گۆتنه‌ك هه‌یه دبێژیت: (هه‌كه ته نه‌ڤێت شه‌رمزار ببی، وه‌كو هه‌میان به)
هه‌وه چه‌ند باوه‌ری ب ڤێ ئاخڤتنێ هه‌یه؟ چه‌ند خوه وه‌كو وان كه‌سێن، ده‌وروبه‌رێ خوه دبینن؟ ب هێزخستنا كه‌ساتیا مرۆڤ ی گه‌له‌كا گرنگه و من گه‌له‌ك ژێدره ل سه‌ر خواندینه، ئێك ژ وان دبێژیت وه‌كو ئاراسته‌كرن دكه‌ت: هه‌وه ئاگه‌هی ژ ڤێ تشتی هه‌بیت كو هه‌ر كه‌سه‌ك مرۆڤه‌كێ تایبه‌ته و تایبه‌تمه‌ندی و شیانێن خوه یێن هه‌ین، هه‌وه بخوه ژی شیانێن خوه یێن هه‌یین كو ب تنێ ژ تایبه‌تمه‌ندیا هه‌وه‌یه و ب جۆره‌ك كو ب تنێ تایبه‌ت ب هه‌وه‌ڤه‌یه. لێ ب شێوازه‌كی ئاشكرا بكه‌ن كو ده‌روونێ وان ژ خوه وه‌ربگرن و بگه‌هنه پله‌كا بلند ژ باوه‌ریێ. نها هه‌كه هه‌وه دڤێت بگه‌هنه رێیا باوه‌ری بخوه‌بوونێ، هه‌تا كو بگه‌هنه خوه و شیانێن خوه، جارا ئێكێ، دڤێت هێله‌كا سۆر ل سه‌ر گۆتنا سه‌ڕی بینن و ل شوونا كو خوه وه‌كو كۆمێ لێ بكه‌ن، بۆ كه‌سێن دی سومبول بن و بلا ئه‌و خوه وه‌كو هه‌وه لێ بكه‌ن. پشتی بوورینا چه‌ند ده‌مه‌كی جاره‌كێ چاكسازیه‌كێ ل خوه بكه‌ن.
هه‌موو ژیانا مرۆڤی وه‌ستیانه، به‌زینه و شكه‌ستن نینه. هنده‌ك جاران پێدڤیه پیچه‌ك ئارام بین و بێهنڤه‌دانه‌كێ بده‌نه خوه و به‌رێ خوه بده‌نه دووماهی چاره‌نڤیسێ خوه و ل كارێن خوه بزڤرن. ڤه‌كۆلینێ ل سه‌ر ئه‌نجامێن كارێن خوه بكه‌ن و به‌رێ خوه بده‌نێ كو ل سه‌ر رێیا ژیانا خوه دروست دچن.
پاداشتێ بۆ كارێن دروست و باش بده‌نه خوه و هه‌كه شاشیه‌ك د ناڤ كارێ هه‌وه دایه، پێدڤیه چاكسازیێ د خوه دا بكه‌ن.
ئه‌ڤ كاره دبیته ئه‌گه‌ر كو مرۆڤ گیانه‌كێ نوو وه‌رگریت و بۆ گه‌هشتنا ئارمانجان بزاڤه‌كا پتر بكه‌ن.
نووترين نووچه
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
- پەرلەمانتارەك: هنارتنا بودجەی دێ پرۆسەیا سیاسی د ناڤبەرا هەرێمێ و بەغدایێ دا بهێزتر كەت
- مەحما خەلیل: هندەك بەرپرسێن ئیراقێ هەڤپشكێن جینۆسایدا شنگالێ نە
- وەزارەتا دەرڤە یا ئەمریكی: ئیدارەیا ترەمپی دێ بەردەوام بیت د كاركرنێ دا ل گەل هەرێما كوردستانێ
- دەم پارتی: پەیاما ئۆجەلانی دێ یا ڤیدیۆیی بیت
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
سهرهكى Twitter
زمانێ كه‌ڕ و لالان!
