سه‌رۆك وه‌زیرێن توركی ئه‌حمه‌د داوود ئوگلۆ گه‌هشته باژێرێ هه‌ولێرا پایته‌ختێ هه‌رێمێ كو ژ به‌غدا هاتیه، ده‌مێ هه‌ڤدیتن كرین ل گه‌ل هه‌ڤكیفێ خوه یێ عیراقی حه‌یده‌رێ عه‌بادی، د چارچووڤێ ئێكه‌مین سه‌ره‌دانا به‌رپرسه‌كێ توركی دا ب ل سه‌ر ڤی ئاستی بۆ عیراقێ هه‌ر ژ 2009 هه‌تا نها، پشتی چه‌ندین سالێن دووراتیێ ل سه‌ر ده‌مێ حوكمه‌تا عیراقی یێ پێشین نووری مالكی. ئه‌ڤ سه‌ره‌دانا به‌رپرسێ توركی بۆ هه‌ولێرێ دهێت پشتی چه‌ند سعه‌ته‌كان ل سه‌ر راگه‌هاندنا هاریكاریا ئه‌منی و هه‌والگێری د ناڤبه‌را ئه‌نقه‌ره و به‌غدایێ دا پشتی دیدارا ئۆگلۆیی ل به‌غدایێ ل گه‌ل عه‌بادی. سه‌رۆك وه‌زیرێن عیراقی د كۆنگره‌كێ رۆژنامه‌ڤانی دا گۆت كو ئۆگلۆی به‌رهه‌ڤیا وه‌لاتێ خوه دیاركربوو بۆ هاریكاریكرنا ئێكجار ل گه‌ل به‌غدایێ بۆ شه‌ركرنا وی تشتێ وی وه‌سفكری ب تیرۆرێ، دییسا رازیبوونا خوه دیاركر ل سه‌ر پێشكێشكرنا هاریكارێن له‌شكری بۆ عیراقێ. دیسا دووماهی سه‌ره‌دانا ئوگلۆیی بۆ به‌غدا دزڤریته سالا 2013 ل ده‌مێ وه‌زیرێ ده‌رڤه بوو، لێ دووماهی سه‌ره‌دانا سه‌رۆك وه‌زیرێ توركی، كو سه‌رۆكێ حوكمه‌تا پێشین (و سه‌رۆك كۆمارێ نها) ره‌جه‌ب ته‌یب ئه‌ردوگان ل 2009 كربوو. ل ڤێره دیار دبیت كو په‌یوه‌ندیێن د ناڤبه‌را عیراقێ و توركیا جیران دا، هه‌رده‌م نه ئارامی ب سه‌ردا دگریت، جار پێل ب سه‌رادا دهێن و چن هنده‌ك جارێن دیتر، هه‌ر وه‌سا به‌رژه‌وه‌ندیێن خۆیاتی د ناڤبه‌را هه‌ردو وه‌لاتان دا دهێن، لێ سه‌ره‌دانا ئۆگلۆی یا دووماهیێ بۆ عیراقێ و كوردستانێ ره‌نگه باشتر بیت ژ وان سه‌ردانێن دیتر. توركیا ئێك بوو ژ به‌رهنگاران ل سه‌ر مایتێكرنێن جڤاكێ نیڤده‌ولی د شه‌ری دا ب ره‌خ عیراقێ ڤه ل دژی رێخستنا داعشا هاتیه د عیراقێ داب رێیا سنۆرێن خوه بۆ سووریێ پاشی بۆ عیراقێ، له‌ورا ئه‌م