ئه‌ڤرۆ نيوز:
ب گۆره‌يى دووماهى زانيارى ل سه‌ر بهايێ دراڤى ل بۆرسا دهۆكێ، كۆمپانيا سه‌يدو راگه‌هاند كو هه‌تا ده‌مژمێر 10:40 ده‌قيقه‌يا ئه‌ڤرۆ رۆژا دوشه‌مبى 2ى ئه‌يارا 2015ێ ب ڤى ره‌نگێ ل خوارێ بوو:
| 1 دولارێ ئه‌مريكى | 1305 |
| 1 يۆرۆيێ ئه‌ورۆپى | 1460 |
| 1 ليرێ توركى | 490 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئەڤرۆ نیوز، ناجی بەدەل:
وەزارەتا دەرڤەیا ئەمریکا راگەھاند ئەو پرۆژێ قانوونا ژ لایێ کومیتەیا ھێزێن چەکدارێن ئەمریکا ھاتیە پەسەند کرن کو چاوانیا پێشکێشکرنا ھاریکاریێن له‌شكرى بۆ عیراقێ رەنگڤەدانا سیاسەتا حوکمەتا ئەمریکا نینە.
ماری ھارف بەردەڤکا وەزارەتا دەرڤەیا ئەمریکا گۆت: “حوکمەت ھیڤی خوازە کونگرێس کار بکەت ل سەر شیوزاێ دارێشتنا ئەوان برگەیا ب ره‌نگه‌كى کو بشیێن پشتەڤانیی لی بکەین”.
ناڤبریێ گۆتژی: “سیاسەتا ئەمریکا بەرامبەر عیراقێ نەھاتیە گوھاڕتن و نھا ل گەل ئەوێ چەندێ دایە ھەموو ھاریکاریێن له‌شكری ب ھەماھەنگی ل گەل حوکمەتا ناڤەندی دا بیت”.
کومیتا ھێزێن چەکدارێن ئەمریکا قانوونا بودجا سالا 2016ێ یا وەزارەتا بەرەڤانیا ھێزێن چەکداران پەسەندکر کو ژ 500 لاپەران پێکھاتیە ب تنێ ئێک لاپەرەك بەحسێ ھاریکاریا ئێكسه‌ر يا پێشمەرگەيی و ھێزێن سونەیان کریە.
ئه‌ڤرۆ نيوز:
ئه‌ڤان ستێرێن هۆليۆدێ د ژيێ سنێليێ دا ب نياسه كو چو پێ نه‌ڤيت ل ده‌مێ سنێليێ د جودا بوون و پاره و به‌رنياسى كه‌سان د گوهۆڕيت.
ئه‌نجيلا جۆلى: ژ دايكبوويا 4ى خزيرانا 1975ێ يه، كچا ئه‌كته‌رێ ناڤدارێ ئه‌مريكى “جون فويت”ه، خودانێ ناسناڤێ خه‌لاتێ ئۆسكار و نمايشكه‌را جلكان يا به‌رێ مارشيلينا برتراند. جۆلى نوونه‌را نيه‌ت پاقژيا نه‌ته‌وێن ئێكگرتى يه بۆ كاروبارێن خێرخوازى.
براد بێت: ستێرا ئه‌مريكى يێ 51 سالى و ده‌رهێنه‌رێ فلمان و ئێك ژ سه‌رنجراكێشترين زه‌لامێن جيهانێ ل 18 كانوونا ئێكێ يا سالا 1963 ژ ئوكلاهاما يا ئه‌مريكا ژ دايكبوويه.
ئه‌ڤرۆ:
تووشبویێن خەموکیێ چ گرنگیێ ب خۆ نادەن، لەورا دەمێ نشتەرگەریەک بۆ دھێتە کرن ھێشتا دەروونێ وان تێک دچیت و ئەڤە کارتێکرنێ ل سلامەتیا وان دکەت، ھندەک ڤەکولینێن نوو ل سەر وان نەخۆشان ھاتنە کرن ئەوێن ئاریشەیێن دەروونی ھەین و نشتەرگەری بۆ ھاتینە ئەنجامدان.
