ئه‌ڤرۆ نيوز:
کچەکا 18 سالی برێیا تێلەفونێ دلێ خوە بۆ رۆژنامویا ئەڤرو ڤەدکەت و دبێژیت: ئەز ل قوناغا دوازدێ ئامادەیی دخوینم جارەکێ بو گەریان ئەز چومە جھەکی گشتی من کەسەک ل وی جھی دیت کارمەند بو 23 سالیە دلێ من کەفتێ و ژبەر وی من بزاڤ کر کو ئەز بچمە وی جھی کار بکەم و پشتی چوویمە وی جھی و من کار کری من ڤیانا خوە بو وی دیار کر و من گوتێ کو ئەز حەز ژ تە دکەم بەس وی گوت ببورە من ھەڤالا خوە یا ھەی رۆژا پاشتر ھەموو کارمەندێن ل وێرێ کار دکەن زانی چونکی من ئەڤ ئاخفتنە بو ھەڤالا خوە گوتبو و ھەڤالا من بەلاڤ کر و گوتە ھەموویا ئەڤە بو ئاریشە دناڤبەرا من و رێڤەبەریدا و تا دووجارا رێڤەبەری ئەز لسەر کاری کرمە دەر و لبەر چاڤێن ھەموو کارمەندا گوت ئێدی نەھێیە ڤیرێ و دەما وی گەنجی ئەڤ ئاخفتنە گولێ بوین ئاخفتنێن نەشرین گوتنە من و رێڤەبەری و کورکی ھەردوکا کەرامەتا من شکاند و ئەز لجھێ خوە نەدامە کاری ھەروەسا رێڤەبەری جارەکێ ئاخفتنەک گوتە من و ژبەر وێ ئاخفتنا وی من گەلەک جارا بزاڤا خوە کوشتنێ یا کری و ھیڤیێت من یێت شکەستی و گەلەک کارتێکرن لسەر دەرونا من کر رێڤەبەرێ کاری پێش ھەمویا گوتە من تو بوچی بەلا خو ژ وی گەنجی ناڤەکەی و ئیھانا من کر و ب رێکەکا گەلەک کرێت تا وی رادەی ھەردوو دەواما زانی و نھا ژی دەما ئەز تێلەفونا بو وی گەنجی دکەم گەلەک جوان بەرسڤا من ددەت ھەرچەندە دلێ من یێ ژێ شکەستیە بەس ئەز نەشێمە خوە و ئەو چ جارا پەیوەندیێ بمن ناکەت و من گەلەک قوربانی بو وی دان وەکو رێڤەبەری گوتە من ئان دێ تو ڤێرە ھێلی یان دێ وی گەنجی فەسل کەم لەوا سەر خارترا وی من کار ھێلا ھەروەسا من کارت بو وی دھنارتن دا پێ دگەل ھڤالا خوە باخڤیت دزانم ئەڤ کارە یێ خەلەت بو من کری و حەتا داخوازا کارێن خەلەت ژی ژ من کر و گوتە من گەل من دەرکەڤە بەس ئەز نەچوم ھیڤیدارم رێیە چارەیەکێ بو من ھون چ دبێژن و ئەز چ بکەم ؟
کچا ھێژا :
گەلەک باشە کو تو توشی چ شاشیا نەبوی و تە خوە و مالباتا خوە پاراستی و ئەڤە لایێ بھێز لنک تە و ڤێ چەندێ بکار بینە دا خوە ژڤان ھزرێن شاش رزگار بکەی نەخاسمە ژیێ تە یێ ھاریکارە ژبو کو ژیان ب بەرفرەھی دەرگەھێن خوە بوتە ڤەکەت ھەروەسا گەلەک تێگەە دناڤ جڤاکێ مەدا ھەنە و بوینە وەک یاسایەکا نەدیار دناڤ مێشکێ خەلکی دا کاردکەت و بابەتێن ژیانێ لدووڤ وان شروڤە دکەت و بجە دئینیت و بێی ھەست بکەت بوینە پیڤەرێت رێڤەبرنا ژیانا وان و پێچەوانێ وان ھەموو شاشی یە، ئەڤجا باشترە ھەر کەسەک بەر چاڤ دانیت یان بھای دێ دەت و تو وەک نمونە لەوا دڤێت تو لێ نیرینەکا وورد ل دیتن و رەفتارێن خوە بکەی و عەقلانە کار بکەی و نەبێژی نەشێم یان نە بمنە ژبەر کو ئەڤ چەندە ژیانا تە دێ ئالوز تر کەن ئەڤجا بزانە ئەو گەنج نە ب وی ئاستی یە تو بەر دەوام بی دگەل ژبەر کو تو توشی ڤان نەخوشیا کری و ھەر وەسا باشترە تو خوە دیر بکەی ژ وان کاودانێن (رێڤەبەریێ ) و بزانە ھزار جە ھەنە تو ب تەقدیر و ئیحترام لێ کار بکەی و ھەر وەسا بزانە دبیت تو بێیە گرێدان ب ئێکی ڤە بەلێ د ئایندە دا سەربورێن دی ھەنە و دبیت گەلەک باشتر بن ئەڤجا دوبارە ئەڤ چەندە بلا بوتە ببنە وانە ژبو دیر کەفتن ژشاشیا.
ژ گۆشا دلێ خوه ڤه‌كه يا رۆژناما ئه‌ڤرۆ هاتيه وه‌رگرتن.
هه‌كه ته ژى بڤێت دلێ خوه ڤه‌كه‌يى په‌يوه‌نديێ ب 07502160034 بكه و دێ به‌رسڤ ژ لايێ دكتور محه‌مه‌د سه‌عيد كوزوى تايبه‌تمه‌ندێ ده‌روونى هێته دان.
نيشاندان