هزر دكه‌ین كو فشارا جڤاكێ نیڤده‌ولی ل سه‌ر توركیا و ب تایبه‌ت ویلایه‌تێن ئێكگرتی یێن ئه‌مریكی ئه‌وبوویه ئه‌گه‌رێ ڤێ سه‌ره‌دانێ یا كو ئه‌م هیڤیی دكه‌ین یا به‌رهه‌مدار بیت ب دابرینا ده‌ستێ هاریكاریێ بۆ رێخستنا تیرۆری د نهێنی و ئاشكرایێ دا، دیسا خۆیایه كو بریندارێن داعشێ د شه‌رێ خوه دا ل سووریێ دهاتنه چاره‌سه‌ركرن ل نه‌خۆشخانێن تایبه‌ت بۆ سه‌ربازێن رێكخستنێ ل توركیا ل سه‌ر سنۆرێن سووریێ، ب تایبه‌ت ژی بریندارێن داعشێ ل كۆبانا بریندار و ئه‌م ئه‌ڤرۆ نزانین كا ئه‌رێ ئه‌و گوهۆرینه د هه‌لویستێ توركیا دا ل هه‌مبه‌ری توركیا یان ژی پیلانه‌كا دیتره دهێته زێده‌كرنن ل سه‌ر پیلانگێریێن توركیا ل هه‌مبه‌ری هه‌ڤسوویێن خوه و ئه‌ڤه‌یه دێ رۆژێن داهتی دیاركه‌ن. هه‌كه بزڤرینه په‌یوه‌ندیێن دیرۆكی د ناڤبه‌را توركیا و عیراقێ دا، دێ دیار بیت كو ده‌رگه‌هێن عیراقی ل هه‌مبه‌ر توركیا جیران، هه‌رده‌م چالاكتره ژ ناڤ ده‌رگه‌هێن عیراقی، چو ل سه‌ر ده‌مێ رژێما پێشین بیت یانژی نوكه و پشتی گوهۆرینێ د په‌یوه‌ندیێن خوه‌دا ل گه‌ل هه‌رێما كوردستانێ، دیسا لێكگوهۆرینێن بازرگانی ل گه‌ل توركیا جیران گه‌هشتیه 12 ملیار دۆلاران و ل گه‌ل هه‌رێما كوردستانێ چار ملیار دۆلار، ره‌نگه ئه‌ڤ گۆژمه ببنه ئه‌گه‌ر كو سیاسه‌تا توركیا ل هه‌مبه‌ر عیراقێ، ئه‌ڤه زێده‌باری وان په‌یوه‌ندیێن سیاسی و جڤاكی یێن هه‌ردو وه‌لاتان پێگڤه گرێدده‌ت هه‌ر ژ رۆژێن ئمبراتۆریا ئوسمانی یا مه‌زن. ل دووماهیێ فه‌ره ل سه‌ر توركیا كو په‌یوه‌ندێن خوه ل گه‌ل عیراقێ باشتر بكه‌ت و هاریكاریا وی بكه‌ت ب نه‌هێلانا تیرۆرا داعشین چونكو ئاسایشا ده‌ڤه‌رێ یا چوویه د ناڤ ئێكدا، له‌ورا نه سه‌قامگیریا ئه‌منی ل عیراقێ دێ ب ره‌نگه‌كێ نه‌رێنی هێته ره‌نگڤه‌دان ل سه‌ر توركیا و به‌ره‌ڤاژی ڤێ چه‌ندێ ژی یا دروسته.
