ئه‌ڤرۆ نیوز:
د گه‌را 32 ێ ژ یاریێن خولا یانێن ئسپانیا، به‌رشه‌لونه یا پێشه‌نگا خولێ، ژ ده‌رڤه‌ى یاریگه‌ها خوه تووشى وه‌كهه‌ڤیێ بوو ل گه‌ل ئشبیلیه ب دو گولان، گولێن به‌رشه‌لونه ل ده‌قیقێن١٤ و ٣١ ب رێیا میسی و نێیمار هاتنه توماركرن ، و یێن ئشبیلیه ژ ئالیێ ئیفر بانیجا وكیفین جامیرو ل ده‌قیقێن 38 و 84 هاتنه توماركرن.
ب ڤى ئه‌نجامى جوداهیا خالێن د ناڤبه‌را به‌رشه‌لونه یا رێزبه‌ندا ئێكێ و ریال مه‌درید یا رێزا دوێ ب تنێ بۆ دو خالان كێم بوو.
ئه‌ڤرۆ نيوز:
ژێده‌ره‌كێ به‌رپرس ژ وه‌زاره‌تا دارايى و ئابوورى بۆ باسنيوز دياركرهيه برياره سبه، وه‌زاره‌تا دارايى ده‌ست ب به‌لاڤكرنا مووچێ هه‌يڤا 2 بكه‌ت و وه‌زاره‌تا پێشمه‌رگه‌ى دێ مووچه‌ى وه‌رگرن.
ژ ئاليێ خوه‌ڤه بێستون فايه‌ق په‌رله‌مانتارێ گۆران ل په‌رله‌مانێ كوردستانێ راگه‌هاند كو ئه‌و ل گه‌ل وه‌زاره‌تا دارايى يێ ئاحفتى و سوبه دێ ده‌ست ب به‌لاڤكرنا مووچێ هه‌يڤا 2 هێته كرن و دڤێ حه‌فتيێ دا پرانيا وه‌زاره‌تان دێ مووچێ هه‌يڤا دو وه‌رگرن.
رۆژا پێنجشه‌مبيا چوويى، به‌غدا كوژمێ 527 مليار دينار وه‌ك پشكه‌ك ژ بودجێ هه‌يڤا 3 بۆ حوكمه‌تا هه‌رێما كوردستانێ هنارت.
ئه‌ڤرۆ نيوز:
نڤيسينگه‌ها سه‌رۆكێ په‌رله‌مانێ عيراقێ ئه‌و ده‌نگوباسه ره‌تكرن كو حوكمه‌تا عيراقێ ب ژڤان بيت مووچێ فه‌رمانبه‌ران كێم بكه‌ت و ئاماژه ب وێ يه‌كێ كريه كو ئه‌و داخويانيا ل سه‌ر زارێ سه‌رۆكێ په‌رله‌مانێ عيراقێ به‌لاڤبووى، وه‌سا نينه.
نڤيسينگه‌ها سه‌ليم جبورى سه‌رۆكێ په‌رله‌مانێ عيراقێ ئاماژه ب وێ يه‌كێ كريه كو په‌رله‌مانێ عيراقێ په‌يوه‌ندى ب پرسا مووچه‌ى ڤه نينه و ب تنێ چاڤدێريێ دكه‌ت و ئاماژه ب وێ ئاخافتنه‌كا به‌رىێ يا سه‌رۆكێ په‌رله‌مانى كريه كو : مووچێ فه‌رمانبه‌ران هێلا سووره و ب چ شێوه‌كێ نابيت ده‌ستكارى تێدا بهێته كرن.
ئه‌ڤرۆ نيوز:
گرۆپه‌كێ چه‌كدارێن باژێرێ عه‌ده‌ن ل باشوورێ يه‌مه‌ن، د شه‌رو پێكدادانه‌كێ ل گه‌ل چه‌كدارێن حوسى، دو فه‌رماندێن سوپايێ پاسدارێن ئيرانێ ب ديل گرتن.
