ئەڤرۆ نیۆز، سالار دۆسکی:

ژڤانە رێڤەبەريا گشتی یا پەروەردا پارێزگەھا دھۆکێ ب به‌رھەڤبوونا ھەر دو جێگرێن خوە کومبوونەکێ ل گەل ھەموو رێڤەبەرێن پەروەردێن خوە بکەن ئەوێن سەر ب رێڤەبەریا گشتی یا پەروەردێ ل پارێزگەھێ ڤە، ب مەرەما دیتنا چارەکێ رێيەکێ بۆ گرفتا خواندنێ و دانا بریارەکێ و دارێتنا نەخشەکی كا ئه‌ڤ ساله‌ ده‌وامێ چاوان بكه‌ن.

عەبد یوسف رێڤەرێ گشتيێ پەروەردا دھۆکێ بۆ ئەڤرۆ نیۆز گۆت: “بھێنڤەدان نامینن، دەمێ زێدەکرنا دەوامێ دێ ھێـتە دیارکرن و دەمێ تاقیکرنا دێ ھێتە دیارکرن و ئەو گۆتن رەدکرن کو دبێژن کورسێ ئێکێ دێ ب دو کورسان ھێتە ھەژمارتن”.

رێڤەبەرێ گشتی ئاماژە کرە وێ چەندێ ژی کو خواندن ل پارێزگەھێ نوکە بوویە سێ قۆناغ، قۆناغێن 12 خواندنا خوە تەمامکریە و ھەر چو ئاریشە ل سەر نینە، دیسا قۆتابخانێن ئامادەیی ب ھەمان شێوە، ھندەک پەروەردان دەواما وان دروستی ب رێڤەچوویە، ب تنێ ئاریشە ل سەر پەروەردێن دھۆک رۆژھەلات و رۆژئاڤا و زاخۆ و سێمێلێ ھەنە و ب تنێ قووناغا بنەرەت ئێکێ ھەتا شەشێ و کۆمبوون دێ چارەنڤسی دیار کەت کا چاوا دەواما ژێ چوویی بۆ بھێتە به‌دەلڤەکرن، دیسا قووناغێن حەفتێ ھەتا یازدێ ھەکە ھندەک پەروەردا پاش کەفت بیت ژی دێ نەخشە بۆ ھێتەدانان.

 ئەڤرۆ نیۆز، سالار دۆسکی:

رێڤەبەرێ گەشت و گوزارێ ل پارێزگەھا دھۆکێ دیارکر رێزگرتن ل کاودانێن نوکە و خوینا شەھیدێن کوردستانێ، بۆ سەرێ سالێ ھەر چ ئاھەنگ و بیرھاتن و کەیف خوەشی نابن و ناھێتە ساخکرن.

عوبیدوللا داود رێڤەبەرێ گەشت و گوزارێ ل پارێزگەھا دھۆکێ بۆ ئەڤرۆ نیۆز گۆت: رێڤەبەریا گەشت و گوزارێ بۆ سەرێ سالێ چو بەرنامە نەداناینە و نین، وەک رێزگرتن بۆ کاودانێن نوکە و ھاتنا ئاواران و دیسا خوینا شەھیدان و دیسا چالاکیێن ساخکرنا بیرەوەریان ھەر ھەموو ھاتینە راگرتن، ھەلکەفتا رۆژا جیھانی یا گەشت و گوزارا جیھانی 27\9 سالان ئاھەنگ دھاتنە گێران وبیرەوەری دھاتە ساخکرن، ئەڤ سالە نەھاتە ساخکرن و ھەر چالاکیەکا ب شێوازێ ئاھەنگ و چالاکیان بیت ئەڤ سالە مە بەرنامەبووینە.

عوبیدوللا داود ھێشتا ژی گۆت: ھەر دو جەژنێن رەمەزانێ و قوربانی رێەبەریا گەشت و گوزارێ لیژنە ھەنە پێشوازیێ ل گەشتیاران بکەت، لێ رێژا ھاتنا گەشتیاران بۆ پارێزگەھا دھۆکێ گەلەک کێمکریە و ب رێژا زێدەتر 60% ھەتا 70% چونکە ھاتنا گەتیاران گرێدایە ب کاودانێن تەناھی و ئابووری ڤە، بەرامبەر ھاوکێشەکا چونا خەلکێ کوردستانێ بۆ دەرڤە دیسا کێمبوویە چونکە گرێدایی رەوشا ئابووری و تەناھی یا خەلکی یە.