ئه‌ڤ زمانه ئه‌ڤه ژ سالا 1837 وه‌ره ده‌ركه‌فتی هه‌تا نوكه نه‌گه‌هشتییه ده‌ڤ مه! هه‌كه هه‌بیت ژی ل هنده‌ك جهێن تایبه‌ت گه‌له‌ك یا فه‌ره ئه‌م وی مافی بده‌ینه زمانێ ده‌ستان كو د ته‌له‌فزیۆن و كه‌نالێن مه یێن ئه‌سمانی دا هه‌بیت. خودان پێدڤیێن تایبه‌ت گه‌له‌ك بێزارترن ژ مه د ڤی وه‌لاتی دا، مرۆڤ دكاریت بێژیت ژیانا وان یا سه‌خت و دژواره د ناڤ مه‌دا. ئه‌و بازنێ ژیانا ئه‌و تێدا دژین هندی به‌فره‌هیا گوستیركه‌كێ یه.
بۆچی ئه‌م د كه‌نالێن خوه دا گرنگیێ ناده‌ینه ڤی زمانێ جیهانی دا ئه‌و ژی بهێنه د ناڤ بازنێ ژیانا مه دا؟ بلا ئه‌و ژی ده‌نگوباسێن كۆپوونا پانزینی بزانن، موه‌لیدا كاهره‌بێ، ده‌ورا هه‌سپا ته‌مام نه‌كر، ده‌وله‌تا كوردی.. .. .
بۆچی ئه‌م ده‌رفه‌تێ ب تنێ دده‌ینه خوه ب تنێ دا گوه ل ده‌نگێ خوه ببین؟ ما بۆچی ئه‌وان ژی گوه ل ده‌نگێ مه نابیت؟
ئه‌م د خرابین یان ئه‌م د نه‌زانین؟ یان ژی ئه‌ڤه ژی مه‌سره‌فه‌كێ زێده‌یه دێ ل سه‌ر بودجه‌ی زێده‌بیت؟
ما چ بوو وان مرۆڤان هاتیه‌كرن هه‌تا ئه‌م زمانێ وان بكه‌ینه د دكه‌نالێن خوه‌دا!؟ ئه‌م د ئێكودو ناگه‌هین هه‌تا نوكه! دێ چاوا د وان گه‌هین؟! پا ئه‌و حه‌ز دكه‌ن د مه بگه‌هن كا ئه‌م چ دبێژین؟ به‌حسێ چ دكه‌ین؟ ئه‌وان ژی دڤێن ده‌نگوباسێن داعشێ بزانن! وه‌لات دێ چ لێ هێت؟ ما وان ماڤ نینه بزانن كا چ چێدبیت؟
پا به‌لكی خه‌به‌ره‌كێ ب له‌ز هات بۆ خه‌لكی و ئه‌و نزانن چ بوو؟ ئه‌م دگونه‌هبارین د ده‌رهه‌قێ وان دا، ئه‌م دڤێت به‌ری گوه ل خوه بین گوه ل وان مرۆڤان ببین، پیچه‌كا ئه‌زمانێ خوه یێ درێژ بده‌ینه وان و ده‌رفه‌تا ژیانێ ل وان به‌رفره‌ه بكه‌ین! یێ ل گه‌ل مه دژین و تنێ یێ مه د بێده‌نگیێ دا دبینن! زمانێ ده‌ستێن مه یێن بووینه شه‌ق و پێهن، تنێ ئه‌م ب ڤی شێوه‌ی مافێ ڤی زمانی ده‌ینێ! ل ڤی باژێری مه كاشیه‌كێ تایبه‌ت برێڤه‌چوونا وان نه‌دانایه ئه‌و بخوه ل دووڤ بچنه مالا خوه، ل ترافكلایتان مه ئه‌و ئامیرێ هوشیادانا وان نینن، جهێ راوستیانا ترۆمبێلا خوه نینه، ل سه‌ر حه‌بك و ده‌رمانان مه زمانێ تبلا نینه ئه‌و بزانیت بده‌رمانێن خوه، وانا (سه) ژی نینن هاریكاریا وان بكه‌ن، د مالا خوه دا پتریان كۆمپیوته‌رێن تایبه‌ت نینن!، پێداویستیێن ژیانا وان هه‌ما نینن د بازارێن مه‌دا، ئه‌و چ بكه‌ن دا مه گوه ل وان بیت؟ ئه‌و ژی دكارن وه‌كی مه ده‌ستێن خوه بكاربینن و پێهنان بدانن دا ئه‌م ب وان دحه‌سیێن! ژ به‌رێزیا خوه ئه‌و ئاقلترن ژ مه. ئه‌ڤه كینه ئه‌ڤ مرۆڤه؟ ژ سه‌ربانێ هه‌یڤێ نه‌هاتینه و هه‌ر كۆڕێن ملله‌تینه، ئه‌ڤه رێڤه‌به‌ر و كه‌سانێن به‌رپسیار ژ ڤێ كۆمه‌لا بێ ماف رۆژه‌كێ ناهێنه كه‌نالێن مه‌یێن ئه‌سمانی و داخوازا زمانێ خوه بكه‌ن؟ رۆژه‌كێ ئێك ژ وان چوویه ڕێڤه‌به‌ریا هاتنوچوونێ گۆتینێ بۆ مه جهێن راوه‌ستیانا ترۆمبێلێن تایبه‌ت ب مه‌ڤه ڤه چێكه‌ن؟ رۆژه‌كێ كه‌س ژ رێڤه‌به‌رێن وان پرۆژه‌ك پێشكێشی وه‌زاره‌تا مافێن مرۆڤان كرینه؟ یان هه‌وه داخوازا زمانێ تبلان ژ وه‌زاره‌تا ساخله‌میێ كریه كو زمانێ تبلان ل سه‌ر قالكێن ده‌رمان هه‌بیت؟ ما ده‌نگ ژ هه‌وه ناهێت بهێنه سه‌ر جادێ خوه‌نیشادانێ بكه‌ن و هه‌ر ئێك ژ هه‌وه داره‌كی ل ته‌نه‌كه‌كێ بده‌ت دا ده‌نگ بهێته مه؟ هوون د ساخن و د نه‌ساخن وه‌رن داخوازا مافێن خوه بكه‌ن دا ده‌نگوباسێن مه بزانن!.. خوه بینن د ناڤ مه‌دا دا پێكڤه ده‌واتا تبلا نبكه‌ین.
رێژا باران بارينا ئه‌ڤ ساله ل گه‌ل سالا بۆرى
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا كه‌شناسى و بيڤه‌له‌رزێ ل هه‌رێما كوردستانێ رێژا هه‌ڤبه‌ركرى يا باران بارينا ئه‌ڤ ساله ل گه‌ل يا سالا بۆرى ئاشكه‌را كر و دا زانين كو ل دهۆكێ زێده‌ترى 130 ملم ژ سالا بۆرى زێده‌تر باران باريه.
رێڤه‌به‌ريا كه‌شناسى و بيڤه‌له‌رزێ ل هه‌رێما كوردستانێ ئه‌ڤرۆ رۆژا سێشه‌مبى راگه‌هاند كو وه‌كو هه‌ڤبه‌ركى ل گه‌ل سالا بۆرى ل هه‌رێما كوردستانێ جوداهيه‌كا مه‌زن د ناڤبه‌را رێژێن باران بارينێ دا هه‌يه ب گۆره‌يى وى خشتێ به‌لاڤكرى.
ل پارێزگه‌ها دهۆكێ ل سالا 2013 هه‌تا ڤى ده‌مى 131ز8 ملم باران باريبوو، به‌لێ ل ئه‌ڤ ساله 269.5 ملم باران باريه، ل زاخۆ ژى 152.9 ملم باريبوون و نوكه 269.8 ملم باران باريه.
ده‌رباره‌يى هه‌ولێر ژى دايه زانين كو سالا بۆرى هه‌تا ڤى ده‌مى ل هه‌ولێر ب تنێ 19.2 ملم باران باريبوون، به‌لێ ئه‌ڤ ساله گه‌هشته 14.5 ملم بارانێ، ل پيرمام ژى رێژا هه‌ره بلندا ئه‌ڤ ساله يا بارانێ تۆماركريه ل باژێر و باژێركێن كوردستانێ كو ل سالا بۆرى 73.5 ملم باريبوون، به‌لێ ئه‌ڤ ساله 312.7 ملم باران بارينه.
ل پارێزگه‌ها سلێمانيێ ژى ئه‌ڤ رێژه هه‌تا راده‌كێ باش يا به‌رچاڤه ب ره‌نگه‌كى ل سالا 2013 ل سلێمانيێ 166.9 ملم باران باريبوون، به‌لێ نوكه 228.4 ملم باران باريه و ل چه‌مچه‌مال ژى ژ 103 مليمان بۆ 153.2 ملم بلند بوويه.
