ئەڤرۆ:
بەرپرسەکێ بلند یێ رەوتا سەدر بۆ ئاژانسا “سیاسە” یا کوێتی راگەھاند کو جۆن مەککەین سیناتۆرێ ئەمریکی ب ئاشکرایی گۆتیە حەیدەر عەبادی دڤێت ھێزا فەیلەقا قودس یا ئیرانی ژ عیراقێ بکەنە دەر و عیراق پێگیریێ ب بڕیارا نێڤدەولەتی بکەت.
وی بەرپرسی ئاشکرا ژی کریە کو جۆن مەککەین ب بەلگە بۆ عەبادی دیارکریە کو ٢٠٠٠ ھەتا ٢٥٠٠ سەربازێن ئیرانی یێن ل بەغدا ، ھەروەسا ھندەکێن دی ل سامەرا و دوجێل و بەر ب ئاراستێ تکریت ھاتینە بەلاڤکرن و ھندەک ژی ل رۆژئاڤایێ فەلوجە و دیالا ھاتینە بنەجە کرن و مەککەین گۆتیە عەبادی سەربازێن ئیرانی ل عیراقێ بۆ ئەمریکا جھێ مەترسیێ نە و بەروڤاژی سیاسەتەکا ئەمریکا نە ل دەڤەرێ.
مەککەین بۆ عەبادی دیارکریە کو سزایێ نێڤدەولەتی ل سەر سەرۆکێ فەیلەقا قودس یا ئیرانی یێ ھەی و دڤێت بەغدا رێ ل ھاتنا قاسم سلێمان بۆ ناڤ ئاخا عیراقێ بکەت، ئەڤێ ناکۆکی د ناڤ ئالیێن شیعی دا دروستکرینە.
نووترين نووچه
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
- کوردان سەرکەفتنەکا مەزن ل فینلەندا تۆمار کر
سه‌ره‌كى Twitter
دو نوشدار و چار گه‌نج سێداره‌دان
ئه‌ڤرۆ نیۆز ، بارزان مزوورى
عصمه‌ت ره‌جه‌ب به‌رپرسێ لقا 14 ل مووسل بۆ ئه‌ڤرۆ نیوز دیار كر كۆ ئه‌ڤرۆ چه‌كدارێن تیرورستێن داعش دو نوشدارێن نه‌خوشخانه‌یێن مووسل دگه‌ل چار كورێن شێخێن عه‌شیره‌تێن عه‌ره‌بان یێن پارێزگه‌ها مووسل ب هه‌ڤرا سێداره‌دان و ته‌رمێن وان بۆ نوشداریا داد ل پارێزگه‌ها مووسل هاتن ڤه‌گوهاستن.
ناڤبرى دیار كر كو داعش روژانه وه‌لاتى و كارمه‌ندێن ناڤ سه‌نته‌رێ مووسل دگریت و سێداره دده‌ت .
جڤاتا پارێزگه‌ها دهۆكێ دێ چاڤدێریا پاره‌یێ گه‌شه‌پێدانێ كه‌ت
ئه‌ڤرۆ نیوز، ناجی به‌ده‌ل:
یونس ره‌مه‌زان ئیبراهیم سه‌رۆكێ لیژنه‌یا دارایی و ئابۆری ل جڤاتا پارێزگه‌ها دهۆكێ بۆ ئه‌ڤرۆ نیوز راگه‌هاند:جڤاتا پارێزگه‌ها دهۆكێ ده‌سه‌لاتا چاڤدێریكرنا ئه‌وی كوژمێ بو گه‌شه‌پێدانا پارێزگه‌هان ل به‌غدا دهێته دانان هه‌یه لێ هه‌تا نها چ تشته‌كێ فه‌رمی بو جڤاتێ نه‌هاتیه كار ل سه‌ر ئه‌وێ چه‌ندێ بكه .
ناڤبری ئه‌و چه‌نده ژی دیاركر ل گوری یاسا جڤاتێن پارێزگه‌هان ده‌سته‌لات ب مه دهێته دان چاڤدێریا وی كوژمی بكه‌ین كو بو هه‌مو قه‌زا و ناحییێن پارێزگه‌هێ دهێته دان و دانا ئه‌وی كوژمی ل سه‌ر پێشنیاز و راسپارده‌یێن جڤاتێ بهێته دان ،لێ مه ئه‌و گرێدانه نینه به‌لكو ب شێوه‌یه‌كێ هه‌ره‌می دهێته دان نه‌ك ل گوری خواستێ یه و نه‌بوونا كه‌ناله‌كێ په‌یوه‌ندیكرنێ ل گه‌ل جڤاتا نونه‌رێن عیراقێ ژی بخوة ئه‌گه‌ره‌كه بو راوه‌ر نه‌گرتنا مه د ڤی بیاڤی دا .
