ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9\12\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1210 |
| 1 يۆرۆيێ ئه‌ورۆپى | 1490 |
| 1 ليرێ توركى | 535 |
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سهرهكى Twitter
ئێكه‌تى: شه‌رێ مووسل نه‌يێ كوردايه
ئه‌ڤرۆ نيوز، ناجی به‌ده‌ل:
غه‌یاس سورچی به‌رپرسێ راگه‌هاندنا مالبه‌ندێ ئیكه‌تیا نیشتمانی دا بو ئه‌ڤرۆ نیوز راگه‌هاند كو پشكداريكرنا كوردان چ كاریگه‌ری ل سه‌ر پوستێن ئیداری یێن مووسلێ د ده‌ستێ كوردان دا ناكه‌ت چونكو به‌ریا نها لگوری قه‌باره‌یا خو كو 30% وه‌لاتیێن مووسلێ كوردن ئه‌وان ئه‌و ده‌نگ ب تنێ ئیناینه و هه‌ر ئه‌و پشته‌ڤانێ مه و ئه‌و پوستێن به‌ریا نها هه‌ی دێ هه‌ر مینن ل بن كاریگه‌ریا لایه‌نێ كوردی.
غه‌یاس ئه‌و چه‌نده ژی دیاركر ل هه‌مو هه‌لبژارتنێن چوويی وان به‌شداری كریه به‌س كوردان ده‌نگ ب مه دایه و ئه‌و پوست و كاریگه‌ریا وان هه‌ی ئه‌وه زێده نابیت و چونكو چ عه‌ره‌بان ده‌نگ ب وان نه‌دایه ئه‌و ده‌نگێن وان ئیناین ئه‌ون یێن كوردان ب تنێ.
ده‌ربارێ به‌شداریكرنا كوردان غه‌یاس دبێژیت: “بلا ئه‌م خوینا پێشمه‌رگه و زارۆكێن خوه نه رێژین بو شه‌ره‌كی كو نه شه‌ری مه‌بیت و پێشمه‌رگه بچیت به‌شدارژی بیت دێ سه‌رپێچێ هه‌بن دێ بگران ل سه‌ر مه كوردا راوه‌ستیت”.
غه‌یاس دازانین مووسل د ده‌ستێ پێشمه‌رگه‌ی دا نه‌بوویه و هێزا سوپایێ عیراقێ د ده‌ستێ وان دا بوو ئه‌وان یا به‌ردايی دڤیت ئه‌و بچن ئازاد بكه‌ن كو ئه‌و ژی سه‌نته‌ری مووسل و به‌لێ هه‌ر پارچه‌یه‌كا كوردستانی و د ماده‌یێ 140 دا بیت بێ هزركرن و گیرۆبون دێ به‌شداری كه‌ین و گرین”.
ناڤبری دازانین نها ئه‌و د به‌رهه‌ڤيێن باش دانه بۆ پێشڤه‌چونان ل ئه‌وان ده‌ڤه‌رین كوردی ئه‌گه‌ر فه‌رمان ب وان هاته دان، لێ به‌شداریكرنا باژێرێ مووسلی هه‌تا نها دیار نینه و گۆت: “نه شه‌رێ مه‌یه خو بكه‌ینه ناڤ دا و دوێ باوه‌ریێ دانینم ب شیێن د ده‌مێ چه‌ند هه‌یڤه‌كان پرسا باژێرێ مووسلێ بێته چاره‌كرن و ئارامی بو ڤه‌گه‌ریت دێ ب سالان ڤه‌كێشیت”.
دانا قستێن ترۆمبێلان ب رێیا دادگەھێ یێن چارە دبن
ئه‌ڤرۆ:
وەلاتیەکی ترومبێلەک ژ کەسەکێ کری پشکەکا بچیک یا پارێ وی دایێ و یێن دیتر ھێلان ھەتا کو ئەو ژی وێ ترومبێلێ ب فروشیت و قازانجێ وێ وەربگریت پاشان پارێن مایێ ب دەتێ، چوو پێشانگەھەکێ ئەو ترومبێل ب بھایەکێ کێمتر ژ بھایێ وێ یێ بەرێ فرۆت و گرێبەست چێکر و گۆتێ د ماوێ ھەیڤەکێ دا دێ ڤەگۆھێزمە سەر ناڤێ تە، پشتی پارێن خوە وەرگرتین خوە بەرزەکر ئانکو فێلکاری ل دو کەسان کر.