و: ئه‌ڤرۆ
نووترين نووچه
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
- پەرلەمانتارەك: هنارتنا بودجەی دێ پرۆسەیا سیاسی د ناڤبەرا هەرێمێ و بەغدایێ دا بهێزتر كەت
- مەحما خەلیل: هندەك بەرپرسێن ئیراقێ هەڤپشكێن جینۆسایدا شنگالێ نە
- وەزارەتا دەرڤە یا ئەمریكی: ئیدارەیا ترەمپی دێ بەردەوام بیت د كاركرنێ دا ل گەل هەرێما كوردستانێ
- دەم پارتی: پەیاما ئۆجەلانی دێ یا ڤیدیۆیی بیت
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
سهرهكى Twitter
داخازه‌ك ژ حوكمه‌تێ
ب راستی گه‌له‌ك ب زه‌حمه‌ته د ڤی كاودانێ حوكمه‌تا هه‌رێما كوردستانێ تێدا دبوورت، مرۆڤ ره‌خنێ ل كاروبارێن وێ بگرت، یان ژی هنه‌ك داخوازێن زێده‌تر نێزیكی داخوازێن كه‌سۆكی دبن؛ بكه‌ت. چنكو كارێن فه‌ر و فه‌رتر ئه‌ڤرۆ د رۆژه‌ڤا حوكمه‌تێ دا هه‌نه. ئه‌م ته‌ڤ دزانین سنوورێن هه‌رێما كوردستانێ ب ته‌ڤنه‌كێ تێكهه‌لكێشێ دوژمنان یێ چه‌مبه‌ركریه و ل سه‌ر وان دوژمناتیا د ناڤبه‌را وان دا لێ ل سه‌ر پرسا گه‌لێ كوردستانێ ته‌ڤ ئێك ده‌ستن و نه‌خشه و پلانیێن وان د به‌رهه‌ڤن بۆ ته‌مراندنا ڤی چرایێ ئه‌ڤرۆ ل باشوورێ كوردستانێ ب خوین و خه‌باته‌كا مێژینه‌یا بێ راوه‌ستان هه‌لبووی. نه‌خاسمه حوكمه‌تا هه‌رێمێ رێكه‌ك جودا ژ سیته‌مێ ئه‌ڤ ده‌وله‌ته په‌یاده دكه‌ن، گرتیه، ئه‌و ژی په‌یاده‌كرنا سیسته‌مێ فره پارتایه‌تی و هه‌ڤ په‌ژراندنا جڤاكی و تێدا مافێن تاكی دپارزتی وسه‌رباری بازارێ ئازاد. به‌رهه‌مێ ڤێ سیاسه‌تا راست ئه‌ڤرۆ كوردستان ل په‌ی ئیسرائیلی ل رۆژهه‌لاتا ناڤین بوویه مێرگا پێكڤه‌ژیانا ته‌ڤ ئول و نه‌ته‌وه‌یان.
هه‌ر ژبه‌ر ڤێ چاڤ پێ نه‌رابوونێ و سه‌رنه‌گرتنا ڤێ ئه‌زموونێ داعش و ته‌ڤ سه‌له‌فی كشی هه‌رێما كوردستانێ كرن، هه‌وجه‌ی چ فه‌لسه‌فاندێ ناكه‌ت و هه‌روه‌سا مرۆڤ چ فلیان ناكه‌ت، هه‌كه بێژت، داعش دروستكری یا ده‌ولتێن كوردستان داگیركری و هه‌روه‌سا ده‌وله‌تێن كه‌ڤنپارێزێن ده‌ڤه‌رێ یه. ژ له‌و پاراستنا ڤی چرایی(حوكمه‌تا هه‌رێما كوردستانێ) د ڤی ده‌می دا ئه‌ركه‌كێ نه‌ته‌وی و مرۆڤی یه و ل سه‌ر مه‌ته‌ڤان ئه‌ركه ئه‌م ته‌ڤ خوه‌سته‌ك و ره‌خنه‌یێن خوه پاش بێخین. گه‌له‌ك ملله‌ت وه‌كه مه د كاودانێن ولو دا ده‌رباز بوونه و ته‌ڤ شیانێن خوه بۆ پاراستنا نه‌ته‌وا خوه دانه خه‌بتاندن. مێزه بكه‌ن ژ لایه‌كی داعش و هه‌ڤالبه‌ندێن وێ و ژ لایه‌كێ دن ناكۆكیێن مه ل گه‌ل حوكمه‌تا