بزانه چه‌ند ژ بودجێ مادێ 140 هاتیه كێمكرن
ئه‌ڤرۆ نیوز، ناجی به‌ده‌ل:
نه‌جیبا بامه‌رنی ئه‌نداما لژنا دارایی ل جڤاتا نونه‌رێن عیراقێ بو ئه‌ڤرۆ نیوز راگه‌هاند:75 ملیار دینار بو ماده‌یا 140 بو سالا 2015 هاتینه ته‌رخانكرن ل چاڤ سالێن بوری دا كو 170 ملیار دینار بو دهاتنه دانان و ب ڤێ كێمیا پاره‌ی كارێن وێ ماده‌یێ ب شێوه‌یه‌كێ رێك و پیك برێڤه ناچن .
ناڤبرێ ئه‌و چه‌نده ژی دیاركر دێ بزاڤێ كهن ل رۆنشتنێن په‌رله‌مانی دا داخوازا زێده‌كرن و ده‌رگه‌هـ ڤه‌كرنا داهاته‌كێ دی بو بكه‌ین .
ئه‌ندام په‌رله‌مانێ گوت ژی ” ژ ئه‌گه‌رێ ئه‌و قه‌یرانا دارایی یا سالا بهێت روو ب روو عیراقێ دبیت ب ئه‌گه‌رێ هاتنه خوارا بهایێ په‌ترۆلێ، حكومه‌تێ هه‌مو خه‌رجی یێن خو كێم كرن ب یا ماده‌یا 140 ڤه ژی .
ب شه‌ره‌ده‌ڤ چوون و كه‌سه‌ك هاته كوشتن
ئه‌ڤرو نیوز، هه‌یفا دوسكى:
ژ ئه‌گه‌رێ ئاریشه‌كا نه‌دیار دو كه‌س ل ئاقارێ گۆندێ پیرۆمه‌را لێكه‌فتن و د ئه‌نجامدا كه‌سه‌ك ب گۆلێ دهێته كوشتن.
رائیدێ مافپه‌روه‌ر هێمن سلێمان ئه‌ترووشى دیار كر كو هه‌تا به‌رهه‌ڤكرنا ڤى خه‌به‌ری ئه‌گه‌رێن وى شه‌ری دیار نه‌بووینه و ئه‌و وه‌لاتى ب گولله‌كێ هاتیه كوشتن و ژ دایكبوویێ 1956 و بۆ رۆژناما ئه‌ڤرۆ گۆت “ب تۆمه‌تا كوشتنا وى كه‌سی، كه‌سه‌ك هاتیه ده‌سته‌سه‌ركرن”.
به‌رپرسێ په‌یوه‌ندى و راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ دیار كر ژی كو ته‌رم بۆ نوشداریا داد هاتیه ره‌وانه‌كرن و گۆت “لێكۆینان ده‌ست پێ كریه و دێ دبه‌رده‌وام بن هه‌تا دگه‌هینه ئه‌نجامان”.
ژ ئالیه‌كێ دى ڤه رۆژناما ئه‌ڤرۆ چه‌ند پێزانین بده‌ست خستینه كو كه‌سێ هاتیه كوشتن كه‌سه‌ك بریندار كریه ژ نوو كه‌سه‌كێ دى هاتیه ئه‌و كوشتیه.
راھێنەرێ عیراقێ کوردەک باشتر دیت ژ پیشەکارێ خولا سعودیێ
ئەڤرۆ نیوز، ھەژار مەعروف:
پشتی رازی شنێشل راھێنەریا ھەلبژارتیێ عیراقێ ل ماوێ بوری ل جھێ راھێنەرێ بەری نوکە حەکیم شاکر وەرگرتی و ھەر ل گەل وەرگرتنا وی ھژمارەکا یاریکەران ھاتبوونە دورخستن کو ئێک ژ ئەوان یاریکەران یاریکەرێ کورد و یێ پیشەکار دخولا پلا دو یا ھولەندا دا پشتی یاریکەرەکێ وی یێ ھێلا ناڤین نەشیا پشکداریێ بکەت ژ بەر یاسیا قارەمانیێ.
پشتی وێ چەندێ راھێنەر نەچار بوو ل بریارە خوە پەشێمان بیت و جارەکا دی یاریکەرەکێ دی ل پێکھاتیێ دەستپێکێ زێدەکری ئەوژی ئوسامە رەشید کو بەری وەربگریت چەند ژێدەرێن نێزیک ژ راھێنەری دیارکر بوو رازی شنێشل ئەڤ یاریکەرە دورخستن بوو ژبەرکو چو پێزانین لسەر نینە.