پارێزەر رەخشان رەشید ئامێدی ل دادگەھا دھۆکێ بۆ ئەڤرۆ دیارکر کو وەلاتیەکی ترومبێلەک ژ کەسەکی کری ب 15 ھزار دولاران و گۆت: ل دەسپێکێ پێنج ھزار دولار دانێ و یێن دیتر ھێلان گۆتێ ھەتا ئەز ژی ڤێ ترومبێلێ دفروشم پاشی دێ دەمە تە دا ئەز ژی قازانجێ ژێ بکەم، وی ژی ترومبێل و سالناما وێ رادەستی وی کەسی کرن، بکرێ وێ ترومبێلێ چوو پێشانگەھەکێ و ئەو ترومبێل فروتە کەسەکێ دیتر ب کوژمێ 12 ھزار دولاران ئانکو ب سێ ھزار دولاران کێمتر ژ بھایێ وێ و پارێن ترومبێلێ وەرگرتن و گرێبەستا پێشانگەھێ چێکر و گۆتێ د ماوێ ھەیڤەکێ دا دێ بوتە ترومبێلێ ڤەگۆھێزمە سەر ناڤێ تە.
گۆتژی پشتی پارێن خوە وەرگرتین چوو خوە بەرزەکر خودانێ ئێکێ یێ ترومبێلێ لێ گەریا ھێشتا 10 ھزار دولارێن وی یێن ماینە نک و نەداینێ ھندی لێ گەریا و پرسیارا وی کر نەدیت، دەلیڤەکێ دا ترومبێلا خوە دیت رابوو شکایەت ل وی کەسی کر یێ ترومبێلا خوە فروتیێ، پولیسان ژی نێزیکی 20 رۆژان لێ گەریان ل مالا وی و جھێ کارێ وی و کەس و کارێن وی پاشان پولیسان ل مالا وی ئەڤ کەسە دەستەسەرکرن و زیندانکرن.
زێدەتر گۆت: پشتی بۆ دادگەھێ دیار بوویی کو وی کەسی فێلکاری یا کری و ترومبێلا وی یا فروتی و پارێن وی یێن خارین و نەزڤراندینە ئانکو فێلکاری ل دو وەلاتیان کر یێ ئێکێ خودانێ ترومبێلێ یێ سالنامە ل سەر ناڤێ وی و یێ دویێ ژی ئەو کەسێ ترومبێل فروتیێ، پشتی ڤەکۆلینێ و ئامادەبوونا دیدەڤانا ل بەرامبەری دادگەھا کەتنێ ل سەر ڤی کەسی دوپات بو کو فێلکارییا کری و ب سزایێ شەش ھەیڤان ھاتە حوکمکرن.
ھەر ل دۆر ڤێ کێشێ ڤەکولەرێ جڤاکی رەعەد سابر دیار دکەت کو ئەو کەسێ فێلکارییان ل خەلکەکی دکەن کەسێن زیرەک و تێگەھشتینە رەوشەنبیریەکا ھەی ب کاردئینن بۆ ڤان کارێن بێخێر موخابن ئەڤ کەسە نەشێن ب رێیێن رەسمی و قانوونی بۆ خوە کارەکێ پاقژ بکەن، گۆتژی دێ رابن ڤێ رەوشەنبیری و شیانێن خوە ب کارئینن بۆ فێلکاریێ و وێ مەرەما خوە ب جە دئینن ژی و کەسێ بەرامبەری خوە قانع دکەن و زوو باوەردکەن و جڤاکێ کوردی ژی یێ دلنازکە، لێ ل جھێن دیتر دبێژن نەخێر قانوونە دڤێت بۆ مە ل سەر کاغەزەکێ ئیمزا بکەی کومپیالەیە، نەشێت فێلکاریێ بکەت.
ناڤھاتی ئاشکراکر ژی کو خەلکێ مە ھندەک جارا باوەرییەکا مەزن دەتە ھەڤالێ خوە بۆ نموونە دێ خوە دەرێخیت کەسەکێ زەنگین و زانا و ب راستی وەسا نینە ئەو ب خوە روبعەک د بەریکا وی دا نینە، دووماھییا وی ژی ھەر شەرمزاریە باوەریا وی نامینیت دێ ھەر فێلکاریا کەت دێ بینی ھەر ماوە ماوە دێ بەرێ خوە دەتە چەندین جھان.
