ئه‌ڤرۆ نيوز:
پشتى ژ دوهى رێكه‌فتى 28ى نيسانا 2015ێ ژ نشكه‌كێ ڤه كێشا نه‌بوونا پانزينێ په‌يدابووى، د داخۆيانيه‌كێ دا بۆ راديۆيا دهۆك، هه‌ر ئێك ژ فه‌هيم عه‌بدولا سه‌رۆكێ جڤاتا پارێزگه‌ها دهۆكێ، و به‌هزاد عه‌لى ئاده‌م جێگرێ پارێزگارێ دهۆكێ وه‌لاتى پشت راست كرن كو چو مه‌ترسى ل سه‌ر كێمبوونا پانزينێ نينن و د ئه‌ڤرۆ دا دێ ئه‌و كێشه چاره بيت.
داخۆيانيا فه‌هيم عه‌بدولا سه‌رۆكێ جڤاتا پارێزگه‌ها دهۆك ل دۆر كێمبوونا بهايێ پانزينێ
داخۆيانيا به‌هزاد عه‌لى ئاده‌م جێگرێ پارێزگارێ دهۆك
ئەڤرۆ نیۆز، قائید میرۆ:
ب ئەگەرێ بوردۆمانا فڕۆکەیێن ھەڤپەیمانان بۆسەر دەڤەرا قەزا مەخموور 49 تیرۆرستێن داعش ھاتینە کوشتن و دو ترۆمبێل ژی ھاتینە سووتن.
ئیسماعیل حەمەد، بەرسێ لیژنا ناوچا قەراج یا پارتی دیموکراتی کوردستان بۆ ئەڤرۆ نیۆز راگەھاند: “شەڤا بۆری فڕۆکەیێن ھەڤپەیمانان ب گرانی گوندێن دەڤەرا قەراج یا سەر ب قەزا مەخموور بوردۆمان کرینە و د ئەنجام دا 49 چەکدارێن داعش ھاتینە کوشتن و ھژمارەکا پتر ژی بریندار بووینە”.
ئیسماعیل گۆتژی: “11 ژ کوشتیێن داعش عەرەبێن خەلکێ دەڤەرا قەراجن و ل گۆڕستانا گوندێ حەدیقە ھاتینە ڤەشارتن و ژبلی زیانێن گیانی دو ترۆمبێلێن داعش ھاتینە سووتن و زیان گەھاندینە بنکە و بارەگایێن وان”.
ئه‌ڤرۆ نيوز:
ئه‌ڤرۆ هژماره‌كا دى يا ژن و زارۆ و زه‌لامان ژ ده‌ستێ رێكخراوا تيرۆرستى يا داعش رزگار بوون و گه‌هشتنه هه‌رێما كوردستانێ و ره‌وشا وان يا ساحله‌ميێ يا باشه.
رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ راگه‌هاند كو ئه‌ڤرۆ 28ى نيسانا 2015ێ 41 كه‌سێن دى ژ ده‌ستێ داعش رزگار بوون.
خه‌يرى بۆزانى، رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ، گۆت: “ئه‌ڤرۆ ژى 24 زارۆ و 10 ژن و 7 زه‌لام ژ ده‌ستێ داعش رزگار بوون و گه‌هشتنه هه‌رێما كوردستانێ”.
رێڤه‌به‌رێ گشتێ كاروبارێن ئێزديان ل وه‌زاره‌تا كاروبارێن ئاينى يا حوكمه‌تا هه‌رێما كوردستانێ زێده‌تر گۆت: “ئه‌ڤه خه‌لكێ گۆندێ كۆچۆ و دهۆلا و گرعزێرن و ژ لايێ ئاسايشا شنگال ڤه هاتينه رزگار كرن”.
