ئه‌ڤرۆ نيوز:
دوهى 13ى نيسانا 2015ێ تیمێن کاری یێن رێڤەبەریا باژێرڤانیا رۆژئاڤا بەردەوامی دایە ب پروژێ ڤەکرن و قێرکرنا جاداێن تاخێ ماسیکا د سنورێن باژێرڤانیا رۆژئاڤا دا درێژاھی و فرەھیێن جادان د جوراوجورن.
ب گۆره‌يى نڤيساره‌كا سه‌رۆكاتيا باژێرڤانيا دهۆكێ پروژەيی نێزیکی سێ ملیار دیناران بۆ هاتينه ته‌رخانكرن، ئەڤ کارە ژ جێ بەجێکرنا ئێکسەر دھێتە ئەنجام دان و هه‌تا نوکە رێژا کاری 60% ژێ ھاتیە ئەنجام دان و کار د قووناغا قێرکرنێ دایە.
ئەڤرۆ:
یاریگەھا ڤێسنتی کالدیرون ئەف شەڤە ل دەمژمێر ٩:٤٥ دێ جیھێ یاریا ئێکێ یا تولڤەکرنێ بیت د ناڤبەرا ھەردو جەمسەرێن پایتەختێ ئسپانیا ئەتلەتیکو مەدرید و ریال مەدریدە د یاریا ئێکێ یا قوناغا چارێک دووماھیا قارەمانیا یانێن ئوروپا قارەمانێن خولان و یانا یوڤانتوس ژی یا ب ئومێدە ڤەگەریە جھێ خوە یێ بەری کارەساتا بو ھاتیە پێش د سالێن بوری دا ئەوژی د دەرگەھێ یانا موناکو یا فرەنسی دا دەمێ ل یاریگەھا یوڤانتوس.
د یاریا ئێکێ دا بەری ھەردو یانە ئەتلەتیکو مەدرید و ریال مەدرید بچنە د ناڤا یاریگەھێ دا بھێنا تولڤەکرنێ یا ژ یاریگەھێ دچیت پشتی ل وەرزێ بوری یانا ئێکێ بو جارا ئێکێ ژ ٢٠٠٢ وەرە ناسناڤێ خولا ئسپانیا ب دەستڤە بری و بزاڤێن یانا ئەتلەتیکو دێ د بەردەوام بن بو سەرکەفتنا و پارساتنا ھەلویستێ خوە بکەت ل ڤی وەرزی ل ھەمبەر راھیچنەرێ ئیتالی کارلو ئەنشلوتی و دێ ھەمی شیانا مەزێخن سیناریویا دووماھی یاری دوبارە بکەت دەمێ ریال ب چار گولان د ناڤا یاریگەھا ئەف شەڤە یا یاریێ دا خوسارەتکرین، کو دھاتە ھژمارتن مەزنترین خوسارەتیا وێ ل گەل ئەتلەتیکو د ماوێ ٢٨ سالێن بوری دا، لێ بو ڤێ یاریێ ئەنشلوتی دێ ب ھێزەکا دی چیتە ناڤا یاریگەھا کالدیرون چونکو ل وێ یاریێ پێنج یاریکەران پشکداری نە دکر و یاریکەرێن وی یێ کولومبی خامیس رودرێگز و یێ ئەلمانی تونی کروس دێ ڤەگەریێن و دیسان بایل ژی ڤەگەریایە راھێنانا و دبیت بو ڤێ یاریێ یێ بەرھەڤ بیت و د ھەمان دەم دا بەری ڤێ یاریێ پەیامەکێ دلخوشکەر بو یانا ئەتلەتیکو ژی ھاتیە ئەوژی یاریکەرێ وێ یێ کرواتی ماریو ماندزوکیش ژ ھنگافتنێ خلاس بویە و دبیت رائول گارسیا ژی یێ بەرھەڤ بیت و ب ڤێ چەندێ سمیونی راھێنەرێ ئەتلەتیکو دێ ب پێکھاتەکێ تمام ھێتە د ناڤا یاریگەھێ دا و دێ ھەڤرکی دروست بیت د ناڤبەرا چەند یاریکەران کو جھێ خوە بگرن ب تایبەت د ناڤبەرا یێ بەرازیلی میراندا و خوسیە ماریا خیمینیز کو یاریێ ب رەخ یێ ئوروگوای دیگو گودین بکەن.