ڤەکولینان دیارکر کو سێتکا نەخۆشان پشتی نشتەرگەریێ تووشی حالەتێن دەروونی دبن، بەلێ دێ چ قەومیت ھەکە کەسەک ژلایێ دەروونی یێ دروست نەبیت و نشتەرگەریەک بۆ بھێت کرن؟ ئەرێ دەلیڤا ساخلەمبوونا وان گیرۆ دبیت یان حالەتێ وان کارتێکرنا خۆ ھەیە؟
ل سەنتەرێ باژێرێ ئەیوا یێ کاروبارێن پزیشکی، ڤەکولەر رابوون ب شروڤەکرنا ھندەک داتایێن تایبەت ب کومەکا نەخۆشان کو پێکھاتی بوون ژ ٣٥٥٣٩ نەخۆشان ل باژێرێن جودا جودا یێن ئەمریکا، پشتی کو نشتەرگەری بۆ ھاتینە کرن و ھاتینە رەوانەکرن بۆ پشکا چاڤدێریا چر، وەسان دیاربوو کو چارێکەک ژوان بەری ھێنگی ئاریشەیێن دەروونی ھەبووینە.
و پشکنینێن دەستنیشانکرنێ دیارکر کو ١٦% ژوان تووشی خەموکیێ بووینە، و ١٨% گازندە ژ فشارا دەروونی ھەبوینە و ٧% تووشی ئالوزیێ و ٢% گێولێ وان تێک دچوو و ٢% ھزرا وان تێکچبوو.
نەخۆش پشتی نشتەرگەریێ:
بۆ ڤەکولەران دیاربوو کو ھندەک نەخۆشان پتر ژ تەنگەزاریەکێ ھەبوویە و رێژا ٩٧% ژ زەلامێن کو ڤەکولینێ ژێ گرتی ژیێ وان ٦٥ سالبوون، بەلێ ئەوێن پتر ژ تەنگەزاریەکێ ددیت ئەو چار سالا ژوان بچووکتر بوون، سەرەرای کو ئەو ژنوو چبوونە د قوناغا پیریێ دا، بەلێ رێژا مرنا وان گەھشتە ١٥% دناڤ نەخۆشخانان دا و پتر ژ ٢١% دماوێ ھەیڤا ئێکێ پشتی نشتەرگەریێ گیانێ خۆ ژدەست ددان.
تەنگەزاریێن دەروونی:
پتریا روودانێن مرنێ دناڤ نەخۆشێن تووشبویێن خەموکیێ دا پەیدابوون، رێژا مرنا وان پشتی بوورینا ھەیڤەکێ ژ نشتەرگەریێ گەھشتە ٢٣% و ل دەف نەخۆشێن ئالوزیێ گەھشتە ٢٥%، بەلێ تەنگەزاریێن دی یێن دەروونی، گەلەک مەترسی ل سەر ژیانا نەخۆشی نەبوو، سەبارەت مرنا نەخۆشێن خەموکیێ و ئالوزیێ پتر ژ کەسێن دی ڤەکولەران ھندەک ئەگەر ھەلبژارتن ژ وانژی:
١- پتریا نەخۆشێن خەموکیێ گرنگیێ ب خۆ نادەن، لەورا ئەنجامدانا نشتەرگەریەکێ بۆ وان پتر رەوشا وان یا دەروونی تێک دچیت و ئەڤە ساخلەمبوونا وان ب زەحمەت دئێخیت.
٢- نەبوونا خزمەتێن ساخلەمیێ ل ھندەک نەخوشخانەیان و کێمیا پێزانینێن کارمەندێن وان نەخۆشی پال ددەن کو تووشی ئاریشەیێن دەروونی ببیت و زووکا ساخلەم نەبیت.
