ئه‌ز و هوون و نێزیك و دوور ڤێكرا دزانین باوه‌ریدان ب ئێك و دو چه‌ند خۆشه لێ د گه‌ل دا لاواز بوویه د ناڤ جڤاكی و كارێن مه‌یێن رۆژانه دا, ب مخابنی ڤه گه‌له‌ك كه‌س ئاخینكان دبێژن و سه‌د خۆزیكا رادگه‌هینن, ژ بۆ ناسكرنا هنده‌ك كه‌سێن به‌رامبه‌ر ئه‌ڤێن ژ نشكه‌كێ ڤه بێ باوه‌ر ده‌ردكه‌ڤن و روی خوه یێ ڤه‌شارتی نیشا ددن و ل ده‌مێ كه‌سه‌ك باوه‌ری ب كه‌سه‌كێ یان كومه‌كا مرۆڤان بینت و ل دووڤرا بۆ ده‌مه‌كێ كێم باوه‌ریێ بهه‌رفینت و خیانه‌تێ ل به‌رامبه‌ری خوه بكت دێ روو ره‌ش و شه‌همزار بت به‌رامبه‌ر هه‌ر كه‌سه‌كێ چ نێزیك یان دووری وی بت, لێ دزانین بۆ هه‌ر كاره‌كێ هه‌بیت د ژیانێ دا، باوریدان ب ئێكودو چه‌ند گرنگ و فه‌ره و تایبه‌ت ل ده‌مێ گرێدانا په‌یوه‌ندیێن دو قولی و جڤاكی و ره‌وشه‌نبیری و رامیاری و ئایینی و زانستی و بازرگانی و ئابووری و له‌شكری و خزماتی و ئه‌ڤینی و هتد. لێ بۆچی ئه‌ڤرۆ ئه‌ڤ ده‌رگه‌هێ بێ باوه‌ریێ ڤه‌بوویه و هێدی هێدی د ناڤ جڤاكا مه‌دا به‌لاڤه‌بت و جار گوه لێ دبین ئێك بۆ یێ دی ته‌ل و خه‌فكان ڤه‌دده‌ت دا ژ نێزیك كاری ب هه‌رفینت و سه‌رنه‌كه‌ڤیت، راستی نه‌سه‌یره چونكو زۆر ژ خه‌لكێ مه ئه‌ڤرۆ یێن بووینه دوور ژ ترسا خودایێ مه‌زن و هه‌می ئاینێن پیرۆزێن ئاسمانی و یاسایێن جڤاكی و دوور ژ دابونه‌ریتێن پیشیێن مه و مرۆڤاتیێ و هیڤی یه بێ باوه‌ری نه بیت نه‌ساخی پاشی جڤاكێ هه‌میێ بگرت, و ل دووڤرا كاروئه‌ركێن خه‌لكی و جه‌ماوه‌ری برێڤه نه‌چن و پاشی سه‌د گۆتنێن بێ بها وه‌كی تیرا لێ بفڕینن و هێدی ژ كاروئه‌ركێن وی دووربێخن و ڤیجا بۆچی و سه‌د بۆچی یا پێكڤه ڤه‌هینین و ئاراسته‌ی ئێكودو بكه‌ین و ل دووماهیێ جڤاكی بخاپینین و فه‌ند و فێلان د گۆره‌پانێ دا بشارینین و فه‌ره بێژین شه‌رمه, ئێدی بلا به‌س بت خاپاندن و بێ باوه‌ری دان ب ئێكودو و بلا ئه‌م هه‌می ل خوه بزڤرین بۆ موكومكرنا هێمایێن باوه‌ریی د ناڤ وه‌لاتی دا و خزمه‌تكرنا ئێكودو بكه‌ین ب رێیا رێزگرتن و عه‌شق و ڤیان و شیان و زه‌حمه‌ت و ماندیبوون و باوه‌ری دان ژ بۆ خاترا ئاڤاكرنا كه‌سایه‌تی و نه‌ته‌وا مه كوردان و سوبه په‌شێمان و پارچه پارچه نه‌بین و بلا خه‌بات و خزمه‌تا گه‌ل و وه‌لاتی مه ب هه‌روه ژی نه‌چیت.
هه‌روه‌سا پشتراست بن, ل هه‌ر جهه‌كی باوه‌ریدان ب ئێكودو هه‌بت, هه‌می كار ب جوانی و سه‌ركه‌فتی دێ ده‌رباز بن بێ ئاسته‌نگ و ئاریشه.
