ئه‌ڤرو نیوز ،بارزان مزوورى
مقدم جه‌لال جێگرێ فه‌وجا 2 لیوا هه‌شت ل میحوه‌رێ زومار بو مالپه‌رێ ئه‌ڤرو نیوز ئه‌ڤرو ئاشكرا كر كو ده‌مژمێر 5 سپێدێ 12/4/2015 چه‌كدارێن تیرورستێن داعش هێرش كره سه‌ر پێشمه‌رگه‌یێن قه‌هره‌مان ل گوندێ حه‌ردان تل شورێ و پێشمه‌رگه‌ى ب توندى به‌رسڤا هێرشا وان دا حه‌تا ده‌مژمێر 7 سپێدێ شه‌رێ به‌رده‌وام بوو و د ئه‌نجام دا حه‌فت ته‌رمێن داعش كه‌فتینه ده‌ستێن پێشمه‌رگه‌ى ل میحوه‌رێ فه‌وجا 4 دناڤ گوندێ حه‌ردان و ل دوڤ پێزانینێن گه‌هشتینه مه فروكه‌یێن هه‌ڤپه‌یمان 12 داعش كوشتینه و زیانێن مه‌زن ب چه‌كدارێن تیرورستێن داعش كه‌فتینه .
مقدم جه‌لال گوت ژى كو دگه‌ل هێرش كرنێدا چه‌كدارێن تیرورستێن داعش سێ خوكوژ ل پێش هێرش كرنێ فرێ كربون ژلایێ پێشمه‌رگه‌ى ڤه هه‌رسێ خوكوژ هاتن كوشتن ته‌رمێن وان حه‌فت ژ وان كه‌فتنه ده‌ستێن پێشمه‌رگه‌ى .
ناڤبرى ئاشكرا كر كو 100% پێشمه‌رگه‌ى به‌رسڤا هێرشا داعشدا بێكو زیانێن گیانى ب پێشمه‌رگه‌ى بكه‌ڤن به‌س پێشمه‌رگه‌یه‌ك ب سڤكى برینداربوو .
ئه‌ڤرۆ نیوز:
پشتى حه‌فتیه‌كێ ژ بلندبوونا بهایێ دولارى به‌رامبه‌ر دینارێ عیراقى كو 100 دولار گه‌هشتبوو به‌رامبه‌ر 133 هزار دیناران، و ئه‌ڤرۆ 100 دولارێ ئه‌مریكى ل بازارێن هه‌رێما كوردستانێ ب 129 هزار و 500 دیناران بوو.
بهایێ دراڤێن دى ب ڤى ره‌نگى یه:
100دۆلارێ ئەمریکی 129500
100 پاوەنێ ئینگلیزی 188500
100 یۆرۆ 138500
1 لیرێ تورکی 515
ئه‌ڤرۆ نیوز:
ب مه‌ره‌ما شروڤه‌كرن و ده‌ربرینا هه‌لویستێ پارتى دیموكراتى كوردستان سه‌باره‌ت دستوور و پۆستێ سه‌رۆكێ هه‌رێما كوردستانێ، نوكه سه‌ركردایه‌تیا پارتى دیموكراتى كوردستان ل باژێروكێ پیرمام یێ د كومبوونێ دا.
د كومبوونێ دا هه‌ر ئێك ژ مه‌سعود بارزانى سه‌رۆكێ پارتى و نێچیرڤان بارزانى جێگرێ سه‌رۆكێ پارتى و هه‌موو ئه‌ندامێن سه‌ركردایه‌تیا پارتى د كومبوونێ دا به‌رهه‌ڤبووینه و دهێته چاڤه‌رێكرن پشتى كومبوونێ راگه‌هاندنه‌كێ ل دور ئه‌نجامێن كومبوونێ به‌لاڤ بكه‌ن.
ئەڤرۆ:
چاڤدێرەکێ سیاسی راگەھاند ھەرێما کوردستانێ یا د بارودۆخەکێ بەرتەنگدا و کارێ سەرەکیێ د ڤێ قۆناغێدا ئەوە خەلکێ کوردستانێ ژ تیرۆرستان بھێنە پاراستن و دەڤەرێن کوردستانێ بھێنە رزگارکرن و رەخنە ل کارێ پەرلەمانی گرت و ب لاواز ھژمارت.
عارف قوربانی ل دۆر درێژکرنا ویلایەتا سەرۆکێ ھەرێما کوردستانێ د داخویانیەکێ دا بۆ رۆژناما ئەڤرۆ گۆت” بۆچوونێن جودا جودا یێن ھەین ل سەر درێژکرنا دەمێ ویلایەتا (مەسعود بارزانی) سەرۆکێ ھەرێما کوردستانێ، لێ دبیت ل پەرلەمانێ کوردستانێ ل سەر بەرنامەکێ رێککەفتنێ بھێتە کرن، چونکە ئەڤ بابەتە یێ نەتەوی و نیشتیمانی یە و ب بۆچوونا حزبەکێ ناھێتە ئێکلاکرن، لێ گۆمان نینە بەرامبەر وەرگرتنێ دڤێت تشتەک بھێتەدان”.
