ئه‌ڤرۆ نیوز:
ژێده‌رێن ده‌نگوباسا ئاماژه ب ب وێ یه‌كێ دكه‌ن كو داعش ب سه‌دان چه‌كدارێن خوه ژ ره‌گه‌ز ئوروپى ژ ره‌قه یا سوورى بۆ پارێزگه‌ها مووسل و كه‌ركووكێ ڤه‌گوهاستینه و ب فه‌رمانا ئه‌بوبه‌كر به‌غدادى ئه‌میرێ گشتى یێ داعش.
ژێده‌رى دیاركریه، كه‌تیبێن داعش كو بریاره ژ ره‌قه بگه‌هنه عیراقێ، ئه‌و كه‌سن یێن راهێنان پێ هاتینه كرن و پشكه‌كا وان دێ ل كه‌ركووك و پشكه‌ك ژى ل حه‌ویجه و پشكه‌ك ژى دێ چنه مووسل.
ه‌ڤرۆ نیۆز، قائید میرۆ
شه‌ڤا بۆری ل باژێڕێ سلێمانیێ حه‌فت چه‌كداران ته‌قه ل باره‌گایێ جڤاتا سه‌ركردایه‌تیا پارتی هاتیه‌كرن و به‌رپرسه‌كێ پارتی ژی راگه‌هاند: ته‌قه‌كرنێ چ زیانێن گیانى نه‌بووینه.
فازل ره‌ئوف، ئه‌ندامێ جڤاتا سه‌ركردایه‌تیا پارتی ل سلێمانیێ بو ئه‌ڤرۆ نیۆز راگه‌هاند: شه‌ڤا بۆری حه‌فت چه‌كداران كو دو ترۆمبێلاندابووینه، ته‌قه ل باره‌گایێ جڤاتا سه‌ركردایه‌تیا پارتی لباژێڕێ سلێمانیێ كریه به‌لێ روودانێ چو زیانێن ماددی و گیانی نه‌بووینه و ته‌قه‌كه‌رێن باره‌گایێ پارتی راده‌ستی پۆلیسان هاتینه‌كرن و لێكۆلین دگه‌لدا دهێته‌كرن، چونكه ئه‌ڤه بۆ جارا ئێكێ نینه ته‌قه ل باره‌گایێ پارتی دهێته‌كرن و چه‌ندین جارێن دیژی روویدانێن ته‌قه‌كرنێ چێبووینه.
ئه‌ڤرۆ نیوز:
ل باژێرێ سلێمانیێ ته‌قه ل باره‌گایێ سه‌ركردایه‌تیا پارتى دیموكراتى كوردستان دهێته كرن و ته‌قه‌كه‌ر ژى دهێته گرتن.
فارس نەورۆڵی په‌یڤدارێ جڤاتا سه‌ركردایه‌تیا پارتى ل سلێمانیێ دیاركر كو شێڤدى ل ده‌مژمێر 3 سپێدێ، دو ترۆمبێلان كو 7 چه‌كدار تێدابوون ته‌قه ل باره‌گایێ سه‌ركردایه‌تیا پارتى كرن و پاشان ره‌ڤینه، به‌لێ پشتى هندێ زێره‌ڤانێن باره‌گایى ل دووڤ دا چوون و ئه‌و چه‌كداره گرتن و راده‌ستى پۆلیسان كرینه دا بهێنه دادگه‌هكرن و بزانن كى ل پشت ڤى كاره‌ى كارى یه.
ئه‌ڤرۆ نيوز:
پشتى دوهى پشتى نيڤرۆيا 9ى نيسانا 2015ێ حوكمه‌تا عيراقێ 455 مليۆن دۆلار (527) مليار دينار وه‌كو پشكا بودجه‌يا هه‌رێما كوردستانێ ره‌وانه‌يى هه‌رێمێ كرن و په‌رله‌مانتاره‌ك ژى دبێژيت: ل ناڤه‌راستا حه‌فتيا بهێت حوكمه‌ت دێ ده‌ست ب به‌لاڤكرنا مووچێ هه‌يڤا شوباتێ كه‌ت.