پشتی یاریکەر ھاتیە داخوازکرن بوو ھەلبژارتیێ عیراقێ و یاریکەر ھاتیە ئاگاداکرن ل داخویانیەکێ دا بۆ رۆژناما ئەڤرۆ دیارکر بوو ئەو سوزێ دەتە پشتەڤانێن خوە راھێنەر پشت بەستنێ لسەر بکەت و ب ئاستێ وی یێ باش راھێنەری رازی بکەت ئەو وەکو یاریکەرەکێ سەرەکی یاریێ بکەت و ئەڤ چەندە ژی ھاتە پێش ئەوێ ل سێ یاریێن بوری دا ١٧٣ دقیقا یاری کری و دو یاریان وەکو یاریکەرەکێ سەرەکی کری و ناڤێ وی د پێکھاتیێ دووماھیێ دا ژی ھاتە ھەلبژارتن بوو قارەمانیا ئاسیا ل ئوسترالیا.
راھێنەری ب ئاستێ خوە رازی بکەت بھێتە ھەلبژارتن وەکو یاریکەرەکێ سەرەکی و دوھی ئەڤ چەندە ھاتە پێش پشتی پێکھاتیێ ئوسامە ئەوێ ل سالا ١٩٩٢ ژ دایکبووی کو خەلکێ باژێرێ کەرکوکێ یە کو نوکە خودانێ ١١ یاریێن نیڤدەولی یە ل گەل ھەلبژارتیێ عیراقێ کو ھەڤرکیەکا ب ھێز دناڤبەرا وی و یاریکەرێ یانا ئیتحاد جدە یا سعودی سەیف سەلمان دا ھەبوون کو ھەردو یاریکەر ل ئێک جە ل ھێلا ناڤین یاریێ کەن لێ راھێنەرێ ھەلبژارتیێ عیراقێ رازی شنێشل ئاستێ یاریکەرێ کورد باشتر ژ سەیف سەلمان دیت.
سه‌ربه‌ست بابيرى هاته ده‌نگ
ئه‌ڤرۆ نیوز:
پشتى به‌لاڤبوونا ده‌نگوباسێ نه‌خۆشكه‌فتنا سه‌ربه‌ست بابیرى ئه‌ندامێ جڤاتا سه‌ركردایه‌تیا پارتى دیموكراتى كوردستان، ناڤبرى راگه‌هاند كو چو راستى بۆ وى بابه‌تى نينه.
سه‌ربه‌ست بابيرى، ئه‌ندامێ جڤاتا سه‌ركردایه‌تیا پارتى دیموكراتى كوردستان، تایبه‌ت بۆ ئه‌ڤرۆ نیوز دیاركر كو ب تنێ ئه‌و گۆتگوتكن و گۆت: “چو راستى بۆ وى ده‌نگو باسى نینن و ره‌وشا من یا ساخله‌میێ گه‌له‌ك یا باشه”.
دیسا بابیرى ئاماژه ب وێ چه‌ندێ ژى كر كو ئه‌و گۆتن ب تنێ بوقێن هنده‌ك لایه‌نانه و گۆت: “هنده‌ك لایه‌ن ئه‌ڤان ده‌نگوباسان بۆ خوه ب ده‌ستكه‌فت دبینن، به‌لێ هه‌موويان پشت راست دكه‌م كو چو راستى بۆ نينه”.
ئه‌ڤ ساله چه‌ند كه‌س ل به‌رده‌ره‌ش هاتينه كوشتن؟
ئەڤرۆ نیوز، رەزوان رۆژبەیانی:
رێڤەبەرێ پولیسێن قەزا بەردەرەش ئامارێن رووداوێن سالا 2014 بۆ ئەڤرۆ نیوز ئاشکرا دکەت كو تێدا ل سالا 2014 ل وێ ده‌ڤه‌رێ هزار و 67 روودانێن جوراوجور رووداينه.
عەقید زێدان زەکەریا رێڤەبەرێ پۆلیسێن قەزا بەردەرەش بۆ ئەڤرۆ نیوز خویا کر کو ل سالا 2014 ھزار و 67 روودانێن جوراوجور ل سنورێ قەزا بەردەرەش ھاتینە روودان کو شەش روودان يێن کوشتنێ بووينە و 109 روودانێن ھاتنوچوونێ بووينە کو 11 کەسان جانێ خوە ژ دەست دايە و 58 کەسێن دی ژی بریندار بووينە و گۆتژی: “77 روودانێن شەرێن جوراوجور ل سنورێ بەردەرەش ھەبووينە”.