خوه‌نده‌ڤانێن هێژا, نه دووره هوون ژی هاتبن تاقیكرن ل بن ناڤێ بێ باوه‌ریێ ده‌رباز ببین و چه‌ند كه‌سێن نێزیك یان دوور هوون خاپاندبن و سه‌د گۆتن بۆ هه‌وه ب به‌لاشی به‌لاڤه‌كربن و ڤه‌هاندبن و هوون ژی دو دل كاربن د ژیانێ دا، دا تێكه‌لی خه‌لكی نه‌بن و خوه دووری خزمه‌تكرنێ بكن و بلا گه‌نج و لاو, كچ و ئافره‌ت, قوتابی و مامۆستا, دایكوباب, خووشك و برا كه‌سوكار , دوست و هه‌ڤال, ده‌ر و جیران, هه‌ژار و ده‌وله‌مه‌ند, كرێكار و بازرگان وه‌لاتی و سیاسه‌تمه‌دار, رێڤه‌به‌ر و به‌رپرس, زانا و نه‌زان، دیندار و ره‌وشه‌نبیریێن ملله‌تی مه, هتد
وه‌رن دا ڤێكرا باوه‌ریێ ب ئێكودو بینن دا رێكێن سه‌ركه‌فتنێ مسوگه‌ر و رێكێن ژیانێ گه‌شتر و خوشتر بكین ژبۆ خزمه‌تكرنا خه‌لكێ و ملله‌تێ خوه و ب دل و جان خوه ژ پێلێن ده‌ریایا بێ باوه‌ری و بێ به‌ختی و نه‌كارێن مرۆڤاتی یێن رۆژانه دووربكین و راكین دا هه‌می ده‌ما د ناڤ جڤاكێ دا شاد و به‌خته‌وه‌ر و سه‌لامه‌ت بژین.
نووترين نووچه
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
سهرهكى Twitter
ئاگه‌هداريه‌ك ژ رێڤه‌به‌ريا هاتنوچوونا پارێزگه‌ها دهۆكێ
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا هاتنوچوونێ ل پارێزگه‌ها دهۆك راگه‌هاند كو ئه‌و ل 31\12\2014 مامه‌لێن وه‌لاتيان ل رێڤه‌به‌ريێ برێڤه نابه‌ن و ل 4\1\2015 ژى مامه‌لێن ترۆمبێلێن هژمارێن كاتى ب رێڤه ناچن.
عه‌ميد فه‌خری ئه‌حمه‌د مه‌جيد، رێڤه‌به‌رێ رێڤه‌به‌ريا هاتنوچوونێ ل پارێزگه‌ها دهۆك، بۆ ئه‌ڤرۆ نيوز گۆت: “ل رۆژا چارشه‌مبى رێكه‌فتى 31\12\2014 مامه‌لێن وه‌لاتيان ل رێڤه‌به‌ريێ برێڤه ناچن ژ به‌ر كو فه‌رمانبه‌رێن وان دێ مژوولى جه‌ردا سالانه بن”.
زێده‌تر گۆت: “ل رۆژا ئێكشه‌مبى رێكه‌فتى 4\1\2015 ژى مامه‌له‌يێن ترۆمبێلێن كاتى برێڤه ناچن ژ به‌ر جه‌ردا سالانه يا بانكان ل پارێزگه‌ها دهۆكێ”.
رێڤه‌به‌رێ هاتنوچوونا پارێزگه‌ها دهۆكێ هيڤى خواست كو وه‌لاتى د رۆژا 31\12 دا سه‌ره‌دانا رێڤه‌بريا وان نه‌كه‌ن و يێن ترۆمبێلێن كاتى ژى ل 4\1 و گۆت: “ده‌وام بۆ فه‌رمانبه‌ران دێ ب ره‌نگه‌كێ دروست هه‌بيت و ب تنێ مامه‌لێن وه‌لاتيان برێڤه ناچن”.
ل ئاکرێ پێنج کەس بوونە قوربانی
ئاکری، نەوزاد زادە ھلۆری :
ل سپێدەھیا ئەڤرو رۆژا دووشەمبی د روودانەکا ھاتن و چوونێ دا ل قەزا ئاکرێ پێنج کەس بوونە قوربانی.
رێکەفت زاھێر بوو ئەڤرۆ نیوز گۆت: “ئەڤرۆ رۆژا دووشەمبی ل دەمژمێر ٦:٣٠ێ سپێدێ روودانەکا وەرگەریانێ ل سەر رێیا گشتی بەرامبەر بەنزینخانا گەردی ل ئاکرێ درۆست بووە و د ئەنجام دا پێنج کەس برینداربوون”.