دو سنێل دبێ سەروشوونن
ئه‌ڤرۆ:
دو سنێلێن خەلکێ قەزا بەردەرەش ل روژا ئێک شەمبی 7\12 دەمژمێر 2:30 چووینە دەف سەرتراشخانێ ل رۆڤیا و ھەتا نھا دبێ سەروشوونن.
شێخان ئیسماعیل پسمامێ ھەردو زارۆیێن سنێلێن بێ سەرووشین بۆ رۆژناما ئەڤرۆ دیار کر کو ھەردو کورمامێن وی سەیفوللا تارق و حسێن سوبحی ژ گوندێ پیرچاوش یێ سەر ب قەزا بەردەرەش ڤە بەر ب ناحیا رۆڤیا چووینە ژ بۆ مەرەما چێکرنا پرچێن خوە ل سەرتراشخانەکێ ل رۆڤیا و بێ سەروشوون بووینە و گۆت “مە ھەمی دەزگەھێن ئیمناھیێ ئاگەھدارکرینە ھەتا نھا چ دیار نەبوویە”.
ناڤبری دیار کر ژی کو ھەردو قوتابیێن پۆلا ھەشتێ بنەرەتن و د ئێک پۆلێ دانە و گۆت “ژیێ سەیفوللای 14 سالە و یێ حسێنی 15 سالە و ھەڤالێن ئێکن و ھەمی دەما ل گەل ئێک بوون”.
ھەروەسا دیار کر کو مالا وان چ ئاریشە و کێشە دگەل کەسێ نینن کو شکەک ل سەر ئێکی ھەبیت و گۆت “داخوازیا مە ژ ھەر کەسەکی تایبەت دەزگەھێن ئیمناھیێ یێن کوردستانێ و ب رێکا رۆژنامەیا ئەڤرۆ ھاریکاریا مە بکەن دا ھەردو زارۆک بھێنە دیتن”.
دێ چاوان ل گۆڤارا TIME ده‌نگێ خوه ده‌يه سه‌رۆكێ هه‌رێمێ؟
ئه‌ڤرۆ نيوز، نيوار محه‌مه‌د سه‌ليم:
بۆ جارا ئێكێ د ديرۆكا خوه دا، كۆڤارا ناڤدارا جيهانى كورده‌ك كره د ناڤا كه‌ساتيێن سالێ دا و بۆ ڤێ جارێ ژى مه‌سعود بارزانى سه‌رۆكێ هه‌رێما كوردستانێ هه‌لبژارتيه.
گۆڤارا ناڤھاتی بۆ سالا 2014 ھەشت کەساتیێن جیھانێ بۆ برنا ڤی ناسناڤی دەستنیشان کرینە و هه‌ر ئێك ژ وان ژى چه‌نده‌ك ل سه‌ر كه‌ساتيا وان به‌حس كريه كو ل دۆر مه‌سعود بارزانى گۆتيه: “سه‌رۆكێ هه‌رێما كوردستانێ كو بزاڤێ دكه‌ت ده‌وله‌تا كوردى ب راگه‌هينيت و شه‌رى ژى ل دژى داعش دكه‌ت”.
نانسی گیبس راگەھاند کو گۆڤارا وان ئەڤ بەربژارە ل سەر بنەمایێ وێ چەندێ یێن دەستنیشانکرین کو وان کاریگەریەکا مەزن ل سەر روودان و نووچەیێن ئەڤ سالە یێن جیھانێ ھەبوویە و گۆت: “ئێک ژ ڤان دێ ژ ئالیێ دەستەیا رێڤەبەرێن نڤیسەرێن گۆڤارێ ڤە ھێتە دەستنیشانکرن”.
ڤی ناسناڤی ل سەر ئاستێ جیھانێ ناڤودەنگەکێ زۆر یێ ھەیی و ل سالا بۆری ناسناڤ دابوو پاپا فرانسیس پاپایێ ڤاتیکانێ و بەری دو سالان ژی پێشکێشی باراک ئۆباما سەرۆکێ ئەمریکا کربوو.
تو ژى وه‌كو تاك د شێى ل ڤێرێ ده‌نگێ خوه بده‌يه وى كه‌سێ تو دبينى ژ هه‌موويان پتر كارتێكرنا خوه ل سه‌ر روودانێن 2014 كريه.