عارف قوربانی ھێشتا ژی گۆت” پێشبینیێ دکەم ل پەرلەمانی ل دۆر دەمێ سەرۆکاتیا ھەرێما کوردستانێ رێککەفتن بھێتە کرن و سازان ل سەر دستووری بھێتەکرن و ئەڤە دێ بیتە رێخوەشکەرەک ئەڤ پرسە بھێتە چارەسەرکرن”.
ب دیتنا قوربانی پەرلەمانێ کوردستانێ پەرلەمانەکێ کارا نینە، ئەندامێن پەرلەمانی ب خوە رازی نەبووینە ئەڤ بابەتە ل پەرلەمانی بھێتە گەنگەشەکرن و حەز ھەبوو پەرلەمان ل گەل حزبان گەنگەشێ بکەت و بابەت ل دەرڤەی پەرلەمانێ کوردستانێ بھێتە شرۆڤەکرن، فراکسیۆنێن ھەموو پارتان یێن دناڤ پەرلەمانێ کوردستانێ دا ھەین، ئەرێ ئەڤ فراکسیۆنە دەربرینێ ژ پارتان ناکەن؟ چوونا پەرلەمانی بۆ پارتێن سیاسی و گەنگەشەنەکرن دناڤ پەرلەمانی دا، دەربرینێ ژ ھندێ دکەت کو پەرلەمانێ کوردستانێ یێ لاوازە و یێ ل بن سیبەرا پارتان و بریار پێشڤە دھێتەدان”.
خۆیاکر ژی” ھەرێما کوردستانێ یا د کاودانێن شەڕی دا و یا گرنگ د ڤێ قۆناغێدا خەلکێ کوردستانێ ژڤی شەری بھێتە پاراستن و دەڤەرێن کوردستانێ بھێنە رزگارکرن و دەربازبوونا کوردانە ژ ڤێ قۆناغێ و یا پێدڤیە ھەموو تشت بەر ب ھندێ بچن کو کورد بەرامبەر داعش ب سەرکەڤن و داعشێ بشکێنین و کار بۆ ڤێ چەندێ بھێتەکرن، لێ ئەڤە دڤێت ب قانوون و دەستور بھێتە ئێکلاکرن، ب مەرەما ھندێ کو تووشی ئاریشێن قانوونی و ڤالاتیا قانوونی ل ھەرێما کوردستانێ پەیدا نەبیت، دڤێت ئەڤە ب قانوون بھێتە چارەکرن، ھەلبژاردن بھێنەکرن، یان پەرلەمانێ کوردستانێ چارەکا قانوونی ببینیت، ھەموو حزبێن سیاسی ل گەل ڤێ بۆچوونێ نە و سەرۆکێ ھەرێما کوردستانێ ژی ل گەل ڤێ چەندێ یە”.
گوت ژی”ژ سەدەما چوونا ھەرێما کوردستانێ د چەندین کاودانێن بەرتەنگ دا، وەک شەڕێ ل گەل تیرۆرستێن داعشێ و قەیرانا ئابووری، دبینم دەرفەت نینە بۆ ئەنجامدانا ھەلبژارتنان، لەوما باشترین چارە ل کوردستانێ بھێتەکرن کو پەرلەمان ب قانوونێ دەمێ ویلایەتا سەرۆکێ ھەرێمێ درێژ بکەت، ب ھەمان شێوە ل سالا ٢٠٠٥ ژی ل پەرلەمانی ب ھەمان دەستھەلات سەرۆکاتیا ھەرێما کوردستانێ ھاتە ھەلبژادن و دبینم دڤێت ل پەرلەمانی ئەڤ پرسە بھێتە چارەکرن و دڤێت چارەکا گونجای بیت و ل گەل کاودانێن نوکە بگونجیت”.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ جڤاتا سه‌ركرداتيا پارتى ديموكراتى كوردستان راگه‌هاند، ئه‌ڤرۆ 12ى نيسانا 2015ێ جڤاتا سه‌ركرداتيا پارتى دێ بۆ دانوستاندنێ ل سه‌ر پرسا دستوورى و سه‌رۆكاتيا هه‌رێمێ كۆمبيت.