گوت ژی: “ترومبێل ژ جورێ تویوتا کرولا تایبەت ب رەنگێ سپی بوو ، و ھەرموو بریندارێن وێ بوو نەخوشخانا تەنگاڤیا ل ئاکرێ ھاتنە ڤەگوھاستن و نھا رەوشا وان باشە”.
ھندەک جارا ئەز ھزر ناکەم ئەحمەد کو ب تنێ ھەڤژینێ منە
ئەڤرۆ:
ھونەرمەندا شانوڤان رێزان سالح ل سالا ١٩٧٩ ل ئامێدیێ ژ دایکبوویە، دەرچوویا پەیمانگەھا ھونەرێن جوانە پشکا شانۆیێ، پشکا درامایێ، پشکداری د ١٥ شانۆگەریان دا کریە، چوونا پەیمانگەھێ دەسپێکا کارێ وێ یێ دوبلاژێ بوویە و ھەتا سالا ٢٠٠٣ بەردەوام بوویە، نھا قوتابیە ل کولیژا زانستێن مرۆڤایەتی سکۆلا ئادابێ، ددیدارەکێ دا بۆ بەرپەرێ ھونەریێ ئەڤرۆ گۆت: دڤی بیاڤێ دوبلاژێ دا، من گەلەک خزمەتا زارۆیان کریە، ژ کارێن گەلەک خوەش بوو دەڤ من و خوەزی من ئەو دەم ھەبا نۆکە ژی من ئەو خزمەت پێشکێشی زارۆیان کرباڤە.
دەربارێ ھەڤژینێ خوە ئەحمەد مشەختی ژی، رێزانێ گۆت: نە ب تنێ ھاریکارە دکارێ ھونەری دا، بەلکو د ھەموو کاران دا یی َھاریکارە، پالپشتە و پشتەڤانە و ئەوی ئازادیەکا تەمام دایە من کو کارێ خوە یێ شانۆیێ بکەم بێ ئاستەنگ و ھندەک جاران ئەز ھزر ناکەم کو ئەو ب تنێ ھەڤژینێ منە بەلکو ئەو وەک ھەڤالەکی یە.
ھەمبەر کێمبوونا وێ دبزاڤێن شانۆیێ دا، رێزانێ رەدکر کو ل سەر دەپێ شانۆیێ دوور کەفت بیت و گۆت: چێنابیت ھەر کارەکێ بھێتەکرن مرۆڤ ل گەل دا بیت، رەنگە ھندەک جاران بینەر ژی نەرحەتیا خوە ژ مرۆڤی ب بینن، دیسا دڤێت کارێ ئەز پێشکێشی خەلکێ خوە دکەم مەرەمەک ھەبیت، د ئاست دا بیت و ھندەک جاران ئەگەرێن خێزانی ژی ھەنە مرۆڤ ژێ دوور دکەڤیت، بەلێ نابینم یا کێم، چونکی ھەر چ نەبیت ھەر سالێ ئەم کارەکێ ل باژێرێ دھۆکێ دکەین.
سەبارەت ئەڤ کچێن پەیمانگەھێ بداوی دئینن زوربەیا وان دەست ژ کارێ ھونەری بەرددەن، لێ رێزان بەردەوام ما چ ئەگەر بوو کو تو بەردەوام بمینی و ببیە شانۆڤان ؟ رێزانێ گۆت: ھەکە ھەڤژینێ من ھونەرمەند نەبا دبیت، نەشیابام بەردەوامیێ بدەمە کارێ خوە و ل دەستپێکا گرێدانا پەیوەندیێن مە یێن ھەڤژینیێ ل سەر بنیاتێ ھندێ بووینە کو ئەم خێزانەکا ھونەری ئاڤا کەین د اکو خزمەتا ھونەری بکەین، ئێکەم کچا ب سەر و سیما و ناڤێ خوە یێ دروست، چوویە سەر دەپێ شانۆیێ ل بەھدینان، ب شانازی ڤە دبێژم ئەز بوویمە، چونکی کارێ من ژی نە ژ کارێن نوشدارەکی و نە ئەندازیارەکی جوداتر نینە .