ئەڤرۆ نیۆز، قائید میرۆ:
پشتی کو دوھی ھژمارەکا زۆرا قوتابیێن کۆلیژا زانستی یا سەر ب زانکۆیا ھەولێرا نوشداری خۆنیشاندانەک ئەنجام دايى و تێدا داخواز کرى ناڤو نیشانێن وان یێن زانستی بھێنە دیارکرن، ژ لایێ زێرەڤانێن زانکۆیا ھەولێر چوار قوتابی برینداکرن.
محەمەد گومەشینی، پەیڤدارێ دەستەیا مافێن مرۆڤی بۆ ئەڤرۆ نیۆز راگەھاند: “پشتی ھژمارەکا قوتابیان ل ھەمبەر کۆلیژا خوە یا زانستێن نوشداری د خۆنیشاندانەکێ دا داخوازەک ئاراستەی زانکۆیا ھەولێر یا نوشداری کری، ژ لایێ ھێزێن زێرەڤانی ڤه ھێرشی سەر قوتابیێن خۆنیشاندەر ھاتەکرن و د ئەنجام دا، زێرەڤانێن زانکۆیێ دارێ کارەبێ ھەمبەر قوتابیا بکار ئینا و چوار قوتابی برینداربووینە”.
گومەشینی گۆتژی: “دەستەیا مافێن مرۆڤی پشتی بۆیەرێ ئێکسەر فەرمانا ڤەکۆلینێ دەرکریە و ب رێیا لیژنەکا تایبەت دوڤچوونا ئەڤێ پرسێ دھێتەکرن، چونکو قوتابیان تنێ داخوازەک ھەبوویە و ب ھووری دێ ڤەکۆلین ل دۆر چێبوونا روودانێ ھێتەکرن”.
ئەڤرۆ:
ئەنداما لژنا ئابووری و وەبەرھێنانێ ل جڤاتا نوونەرێن عیراقێ نەجیبا نەجیب دیارکر کو ل دەستپێکا ھەیڤا بھێت دادگەھا فیدرایی یا عیراقێ دێ بەرسڤا سکالایێن جڤاتا وەزیران دەت ل دۆر بودجا گشتی یا ٢٠١٥ و پشتی بەرسڤا دادگەھا فیدرال دێ دامەزراندن دەستپێکەت.
نەجیبا نەجیب بۆ ماڵپەڕێ فەرمیێ پارتی دیموکراتی کوردستان دیارکر کو ل بودجا ئەڤ سالە یا عیراقێ دا ٥٥ ھزار پلێن وەزیفی ھاتینە دیارکرن بۆ ھەموو وەزارەتان، گۆت ژی بۆ ھەرێما کوردستانێ ١٧% یە ژ وێ ھژمارێ کو دێ بنە حەفت ھزار و ٨٠٠ پلێن دامەزراندنێ بن، کو پێشتر چار ھزار و ٩٠٠ بۆ ھەرێمێ ھاتبوونە دیارکرن ل دووڤ دا دو ھزار و ٩٠٠ ھاتبوونە زێدە کرن.
نەجیبا نەجیب ھەروەسا دیارکر کو ھەکە دادگەھا فیدرالی بریار دا دێ دامەزراندن دستپێکەت، بەلێ ھەکە بەروڤاژی بوو دێ ڤەگەرنە خشتێ حوکمەتێ کو زۆرترین دامەزراندن دێ بۆ بەرەڤانی و ناڤخۆ بیت.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ هنده‌ك ئه‌ورێن كێم ل ئه‌سمانى و جاران بيته نيڤ ئه‌ورى.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن بلندێن وه‌لاتێ توركيا و فشارێن نزمێن كه‌نداڤێ عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 29ى نيسانا 2015ێ ئه‌سمان دێ هنده‌ك ئه‌ورێن كێم ل ئه‌سمانى و جاران بيته نيڤ ئه‌ورى.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ بلند بيت وه‌كو هه‌ڤبه‌ركى ل گه‌ل رۆژێن به‌رى نوكه بيت ب رەنگەکی د ناڤبەرا 27 بۆ 14 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.