وه‌زاره‌تا دارايا عيراقێ راگه‌هاند كو پشتى نيڤرۆيا 9ى نيسانا 2015ێ حوكمه‌تا عيراقێ كۆژمێ 455 مليۆن دۆلاران ره‌ونه‌يى هه‌رێما كوردستانێ كرن وه‌كو به‌هرا هه‌رێما كوردستانێ ژ بودجا هه‌يڤا ئادارێ يا هه‌رێما كوردستانێ.
ژ لايه‌كێ دى ڤه، هيڤا حاجى ميرخان بڕيارده‌را لژنا دارايى ل په‌رله‌مانێ كوردستانێ بۆ مالپه‌رێ فه‌رميێ پارتى ديموكراتى كوردستان راگه‌هاند: ره‌نگه ئه‌و پاره بۆ مووچێ بهێته ب كارئينان و ل ناڤه‌راستا حه‌فتيا بهێت به‌لاڤكرنا مووچه‌يى ده‌ست پێ بكه‌ت.
ئه‌ڤرۆ:
نوشدارەکا تایبەتمەندا تایوانی یا تایبەتمەند ب ڤەکولینێن پەنجەشێرێ ڤە کو ل زانکۆیێن یابانی دەست ب ڤەکولینان کربوو، پشتی ڤەکولین ل سەر ٣٠ ھزار ژنێن تووشی پەنجەشێرێ بووین کری وەسان دیت کو ئەو ژن گەلەک د ھشیاری ساخلەمی و خوارنا خۆ نەبوون و ل دەمێ دکەڤتنە د عادەیا ھەیڤانە دا سەرێ خۆ دشووشتن و تشتێن گران و ب سەنگ رادکرن و ڤەخوارنێن تەزی ڤەدخوارن و ئەڤە دبوونە ئەگەر کو ھێکێن وان ب دروستی ل ھێلدانکێ دەرنەکەڤن و ئەوا مایی دبوو کەرستەیێن ژەھراوی و ھەڤسەنگیا ھورمونان تێک ددا و ئەڤە دبوو ئەگەرێ تووشبۆنا وان ب پەنجەشێرا مەمکان و ھێلدانکێ و ئەو ڤەکولەر دبێژیت خوارنا زەرزەواتی و نەشووشتنا پرچێ ب دەمێ عادەیێ دا و ھەکە خوین بەربوون ھەبیت پێدڤیە زوو پشکنینا خۆ بکەت و گەلەک ڤەخوارنێن تەزی ڤەنەخۆت.
ئه‌ڤرۆ نيوز:
زارۆيه‌كێ مسرى ب ناڤێ ئه‌حمه‌د خۆلى يێ 12 سال شيا چه‌ندين مالپه‌رێن ناڤدار و گرنگێن چه‌كدارێن داعش هاك بكه‌ت ب به‌هانه‌يا وێ چه‌ندێ كو ديمه‌نێ ئيسلامێ كرێت دكه‌ن.
ئه‌ڤى گه‌نجى بۆ “اليوم السابع” يا مسرى گۆت: “ئه‌ڤه دو ساله ئه‌و فێرى كارێ هاككرنێ بووى و نوكه گه‌هشتيه ئاسته‌كێ گه‌له‌ك پێشكه‌فتى”.
زێده‌تر گۆت: “ئه‌ڤه ماوه‌كه كار ل سه‌ر مالپه‌رێن فه‌رميێن داعش دكه‌م و شيايمه چه‌ندين مالپه‌رێن وان يێن ب ناڤێ ئيسلام ئون لاين و مينبه‌ر جيهادى و لاپه‌رێ شێخ محه‌مه‌د حه‌سان و مينه‌رێ جيهادى يێ باژێرێ فه‌لۆجه و گه‌له‌كێن دى كو مه‌نترين ئه‌و مالپه‌رێن ناڤدارێن داعشن يێن زيانێ دگه‌هيننه مسرى و عه‌ره‌بان و جيهانا ئيسلامى”.