رێزانێ ئاشکراکر کو وەک ھەر کچەکێ ئاسەتنگ ھەبووینە، لێ بابێ وێ ھەردەم پشتەڤانێ وێ بوویە، گۆت: رۆلێ (دایک)ێ پتر خوە تێدا دبینم یا پێ داخبارم، دووماھیێ ئاشکراکر کو ھیڤیا من ئەوە ب دانانا گرۆپەکێ کچان کو بتنێ کچ تێدا کار بکەن، یا دوێ ژی ئەوە شانۆ ھێشتا سەرکەفتنێ بدەست خوە ڤە بینیت.
په‌رله‌مانى هه‌شت مليۆن دۆلار داينه 50 كه‌سان
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ راگه‌هاند كو د خولا به‌رێ يا په‌رله‌مانێ كوردستانێ دا، هه‌شت مليۆن دولار ب 50 كه‌سان هاتينه دان و پێدڤيه سه‌رۆكاتيا په‌رله‌مانى ده‌سته‌لاتا خوه ب كار بينيت دا وى پاره‌يى ب ڤه‌گه‌رينيت.
د نڤيساره‌كێ دا، سوران عۆمه‌ر، ئه‌ندامێ په‌رله‌مانێ كوردستانێ كو ره‌وانه‌يى په‌رله‌مانى كريه و دانه‌يه‌ك ب ده‌ست ئه‌ڤرۆ نيوز كه‌فتيه، تێدا ئاشكه‌را كريه كو د خولا چوويى يا په‌رله‌مانى دا، په‌رله‌مانێ كوردستانێ هه‌شت مليۆن دۆلار ب 50 كه‌سێن ناڤا په‌رله‌مانى داينه.
ئاماژێ ب وێ چه‌ندێ ژى دكه‌ت كو پێدڤيه سه‌رۆكاتيا په‌رله‌مانى ده‌سته‌لاتێ بده‌ته خوه و ئاماژێ ب وێ چه‌ندێ دكه‌ت كو چاكسازى پێدڤيه ژ په‌رله‌مانى ده‌ست پێ بكه‌ن.
مزگينيه‌كا خۆش بۆ فه‌رمانبه‌ران
ئه‌ڤرۆ نيوز:
ماجيدا تميمى ئه‌نداما جڤاتا نوونه‌رێن عيراقێ د داخۆيانيه‌كا رۆژنامه‌ڤانى دا راگه‌هاند كو چو كۆژمێن پاره‌يى ژ مووچێ وان فه‌رمانبه‌ران ناهێته بڕين ئه‌وێن زێده‌ترى ئێك ميلۆن و 500 هزار ديناران وه‌ردگرن.
فرياد ره‌واندزى، وه‌زيرێ ره‌وشه‌نبيرى و لاوان ل حوكمه‌تا عيراقێ به‌رى نوكه ئاشكه‌را كربوو كو كێمكرنا مووچان ژ پلێن تايبه‌ت ب تنێ د گرت، ئانكو ژ سه‌رۆك كۆمارى هه‌تا رێڤه‌به‌رێن گشتى و ئه‌وان فه‌رمانبه‌ران ژى يێن سه‌ر ب سه‌ر هه‌رسێ سه‌رۆكاتيان و گۆت: “ئه‌وان فه‌رمانبه‌ران ژى دگريت يێن مووچێ وان ژ مليۆن و نيڤان زێده‌تر”.
د ڤێ داخۆيانيێ دا ماجيدا ته‌ميمى گۆت: “فه‌رمانگه‌ها بودجه‌يى ل وه‌زاره‌تا دارايى، ل سه‌ر داخوازا فه‌رمانبه‌ران ئه‌و برگه يا ژ ناڤبرى ئه‌وا بڕيار بوو د بودجه‌يى دا بهێته دانان كو يا تايبه‌ت بوو ب بڕينا مووچێ وان فه‌رمانبه‌رێن زێده‌تر مليۆنه‌ك و 500 هزار ديناران وه‌ردگرن”.
زێده‌تر گۆت: “جڤاتا وه‌زيران بۆ ڤێ مه‌ره‌مێ ژى پشتى په‌سه‌ندكرنا بودجه‌يى دێ ئاراسته‌يێن پێدڤى بۆ بودجه‌يى كه‌ت، به‌رى نوكه بووچه‌يه‌ك هه‌بوو بۆ وێ چه‌ندێ كۆژمه‌كێ پاره‌يى ژ مووچێ ئه‌وان فه‌رمانبه‌ران بهێته برين يێ د سه‌ر مليۆن و 500 هزار ديناران دا وه‌ردگرن، ئانكو پلێن رێڤه‌به‌رێن گشتى و د سه‌ر دا، به‌لێ ئه‌ڤرۆ رۆژا دوشه‌مبى ب فه‌رمى ئه‌و پێشنياز هاتيه ره‌تكرن”.