ئەڤرۆ:
بۆ ھەلبژارتنێن پەرلەمانێ تورکیا نێزیکی ٤٠ رۆژ ماینە و پرانیا پارتان بەرنامێن خوە بۆ رایا گشتی راگەھاندینە و پارتێن وەک AKP و HDP دەست ب ھەوا پرۆپگاندا ژی کرینە و د ھەمان دەمی دا بۆ ئالۆزکرنا رەوشا ئێمناھیا باکورێ کوردستانێ و تورکیا ژ ئالیێ ھندەک ھێزێن ڤەشارتی ڤە کریارێن نەخوەش دھێنە ئەنجامدان و پارتێن ل پەرلەمانی ژی ھەڤدو ژ بەر وان کریاران تۆمەتبار دکەن.
رۆژنامەڤان رەمەزان دەمیر د داخۆیانیەکی دا بۆ رۆژناما ئەڤرۆ راگەھاند کو ھەلبژارتنێن ڤێجارێ یێ پەرلەمانێ تورکیا گەلەک گرنگن و ئەنجامێن وێ ژی دێ کاریگەریا ل سەر پاشەرۆژا تورکیا کەت و گۆت: (پارتا داد و گەشەپێدان AKP بۆ گوھۆرینا سیستەمێ دەولەتا تورکیا دخوازیت ٤٠٠ کورسیان ب دەست بخینیت و ئارمانجا وێ ئەوە کو ھەم دستوورەکا نوو بەرھەڤ بکەت و ھەم ژی سیستەمێ سەرۆکاتیێ بجە بکەت و بۆ ڤێ چەندێ خەباتەکا بەرفرەە ل ھەموو باژێران دەستپێکریە، دیسان پارتا دی یا کو ھەلبژارتنان وەک پرسەکا ژیانی بناڤ دکەت پارتا دیمۆکراسیا گەلان HDP یە و ئەو پارت ژی دخوازیت بەندێ ١٠% دەرباز بکەت و ھەکە بگەھیتە ڤێ مەرەما خوە دێ AKP ژ ئارمانجا خوە یا دستوورێ نوو و سیستەمێ سەرۆکاتیێ دوور کەڤیت و ململانەیەکا مەزن د ناڤبەرا ڤان ھەردو پارتان دا ھەیە و گەلەک ئالیێن سیاسی و سازیێن سڤیل ژی بۆ سیستەمێ پەرلەمانی بمینیت و سیستەمێ سەرۆکاتیێ کو رەجەب تەیب ئەردۆگانێ سەرۆک کۆمارێ تورکیا دخوازیت بجە نەبیت، بەرێ خوە داینە HDP و وێ یەکێ ژی رەوشا سیاسی ئالۆز کریە).
رەمەزانی ھەروەسا دیار ژی کر ئەو وەسا دبینیت AKP دێ دیسان وەک پارتا یەکێ دەرکەڤیت و بشێت ب تنێ حوکمەتێ ئاڤا کەت و گۆت: (رەنگە AKP و ئەردۆگان نەگەھنە ئارمانجێن خوە، لێ دێ بشێت نێزیکی ٢٨٠ کورسیان ل پەرلەمانی ب دەستڤە بینیت و حوکمەتێ دروست بکەت لێ د ھەمان دەمی دا HDP ژی ل دووڤ راپرسیان دێ بشێت بەندێ ١٠% دەرباز بکەت و نێزیکی ٧٠ کورسیان ب دەست بخینیت و ل دووڤ پێشبینیێن من ئەو ئەنجام ژی دێ ل گەل خوە دا چارەکرنا پرسا کوردی بھینیت).