گۆران و په‌روازێ سترانك پێكڤه تۆمار كر
ئه‌ڤرۆ نيوز، نيوار محه‌مه‌د سه‌ليم:
هۆنه‌رمه‌ندێ گه‌نج گۆران سالح راگه‌هاند كو ل ده‌مه‌كێ گه‌له‌ك زوو ئه‌و و هه‌ڤژينا خوه په‌رواز حسێن دێ سترانا خوه يا ب ناڤێ پێشمه‌رگه به‌لاڤ كه‌ن.
گۆران سالح ل سه‌ر په‌يچێ خوه يێ تۆرا جڤاكيا فه‌يسبۆكى به‌لاڤ كريه: “خۆشتڤيێن من ئيشائه‌لاهـ ب ده‌مه‌كێ گه‌له‌ك نێزيك، تازه‌ترين به‌رهه‌مێ من ل گه‌ل په‌روازا هه‌ڤژينا من ب ناڤێ كوردستان دێ به‌لاڤ كه‌ين”.
زێده‌تر هاتيه: “هيڤيدارم ل ئاست مه‌زناهيا هه‌وه خه‌لكێ كوردستانێ و خوينا شه‌هيدان بيت”.
ئه‌ڤه پۆستێ وى يه ل سه‌ر تۆرا فه‌يسبۆكى:
ھەکە تە ڤیا سەرنجا کچەکێ راکێشی چو گولاڤان ل خوە نەکە
ئه‌ڤرۆ نيوز:
نھێنیەکا ھەی ھەکە زەلام بزانن خو د ناڤ گولاڤان دا نقوم ناکەن بۆ راکێشانا سەرنجا کچەکێ. ئەو نھێنی ژی ئەوە کو خوھا زەلامان ناخێ ژنان دگوھۆریت، ل سالا 2007 ڤەکۆلینەکێ ئاشکەرا کر بوو کو لەشێ مرۆڤی ھندەک بێھنان بەرددەت باندۆرێ ل مێشکێ رەگەزێ دی دکەت، ڤەکۆلەران دووپاتکر کو ھندەک چپکێن کەرستەکێ کیمیاوی د ناڤ خوھا زەلامی دا ھەنە دشێت تێکرایا “کورتیزۆلی” ل نک ژنان بلند بکەت و د ئەنجامدا رەوشا وان یا جەستەیی و دەروونی دگوھۆریت.
ئەڤ سەربۆرە یا گرنگە کو بۆ مە دیار دکەت کو ئەم دشێین رێژا ھندەک ھورمۆنان ئەوێن د ناڤ لەشێن ژنان دا دزڤرن راستڤەکەین ب رێیا ھلکێشانا بێھنا پێکھاتەکێ کیمیاوی یێ د ناڤ خوھا زەلامی دا ھەی.
د ڤەکۆلینێ دا پشتی کۆمەکا ژنان بێھنا خوھا زەلامی ھلکێشای تێکرایا “کورتیزۆلی” پشتی 15 دەقیقان ل نک وان زێدەبوو و نێزیکی سەعەتەکێ ڤەکێشا و گێولێ وان خۆشتر لێھات و ھاندانا سیکسی مەزنتر بوو ل نک وان ژنان و فشارا خوینێ بلند بوو و ھەناسە و لێدانێن دلی بلەزتر لێھاتن.
زێر هێشتا هاته خوار
گوهۆڕين ب سه‌ر ره‌وشا دراڤى دا هاتن
رێژا به‌رفر بارينێ ل هه‌رێما كوردستانێ
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ رێژێن به‌رفر بارينێ ل 24 ده‌مژمێرێن بۆرى ل سه‌رانسه‌رى هه‌رێما كوردستانێ راگه‌هاندن و ئاماژه ب وێ چه‌ندێ ژى كر كو ئه‌ڤرۆ ژى ده‌ليڤا به‌فر بارينێ هه‌يه.
رێژا به‌فر بارينێ ل 24 ده‌مژمێرێن بۆرى ب ڤى ره‌نگێ ل خوارێ بوو:
كانى ماسێ 4 سم.
حاجى ئومه‌ران 1 سم.
بارزان ل بلنداهيا 1200 مه‌تران 2 هه‌تا 4 سم.
ده‌ڤه‌رێن چيايى يێن ده‌وروبه‌رێن چۆمان 20 هه‌تا 35 سم.