ل گۆر ده‌نگوباسه‌كێ ئلژلنسا رويته‌رز چه‌كدارێن سه‌ر ب عه‌بد مه‌نسور هادى راگه‌هاندينه كو رۆژا ئه‌ينى وان دو به‌رپرسێن سه‌ربازى ييێن ئيرانى ب ديل گرتينه.
دئه‌ڤرۆ نیوز: ڤه‌ده‌ر ره‌شاڤایی:
سه‌رۆكێ ئاژانسا رویته‌رز ل به‌غدا پشتی گه‌فێن كوشتنێ لسه‌ر تورا جڤاكییا فه‌یسبۆكی لێ هاتیه كرن لسه‌ر بابه‌ته‌كێ وێ ئاژانسێ، ئیراق بجه هێلا و ره‌ڤی.
رۆژنامه‌ڤان نێد پاركه‌ر كو سه‌رۆكێ نڤیسینگه‌ها ئاژانسا نێڤده‌وله‌تیا رویته‌رزه كه‌فته لبن گه‌فێن په‌یجه‌كێ فه‌یسبۆكی و كه‌ناله‌كێ ته‌له‌ڤزیۆنی یێ ملیشیاێن شیعه، ئه‌گه‌ر ژی بۆ وێ یه‌كی ڤه‌دگه‌رن كو رویته‌رز بابه‌ته‌ك لسه‌ر تالانكرن و ده‌ستدرێژیێن چه‌ند میلیشیایێن شیعه ل تكریت به‌لاڤكربوو كو تێدا راستی ب به‌لگه‌ڤه ئاشكراكربوون.
چه‌ندین فه‌رماندێن ملیشیاێن شیعه داخازكربوو پاركه‌ر ژ ئیراقێ بهێته ده‌رێخستن هه‌تا هنده‌كان گۆتبوو دڤێت بهێته بێده‌نگكرن برێیا كوشتنێ.
ئه‌ڤرۆ نیوز: ڤه‌ده‌ر ره‌شاڤایی:
رێكخستیا تیرۆرییا داعش 1500 چه‌كدارێن خوه ب ئاشكرایی ژ مووسل دهنێریته پارێزگه‌ها ئه‌نبار بێ كو فرۆكێن هه‌ڤپه‌یمانییا دژی داعش وان بكه‌ته ئارمانج.
فه‌رمانده‌یێ هێزا سه‌حوه ل ره‌مادی عاشور حه‌مه‌دی بۆ ده‌زگه‌هێن میدیایی خویاكر كو 1500 چه‌كدارێن داعش ژ مووسل برێیا كاروانێن سه‌ربازی هاتینه ناڤ پارێزگه‌ها ئه‌نبار دا، هه‌رچه‌نده بزاڤا ڤی كاروانی دهاته چاڤدێری كرن ژ ئالیێ هێزێن هه‌ڤپه‌یمانان، چونكی ببه‌رده‌وامی ئه‌و ده‌ڤه‌ر دبن چاڤدێریێ دایه، لێ هێزێن ئاسمانیێن هه‌ڤپه‌یمانان چ هێرش نه‌كرنه سه‌ر و ئه‌و كاروان نه‌كرینه ئارمانج.
ئه‌ڤرو نیوز، هه‌یفا دوسكى:
عه‌بدولخالق بابیرى به‌رپرسێ لقێ ئێك یا پارتیى دیموكراتى كوردستان و ئه‌ندامێ سه‌ركردایه‌تیا پارتى دیاركر كو ئافره‌تا كورد ل هه‌رێما كوردستانێ رۆله‌كێ مه‌زن هه‌بوویه دشه‌رێ دژى تیرورێ دا، ئانكو چ ب چێكرنا خارنێ بیت یان چوونا وان بۆ ناڤ پێشمه‌رگه‌ى وه‌ك سه‌ره‌دان یان ژى ئه‌و هه‌دارا دایك و هه‌ڤژینێن شه‌هیدا و پێشمه‌رگه‌یان دكه‌ن ل سه‌ر پشته‌ڤانیا پێشمه‌رگه‌ى و ئه‌ڤ رۆله ناهێته ژبیركرن و پێدڤى یه رێكخراوێن ئافره‌تان كارى ل سه‌ر وێ رۆلى بكه‌ن.