سەبارەت ب ھێرشێن بۆ سەر ئاڤاھی و ناڤەندێن HDP و AKP و ئۆپەراسیۆنێن سەربازی یێن ل دژی بنگەھێن پارتا کارکەرێن کوردستانێ ژی، رەمەزان دیار کر ل توکیا ھەر دەمێ کو پرسا کوردی بەر ب چارەکرنێ ڤە بچیت یان ھەوا ھەلبژارتنان دەست پێ بکەت ھندەک ئالیێن ڤەشارتی ئانکو دەولەتا کوور دەردکەڤیتە مەیدانێ و دەست ب کریارێن توندوتیژیێ دکەت و گۆت: (ل دووڤ ھزرا من ئارمانجا ھێرشێن بۆ سەر ناڤەندێن HDP و AKP بۆ لاوازکرنا ھەر دو ئالیانە و لەشکر ژی ب ئۆپەراسیۆنێن دخوازیت گەریلا راکێشیتە مەیدانا شەری و زیانێ بگەھینتە HDP دا کو بەندێ ١٠% دەرباز نەکەت، لێ ھەتا نھا ئالیێ کوردی ب باشی سەرەدەریێ ل گەل ئۆپەراسیۆنان دکەن و ھەکە وەسا بەردەوام بکەت شانسێ HDP دێ زێدەتر بیت).
ل ئالیێ دی ل دووڤ راپرسیا ڤێ دووماھیێ یا کو ژ ئالیێ کۆمپانیا ئاڤراسیا ڤە کرن (AKP) ٤١%، HDP ١٢%، CHP ٢٥% و MHP ژی ١٧% دەنگان وەردگرن و ب ڤێ ئەنجامێ AKP ٢٧٢ و HDP ژی ٦٧ کورسیان ب دەستڤە دھینن و پرانیا چاڤدێرێن سیاسی ژی دبێژن ھەکە ئەنجامێ ھەلبژارتنان وەسا بیت دێ حوکمەت نەچار بیت کو پشتی ھەلبژارتنان پێنگاڤێن بلەز بۆ چارەکرنا پرسا کوردی ل تورکیا ب ھاڤێژیت، چونکو د دەمەکی وەسا دا ئەنجامێ ھەلبژارتنان د بەرژەوەندیا کوردان دایە.
ئه‌ڤرۆ نيوز:
به‌رى ده‌مه‌كێ كێم مانگرتنا دادوه‌ران ل باخچێ دادگه‌ها دهۆكێ ده‌سپێكر و ل به‌ره ده‌مژمێر 10:00 سپێدێ كۆنگره‌كێ رۆژنامه‌ڤانى ئه‌نجام بده‌ن.
ب گۆره‌يى ئه‌و دوريشمێن هاتينه بلندكرن مه‌ره‌م ژ مانگرتنا وان، پشته‌ڤانيه ل دژاتيكرنا ده‌ستێوه‌ردانێ د كاروبارێن دادگه‌هێ دا و ب تايبه‌تئ ئه‌و روودانا ل گه‌رميان روودايى و ئاماژه ب وێ چه‌ندێ دكه‌ن كو پێدڤيه سه‌روه‌ريى و سه‌ربه‌خۆيا دادگه‌هێ بهێته پاراستن.
پەیڤدارێ جڤاتا دادوەری یا ھەرێمێ حاکم ئومێد موحسن دیارکر کو ئەڤ مانگرتنا سەرانسەری بەرسڤەکە بۆ خۆنیشادانا باژێرکێ کەلار کو ب دیتنا وان سڤکاتی یا ب دادگەھان ھاتیە کرن، گۆت ژی دێ مانگرتنا مە یا بەردەوام بیت ھەتا وی دەمێ ھەموو لایەنێن سیاسی و پەرلەمان و حوکمەت و سەرۆکاتیا ھەرێمێ دھێنە سەر خەتێ.