عه‌لى حسێن ئه‌ندامێ جڤاتا سه‌ركرداتيا پارتى ديموكراتى كوردستان و به‌رپرسێ لقێ دو يێ پارتى بۆ مالپه‌رێ فه‌رميێ پارتى ديموكراتى كوردستان KDP.info گۆت: “بڕياره رۆژا ئێكشه‌مبى 12ى نيسانا 2015ێ جڤاتا سه‌ركراتيا پارتى ديموكراتى كوردستان كۆمبوونا ئاسايا خوه ئه‌نجام بده‌ت كو هه‌ر سێ هه‌يڤان جاره‌كێ ئه‌نجام دده‌ت”.
ئاماژه ب وێ چه‌ندێ ژى كر كو كۆمبوونا ڤێ جارێ دێ زێده‌تر گرێدايى ره‌وشا نوكه يا كوردستانێ وه‌كو دستوورى و سه‌رۆكاتيا هه‌رێمێ و كۆمه‌كا دى يا پرسان بيت.
دا زانين ژى كو د كۆمبوونێ دا دێ بۆچوونا پارتى ل دۆر وێ پرسێ هێته دياركرن كا چاوان دانوستاندن ل سه‌ر بهێته كرن و ب چو ره‌نگ بيت و گۆت: “بۆچوون دێ د ڤى وارى دا هێنه گوهۆڕين”.
د ماوێ بۆرى دا سه‌رۆكاتيا په‌رله‌مانێ كوردستانێ سه‌ره‌دانا لايه‌نێن سياسى يێن هه‌ر ئێك ژ كۆمه‌لا ئيسلامى و يه‌كگرتوو ئيسلامى كوردستان و بزاڤا گۆڕان و ئێكه‌تيا نشتيمانى كوردستان كربوو دا كو بۆچوونا وان ل سه‌ر ڤێ چه‌ندێ بزانن.
هه‌تا نوكه پتريا لايه‌نێن سياسى يێن كوردستانى هه‌لويستێ خوه ل سه‌ر ويلايه‌تا سه‌رۆكێ هه‌رێما كوردستانێ مه‌سعود بارزانى دياركريه كو ل گه‌ل وێ چه‌ندێ ژ لايێ په‌رله‌مانى ڤه بهێته هه‌لبژارتن، ئێكه‌تى نه‌بيت ئه‌وا هه‌تا نوكه هه‌لويستێ خوه رانه‌گه‌هاندى و پارتى ژى دێ د كۆمبوونا ئه‌ڤرۆ دا راگه‌هينيت.
هه‌ر چه‌نده دوهى د كۆنگرێ رۆژنامه‌ڤانى يێ سه‌رۆكێ په‌رله‌مانى ل گه‌ل جێگرێ ئێكێ يێ ئێكه‌تيا نشتيمانى كوردستان كوسره‌ت ره‌سۆل دا زانين كو چو راستى بۆ نينن، به‌لێ دهێته گۆتن كو ئێكه‌تى دێ به‌رامبه‌ر وێ چه‌ندێ ده‌نگى بۆ سه‌رۆك بارزانى ده‌ت، هه‌كه هات و پۆستێ سه‌رۆكێ حوكمه‌تێ ب ئێكه‌تيێ هاته دان.
به‌رامبه‌ر ڤان بۆچوونا سه‌رۆكێ هه‌رێما كوردستانێ ژى يێ بێ ده‌نگ نه‌بوويه و بۆچوونا خوه يا تايبه‌ت ب رێيا كه‌نالێ توركى ئه‌ى ئێم جى د چارچۆڤێ ديداره‌كێ دا گۆت: “قه‌بۆل ناكه‌م ماوێ سه‌رۆكاتيا من بهێته زێده‌كرن، د خوازم ب رێيا قانوونێ ئه‌ڤ بابه‌ته بهێته ئێكلاكرن”.
ئه‌ڤرۆ نیوز:
به‌رپرسه‌كێ بلند یێ حوكمه‌تا عیراقێ ئاشكرا كر كو حه‌یده‌ر عه‌بادى سه‌رۆك وه‌زیرێن عیراقێ بریاره حه‌فتیا بهێت سه‌را ئه‌مریكا بده‌ت و داخوازێ ژ باراك ئوباما بكه‌ت كو فرۆكێن بێ فرۆكه‌ڤان و چه‌كێ ئه‌مریكى ب بهایێ ملیاره‌ها دولاران بۆ عیراقێ دابین بكه‌ن.
به‌رپرسێ عیراقى كو ناڤێ خوه ئاشكرانه‌كریه دیاركریه ژى كو دێ عه‌بادى ژ واشنتون خوازیت كو قه‌رێن پارێ وان چه‌كێن دێ ده‌ته عیراقێ، پاشبێخیت، هه‌تا كو عیراق د ده‌مه‌كێ گونجایى دا، پارێ وان لێ ڤه‌دگه‌رینیت.
نيشاندان