٣- پتریا جاران نەخۆشێن خەموکیێ و ئالوزیێ حەز ناکەن بچنە لایێ نوشداری ژبەر تێکچوونا گێولێ وان و ھەتا رەوشا وان یا ساخلەمیێ گەلەک تێک نەچیت ئەو ناچنە نەخوشخانێ ژی، لەورا لەشێ وان و ساخلەمیا وان پتر پێتی دبیت و شیانێن لەشێ وان بۆ نشتەرگەریان بێھێز دبن.
ئه‌ڤرۆ نيوز:
هێزێن پێشمه‌رگه‌يى ل قه‌زا شنگال 21 چه‌كدارێن داعش كوشتن و ل قه‌زا تله‌عفه‌ر ژى 50 وه‌لاتيێن ئێزدى ب ده‌ستێ داعش هاتنه گوله‌بارانكرن.
ژێده‌ره‌كێ ئاگه‌هدار راگه‌هاند، ژ ئه‌گه‌رێ پێكدادانێ د ناڤبه‌را چه‌كدارێن داعش و هێزا پێشمه‌رگه‌يى ل قه‌زا شنگال، 21 چه‌كدارێن داعش هاتنه كوشتن و چو زيان به‌ر ب هێزێن پێشمه‌رگه‌يى نه‌كه‌فتينه.
ژ لايه‌كێ دى ڤه، ليوا روكن ناسر غه‌نام، فه‌رماندێ پرۆسێن جه‌زيرێ و باديێ راگه‌هاند: پاش چه‌ندين هه‌يڤان ژ ره‌ڤاندنا ئێزديان ژ لايێ داعش ڤه، پشتى نيڤرۆيا دوهى چه‌كدارێن داعش ل قه‌زا تله‌عفه‌ر 50 وه‌لاتيێن ئێزدى گوله‌بارانكرن.
ئەڤرۆ نیوز، ناجی بەدەل:
ئەڤرۆ کونفرانسێ ئاڤەدانکرنا باژێرێ کوبانێ يا رۆژئاڤایێ کوردستانێ ل باژێرێ ئاماده‌يێ ده‌ست ب كارێن خوه كرن.
باژێرێ كۆبانێ بۆ ماوێ چه‌ندين هه‌يڤان شه‌رێ كۆلان ب كۆلان تێدا دهاته كرن و ب ره‌نگه‌كێ گه‌له‌ك به‌رچاڤ ژ ناڤچوويه و پێدڤيه سه‌ر ژ نوو بهێته ئاڤاكرن.
نوكه ته‌ڤده‌م و رێكخستيێن سه‌ر ب وێ ڤه ل باژێرێ ئامه‌دێ ل باكوورێ كوردستانێ كۆنفرانسێ ئاڤه‌دانكرنا وى باژێرى گێرا و تێدا دێ بزاڤێ كه‌ن ب رێيان بۆ ديتنا باشترين چاره‌سه‌ريا بگرنه به‌ر ژ بوو ئاڤه‌دانكرنا وى باژێرێ وێران، پارتيێن سه‌ر ب ئه‌نه‌كه‌سێ ژى پشكدارى د ڤى كۆنفرانسى دا نه‌كريه.
هه‌ر ئێك ژ سه‌رۆكێ باژێرڤانيا ئاماده و سه‌رۆكێ جڤاتا بجهكرنا كانتۆنا كۆبانێ و هه‌ڤسه‌رۆكێ كه‌جه‌كێ و په‌يه‌دێ ژى دێ گۆتارێن خوه خوينن.
هه‌ر د ڤى كۆنفرانسى دا شانده‌كێ په‌رله‌مانێ كوردستانێ ژى يێ پشكداره و بڕياره پلان و ستراتيژيه‌كا باش ژ بوو ئاڤاكرنا كۆبانێ بهێته دارێتن.
ئه‌ڤرۆ نيوز:
كۆمپانيا مايكرۆسۆفت مالپه‌ره‌كێ ئه‌لكترۆنى ب ناڤێ “how old” راگه‌هاند كو د هنده‌ك جاران دا هزر دكه‌يى به‌رسڤا وى يا درسته و گه‌له‌ك جاران ب ره‌نگه‌كێ گه‌له‌ك به‌رچاڤ يێ خه‌له‌ته.