ناڤه‌ندی و پرسا ماددێ 140 و پرسا بودجێ و نانبرینا خه‌لكێ هه‌رێمێ و كرێ و مزێ كۆمپانیێن پێترۆلێ و. . تاد كو ئه‌ڤه ته‌ڤ بارێ حكومه‌تێ گران دكه‌ن. ژبه‌ر ڤان ئه‌گه‌ران مرۆڤ دكارت ئه‌گه‌ر هنه‌ك كێم و كاسی په‌یدا ببن تێبگه‌هت وه‌ك مه گوتی حكومه‌ت مژوولی ڤه‌دیتنا چاره‌یانه و ب تایبه‌ت د بیاڤێ پارستنا هه‌رێمێ دا ژڤێ هێرشا هۆڤێن ژ ناڤ په‌راسووێن چه‌رخێن تاری هاتین و هه‌موو كینا خوه دارێتی ئه‌زموونا كوردستانێ. ژ ڤێ مژوولیێ و كریزا ئابووری كو ئه‌و ژی حكومه‌تا هه‌رێمێ ده‌ست تێدا نینه به‌لكو به‌رهه‌مێ گڤاشتنێن حوكمه‌تا ناڤه‌نده ل سه‌ر هه‌رێمێ دا ڤه‌گێریێ ژ هنه‌ك ئارمانجێن خوه یێن نه‌ته‌وی بكه‌ت، وه‌ك پراسا رێفراندۆم و سه‌ربه‌خۆیا ئابووری؛ لێ هنه‌ك كه‌سێن كه‌یس په‌رێس و تابوورێ پێنجێ كه‌یسا خوه دبینن و بێ وژدانانه ب كه‌یف و گێولێ خوه ده‌هباری گڤاشتنان ل خه‌لكێ كوردستانێ دكه‌ن و بهایێ ئاهێن خارنێ و كنج و جوانكاری و كریێن خانیان بلند كرنه كو ئێدی د شیانێن وه‌لاتیان دا نینه بكارن ب ئاسووده‌یی بژین، نه‌خاسمه ئه‌ڤه زڤستان هات و رۆژانه بهایێ هه‌رتشی یێ بلند دبت. چاوا ده‌وله‌تێن ده‌وروبه‌ر كوردستان چه‌مبه‌ر كرنه و ته‌ڤ پێكۆلا هندێ دكه‌ن ڤی چرای ب ته‌مرینن وه‌سا كه‌سیێن كه‌یس په‌رێس به‌ربوونه گیانێ وه‌لاتیان و ئه‌م نه‌چارن هاوارا خوه بگه‌هینین حوكمه‌تا خوه یا گراڤی كانێ چاوا چ كێمانیێ د پاراستنا سنوورێن هه‌رێمێ دا ل هه‌مبه‌ر داگیركه‌ر و نه‌حه‌زان ناكه‌ت، وه‌سا مه ژی ژ بازرگانان و بلندبوونا بهایێ هه‌ر تشتی بپارێزت. سنووره‌كی بۆ هه‌ر بهایه‌كی بدانت و پۆلیسێن نه‌په‌نی ل ناڤ بازاری به‌لاڤه‌كه‌ت و هه‌ر كه‌سێ پێگیریێ نه‌كه‌ت، راپێچی دادگه‌هێ بكه‌ت، چنكو ب راست د ڤێ كریزا ئابووری دا ئێدی د شیانێن پرانیا وه‌لاتیان دا نینه ژینه‌كا ته‌نا بۆ مالباتێن خوه دابین بكه‌ن و ئه‌ڤه ژی دێ رێكێ خوه‌ش كه‌ن بۆ تێكدانا ته‌ڤنێ جڤاكی و هه‌روه‌سا ب ساناهی ئاسایشا ناڤخوه دێ ده‌رز كه‌ڤنێ و ئه‌زموونا هه‌رێمێ دێ كه‌ڤته به‌ر دلۆڤانیا بازڤیركێن وێرانكار.
حه‌يده‌ر عه‌بادى: ژ به‌ر گه‌فێن داعش دڤێت كێشا چاره كه‌ين
ئه‌ڤرۆ نيوز:
ب گۆره‌ى به‌يانناما سه‌رۆك وه‌زيرێن عيراقێ، نێچيرڤان بارزانى سه‌رۆكێ حوكمه‌تا هه‌رێما كوردستانێ و حه‌يده‌ر عه‌بادى سه‌رۆك وه‌زيرێن عيراقێ به‌حس ل كێشه‌يێن ناڤبه‌را هه‌ردو لا كريه و بۆچوونێن خوه به‌رچاڤ كرينه.