عەقید زێدان زەکەریا زێده‌تر گۆت: 34 سکالا ژی ل دژی خراب ب کارئینانا مۆبایلان ھاتینە تۆمارکرن”
ل دووماھیێ ژی دا دیارکرن کو رووداوێن ئەف سالە بەرامبەر رودانێن سالا بۆرى کێمتر لێ ھاتینە.
وه‌زيرێ كاره‌بێ ل په‌رله‌مانى ئه‌گه‌رێن كێمبوونا كاره‌بێ ديار دكه‌ت
ئه‌ڤرۆ نيوز:
وه‌زيرێ كاره‌بێ ل حوكمه‌تا هه‌رێما كوردستانێ كێشه و ئاريشێن ل هه‌مبه‌ر كه‌رتێ كاره‌بێ ل په‌رله‌مانێ كوردستانێ به‌حسكرن و ئاماژه ب وێ چه‌ندێ كر كو وه‌زيرێ ژێده‌رێن سرۆشتى سوته‌مه‌نيا پێدڤى بۆ به‌رهه‌م ئينانا كاره‌بێ دابين ناكه‌ت.
روونشتنا په‌رلمانێ كوردستانێ بۆ دانوستاندن ل سه‌ر كێشێن ل سه‌ر كاره‌بێ يا به‌رده‌وامه و سه‌لاحه‌دين بابه‌كر وه‌زيرێ كاره‌بێ، ئاماده‌يى روونشتنێ بوو و ل ده‌سپێكا روونشتنێ ژى كێشه و ئاريشێن وه‌زاره‌تا وى هه‌ين به‌رچاڤكرن.
وه‌زيرێ كاره‌بێ ئاماژه ب وێ چه‌ندێ كر كو نوكه 10 ويێستگه‌هـ بۆ به‌رهه‌مئينانا كاره‌بێ ل هه‌رێمێ كار دكه‌ن و دو وێستگه‌هـ ژى د ئاماده‌نه، به‌لێ نه‌خستينه كار، ئێك 640 مێگاواتێ خۆرماله‌يه ژ به‌ر كو وه‌زاره‌تا ژێده‌رێن سرۆشتى سۆته‌مه‌نيێ بۆ دابين ناكه‌ت، نه‌خستيه كار، د هه‌مان ده‌م دا ويستگه‌هێ غازا هه‌ولێر ژى 540 مێگا واته و يێ ئاماده‌يه، به‌لێ هاتيه راوه‌ستاندن ل سه‌ر رێكنه‌كه‌فتنا بهايێ كرينێ.
وه‌زيرێ كاره‌بێ ئاماژه ب وێ چه‌ندێ ژى كر كو هاتنا مليۆن و نيڤ ئاواران بۆ هه‌رێما كوردستانێ و پێدانا كاره‌بێ ب ئه‌وان و ب ده‌ڤه‌رێن كوردستانى يێن ده‌رڤه‌يى ئيدارا هه‌رێمێ، ژ ئه‌گه‌رێن سه‌ره‌كى يێن كێميا كاره‌بێ نه.
ئه‌ندامێن په‌رله‌مانێ كوردستانێ ژى د روونشتنێ دا، ديتن و تێبينى و ره‌خنێن خوه ل سه‌ر بهايێ كاره‌بێ ل هه‌رێمێ خستنه به‌رچاڤ.
هێرشه‌كا خوه‌كوژى ل به‌غدا هژماره‌كا كوشتى و بريندان ل دووڤ خوه هێلان
ئه‌ڤرۆ نيوز:
ژێده‌ره‌كى ژ هێزێن ئه‌منى يێ عيراقى راگه‌هاند كو ئه‌ڤرۆ رۆژا دوشه‌مبى 29\12\2014 ژ ئه‌نجامێ هێرشه‌كا خوه‌كۆژى ب ده‌هان كه‌س هاتنه كوشتن و بريندار كرن.
راگه‌هاند كو ژى كو ئه‌ڤ هێرشا خوه‌كوژى ب رێيا قايشه‌كا تى ئێن تى كرى بوويه ل ناڤه‌راستا سه‌رادق يا جڤاتا شينيان ل ده‌ڤه‌ريا حه‌ماميات يا سه‌ر ب قه‌زا تاجى باكوورێ به‌غدا ڤه و گۆت: “11 كه‌س هاتينه كوشتن و 25 بريندار بووينه”.
هه‌مان ژێده‌ر ئاماژه ب وێ چه‌ندێ ژى كر كو ئه‌ڤه ئامارێن ده‌سپێكى نه و گۆت: “دبيت ئه‌ڤ رێژه زێده ببيت”.
نيشاندان
WP Facebook Auto Publish Powered By : XYZScripts.com