د یاریکرنا دویێ دا ل تورینو یانا یوڤانتوس دێ بزاڤێ کەت مفای ژ یاریگەە و جەماوەرێ خوە بینت پێخەمەت گەھشتن ب قوناغا پێش دووماھیێ بو جارا ئێکێ ژ سالا ٢٠٠٣ وەرە و ڤەگەراندنا ھەبونا خوە ل سەر کیستێ یانا موناکو یا فرەنسی و یا بێ گومانە یانا یوڤانتوس دخوازیت سەرکەفتنێن خوە یێن نافخویا ئیتالیا ڤەگەرینتە مەیدانا ئوروپی و دیسان ھەلویستێ خوە د ناڤا جەماوەرێ خوە دا ب پارێزیت.
ل دور کارتێکرنا خوسارەتیا ل دەستپێکا ڤێ حەفتیێ د گەل پارما راھێنەرێ یوڤانتوس مسیمیلیانو ئەلیگری خویاکریە چو کارتێکرنا خوە ل سەر دەرونێ یاریکەران نابیت و دێ تیمەکا جیاواز ژ یا یاریا بوری ھێنە دیتن چونکو خەونا وی یە بمینە د قارەمانیێ دا.
بو ڤێ یاریێ یا چاڤەرێکریە ئەلیگری پشتبەستنێ ل سەر کلاودیو مارکیزی بکەت ل ھێلا ناڤین داکو ل ھەمبەر یاریکەرێ ئەرژەنتینی یێ خودان شیان روبرتو بیریرا ب راوەستیت و دیسان ل پشت وەلاتیێ خو تێڤێز و یێ ئسپانی ئەلفارو موراتای بیت.
یانا موناکو ئەوا بو جارا ئێکێ ژ سالا ٢٠٠٥ وەرە پشکداری قوناغا کومان یا ڤێ قارەمانیێ بویە و دیسان بو جارا ئێکێ ژ ٢٠٠٤ وەرە گەھشتیە قوناغا چارێک دووماھیێ دێ ڤێ یاریێ بێ پشکداریا کاپتنێ خوە جیریمی تولالان کەت ئەوێ توشی ھنگافتنێ بوی و ل گەل ڤێ چەندێ موناکو یا ب ئومێدە سەرکەفتنا خوە یا سیێ ژ دەرڤەی یاریگەھا خوە د ڤێ قارەمانیێ دا تومار بکەت، پشتی سەرکەفتنێن ل سەر بایر لێڤەرکوێزن و ئەرسینال.
ئەڤرۆ نیۆز، سالار دۆسکی:
سەرۆکێ لقێ دھۆکێ، سەندیکایێن کرێکارێن کوردستانێ، دیارکر کو ئەڤ سالە ساخکرنا بیرەوەریا رۆژا جیھانی یا کرێکاران کو ئێکی ئەیارێ یە ژ سالێن بوری دێ جوداتر ھێتە ساخکرن.
عیسا نسری، سەرۆکێ سەندیکایێن کرێکارێن کوردستانێ لقێ دھۆکێ، بۆ ئەڤرۆ نیۆز گۆت: “ئەڤ سالە گێرانا ئاھەنگان نابیت، ب تنێ دێ سەردان بۆ پێشمەرگێ کوردستانێ ھەبن و دیسان دێ چەند سمینارەک بۆ رەوشەنبیرکرن و ھشیارکرنا کرێکان ھێنە گێران ل سە ماف و ئەرکێن کرێکاران ل کوردستانێ”.
ھەمبەر کومبوونا سەندیکایێن کرێکارێن کوردستانێ ل گەل پارێزگەرێ دھۆکێ ژی، عیسا نسری گۆت: “کرێکارا ھندەک جھان ل پارێزگەھا دھۆکێ دەوامێ وکاری پتر ژ کارێ خوە کار دکەن، بەرامبەر پارێ بۆ دھێتەدان ئانکو دەمژمێرێن زێدە بۆ ناھێنە ھەژمارتن و ئەڤە بتنێ ھندەک جھان و نەھەموویان، دیسان ل گەل چەندین کێشێن دی ھاتینە بلندکرن”.
سه‌نديكا كرێكارێن كوردستانێ نوكه زێده‌ترى 30 هزار ئه‌ندامان هه‌نه هه‌ر وه‌كو سه‌رۆكێ سه‌نديكايێن كرێكارێن كوردستانێ ئاماژه پێكرى.