حه‌يده‌ر عه‌بادى سه‌رۆك وه‌زيرێن عيراقێ، د به‌ياننامه‌كێ دا، كو پشتى كۆمبوونا ل گه‌ل نێچيرڤان بارزانى، سه‌رۆك وه‌زيرێ حوكمه‌تا هه‌رێما كوردستانێ ده‌ركريه راگه‌هاند كو به‌رژه‌وه‌نديێن عيراقێ ژ هه‌موو به‌رژه‌وه‌نديان مه‌زنتره”.
ئاشكه‌را ژى كو گه‌فێن تيرۆرێ مه‌ترسيه ل سه‌ر هه‌موو عيراقێ و ئه‌ڤه ژى دبيته ئه‌گه‌رێ وێ چه‌ندێ كو كێشێن خوه چاره كه‌ين هايته ژى: “باوه‌ر ناكه‌م كێشه‌ك هه‌بيت بێى دستوور و دادپه‌روه‌رى قابلى چاره‌سه‌ريێ بيت”.
ديسان ژى راگه‌هانديه: “بنه‌مايێن دروست رێكخوشكه‌رن بۆ چاره‌كرنا هه‌موو كێشان، ره‌نگه پێدڤى نه‌كه‌ت ژى هه‌موو كێشه ب جاره‌كێ چاره ببن، به‌لێ پێدڤى ب ده‌مێ گۆنجايى هه‌يه”.
ئه‌ڤرۆ شاندێ هه‌رێما كوردستانێ ب سه‌رۆكاتيا نێچيرڤان بارزانى، سه‌رۆكێ حوكمه‌تا هه‌رێما كوردستانێ بۆ دانوستاندن ل سه‌ر كێشێن د ناڤبه‌را هه‌رێم و به‌غدا دا ب روونن ب تايبه‌ت ژى بابه‌تێن گرێدايى په‌ترۆل و مووچێ فه‌رمانبه‌ران.
سەرۆکێ یانا زاخۆ داخوازا ڤەگەراندنا ياريكه‌ره‌كێ دوورخستى دکەت
ئەڤرۆ:
سەروکێ یانا زاخۆ عەبدولوەھاب محەمەد عیسا ل دور دورخستنا شەش یاریکەرێن تیمێ ل ماوێ بوری د داخویانیەکێ دا بۆ رۆژناما ئەڤرۆ دیارکر دەمێ ئەڤ بریارە ھاتیە دان ئەو ب کارەکێ خوە چو بوو دەرڤەی ھەرێمێ و ئەو ل گەل ڤێ بریاری نینە تایبەت دورخستنا کابتنێ تیمێ خالد مشیر چونکو ڤی یاریکەری خزمەتەکا مەزن بۆ پارێزگەھا دھۆکێ کری یە و ئاستێ وی یێ ھونەری ژ گەلەک یاریکەرێن تیمێ باشترە.
ناڤبری ئاماژە ب وێ چەندێ ژی کر ئەو ژبەر ڤێ بریارێ گەلەک یێ دلگرانە و ب فەرمی پەیوەندی ب خالد کری یە جارەکا دی ب ڤەگەریتە دناڤ تیمێ دا و داخوازا لێبورینێ ژێ خواستیە. و ھێشتا دیارکر دەرگەھێ یانا زاخۆ بۆ ڤی یاریکەری یێ ڤەکری یە ھەر دەمێ بھێت.
ھەردیسان ل دور دورخستنا یاریکەر عەلا شبلی ناڤبری دیارکر یاریکەری داخوازا دەست بەردانێ ژ یانێ کری یە و دوھی دەست بەرەدانا خوە ژ یانێ وەرگرتی یە وەکو رێزگرتن بۆ خزمەتا وی ل سێ سالێن بوری کوژمەکێ پارەی ژی دیاری ژ یانێ وەرگرت .