باسم قاسم: من سوزا خوە ل گەل یانا دھوک ب جە ئینا
ئەڤرۆ:
راھێنەرێ تیما تەپا پێ یا دھۆک باسم قاسم ئەوێ دەست ژ کارکێشانا خوە راگەھاندی و دوھی باژێرێ دھۆکێ ب جە ھێلای و بەر ب بەغدا چووی، د دیدارەکێ دا بۆ رۆژناما ئەڤرۆ دیارکر وی سوزا خوە ل گەل یانا دھۆک ب جە ئینا کو بەری دەستپێکرنا خولێ دەستەیا کارگێریا یانا دھۆک ژی خواست بوو تیمێ دناڤا خولا پلا نایاب دا ب پارێزیت و ئەو شیا ڤێ سوزا ب جە بینت.
ناڤبری ئەو چەندە ژی دیارکر ئەو یێ نەجار بوو تیمێ ب جە بھێلیت و رەوشا ھونەری و دارایا تیمێ نە یا ھاریکارە ل ڤی دەمی دا ژبەرکو نەە یاریکەران تیم بجە ھێلا زێدەباری چارەنڤێسی یاریکەرێن مای ژی نە دیارە.
راھێنەرێ یانا دھۆک ئاماژە ب وێ چەندێ ژی کر حەژێکرنا وی بوو یانا دھۆک و پشتەڤانێن یانێ ئەو ھاندا گەلەک ھەڤبەست ل دەمێ بوری رەت بکەت ژ وانا ھەڤبەستێن یانێن جەویە و تەلەبە.
ناڤبری ل دووماھی دیارکر بتنێ ئەو داخوازیەکێ ژ کارگێریا یانێ دکەت بیت ئەوژی ھەر دەمێ رەوشا یانێ باش دبیت پشکا ھەڤبەستا ئێکێ یا ب دەنێ و کارگێریا یانێ ژی سوز ب ڤێ چەندێ دایێ.
دھۆک ئەڤرۆ چاڤ ل ھێزا جەماوەری یە
ئەڤرۆ:
تیما تەپا پێی یا یانا زاخۆ شیا سەرکەفتنا خوە یا دویێ د خولێ تومار بکەت پشتی دوھی ل یاریگەھا خوە ب سەرکەفتی لسەر مێڤانا خوە یانا مەسافی ب گولەکێ بێ بەرامبەر و گۆلا یانا زاخۆ د نیڤا دویێ دا ژلایێ یاریکەرێ وێ یێ لاو عومەر عومەر ھاتە تومارکرن و بریارە ئەڤرۆ تیما دھوک ب کەڤیتە د تاقیکرنەکا ب زەحمەت دا.
د نیڤا ئێکێ یا یاریا زاخۆ و مەسافی دا ھەر دو تیم ھەتا رادەکی ل ئێک ئاست بوون و چەندین ھێرش لسەر گۆلێن ئێک دو لێک گوھارتن لێ نەشیان ئەنجامێ ڤێ نیڤێ بگوھورن.
دنیڤا دویێ دا یانا زاخۆ بھێز ھاتە دیاریێ دا و شیان چەندین ھێرشان بو سەرگولا یانا مێڤان ببەت ئەوبوو ھەتا دەقیقا ٨٣ ژ یاریێ یاریکەرێ لاوێ زاخۆ عومەر عومەر گولا ئێکێ و سەرکەفتنێ بو تیما خوە زاخۆ توماربکەت و سێ خالێن گرنگ ل گەنجینا تیما خوە زێدەبکەت.
لدور ڤێ سەرکەفتنێ یاریکەرێ یانا زاخۆ سەھەل نعێم گوت: یاریا مە نە یا بساناھی بوو چونکو بەرھەڤیێن مە د باش نەبوون لێ بێ پیشەکار و ب یاریکەرێن لاو جارەکادی ھاتینە سەر رێکا سەرکەفتنا.
ژلایەکێ دووڤە بریارە ئەڤرۆ تیما تەپا پێی یا یانا دھۆک بکەڤیتە د تاقیکرنەکا ب زەحمەت دا پشتی بجە ھێلانا راھێنەرێ تیمێ و چەند یاریکەران دەمێ مێڤانداریا تیما تەپا پێی یا یانا نەجەف دکەت، ئەوا ژلایێ خو ژی ڤە د قەیرانا ئەنجامێن خراب و نەبوونا یاریکەران دا دبوریت.