ئه‌ڤرۆ نيوز:
ب هه‌لكه‌فتا بيره‌وه‌ريا ئه‌نفالان حوكمه‌تا هه‌رێما كوردستانێ په‌يامه‌ك به‌لاڤكر تێدا ئاماژه ب وێ چه‌ندێ كريه كو به‌رى 27 سالان به‌رى نوكه گه‌لێ كوردستانێ روو ب روويێ مه‌زنترين هه‌وا جينوسايدێ “هه‌وا ئه‌نفالان” بوويه، ئامانج ژێ نه‌هێلانا ملله‌تێ كورد و ناسناما وێ بوو كو تێدا ژبلى ژناڤبرنا ب هزاران گۆند و ده‌ڤه‌رێن كوردستانێ 182 هزار وه‌لاتيێن بێ تاوانێن كوردستانێ بوونه قوربان و شه‌هيد بوون.
ئاماژه ب وێ چه‌ندێ ژى كريه كا چاوان حوكمه‌تا عيراقێ ئه‌ڤ تاوانه ب جينوسايد هاتيه هژمارتن وه‌سان ژى كه‌سوكارێن وان بهێنه قه‌ره‌بووكرن.
سه‌ره‌رايى هه‌ڤخه‌ميا خوه ژى راگه‌هانديه كو ئه‌و به‌رده‌وام ل دووڤ وێ چه‌ندێ دگه‌ريێن رووفاتێن كه‌سوكارێن ئه‌نفالكريان ڤه‌گه‌رينن و دايه زانين كو به‌رده‌وام كار ژ بوو نێڤده‌وله‌تيكرنا ڤێ كه‌يسێ دكه‌ن.
هه‌ر د ڤێ په‌يامێ دا ئاماژه ب وێ چه‌ندێ ژى كريه كو ئه‌ڤرۆ ژى گه‌لێ كورد يێ روو ب روويێ هه‌مان چاره‌نڤيس بوويى دژى هه‌وه‌كا وه‌كو يا ئه‌نفالان ژ لايێ تيرۆرستێن داعش ڤه ژ به‌ر هندێ ژى گه‌لێ كوردستانێ ب هه‌موو پێكهات و لايه‌نێن سياسى ڤه ژ هه‌موو ده‌مێن دى زێده‌تر پێدڤى ب ئێكده‌نگى و ئێكرێزى و خۆراگريێ يه بۆ به‌رسنگگرتنا خه‌ونا تيرۆرستان و ئه‌نفالچيان و دوژمنێن ئازادى و مرۆڤاتيێ.
ده‌قێ په‌يامێ:
بیست و حەوت ساڵ لەمەوبەر، گەلی کوردستان ڕووبەڕووی گەورەترین شاڵاوی جینۆساید “شاڵاوی ئەنفالەکان” بووه، كه ئامانج لێی سڕینەوەی بوون و ناسنامەی نەتەوەییی میللەتەکەمان بوو و تیایدا وێڕاى خاپووركردنى بە هەزاران گوند و ناوچه‌ى كوردستان، زیاتر لە (182000) هاووڵاتی بێ تاوانی کوردستانیش، بوونە قوربانی و شه‌هید كران.
ئێستا کە یادی ئەم ڕۆژە تاڵانە دەکەینەوە، ساڵانێک بەسەر دادگاییکردنی سەرانی ڕژێمى به‌عسى تاوانكارى ئه‌نجامده‌رى ئه‌نفاله‌كاندا تێدەپەڕێت و وەک چۆن ئەرکی یاسایی و ئەخلاقیی دادگای باڵای تاوانەکانی عێراق، ناسینی ئەم شاڵاوه بووە وه‌ك شاڵاوى جینۆسایدكردنى گەلی کوردستان، بە هەمان شێوەش ئەرکی نیشتیمانی و یاسایی و ئەخلاقیی حکوومەتی عێراقه كه قەرەبووى ماددی و مەعنەویی ڕزگاربووان و کەسوکاری قوربانیانی ئەنفال بكاته‌وه، لەگەڵ قەرەبووی ژینگە و زێدی ئەو هاووڵاتیانەی کە ناوچەکانیان بەر شاڵاوی ئەنفالەکان کەوتبوون.
حکوومەتی هەرێمی کوردستان وێڕای پەرۆشیی بەردەوامی بۆ دۆزینەوە و گەڕاندنەوەی ڕوفاتی ڕۆڵە ئەنفالکراوەکانی ئەم گەلە بۆ زێدی باووباپیرانیان، بەردەوامیش لە خەمی باشترکردنی گوزەرانی کەسوکارەکانیاندایە كارى بۆ ده‌كات، هاوکات هەوڵی بەردەوام دەدات بۆ بەنێودەوڵەتیکردنی کەیسی جینۆسایدی ئەنفال.