سەباح و 9 ھەڤژینێن وێ
ئه‌ڤرۆ نيوز، ره‌ڤين سالح لاوه‌ند:
ھونەرمەندا لبنانی ێباح نافێ وێ یێ بدروستاھی “جانیت جرجی فغالی” یە ،دەما ھاتیە ناڤا ھونەریدا ب ێباح ھاتە بەرنیاسین و دیسان ئەوێ چەند ناسناڤێن دی ھەبون ژوان “الصبوحة و الشحرورة “، ناسناڤێ خانما بەنک ھاتە ناڤکرن ، ژ ئەگەرێ حەز ژێکرنا وێ بو زەلامان .
سه‌باح یا بەرنیاس بو ب شووکرنێ، چونکو ھژمارا زەلامێن وێ گەھشتنە 9 کەسان، ئێکەم ژیانا ھەڤژینیێ کری د گەل نەجیب شەماس بوو، کو ل سالا 1944 د ژیێ 19 سالیێ دا شوو کربوو، کو پێنج سالان ژیانا ھەڤژینێ د گەل ڤی کەسی بوراند بوو، کورەک ژ زەلامێ ئیکێ ھەبوو سه‌باحێ دو نەڤی ھەبوون ناڤێ وان “ناجی و دانێیل” بوو، نوکە د گەل خێزانا شماس دژین ل وه‌لاتێن ئێكگرتى.
ئەنوەر مەنسی زەلامێ دويێ یێ سه‌باحێ بوو، ئەنوەر عازفەکێ کمانێ یێ ناڤدار بوو ل مێرى ل سالا 1952 سه‌باحێ ژیانا ھەڤژینیێ پێک ئینا، بابێ کچەکێ بوو چار سالا د گەل ڤی کەسی ژیانا ھەڤژینیێ بوراند . کچا سه‌باحێ ھووەیدا کاردکر د بووارێ ئەکتەریێ دا و ماموستایەتیێ و سەمایێ دا نوکە ژی ل وه‌لاتێن ئێكگرتى دژيت.
ئەحمەد فەراج ئێک ژ بێژەرێن مێری بوو، ل سالا 1960 ژیانا ھەڤژینیێ د گەل سه‌باحێ پێک ئینا ب تنێ سێ ھەیڤان ما د گەل، کو مەرجەک دانا بەر سه‌باحێ کو رولێن گەرم و ماچیکرن د فلمان دا نەکەت، بەلێ ئەحمەدی تاقەتا ناڤداریا وێ نەکر د بوارێ سینەمایێ دا سه‌باح ھاتە بەردان.
ئەکتەرێ مێری روشدی ئەبازا ل سالا 1967 سه‌باحێ شوویپێکر و ب تنێ پێنج ھەیڤان ژیانا ھەڤژینیێ د گەل بوراند، دیسان ئەکتەرەکێ دی ب ناڤێ یوسف شعبان ل سالا 1968 سه‌باحێ ژیانا ھەڤژینێ د گەل پێک ئینا و ب تنێ ئێک ھەیڤێ ما د گەل، بەرلەمانتارێ لبنانی یێ بەرنیاس یوسف حەمودی بوو ل سالا 1971 سه‌باحێ شوپێکر بەلێ ژیانا وان یا ھەڤژینیێ دو سالان ڤەکێشا.