ئه‌ڤ كرياره گه‌له‌ك يا ب ساناهى و ب تنێ دێ وێنه‌كێ سێلڤى بۆ خوه گرى و د به‌رنامه‌يى دا دانى، ئه‌و دێ ژيێ ته ده‌ستنيشان كه‌ت.
تو ژى دشيێ ل ڤێره ڤێ خزمه‌تێ ب كار بينى: كليك بكه
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى دێ ئه‌سمانێ دهۆكێ ساهى بيت و پلێن گه‌رماتيێ دێ بلند بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ لاوازبوونا فشارێن نزمێن كه‌نداڤێ عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 2ى ئه‌يارا 2015ێ دێ هنده‌ك ئه‌ورێن كێم ل ئه‌سمانى و ل دانێ ئێڤارى ژ به‌ر له‌زاتيا بايى تێ توزه‌كا كێم په‌يدا بيت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ بلند بيت وه‌كو هه‌ڤبه‌ركى ل گه‌ل رۆژێن به‌رى نوكه بيت ب رەنگەکی د ناڤبەرا 18 بۆ 32 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.
يێ ئه‌رژه‌نتينى ليونێل ميسى ستێرا يانا به‌رشه‌لۆنا يا ئسپانى چاڤه‌رێ هاتنه سه‌ر دونيايێ يا كوڕێ خوه يێ دويێ ژ هه‌ڤالا خوه ئه‌نتونێلايێ دكه‌ت بێى كو ژڤانێ ژ دايكبوونا وى ديار بكه‌ت.
ميسى وێنه‌كێ كوڕێ خوه تياگۆيى ئه‌وێ ل چريا دويێ يا سالا 2012ێ ژ دايكبوويى ل سه‌ر تۆڕا ئينستگرامى به‌لاڤكريه كو زكێ دايكا خوه ئه‌نتۆنێلايێ ماچى دكه‌ت و ل سه‌ر نڤيسيه: “نه‌شێن خوه بگرين هه‌تا پێشوازيا ته بكه‌ين د جيهانا مه دا، تياگۆ: حه‌ز ژ دايك و بابێن خوه دكه‌م”.
رۆژناما كلارين يا ئه‌رژه‌نتينى راگه‌هاند كو ميسى چاڤه‌رێ هاتنا كوڕێ خوه يێ دويێ دكه‌ت و ل به‌ره ناڤێ وى بكه‌ته بنيامێن.
سه‌ره‌رايى ئاستێ وى يێ يا ل ئه‌ڤ ساله، كوڕێ وى تياگۆيى گوهۆڕينه‌كا به‌رچاڤ خستيه ژيانا ميسى يێ 27 سالى، كو هه‌ر ده‌م پشتى يارى ب دووماهى دهێت ب له‌ز دچيت مال و هه‌موو تشتێن خوه ژ بير دكه‌ت ب تنێ ب ديتنا تياگۆيى هه‌ر وه‌كو وى به‌رى نوكه ئاماژه پێكرى.
ئه‌ڤرۆ نيوز:
ئاژانسا سيراج پرێس يا ئۆپۆزسيۆنێ سه‌رژمێريه‌كا نوو يا هژمارا كوشتيێن پله‌دارێن هێزێن رژێما سوريێ به‌لاڤكر كو يێن ده‌سپێكا ئه‌ڤ ساله نه و تێدا ئاماژه ب به‌لگه‌يێن چالاكڤانان ل سوريا كرينه كو نێزيكى 200 پله‌داران هاتينه كوشتن و ژ وان ژى پێنج ليوا نه كو ل هه‌موو ده‌ڤه‌رێن سوريا هاتيه كوشتن و پتريا وان يێن ئيدله‌ب و ديمه‌شق و درعا و حه‌له‌بێ نه.
نيشاندان