کوردستانیانی خۆشەویست..
ئه‌مڕۆ گەلەکەمان لە ڕووبەڕووبوونەوەیەکی چارەنوسسازدایە دژ بە شاڵاوێکی هاوشێوەی ئەنفال کە لە لایەن تیرۆریستانی داعشەوە ئاراستە دەکرێت، بۆیه گەلی کوردستان بە سەرجەم پێکهاتە و لایەنە سیاسییەکانیەوە، لە هەموو کاتێك زیاتر پێویستی بە یەکدەنگی و یەکڕیزی و خۆڕاگرییە، بۆ بەرەنگاربوونەوە و لەگۆڕنانی خەونی تیرۆریستان و ئەنفالچییان و دوژمنانی ئازادی و مرۆڤایەتی. دڵنیاین تیرۆرستانى داعشیش به هه‌مان چاره‌نووسى سه‌رانى به‌عس و ئه‌نجامده‌رانى ئه‌نفاله‌كان ده‌چن و له‌گۆڕ ده‌نرێن.
دروود بۆ گیانی پاک و بێتاوانی ڕۆڵە ئەنفالکراوەکانی گەلەکەمان.
ئه‌نجومه‌نى وه‌زیرانى هه‌رێمى كوردستان
2015/4/13
ئه‌ڤرۆ:
د چارچوڤێ یاریێن گەرا شازدێ دا ژ خۆلا عیراقێ یا تەپا پێ بۆ یانێن پلا نایاب ژڤانە ئەڤرۆ ل یاریگەھا دەلال یانا زاخۆ یاریا خوە ژ ڤێ گەرێ د گەل یانا کارەبا بکەت.
بو ڤێ یاریێ تیما تەپا پێ یا یانا زاخۆ یا د بەرھەڤێن باش دا ب تایبەت پشتی سەرکەفتنا ل سەر یانا نەفت ئەلجنوب تومارکری و دەستەیا راھێنەریا تیمێ و کارگێریا یانێ د رژدن کو سێ خالێن سەرکەفتنێ ب دەستخوڤە بینن داکو زێدەتر ب کەڤنە د ناڤا ھەڤرکیێ دا و ھەتا رادەکی یاریکەر ب تایبەت یێن سەرەکی د دەرونەکێ ئارام دانە پشتی ل یاریا ل ھەمبەر پێشمەرگە راھێنەری بھێنڤەدان دایێ.
د ڤێ یاریێ دا بریارە وێنێ یاریکەرێ ھەلبژارتیێ ئولومپیێ عیراقێ مەھدی عەبدولزەھرە ئەوێ بەری ماوەکی د پەقینەکێ دا گیانێ خوە ژ دەست دای وەکو رێزگرتن بو گیانێ وی د ناڤا یاریگەھێ دا بھێتە دانان.
ژلایێ خوە شاکر مەحمود راھێنەرێ یانا کارەبا بو ڤێ یاریێ دبێژیت: دێ یاریەکا بزەحمەت بیت ژدەرڤەی یاریگەھا خوە بکەین
ھەر چەندە مە بەرھەڤی ھەنە و چو کێماسی نینن و ئارمانجا مە باشکرنا ھەلویستی یە.
ئەڤرۆ:
یاریێن گەرا چارێ یێن قارەمانیا ئێکەتیا ئاسیا بریارە ئەڤرۆ و سوبەھێ بھێنە ئەنجامدان، د ڤێ گەرێ دا ھەولێر دێ مێڤانداریا یانا ئەھل یا ترکومانستانی کەت د یاریێن کوما سیێ دا و شورتە ژی دێ ل گەل وادی نیس یا فەلەستینی یاریا خوە ئەنجامدەت.
د یاریا ئێکێ دا یانا ھەولێر سوبە دێ مێڤانداریا یانا ئەھل یا ترکومانستانی کەت ل یاریگەھا عەرەبی ل دوحەیا پایتەختێ قەتەر کو دڤێ یاریێ دا یانا ھەولێر دێ بزاڤێ کەت قەرەبویا خوسارەتیا خوە بکەت یا گەرا بوری ل گەل ھەمان یانە و پێشڤە بھێتە سەرێ لیستەیا خولێ کو نوکە ل رێزا سیێ یە ب سێ خالان د کوما سیێ دا دھێت و ھەر د ڤێ کومێ دا یانا قادسیە خودانا رێزا ئێکێ ب حەفت خالان دێ ل گەل ئستقلال دوشانبێ یا تاجیگستانی کەت.