پاشى بابیرى گۆت ژى: نها ل زاخو خوله‌كا (200) كه‌سى بو ئافره‌تان هاتیه ڤه‌كرن ژبو هندێ كو ئه‌و ئافره‌ته ببه‌نه خودان پله‌یێن له‌شكه‌رى دگه‌ل پێشمه‌رگه‌ى.
ئه‌ڤرۆ نیۆز، قائید میرۆ
ئه‌ندامه‌كێ جڤاتا سه‌ركردایه‌تیا پارتی ته‌كه‌ست كر، د كۆمبوونا جڤاتا سه‌ركردایه‌تی دا كو ل رۆژێن داهاتی دێ هێته سازكرن، پارتی دێ هه‌لویستێ خوه یێ دوماهیێ ل دور دستووری و پۆستێ سه‌رۆكێ هه‌رێمێ ئه‌شكرا كه‌ت.
ئه‌حمه‌د كانی، ئه‌ندامێ جڤاتا سه‌ركردایه‌تیا پارتی دیموكراتی كوردستان د داخویانیه‌كێ دا بۆ ئه‌ڤرۆ نیۆز راگه‌هاند” كۆمبوونا داهاتیا جڤاتا سه‌ركردایه‌تیا پارتی تنێ ل دۆر دستوورێ هه‌رێما كوردستانێ نینه، به‌لكۆ كۆمبوونا ئاسایيا سه‌ركردایه‌تیا پارتیه، به‌لێ دێ مژارا سه‌ره‌كیا كۆمبوونێ پرسا دستووری و ویلایه‌تا سه‌رۆكێ هه‌رێما كوردستانێ بیت.
ل دۆر بۆچوونا پارتی لسه‌ر هه‌لبژارتنا سه‌رۆكێ هه‌رێمێ، كانی گۆت” جارێ نه‌شێم بۆچوونا پارتی بێژم، هه‌تا كۆمبوون نه‌هێته گرێدان و دێ سه‌ركردایه‌تی ئێكلا بكه‌ت كو ئایا پارتی دێ رازیبیت سه‌رۆك ل په‌رله‌مانی بهێته هه‌لبژارتن یانژی دناڤا خه‌لكی دا بهێته هه‌لبژارتن.
ئه‌ڤرۆ نیوز:
كوچكا سپى یا ئه‌مریكا ئه‌ڤرۆ راگه‌هاند كو خێزانا ئوباما ل سالا 2014 ێ دا نێزیكى 477 هزار دولار داهات هه‌بوویه و 93 هزار دولارر باج دایه.
پرانیا داهاتێ ئوباما ب رێیا موچێ سه‌رۆكایه‌تیێ یه كو سالانه 400 هزار دولاران وه‌ردگریت و ژێده‌رێ داهاتێ وان ژ ده‌رڤه‌ى مووچه‌ى، فروشتنا وان هه‌ردو پرتوكێن ئوباى بوویه كو ل ١٩٩٥و ٢٠٠٦ نڤێسى.
ئه‌ڤرۆ نیوز:
سه‌رۆكێ هه‌رێما كوردستانێ راگه‌هاند: هێزێن پێشمه‌رگێ كوردستانێ یێن شیاین د ماوه‌كێ كێم دا، تیرورستان بشكێننى و 20 هزار كیلومترێن چوار گوشه ژ ده‌ستێ تیرورستان رزگار بكه‌ن.
مه‌سعود بارزانی سه‌رۆكێ هه‌رێما كوردستانێ ئه‌ڤرۆ پێشوازى ل ماركوس گروبل وه‌زیرێ به‌ره‌ڤانیا ئه‌لمانیا و شانده‌كێ د گه‌ل دا كر، شاندێ مێهڤان په‌سنا رۆل و قوربانیدانا هێزا پێشمه‌رگێ كوردستانێ كر د روى ب روى بوونا تیروستان دا و پشته‌ڤانیا به‌رده‌وامبوونا وه‌لاتێ ئه‌لمانیا د هاریكاریكرنا پێشمه‌رگه‌ى دا دووپاتكر.
نيشاندان