ئاماژه ب وێ چه‌ندێ ژى كريه كو خودانێن ئه‌ڤان په‌يچان گه‌له‌ك گه‌ف لێ كرينه، به‌لێ ئه‌و گرنگيێ پێ ناده‌ت و خێزانا وى پشته‌ڤانيا وى دكه‌ت بۆ ڤان ره‌نگه كاران ب ره‌نگه‌كى كو ئه‌ڤه تێكدانا ناڤێ ئيسلامێ دكه‌ن.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئه‌سمان دێ ئه‌ور بيت و هنده‌ك باران دێ ل هنده‌ك ده‌ڤه‌ران باريت و توز ژى دێ په‌يدا بيت و ل ده‌مێن دره‌نگێن شه‌ڤێ دێ ره‌وش ئاسايى بيته ڤه.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ فشارێن نزمێن ئێكگرتيێن ده‌ريا سپى و نيمچه دورگه‌يا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 11ى نيسانا 2015ێ ئه‌سمان دێ ئه‌ور بيت و هنده‌ك باران دێ ل هنده‌ك ده‌ڤه‌ران باريت و توز ژى دێ په‌يدا بيت و ل ده‌مێن دره‌نگێن شه‌ڤێ دێ ره‌وش ئاسايى بيته ڤه.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 21 بۆ 11 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باكورێ رۆژئاڤا بیت ب رەنگەکی دێ يێ ناڤه‌ندى بیت د ناڤبەرا 20 بۆ 30 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ئه‌ڤرۆ نيوز:
جه‌ميل بايك رادگه‌هينيت كو ئێدى ئه‌وان دڤێت د رێيا دانوستاندنێ دا بگه‌هنه چاره‌سه‌ريه‌كا ئاشتيانه.
جه‌ميل بايك، هه‌ڤسه‌رۆكێ كۆنسه‌يا رێڤه‌به‌ريا كۆما جڤاكێن كوردستانێ “كه‌جه‌كه” د داخۆيانيه‌كێ دا گۆت: “ئێدى مه نه‌ڤێت ل توركيا شه‌رى بكه‌ن، شه‌ر كرن به‌سه، چونكو نه مه و نه‌ژى توركيا د رێيا وى شه‌رى دا چو ئه‌نجام ب ده‌ست ڤه نه‌ئينان”.
زێده‌تر دبێژيت: “نوكه هه‌تا راده‌كى كاودان د باشن، ئه‌ڤه ژى پشتى ده‌سپێكرنا دانوستاندنێن ئاشتيێ ل گه‌ل حوكمه‌تا ئه‌نقه‌ره، چونكو دڤێت د رێيا دانوستاندنێ دا بگه‌هنه رێيه‌كا چاره‌سه‌ريا ئاشتيانه”.
ئه‌ڤرۆ نيوز:
ئاخفتنكه‌رێ ب ناڤێ باهۆزا راپێچانێ ئاشكه‌را كر كو فرۆكێن شه‌رى يێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ دا بۆ جارا ئێكێ هێرش كره سه‌ر بنگه‌هـ و جهێن چه‌كدارێن حوسى ل يه‌مه‌ن.
ئه‌حمه‌د عسيرى، ئاخفتنكه‌رێ ب ناڤێ باهۆزا راپێچانێ د كۆنگره‌كێ رۆژنامه‌ڤانى دا ل رياز يا پايته‌ختێ سعوديێ ئه‌نجام دا و راگه‌هاند كو چه‌كدارێن حوسى ل چه‌ند ده‌ڤه‌رێن يه‌مه‌ن هاتينه ئابلۆقه‌دان و نوكه روو ب روو چاره‌نڤيسێ خوه دبن.
ئاماژه ب وێ چه‌ندێ ژى كر كو دوهى 9ى نيسانا 2015ێ بۆ جارا ئێكێ فرۆكێن شه‌ركه‌رێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ هێرش كره سه‌ر بنگه‌هـ و جهێن چه‌كدارێن حوسى ل يه‌مه‌ن.
خۆيا ژى كر كو نوكه فرۆكێن شه‌ركه‌رێن هه‌ڤپه‌يمانيێ په‌يوه‌ندى د ناڤبه‌را چه‌كدارێن حوسى دا ل يه‌مه‌نێ بڕينه.
نيشاندان