د یاریێن کوما دویێ ئەڤرۆ دا نوونەرا دویێ یا عیراقێ یانا شورتە سەرکێشا ڤێ کومێ ب پێنج خالان بەر ب فەلەستین چویە بۆ ئەنجامدانا یاریا خوە ل گەل یانا وادی نیس ژ کوما دویێ و جەزیرە یا ئوردونی ل گەل حەد یا بەحرینی کەت ل یاریگەھا یا ئێکێ کو ھەردو تیم رێزێن دویێ و سیێ دھێن ب سێ خالان.
ئه‌ڤرۆ نيوز:
عيراق و ئيرانێ رێكه‌فتنه‌كا ل دۆر پرۆژێ پێكڤه‌گرێدانا هه‌ردو وه‌لاتان ب چين و ئورۆپا ڤه ب رێيا شه‌مه‌نده‌فرێ ئيمزا كر و تێچوويێ وێ ژى دێ ل سه‌ر عيراقێ بيت.
باقر زوبێدى وه‌زيرێ ڤه‌گوهاستنێ ل عيراقێ د كۆنگره‌كێ رۆژنامه‌ڤانى دا ل گه‌ل عه‌باس ئاخوندنى هه‌ڤپيشه‌يێ خوه يێ ئيرانى ل به‌سرا گێرا و تێدا ئاماژه ب وێ چه‌ندێ هاته كرن كو هه‌ردو وه‌لاتان پرۆژێ پێكڤه‌گرێدانا عيراقێ ب ئيرانێ ڤه ب رێيا هێله‌كا شه‌مه‌نده‌فرێ ل به‌سرا و چه‌له‌مچه ئيمزا كر و ئه‌و رێ دێ هه‌ردو وه‌لاتان ب چين و ئورۆپا ڤه ژى گرێده‌ت.
باقر زوبێدى وه‌زيرێ ڤه‌گوهاستنێ ل عيراقێ گۆت: “ژ به‌ر كو پرۆژه ب درێژاهيا 32.5 دكه‌ڤيته سه‌ر سنورێ عيراقێ، دێ هه‌موو تێچوويێ پرۆژه‌يى ده‌ين”.
ئه‌ڤرۆ نيوز:
ب گۆره‌يى ئاماره‌كا ئێكه‌تيا زه‌لامێن كوردستانێ كو دايه “رووداو”، د سێ هه‌يڤێ ئێكێ يێن سالا بۆرى دا، 169 زه‌لامان سكالا ل سه‌ر ژنێن خوه ل وێ رێكخراوێ تۆماركرينه، به‌لێ د سێ هه‌يڤێن ئێكێ يێن ئه‌ڤ ساله دا، هژمارا سكالا زێده‌بوويه و بووينه 193 سكالا.
ده‌رباره‌يى روودانێن خوه كوشتنا زه‌لامان ژى ب گۆره‌يى وێ رێكخراوێ، د سێ هه‌يڤێن ئێكێ يێن سالا بۆرى دا، 14 زه‌لامان خوه كوشتيه، به‌لێ ئه‌ڤ ساله د وى ماوه‌يى دا 13 زه‌لامان خوه كوشتيه.
ئه‌ڤ رێكخراوه ژبلى لێدان و ئاخفتنێن كرێت، شه‌رێ ده‌روونى و خيانه‌تا هه‌ڤژينيێ و ده‌ركرنا ژ مال ژى ب توندوتيژى د هه‌ژمێريت.
بورهان عه‌لى سكرتێرێ ئێكه‌تيا زه‌لامێن كوردستانێ ژى وه‌سان دبينيت كو قه‌يرانا دارايى كارتێكرن هه‌بوويه ل سه‌ر زێده‌بوونا توندوتيژيا ژنان به‌رامبه‌ر زه‌لامان.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی دێ باران باريت و پاشان ئه‌سمان هێته گوهۆڕين بۆ ئه‌ورێن كێم و پاشان ژى بيته ساهى.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ ڤه‌كێشانا فشارێن نزمێن وه‌لاتێ توركيا و هاتنا فشارێن بلندێن وى وه‌لاتى ل جهێ وان بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 15ى نيسانا 2015ێ دێ باران باريت و پاشان ئه‌سمان هێته گوهۆڕين بۆ ئه‌ورێن كێم و پاشان ژى بيته ساهى.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند بيت وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 17 بۆ 8 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باكورێ رۆژهه‌لات بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
نيشاندان