حوكمه‌تا عيراقێ د چارچوڤێ رێگرتنه به‌ر بۆ چاره‌كرنا كێشا دارايى و كێمكرنا كورتئينانا بودجا گشتى يا سالا داهاتى يا وه‌لاتى، ل چاڤه‌رێ يه، مووچێ پلێن تايبه‌ت و مووچێن زۆر كێم بكه‌ت و هه‌ر ده‌مێ كێشا دارايى چاره بوو و پارێ زێده كه‌فته به‌ر ده‌ستێ كوژمه‌كێ پاره‌ى ل جهێ وى پاره‌يى بده‌نه وان.
ئه‌ڤرۆ نيوز خزمه‌ته‌كا نوو راگه‌هاند
ئه‌ڤرۆ نيوز:
ئه‌ڤرۆ نيوز ئه‌ڤرۆكه ب ره‌نگه‌كێ جێگر گۆشا “دلێ خوه ڤه‌كه” وه‌كو خزمه‌ته‌كا نوو د مالپه‌رى دا بۆ خوانده‌ڤانێن خوه ڤه‌كر.
مالپه‌رێ ئه‌ڤرۆ نيوز بۆ ماوێ سێ هه‌يڤايه بزاڤێ دكه‌ت پێنگاڤ پێنگاڤ ل دووڤ داخوازيێن هه‌وه‌يێن هێژا بهێت و دێ بزاڤێ كه‌ت هه‌موو وان خواست و داخوازيێن هه‌وه بجهـ بينيت، به‌لێ ل دووڤ شيانێن ل به‌ر ده‌ست هه‌ين.
ڤه‌كرنا گۆشا دلێ خوه ڤه ل سه‌ر داخوازا هژماره‌كا زۆرا خوانده‌ڤانێن ڤێ گۆشێ هاته ڤه‌كرن و مه‌ره‌م ژى ژێ ئه‌وه هه‌ر كه‌سه‌كێ/ كه‌سه‌كا كێشه‌يه‌ك هه‌بيت دێ ل ڤێرێ به‌رچاڤ كه‌ت و ب رێيا نوشدارێ ده‌روونى يێ تايبه‌تمه‌ند دێ به‌رسڤ ل سه‌ر هێته دان، د هه‌مان ده‌م دا بۆ ئه‌وێن كێشه نه‌بن ژى دبيته سه‌ربۆر كو ئه‌و كێشه نه‌هێنه سه‌رى و شاره‌زايى ژيارێ و گرفتێن وێ دبيت.
هه‌ر كه‌سێ بخوازيت ئاريشا خوه به‌رچاڤ كه‌ت دشێت ب رێيا تله‌فۆنا 07502160034 يان ژى ئيمێلێ dilexo_veka@yahoo.com بگه‌هينيت.
ئه‌ڤ گۆشه دێ يا به‌رده‌وام بيت و ل لايێ چه‌پێ يێ مالپه‌رى ل نێزيك راپرسيان و ڤيديۆيان هێته دانان.
بهايێ زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
وێنه‌يى: هه‌كه شه‌حنا ئايفۆنا ته دهێته خوار ڤى كارى بكه
ئه‌ڤرۆ نيوز:
گه‌له‌ك جاران كێشا هاتنه‌خوارا شه‌حنا ئايفۆنێ بۆ مرۆڤى په‌يدا دبيت و چ پێ نه‌ڤێت ئه‌ڤه ژى مرۆڤى بێزار دكه‌ت، ب تايبه‌ت هه‌كه پشتى ده‌مه‌كێ كێم بيت ژ پركرنێ.
چاره‌كرنا وێ كێشێ ژى دێ ب گۆهۆڕينا پاتريه‌كا دى بيت چو ل سه‌ر ئه‌نترنێتێ بكرى يان ژى ل بازارى، بۆ ڤێ مه‌ره‌مێ ژى د ڤان وێنان دا دێ بۆ ته ديار بيت دێ چاوان پاتريا ئايفۆنێ گوڕى و ل مال ڤى كارى په‌نجام ده‌يى، بێى كو ببه‌يه بازارى و پاره‌كى لێ ب مه‌زێخى.
نيشاندان
WP Facebook Auto Publish Powered By : XYZScripts.com