ھەروەسان فادی لبنانی سەماکەر بو د گروپەکێ لبنانی یێ ھونەرێ مللی دا و دیسان ئەکتەر و ھونەرمەند ژی بو ل سالا 1968 ژیانا ھەڤژینێ د گەل سه‌باحێ پێک ئینا بوو، شووکرنا وێ د گەل ڤی زەلامی درێژترین ماوێ ھەڤژینێ دھێتە نیاسین کو 17 سالان مابوو د گەل، پشتی بەردانا سه‌باحێ ژ فادی لبنانی، گوت گوتکەت ھات بوو بەلافکرن کو سه‌باحێ دڤێت شووی ب شاهـ جوانێ لبنانێ بکەت، ناڤێ وی عمر محیو بوو، ژیێ ڤی شاهـ جوانی 25 سال بوو، بەلێ ل سالا 2004 دیاربوو کو ھونەرمەندا لبنانی سه‌باحی ھاریکاریا ڤی شاهـ جوانی دکر کو بھێتە د گروپانا ھونەری دا ب تنێ دڤیا ژ ئالیێ ھونەری ھاریکار بیت د گەل، سه‌باحێ ئەو گوت گوت رەتکرو گوت : ئەگەر ئەز پیجەک یا بچویک بام دا شووی پێکەم ، دیسان دیارکر ژی و ئامادەکاریێن خوە دکر شوو ب جوزیف غەریب بکەت ، ئەڤی کەسی کارێ جوانکاریێ دکر کو بەردەوام مودێل ل پرچا سه‌باحێ دکرن ل سالا 2009 بوو، بەلێ باش شوپێنەکر.
ھونەرمەندا لبنانی دژیێ 87 سالیێ ل رۆژا 26\11\2014 وەغەرا داویێ کر کو 9 جاران ڤێ ھونەرمەندێ شوکر بوو ب تنێ ژ دو زەلامێن وێ ئیکی کورەک ھەبوو و ئێکى كچەک، دیسان درێژترین ماوێ ھەڤژینیا وێ د نافبەرا ڤان ھەر 9 زەلامان دا ب تنێ د گەل ئێکی نێزیکی 17 سالان ژیانا ھەڤژینێ د گەل بوراند بوو، ئەڤە دھێتە ھژمارتن درێژترین ماوێ ژیانا ھەڤژینێ یە کری .
ژێده‌ر: صباح الخیر یا عرب
ده‌مێ كێمكرنا بهايێ پانزينێ هاته دياركرن
ئه‌ڤرۆ نيوز:
سه‌رۆكێ لژنا پێشه‌سازى و سامانێن سرۆشتى راگه‌هاند كو هاتنه خوارا بهايێ پانزينێ په‌يوه‌ندى ب رێكه‌فتنا هه‌رێم و به‌غدا ڤه نينه و دا زانين كو حه‌فتيا بۆرى ل گه‌ل جڤاتا په‌ترۆل و گازێ دانوستاندن كريه.
شێركۆ جه‌وده‌ت، سه‌رۆكێ لژنا پێشه‌سازى و وه‌زه و سامانێن سرۆشتى ل په‌رله‌مانێ كوردستانێ بۆ خاك دياركر كو ل حه‌فتيا بۆرى ل سه‌ر بهايێ په‌ترۆلێ ل گه‌ل جڤاتا په‌ترۆل و گازێ دانوستان كريه و داخوازا كێمكرنا بهايێ په‌ترۆلێ كريه.
د به‌رسڤا وان دا، جڤاتا په‌ترۆل و گازێ ل هه‌رێمێ بۆ ئاشكه‌را كريه كو هه‌تا كاودانێن دارايى يێن هه‌رێمێ ئاسايى نه‌بن، ئه‌و نه‌شێن بهايێ پانزينێ كێم كه‌ن هه‌ر وه‌كو دكتور شێركۆيى به‌حسكرى.
ئاشكه‌را ژى كر كو هاتنه خوارا بهايێ په‌ترۆلێ په‌يوه‌ندى ب رێكه‌فتنا هه‌ولێر و به‌غدا ڤه نينه هه‌ر وه‌كو جڤاتێ بۆ ڤێ لژنا په‌رله‌مانى گۆتى.
پشتى قه‌يرانا دارايى ب سه‌ر هه‌رێما كوردستانێ دا هاتى، بهايێ په‌ترۆلێ ژى ژ 500 ديناران بوويه 900 دينار و ب گۆره‌يى چاڤدێران ژىئه‌ڤێ پێنگاڤا حوكمه‌تێ ژى كارتێكرنه‌كا راسته‌وخۆ يا ل سه‌ر ژيانا وه‌لاتيان كرى.