یاریا ئەڤرۆ تاقیکرنەکا مەزنە بو راھێنەرێ تیمێ یێ نوو حازم سالح ئەوێ بەری چەند سالان وەکو ھاریکارێ باسم قاسمی کار ل گەل کری و ئەڤ سالە راھێنەرێ تیما تەپا پێی یا خۆلا کوردستانێ دێ کەڤیتە بەرامبەر ئێکەم ئەزموون د خولا عیراقێ دا، ژلایەکێ دووڤە ھەڤرکیەکا مەزنە ژلایێ یاریکەرێن کورد ڤە بو وێ چەندێ بو ھەمی پشتەڤانان دیارکەن کو چو ژ یاریکەرێن ژ دەرڤەی باژێری کێمتر نینن و شیانێن پشکداریکرنەکا ل ئاستێ پێدڤی ھەنە و دێ ھەمی ھەولا مەزێخن ژ سەر رێکا سەرکەفتنا دوورنەکەڤن و سەرکەفتنا شەشێ توماربکەن د کاروانێ خوە یێ ئەڤ سالە دا.
ل دور ڤێ یاریێ راھێنەرێ یانا دھۆک حازم سالح بۆ رۆژناما ئەڤرۆ گوت: یاریەکا ب زەحمەتە بەرامبەر نەجەف چونکو تیما مە پشتی چەندین یاریکەر لێ ھاتینە زێدەکرن لێکتێگەھشتن دێ یا کێم بیت، لێ مە باوەریەکا مەزن ب شیانێت یاریکەرێن خوە ھەیە کو بشێن بەردەوامیێ بدەنە سەرکەفتنێت بەری نوکە.
زێدەتر حازمی ھیڤی خواستن ژ جەماوەرێ تیمێ د ڤێ یاریێ دا ئاما دەبیت و گوت: تیما مە بو یاریا ئەڤرۆ ژ ھەر یاریەکا دی زێدەتر پێدڤی ب جەماوەری و پشتەڤانا ھەیە و ئەڤ یاریە دێ پتر دلسوزی و زاخا یاریکەان بو یانێ رولێ خوە گێریت.
داخۆيانيا وه‌زاره‌تا دارايى ل سه‌ر نووكرنا گرێبه‌ستێن فه‌رمانبه‌ران
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ل ده‌سپێكا سالا بهێت ئه‌و دێ چاڤخشاندنه‌كێ د فه‌رمانبه‌رێن گرێبه‌ست دا كه‌ن و ب بڕياره‌كێ چاره‌نڤيسێ وان ديار كه‌ن.
ب گۆره‌يى نڤيساره‌كا وه‌زاره‌تا دارايى كو ل 15\11\2014 ب ئيمزايا وه‌زيرێ دارايى و بۆ وه‌زاره‌ت و فه‌رمانگه‌هان ده‌رچوويه و كۆپيه‌كا وێ ب ده‌ست باس كه‌فتيه، هاتيه: “ل ده‌سپێكا سالا 2015 بڕياره‌كا نوو دێ ل دۆر فه‌رمانبه‌رێن گرێبه‌ست و گرێبه‌ستێن وان هێته دان”.
وه‌زيرێ دارايى رۆهن ژى كر كو ژ به‌ر په‌سه‌ند نه‌كرنا ميلاكێ 2014 نێزيك بوو ژ دووماهيا سالێ ئه‌وان بڕيار دا: “راگرتن و لادانا فه‌رمانبه‌رێن گرێبه‌ست ل هه‌موو وه‌زاره‌تان، ل ده‌سپێكا سالا 2015 بڕياره‌كا نوو دێ د وى ده‌رباره‌يى دا هێته دانان”.
دلێر تارق، ئاخفتنكه‌رێ ب ناڤێ وه‌زاره‌تا دارايى و ئابوورى ل حوكمه‌تا هه‌رێما كوردستانێ د داخۆيانيه‌كێ دا بۆ باس راگه‌هاند، سه‌ره‌رايى بوونا قه‌يرانا دارايى د حوكمه‌تێ دا، به‌لێ حوكمه‌تا هه‌رێما كوردستانێ بڕيار نه‌دايه كو گرێبه‌ستێن فه‌رمانبه‌ران نوو نه‌كه‌ت.
دلێر تارق گۆتژى: “هه‌موو فه‌رمانگه‌هێن وه‌زاره‌تان دشێن گرێبه‌ستێن خوه بۆ سالا داهاتى نوو بكه‌نه‌ڤه”، ئاماژه ب وێ چه‌ندێ ژى كر كو ل ده‌سپێكا سالا داهاتى دێ بڕياره‌كا نوو بۆ وان فه‌رمانبه‌ران ده‌رچيت.