بەری دو رۆژان کەس و کارێن ئەنفالکریان و ھژمارەکا زۆر ژ چالاکڤان و رۆژنامەڤانان خرڤەبوونەک ل ھەمبەر دادگەھا تاوانێن (کەرکوک ـ گەرمیان) ئەنجام دابوو، ل دووڤ دا یاداشتەکا سێ خالی ئاراستەی ھەرسێ سەرۆکاتیێن ھەرێمێ و جڤاتا دادوەری کرن، ھەر دوھی 27ى نيسانێ ژی ھەموو دادگەھێن کەلار و ئیدارا گەرمیان ژبەر سڤکاتی پێ کرنێ ھاتبوونە داخستن.
وێنه ژ په‌يجێ فه‌يسبۆكێ يێ رۆژنامه‌ڤان ئيبراهيم دێرگژنيكى هاتينه وه‌رگرتن.
ئەڤرۆ:
پشتی فەرماندێ ھێزێن پاراستنا شنگالێ کو ھەڤدەم ئەندامێ جڤاتا ناڤەندی یا ئێکەتی نیشتیمانی کوردستانە، راگەھاندی کو مژوولی چێکرنا پارتەکا سیاسی یە کو گرێدای ب ئێزدیان ڤەیە، ئاماژە ب وێ چەندێ دی ژی دایە کو ئێزدی ل کوردستانێ و عیراقێ یێن ھاتینە پشت گوە ھاڤێتن، نوونەرێ ئێزدیێن کوردستانێ ل پەرلەمانی ژی ل سەر ڤان گۆتنان ھاتە دەنگ.
شێخ شامۆ نەعمۆ، ئەندامێ پەرلەمانێ کوردستانێ، بۆ رۆژناما ئەڤرۆ گۆت” چێکرنا کیان و پارتێن سیاسی ئارمانج عیراقە و پێشتر ژی دو کیان ب ڤی رەنگی و شێوە ھاتبوونە چێکرن، ئەڤە وێ چەندێ ناگەھینیت کو گرێدای ئێزدیانە، پشت راست ئەڤە گرێدای کیانەکێ سیاسی یە، ئەو ھوسا تێدگەھن کو دێ ئێزدی ھێنە جوداکرن ژ کوردینیێ، یان ژ پارتی دیموکراتی کوردستان و ئارمانج ئەوە ب مخانی ڤە”.
شێخ شامۆ گوت ژی” ئێزدیان پێدڤی ب دامەزراندنا پارتێن سیاسی دچارچۆڤێ ئایینی دا نینە، چونکی کەسەکێ چو خێر ژێ نەدیتی یە و ھەر تشتەکێ ژ دەرڤەی چارچۆڤێ نەتەوی بۆ ئێزدیان گیان بەخشە ب تایبەتی دڤێ قۆناغێ دا ، ئەم ژی چو خێرێ ژێ نابینین، پێشتر ژی پارتەک ب ناڤێ ئێزدیان ل سەر ئاستێ عیراقێ ب ناڤێ(الاێلاح) ھاتبوو دامەزراندن و چەندین خولە دچیتە د پەرلەمانێ عیراقێَ دا ،ئەرێ ھەتا نوکە چو بۆ ئێزدیان ب دەستڤەئینایە؟ ئەڤە ب تنێ بازارە ل سەر کیستێ ئێزدیان، ئەم مێھڤان نینین، بەلکو ئەم ھەڤپشکێن بزاڤا رزگاریخوازا مللەتێ کوردین و پێکھاتەکێ رەسەنێ کوردستانی نە، ھەکە ئەم خوە ب پشت سەرۆک بارزانی نەگرین ژبۆ بدەستڤەئینانا مافێن خوە، دێ گەلەک دزیاندار بین”.
