ئەڤرۆ نیوز:

بڕیارە ئەڤ شەڤە چەندین یاری ژ قارەمانیێن کاسێن ناڤخۆ یێن وەلاتێن ئەورۆپی بھێنە کرن و ئەڤێن ل خوارێ گرنگترین ئەو یاری نە ل دووڤ دەمێ کوردستانێ

کاسا ئیتالیا

٦:٠٠ لازیو * فاریزی

٨:٠٠ ساسولو * بیسکارا

١١:٠٠ ھیلاس ڤیرونا * بیروجیا

کاسا شاھێ ئسپانیا

١٠:٠٠ دیبورتیڤو ئەلکویانو * ئەتلەتیکو بلباو

١٠:٠٠ دیبورتیڤو ئالاڤیس * ئسپانیول

١٠:٠٠ ریال مەدرید * کورنیا

١٢:٠٠ ڤەلەد ئەلوەلید * ئالتشی

١٢:٠٠ لاس پالماس * سێلتاڤیگو

خولا ئێنگلیزی

١٠:٤٥ لێستر سیتی * لیڤەرپول

١٠:٤٥ مانچستەر یونایتد * ستوک سیتی

١٠:٤٥ بیرنلی * نیوکاسل یونایتد

١١:٠٠ کریستال پالاس * ئەستونڤێلا

١١:٠٠ ویست برومیچ * ویست ھام یونایتد

خولا فرەنسی

٩:٠٠ لوریان * مارسیلیا

٩:٠٠ نانت * تولوز

١١:٠٠ موناکو * لانس

ئەڤرۆ:

پشتی وێ خوسارەتیا مەزن د یاریا کلاسیکو دا بەرامبەر یانا جەویە ب چار گولان بێ بەرامبەر، راھێنەرێ تیما تەپا پێ یا زەورا عیماد محەمەد دکومبوونەکێ دا ل گەل سەروکێ یانێ و داخوازا حەفت یاریکەرێن نوو کریە ل ڤەگوھاستنێن زڤستنانی کو ھەڤبەست ل گەل بھێتە ئیمزاکرن.

ژێدەرەکی ژ یانا زەورا بۆ رۆژناما ئەڤرۆ دیارکر ژ وان حەفت یاریکەرێن ژلایێ دەستەیا راھێنەریا تیمێ ھاتینە داخوازکرن سێ ژ وان یاریکەران یێن یانا دھۆکێ نە .

ناڤبری ئەو چەندە ژی دیارکر پەیوەندی ب سێ یاریکەرێن تیما دھۆکێ کریە ئەوژی ھەر ئێک ژ سالح سەدیر، عەلی سەعد و پیشەکارێ سوری ئەحمەد دونی و ڤان یاریکەران دیارکری یە ھەکە رەوشا دارایا یانا دھۆک ھەتا ڤەگوھاستنێن زڤستانی دروست نەبیت ئەو دێ ھەڤبەستا زەورا ئیمزا کەن.

ئەڤرۆ:
سەروکێ یانا ھەولێر د. عەبدوللا مەجید د داخویانیەکێ دا بۆ رۆژناما ئەڤرۆ دیارکر قەیرانا ھەرێم نوکە تێدا دبوریت ژ یانا ھەولێرێ ژی گرتیە و ماوەکێ درێژە ئەو گەل ڤێ قەیرانی دژین و رەوشا یانا ھەولێرێ ژ ھەموو یانێن دی یێن ھەرێمێ لاوازترە ژبەرکو ھەتا نوکە یاریکەران ھەڤبەستێن خوە یێن سالا بوری وەرنەگرتی نە، ھەر چەندە پشکداری د قارەمانیا ئاسیا دا ژی کر بوو.
ل دور وی دەنگوباسێ کو چەند یاریکەرێن تیمێ داخوازیا دەست بەردانا خوە کریە ناڤبری دیارکر ب مافێ یاریکەران دبینت کو داخوازیا دەست بەردانا خوە بکەن ژبەرکو ھەتا نوکە ھەڤبەستێن خوە یێن وەرزی بوری وەرنەگرتی نە و ل حەفتیا بوری چەند یاریکەران داخوازیا دەست بەردانا خوە کریە و ھەکە رەوش یا ب ڤی رەنگی بیت دبیت ل ماوێ بھێت پشکداری دخولا عیراقێ دا ناکەن.
سەروکێ یانا ھەولێرێ ئاماژە ب وێ چەندی ژی کر ھندک پروژەیێن وەبەرھێنانێ یێن ھەین کو موچیێن یاریکەران ژێ دابین دکەن، لێ تێرا وێ چەندێ ناکەن یانێ ژ قەیرانا نوکە تێدا دبوریت قورتال بکەن.
ل دووماھیێ ناڤبری ئەو چەندە ژی دیارکر کو دزانین دێ چارەسەری یا ب زحمەت بیت ژبەرکو رەوشا نوکە یا ھەرێم تێدا بوریت نە یا ھاریکارە.