ب گۆره‌يى ئاماره‌كا وه‌زاره‌تا دارايى كو ب ده‌ست باس كه‌فتيه، داموده‌زگه‌هێن هه‌رێما كوردستانێ زێده‌تر ژ 22 هزار كارمه‌ندێن گرێبه‌ست هه‌نه. ماوێ گرێبه‌ستان د ناڤبه‌را شه‌ش هه‌يڤ هه‌تا ساله‌كێ دايه و مووچێ وان ژى ژ 200 هزار ديناران هه‌تا 800 هزار دينارايه.
جينه‌ر خه‌فاف، رێڤه‌به‌رێ گشتيێ كارگێرى و دارايى ل سه‌رۆكاتيا جڤاتا وه‌زيران ب باس راگه‌هاند كو دووماهى بڕيارا حوكمه‌تا هه‌رێمێ ئه‌وه گرێبه‌ستا كارمه‌ندێن خوه نوو بكه‌ن و گۆت: “سه‌رۆكاتيا جڤاتا وه‌زيران چو كێشه ل سه‌ر نووكرنا گرێبه‌ستان نينه، به‌لێ هووريا ئه‌وى كارى دێ ژ لايێ وه‌زاره‌تا دارايى مينن، ئه‌و دێ بڕيارا پێدڤى ده‌ركه‌ن”.
ئاواره قوربانیێن تیرۆرێ و نێچیرا گه‌نده‌لیێ
ژ به‌ر نه‌سه‌قامگێری و نه ئارامی و خراببوونا ره‌وشا ئێمناهیێ ل عیراقێ ب گشتی و ب تایبه‌تی ده‌ڤه‌رێن سوننه‌نیشین ژ ئه‌گه‌رێ ناكۆكیێن لایه‌نێن سیاسی و شه‌ڕێ تائیفه‌گه‌ری و توندوتیژیێ و ل ڤێ داویێ هاتنا تیرۆرستێن داعش و كونترۆلكرنا چه‌ندین ده‌ڤه‌رێن عیراقێ كو ئه‌ڤ هه‌می چه‌ندا مه ئاماژه پێ دای بووینه هانده‌ر و رێكخۆشكه‌ر ژ بۆ ئاواره‌بوونا زۆربه‌ی خه‌لكێ عیراقێ وبووینه ئاواره د ناڤا عیراقێ دا و سنۆربه‌زاندن و بووینه ئاواره گه‌له‌ك وه‌لاتێن جیهانێ. كو پێدڤی ب هه‌ر تشته‌كینه و هه‌ر هاریكاریه‌كا گرێدای ژیانێ. دیاره كو وه‌ك پێدڤی حوكمه‌تا عیراقێ و نه‌ته‌وه‌یێن ئێكگرتی و رێكخراوێن گرێدای په‌نابه‌ران خوه لێ نه‌كریه خودان كو ئه‌ڤ ژمارا ورا ئاواره‌یان بووینه قوربانیێن تیرۆرێ وه‌سا دیاره كو هاتنا ڤان ئاواران به‌ر ب زێده‌بوونی یه و نه‌دووره كو تراژیدیه‌كا مرۆڤایه‌تی په‌یدا بیت هه‌كه ئه‌ڤ جهێن شۆله‌ژێ یێن مه ئاماژه پێ دای، خوه لێ نه‌كه‌نه خودان و گرنگیێ نه‌ده‌نێ، ژ لایه‌كێ دیڤه دیاره كو هه‌تا هاریكاریه‌ك هه‌بیت ژی ب ڤان ئاواره‌یان ب دروستی ناگه‌هنه ده‌ستێن وان وه‌كو دبێژن دبنه نێچیرا حویت و نه‌هنگ و گه‌نده‌لچیان، پارڤه‌كرنا په‌خشینا ملیۆن دیناری وه‌ك نموونه كو هه‌تا نها زۆربه‌ی ڤان ئاواره‌یان ئه‌ڤ په‌خشینه نه‌وه‌رگرتیه و چاڤه‌رێنه، هه‌ر وه‌كو بریسیێ ل ڤی گۆژمێ پارێ ته‌رخانكری دای ئه‌وێ ژبۆ ڤی چه‌ندێ هاتیه ته‌رخانكرن. كو وه‌سا دیاره ئه‌ڤ گه‌نده‌لچیه هه‌تا دلێ خوه دبه‌نه چادرو وهاریكاریێن ئاواره‌یێن هه‌ژار كو هنده‌ك كه‌سێن