ناڤبری دا دیارکرن ژی کو ئێکەم جار بوو رێڤەبەریا گەشت و گوزارێ ل ھەفکاری ل گەل رێڤەبەریا رەوشەنبیری و ھەفکاری ل گەل چەندین سازیێن حوکمەتێ، ئێکەم جار بۆ سەرێ سالێ دھۆکێ بھێتە نوورکرن کو دەسپێکا 2014 بوو، خەلک دیدەڤانە ل سەر ڤێ چەندێ لێ ژبەر کاودانێن نوکە ئەڤ جورە چالاکیە ھاتینە راگرتن.

ئه‌ڤرۆ نيوز، ناجی به‌ده‌ل:

هه‌كار ئیسماعیل نێروه‌یی پارێزه‌ر بو ئه‌ڤرۆ نیوز ديار كر كو نێزیكی 22 سزایێن سێدارێ ل دادگه‌ها پارێزگه‌ها دهۆكێ ده‌ركه‌تینه‌ نێزیكی 5 ژ وان سزايان بێى ئاماده‌بوونا تاوانبارى هاتینه‌ ده‌ركرن و 19 كه‌سان ژی ب به‌رهه‌ڤبوونا وان ب خوه‌ سزا ل سه‌ر هاتیه‌ دانان.

هه‌كار ئیسماعیل دیاركر ژی سزایی سێداره‌دانێ كارڤه‌دانه‌ بو نه‌هێلانا تاوانێن مه‌زن ئانكو فه‌لسه‌فه‌یا وێ نه‌هێلانا تاوانین مه‌زن و كوشتنێ یه‌ و ئه‌ڤێ چه‌ندێ دو كارڤه‌دان هه‌بوون یا تایبه‌ت و یا گشتی یا تایبه‌ت دا كو ئه‌و مرۆڤ خوه‌ ژ ئه‌وێ تاوانا د هزرا وی دا بده‌ته‌ پاش و نه‌كه‌ت و یا گشتی بۆ جڤاكیێ یه‌ كو بهێته‌ پاراستن ژ هه‌ر تاوانه‌كێ و ئارامكرنا ره‌وشا جڤاكی.

ناڤبری دیاركر ژی سزایێ سیداره‌دانی هاتیه‌ راوه‌ستاندن ژ لایێ بجهكرنی ڤه‌ و ل گوری یاسایێ ماده‌یا 406 یا سزادانا عیراقێ به‌رده‌وام كارپی دهێته‌كرن ل سه‌ر ئه‌وێ ماده‌یی سزا ده‌ردكه‌ڤیت و هه‌بونا سێداره‌دانێ هه‌یه‌ و به‌رده‌وام سزا ل سه‌ر دهێته‌ دان و نه‌هاتیه‌ راستڤه‌كرن و ژ لایێ جڤاتا دادوه‌ری كاری ل سه‌ر دكه‌ن و چ ئاریشه‌ نینه‌ لێ ژ لایێ جهه‌تێ بجهكرنی ڤه‌ هاتیه‌ راوه‌ستاندن.

پاریزه‌ه‌ر هه‌كار گوتژی: “راوه‌ستاندنا سزایێ سێداره‌دانێ بارگرانی ل سه‌ر حكومه‌تی دروست دبيتن و ژ لایی مادی ڤه‌ و ئه‌و بابه‌ت گرێداییی حكومه‌تێ یه‌ و ژ كاریگه‌ریا ریكخراوێن نیڤ ده‌وله‌تی و مافین مرۆڤی و رایا نێڤ ده‌وله‌تی حكومه‌تا هه‌رێمێ بریارا راوه‌ستاندنا بجهكرنا  سزایێ سێدارێ ده‌ركریه‌ “.