیردکەت، لەورا ھیڤیا من ئەوە ئەز سترانەکێ بێژم و وەکو یا ھونەرمەندا مەزن (ئوم کەلسۆمێ) ب سالان ل سەر دەڤێ خەلکی بمینیت.
ھێشتا گۆت: بۆ ڤێ چەندێ من بزاڤا کری، لێ مخابن ھەتا نوکە د بێ ئەنجام بووینە، لێ دێ ھەر یابەردەوام بم و خوزیا من ئەوە بەری بمرم ئەڤ ھیڤیا من بجە بھێت.
ل دۆر دووماھی کارێ خوە یێ ھونەری ژی گۆت: بۆ ٢٠١٥ من ئەلبۆمەکا باشا بەرھەڤکری و سترانێن ب شێوەزارێن جودا جودا ھاتینە گۆتن، لێ ئەز دەمێ بەلاڤکرنا ئەلبۆمێ نەشێم دیارکەم، چونکو ئەو گرێدای وێ کۆمپانیێ یە یا سپۆنسەریا وێ دکەت.
دا زوو پیر نەبی؟
ئه‌ڤرۆ:
تری و ھژیر و سێڤ و فراولایان گەلەک ڤیتامین و دژەتەن دناڤدا ھەنە و بۆ گەشەکرن و وەرارا لەش دباشن.
نوشدار و تایبەتمەندێن خوراکیێ ئیشارەتێ ب وێ چەندێ ددەن کو خوارنێ ڤەرێژێن خۆ ل سەر وەرارا مرۆڤی د قووناغێن جودا جودا یێن ژیانێ دا ھەنە، ھندەک جورێن خوارنێ بەرھنگاریا پیراتیێ دکەن، سیسیتەمێ خوارنا ھەڤسەنگ ئەوا مرۆڤ ل دووڤ دچیت ددرێژیا ژیانا خۆ دا کارتێکرنێ ل ساخلەمیا لەشی و سلامەتیا شانەیێن لەشی دکەت، نوشدار و بسپورێن ساخلەمیێ ھندەک رێیان دەستنیشان دکەن کو دبنە ئەگەر نیشانێن پیراتیێ ل دەڤ مرۆڤی گیرو ببن، ژوانژی: پێدڤیە مرۆڤ رۆژانە بەری دەمژمێر نەھێ سپێدێ ژ خەو راببیت و ب نیڤ دەمژمێرێ پشتی ژ خەو رابوونێ پێدڤیە دەست ب خوارنا تێشتێ بکەت و باشترە تێشت یا پێکھاتی بیت ژ پەنیری و ھنگڤینی و حەفتیێ رۆژەکێ ژی باشترە مرۆڤ ھێکان بخوت، ھەروەسا دناڤبەرا دانێن خوارنێ دا گەلەک پێدڤیە مرۆڤ دانێن سڤک وەکو فێقی و زەرزەواتی بخوت.
بسپۆرێن ساخلەمیێ دبێژن ھەر چ نەبیت دڤێت رۆژانە مرۆڤ ھندەک راھێنانێن وەرزشی بۆ دەمێ نیڤ دەمژمێرێ بکەت داکو باشی بکەڤیتە خولا خوینێ و زەوقێ مرۆڤی ب شێوەیەکێ گشتی خوش ببیت، و دڤیا خوارنا شیڤێ بەری دەمژمێر نەھێ شەڤێ بیت، داکو بشێین زوو بنڤین ژبەرکو نڤستن رێیەکە بۆ ساخلەمیا مێشکی و پیستی و ئەندامێن ناڤیا لەشی، ھەروەسا گەلەک فێقی بخوین ب شێوەیەکێ گشتی و ب تایبەت تری و ھژیر و سێڤ و فراولایان ژبەرکو دژە تەن و ڤیتامین ب ئاستەکێ مەزن دناڤدا ھەنە، دیسا دێ باش بیت ماسکێن فێقی ل سەر دێمی بھێنە دانان بەلێ ئەڤە دێ ب رێکا راوێژکاریا نوشدارێ پیستی بیت داکو ئەو ماسکێ پێدڤی ل دووڤ گونجاندنا وی بۆ شێوێ دێمێ مرۆڤی دەست نیشان بکەت.
دیسا شیرەتان ل مە دکەن کو زەرزەواتی ب ھەموو رەنگانڤە بخووین ب تایبەت سپیناغ و جەرجیر و خەس و گێزەر و باجانسۆرک و فاسولیا و سیر و پیڤازان، ژبەرکو گەلەک ڤیتامین و کانزا دناڤ ڤان زەرەواتان دا ھەنە، و پێدڤیە زەیتێن رووەکان ب کاربینین وەکو زەیتا زەیتینا و کونجیا ژبەرکو گەلەک ترشیێن روونی دناڤدا ھەنە کو مرۆڤ دشێن بۆ ماسکێن دێمی ژی ب کاربینیت.
دیسان باشترە ھنگڤینێ شانەیان ئەوێ دبێژنێ ھنگڤینێ سپی بخوبن، ژبەرکو ئەوژی یێ پێکھاتیە ژ سەدەھان ژێدەرێن سەرەکی بۆ ئاڤاکرنا لەشی، دیسا باشترە گەلەک گرنگیێ ب دەینە دەمێن خوارنێ و ھندێ نەخوین کو ببیتە ئەگەرێ قەلەوبوونا لەشێ مە و دگەلدا گرنگی ب ڤەخوارنا ئاڤێ بھێتە دان ئەوژی رۆژانە ب کێماتی ھەشت کوپێن ئاڤێ ڤەخوین.
ھندەک کەنال دێ ھێنە گرتن
ئەڤرۆ:
وەزارەتا ناڤخوە یا عیراقێ بریار دا ھندەک کەنالێن ئەسمانی بگریت، ھوکارێ دائێخستنێ ژی بۆ ئالۆزتر کرنا کێشە و گرفتێن وەلاتی زڤراند.
وەزارەتا ناڤخوە یا عیراقێ ب بەھانا وێ چەندێ کو ئەو کەنال ھەستێ تایفەگەری و مەزھەبی بەلاڤ دکەن و بزاڤا تێکدانا و ژ بەرئێک برنا جڤاکێ عیراقی دکەن و کێشان ل ناڤ وەلاتی پەیدا دکەن و گرفتان پتر ئالوز دکەن، بریاردا ١٠ کەنالێن ئەسمانی بھێنە گرتن.
ژێدەرێن دەنگ و باسان ناڤێن ھندەک ژ وان کەنالان بەلاڤ کرینە کو ئەو ژی کەنالێن بەغدادیە، شەرقیە، عەرەبیە، ئەلحەدەس، فەلوجە و تەغیرن.
نيشاندان
WP Facebook Auto Publish Powered By : XYZScripts.com