ده‌رووننزم و خودێ نه‌نیاس بۆخوه ڤێ چه‌ندێ ب ده‌لیڤه دزانن و هۆلكاوانه، چنكو دزی و شه‌رم ل جه‌م نینه و خودان ئه‌ڤ ره‌فتاره بیت هه‌ما هه‌ر تشته‌كێ ڤێت دێ كه‌ت و ئه‌ڤ ئاواره‌یێن هه‌ژار ژی یێن بووینه نێچیرا وان، پا كانێ ده‌زگه‌هێ ده‌ستپاكیێ عیراقێ كو رۆژانه راگه‌هاندنا وێ به‌حس لێ دكه‌ت، مه نه دیتیه رۆژه‌كێ گه‌نده‌لی دایه دادگه‌هێ یان ژی سزایه‌ك ل سه‌ر هاتیه سه‌پاندن داببیته وانه‌ك بۆ هه‌ر كه‌سێ بڤێت ده‌ستدرێژیێ بكه‌ته سه‌ر مال و سامانێ گشتی. به‌س ئه‌و كه‌سێن ب ڤی كاری رادبن هه‌می گرێدای هنده‌ك به‌رپرس و لایه‌ن و هه‌والگیریێن هنده‌ك وه‌لاتێن ده‌ردرڤه‌ن. دیاره گۆژمه‌كێ هه‌ره مه‌زنێ پاره‌ی ژبۆ ڤان ئاواران دهێته ته‌رخانكرن،هه‌ر وه‌سا بۆ رووبروبوونا داعش، ئه‌و ژی ل ژێر ناڤێ چه‌ككرنا شه‌ڕڤانێن كۆمێن ملی(حه‌شد شه‌عبی) و كرینا چه‌كی و خه‌رجیێن سه‌حه‌واتا و د پرۆسا كرینا پێكهاتێن ئاهێن خوارنێ و.. .. هتد.
ده‌ستخۆشی بۆ (عه‌مار كیڤی) ب تنێ كێمه!
گه‌لێ كورد ڤێكرا د هه‌می قووناغێن ژیانا خوه دا خه‌بات و به‌رخوه‌دان ئه‌نجامداینه ژبۆ پاراستنا ناڤێ وه‌لاتێ خوه و پێشمه‌رگێن قاره‌مان هه‌ر به‌رزو بلند راكرن و ل هه‌می رێیێن ژیانێ خه‌بات ب خوه‌ڤه دگرت، هنده‌كان رێكا هونه‌ری جهێ خوه گرت وه‌كی هه‌ر بزاڤه‌كا دی ژبۆ دۆزا كوردینیێ و چه‌ندین هونه‌رمه‌ند و وه‌لاتی هاتنه گرتن و زیندانكرن و ئه‌شكه‌نجه‌دان و دووماهی سێداره‌دان و جانێ خوه دكرنه گۆری وه‌لاتی، ل ده‌مێ ب هه‌می ئازادیا خوه‌ڤه ناڤێ پیرۆزی پێشمه‌رگه‌ی و كوردستانێ د گۆره‌پاناندا د شاراندن و دوژمنان ب هه‌می ره‌خ و روویانڤه رێك دگرتن ژبۆ هنداكرنا قاره‌مان و ناڤێ وه‌لاتێ مه كوردان كوردستانا شرین.
و چه‌ندین هونه‌رمه‌ند هه‌بوون نه‌ماینه ل ژیانێ و ئه‌ڤرۆ ب سه‌دان ژی هه‌نه و به‌رده‌وام د خزمه‌تا گه‌ل و وه‌لاتێ خوه دانه ب شه‌ڤ و رۆژ. ئێك ژ وان كه‌سان هونه‌رمه‌ندێ خودان شیان و گه‌نجێ ژێهاتی (عه‌مار كیڤی) یه، كو ل ڤێ دووماهیێ ده‌لیڤه بۆ وی رۆخسا كو پشكداریێ د به‌رنامه‌ێ (عه‌ره‌ب ئایدول) دا بكه‌ت، هه‌ر ژ ده‌سپێكا وی و هه‌تا دووماهیێ شیا ب شێوه‌یه‌كی جوان و رێكوپێك و په‌یاما هه‌می گه‌نجێن كوردستانێ بگه‌هینت جیهانێ كو گه‌نجێن مه ژی خودانشیان و ره‌وشه‌نبیری و دلسۆزێ وارێ خوه‌نه و دشێن د هه‌می وارێن ژیانێ دا ململانێ بكه‌ن.