ڤی پەرلەمانتارێ کوردێ ئێزدی ل سەر ڤێ گۆتنا خوە نموونەک ئینا و ئاشکراکر کو کومبوونێن لژنا ٢١ کەسی یا ژڤانە بھێتە پێکئینان ل سەر پرسا دستووری، من داخواز ژ سەرۆکاتیا پەرلەمانێ کوردستانێ کر کو پێدڤیە کەسەکێ ئێزدی ژی ببیتە ئەندامێ ڤێ لژنێ، چونکی چەندین خال یێن ھەین گرێدای پێکھاتێن کوردستانێ نە وەکو ئایین و نەتەوە، سەرۆکاتیا پەرلەمانی خستە دەنگدانێ و ب تنێ پارتی و پێکھاتێن دی یێن ل ناڤ پەرلەمانی دگەلدا بوون و دەنگ دامە، جھێ مخابنیێ یە لایەنێن سیاسی( ئێکەتی، گۆڕان و پارتێن ئیسلامی) کو (٢٣) دەنگ بوون، دژی تایبەتمەندیا ئێزدیان بوون، ئەڤە ب چاڤەکی تەماشەی ئێزدیان دکەن کو پێکھاتەکێ پارتی نە و ئەڤە نەگونەھا مەیە ھەکە جوگرافیا مە سەر ب دادپەروەریا پارتی ڤە بیت، مە قوربانی داینە و پتری ل گەل پارتی نە و رامان نە ئەوە ب ئەرکێ خوە یێ نەتەوی رانابن، ئەڤە ئەرکەکێ نەتەوەییە ھاریکارێن مەبن ، نەکو یاریا ل سەر کیستێ مە بکەن بۆ جوداکرنا ئێزدیان ژ کوردستانێ یان پارتی دیموکراتی کوردستان، یان جوداکرنا شنگالێ ب ناڤێ کانتۆنەکێ یان حەشد شەعبی”.
شامۆی ھێشتا گۆت” چێوونا پارتەکا سیاسی درێژە پێ دانە ب کانتۆن و حەشد شەعبی و ئەڤە ھەر قۆناغەکێ یێ ناڤەکی ل سەر خوە دادنن، کاودانێن نوکە و رەوشا ئێزدی تێدا ب دەلیڤە دزانن (رێید) کی بۆ خوە پەیدا بکەن، لێ ئێزدی دھشیارن و دزانن کو بەرژوەندیا وان دکیرێ دایە، ھەکە بزاڤێن سەرۆک بارزانی نەبان، نوکە تشتێن گەلەک مەزنتر ھاتبانە سەرێ ئێزدیان، کەسێن ئێزدیان ب خودان دکەن خەلکێ شەرفمەندێ کوردستانێ یە، کەسێن نوکە دەڤەرێن ئێزدیان ئازاد دکەن ھەر پێشمەرگێ قەھرەمان و خەلکێ شەرفمەندێ کوردستانێ یە ب سەرپەرشتیا سەرۆک بارزانی”.
ئه‌ڤرۆ نیوز:
پارێزگارێ كه‌ركوكێ راگه‌هاند وان موله‌تا دو حه‌فتیا دایه حكومه‌تا به‌غدا كو بودجێ پارێزگه‌هێ بهنێرن، پشتى ڤى ماوه‌ى دێ وان هه‌لویست هه‌بیت.
ئه‌ڤرۆ نه‌جمه‌دین كه‌ریم پارێزگارێ كه‌ركوكێ د كۆنگره‌كێ رۆژنامه‌ڤانى دا ئاماژه ب وێ یه‌كێ كر كو وان نڤیساره‌كا فه‌رمى ئاراسته‌ى وه‌زاره‌تا دارایى یا عیراقێ كریه و تێدا ئاماژه ب وێ چه‌ندێ هاتیه كرن كو وه‌ك پارێزگه‌هه‌كا ژێر ده‌ستێ داعش ره‌فتار ل گه‌ل كه‌ركوكێ دهێته كرن.
نه‌جمه‌دین كه‌ریم گوت ژى: ره‌وانه‌كرنا بودجێ كه‌ركوكێ دده‌مه‌كێ دایه كو ئه‌ڤرۆ موچێ فه‌رمانبه‌رێن باژێرڤانیا مووسل ژ ئالیێ به‌غدا ڤه هاتینه مه‌زاختن.
نيشاندان