گرۆپێ MOL دێ په‌ترۆلا هه‌رێمێ كريت
ئه‌ڤرۆ نيوز:
رۆژنامه‌كا مه‌جه‌رى ديار كر كو كۆمپانيا MOL يا مه‌جه‌رى راگه‌هانديه كو ئه‌وى گرۆپى ده‌ست ب دانوستاندنان ل گه‌ل سه‌ركردێن هه‌رێمێ كرينه بۆ كرينا په‌ترۆلا كوردستانێ ژ ده‌سێكا سالا نوو.
ڤيرينك هۆرڤان جێگرێ سه‌رۆكێ گرۆپى دا زانين كو ئه‌وان پێشى نوكه ژى هنده‌ك ژ په‌ترۆلا كوردستانێ كريه د ئه‌ڤ ساله دا.
نێچيرڤان بارزانى: ڤێ هه‌يڤێ دێ كێشا مووچه‌يى چاره بيت
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ راگه‌هاند كو ئه‌ڤا نوكه هاتيه پێش بۆ گه‌لێ كورد ده‌سكه‌فته‌كێ باشه، به‌لێ رێكه‌فتنا دووماهيێ ژى نينه.
سه‌رۆكێ حوكمه‌تا هه‌رێما كوردستانێ، نێچيرڤان بارزانى، د گۆنگره‌كێ رۆژنامه‌ڤانى راگه‌هاند كو ئه‌ڤا ب ده‌ست ڤه هاتى بۆ گه‌لێ كورد تشته‌كێ گه‌له‌ك گرنگه، به‌لێ رێكه‌فتنا دووماهيێ ژى نينه.
گۆتژى: “سه‌رۆك وه‌زيرێن عيراقێ ژ مه پتر د خه‌ما كێشان دابوو، ژ به‌ر هندێ ژى دبينم پێنگاڤه‌كا دلخۆشكه‌ره”.
دا زانين ژى كو به‌غدا 17% ژ پشكا هه‌رێمێ ژ بوودجێ دێ هنێريت
سه‌رۆكێ حوكمه‌تا هه‌رێما كوردستانێ، نێچيرڤان بارزانى، خۆيا كر ژى كو ژى كو ل ڤێ هه‌يڤێ كێشا مووچان دێ چاره بيت و گۆت: “سۆپاسيا خه‌لكێ هه‌رێمێ دكه‌ين كو د ڤى ماوه‌يى دا ته‌حه‌مول كرى”.
پشتى سه‌ره‌دانا وه‌ڤدێ هه‌رێما كوردستانێ بۆ به‌غدا و روونشتن ل گه‌ل به‌رپرسێن حكومى يێن عيراقى، هه‌رێم و به‌غدا گه‌هشتنه رێكه‌فتنه‌كێ و بڕياره 1\1\2015 ئه‌و بڕيار بكه‌ڤيته وارێ بجهئينانێ.
ب گۆره‌ى پێزانينێن كۆمبوونا شه‌ڤا بۆرى وه‌ڤدێ هه‌رێم و به‌غدا د خولا سيێ يا كۆمبوونێن خوه ب سه‌رۆكاتيا حه‌ديه‌ر عه‌بادى و نێچيرڤان بارزانى ب رێڤه‌چوو، هه‌ردو لا گه‌هشتنه رێكه‌فتنێ.
ب گۆره‌يى ڤێ رێكه‌فتنێ، پێدڤيه هه‌رێم 250 هزار به‌رميلێن په‌ترۆلێ د رۆژه‌كێ دا ل گه‌ل 300 هزار به‌رميلێن په‌ترۆلا كه‌ركووك بهنێريته ژ ده‌رڤه.
د به‌رامبه‌ر دا به‌غدا دێ يا پابه‌ند بيت ب دابينكرنا نيڤا مووچێ هێزێن پێشمه‌رگه‌ى.
ب گۆره‌يى ژێده‌ره‌كى ل به‌غدا هه‌ر ده‌ما بودجه هاته په‌سه‌ندكرن، پشكا بودجێ هه‌رێما كوردستانێ دێ وه‌كو خوه مينيت و هنێرن و رێكه‌فتن ژى دێ ل 1\1\2015 كه‌ڤيته وارێ بجهئينانێ.
نيشاندان
WP Facebook Auto Publish Powered By : XYZScripts.com