لێ یا ژ هه‌میێ خۆشتر و دلێ ملیۆنان كه‌سێن كوردستانێ شادكری ده‌مێ ستران ب پێشمه‌رگه‌ی كوردستانێ یێن سه‌رێ چیا ڤه‌هاندی و دوعا ء ب هه‌ردو ده‌ستان بۆ كری ب هه‌ردو ده‌ستان چه‌پله بۆ هاتن لێدان و ده‌ستخۆشی بۆ هاتنه بلند كرن و به‌رامبه‌ر جاره‌كا دی دوژمنان پێ نه‌خۆش بی و رێك لێ گرتن و ئینانه‌ده‌رێ و هه‌تا لیژنا سه‌رپه‌رشت ژی چ داخۆیانی و بۆچوون ل سه‌ر نه‌دان و بێده‌نگ مانه سه‌رسۆرمایی و ته‌ماشه‌دكرن و دگۆتن حه‌رامات و هتد.
لی لاوێ كوردستانێ كاك عه‌مار ل كوردستانێ سه‌ركه‌فتی یه و خوه كره دلێ هه‌می كوردان دا و ب چاڤه‌كی مه‌زن هاته ته‌ماشه‌كرن، چونكو په‌یاما ته گه‌له‌ك ب هێز بوو و چاڤێن نه‌حه‌زان ب ته و گه‌لێ مه رانابت ژبه‌ر وان سه‌ركه‌فتنێن پێشمه‌رگێن قاره‌مانێن كوردستانێ ل سه‌ر سنۆران ب ده‌ستخوه‌ڤه دئینن لوووو و بلا باش بزانن ملله‌تێ مه ژی خودان سامان و كولتوور و هونه‌ر و ره‌وشه‌نبیرینه و گه‌له‌ك حه‌زژ ئاشتی و خۆشی و ته‌ناهی و پیشڤه‌چوونێ دكن، ئه‌ز دبینم و پشنیاز دكم و دبێژم ده‌ست خۆشی و پیرۆزباهی ب ده‌ڤی كێمه بۆ ڤی لاوێ ده‌لال و فه‌ره ب چاڤه‌كی مه‌زن ڤه ته‌ماشه بكین و رێزێ لێ بگرین و ب هاتنا وی پێشوازیه‌كا گه‌له‌ك ب رێكوپێك بۆ وی بهێت به‌رهه‌ڤكرن ژلایێ حوكمه‌تێ ڤه و ب تایبه‌تی وه‌زاره‌تا ره‌وشه‌نبیری و هونه‌ری و سه‌ندیكا هونه‌رمه‌ندین كوردستانێ و حه‌زژێكه‌رێن ده‌نگی وی ڤه و رۆلێ خوه بینن و خه‌لاتێن به‌ركه‌فتی بۆ ئاماده‌بكن وه‌كی دانا پارچه‌یه‌كی ئه‌ردی ژ لایێ حوكمه‌تی ڤه ب وی و یا باشتره هه‌كه پێ چێبت بۆ بهێت ئاڤاكرن ژی، هه‌روه‌سا مووچه‌یه‌كێ هه‌یڤانه وه‌كو رێزگرتن بۆ بزاڤا وی بۆ وی بهێته توماركرن و شه‌قامه‌كی یان جهه‌كی هونه‌ری ب ناڤێ وی بهێت ناڤكرن و خه‌لاتێ بالیۆزی بۆ بهێته به‌خشین ژ لایێ به‌رێز سه‌رۆكێ هه‌ریمێ ڤه یان ژ لایێ سه‌رۆكی حوكمه‌تا هه‌رێمێ ڤه وه‌كو رێزگرتن ل كارێ وی و هه‌روه‌سا جه‌ماوه‌رێ وی و رێزگرتنا وی ب دیتنا من رێزگرتنه ل په‌یاما هونه‌ری و رێبازا كورداینیێ و سه‌ركه‌فتنا پێشمه‌رگه‌ی و ئاخا وه‌لاتی و هه‌ر سه‌ركه‌فتی بت كاك عه‌مار و پێشمه‌رگێن قاره‌مان و گه‌ل و وه‌لات و به‌رزو بلند بیت ئالایێ كوردستانێ.
نيشاندان
WP Facebook Auto Publish Powered By : XYZScripts.com