ڤيديۆ: جوره‌كێ نوو یێ ترۆمبێله‌كا شه‌ركر ل رۆسیا
ناجی به‌ده‌ل
ب گوره‌يی نووچه‌يه‌كێ مالپه‌رێ رۆسیا توده‌يى، رۆسیا ترۆمبێله‌كا شه‌ركه‌ر یا نوو درۆست كریه دشێت چه‌ندین چه‌كێن گران ل سه‌ر بهێنه گرێدان و گرێدایی هه‌يڤا ده‌ستكردا ئاسمانی يه و گریدانا وێ ب سه‌ركردایه‌تیا له‌شكری ڤه ب شیوه‌كێ ئیكسه‌ره.
ئه‌ڤـ جورێ نوو یی ترۆمبێله‌كا شه‌ری ل رۆسیا هاتیه چێكرن ل شوونا زریپوشان و ب هه‌موو شێوه‌یه‌كێ پێِشكه‌فتی و شه‌ره‌كێ بهێزدشیت بكه‌ت و ترۆمبێلا شه‌ری د شیان دایه جورێن نوو یێن چه‌كێ گران ل سه‌ر بهێنه دانان و شه‌رێ زریپوشان و ره‌شاشه‌یان بكه‌ت و د هه‌مان ده‌م دا دشیت شه‌ری ئاسمانی ژی بكه‌ت .
ترۆمبێلا شه‌ركه‌ر هاریكاره بۆ هه‌ر گوهورینه‌كێ بۆ هه‌ڤدژیا دوژمنی دهێته بكارئینان كو ترۆمبێله‌كا زێرڤانیێ یه بۆ هێزا په‌ژایی و تیمێن گه‌رۆكێن ده‌ڤه‌رێن تایبه‌ت.
ئه‌ڤ جورێ نوو یێ ترۆمبێلا شه‌ری سه‌ركه‌فتنا مه‌زن ب ده‌ست خوه ڤه دئینیت ل ده‌مێ شه‌ری و چونكو ئالاڤه‌كێ بهێزه بۆ خوه پاراستن ژ تیرۆرێ و كردارێن به‌رهه‌نگاربونێ دێ هێته ب كار ئينان.
بهايێ زێر و زيڤى ل بازارێن دهۆكێ
چو جاران وه‌كو ئه‌ڤرۆ يورۆ نه‌هاتيه خوار
داعش د توركيا را هێرش كره سه‌ر كۆبانێ
ئه‌ڤرۆ نيوز:
ره‌وانگه‌ها مافێن مرۆڤى ل سوريا ئه‌ڤرۆ رۆژا ئێكشه‌مبى توركيا تۆمه‌تبار كر كو رێ يا دايه چه‌كدارێن داعش هێرشێ د سه‌ر ئاخا وێ را بكه‌ته سه‌ر كۆبانێ يا هه‌ڤسنور ل گه‌ل توركيا و ژ لايێ خوه ژى ڤه توركيا ڤان تۆمه‌تان ره‌تدكه‌ت.
ره‌وانگه‌ها مافێن مرۆڤى ئاشكه‌را كر كو ترۆمبێله‌كا مينرێژكرى ل “ده‌رگه‌هێ پينار” يێ سنورێ كۆبانێ ل رۆژا شه‌مبى ته‌قى و ئه‌ڤ ته‌قينه‌يه توركيا پشت راست كرى كو يا ل وێرێ روودايى، به‌لێ ره‌تكر ژى كو ل سه‌ر ئه‌ردێ وان هاتبيته ئه‌نجام دان. سه‌رۆكێ ره‌وانگه‌هێ رامى عه‌بدولره‌حمان توركيا ب “دره‌وين” وه‌سفكر و گۆت: “داعش د رێيا سنورێن وێ را ئه‌ڤ كرياره ئه‌نجام دايه”.
رامى زێده‌تر گۆت: “گه‌لێ سوريا بۆ دو كاران د ناليت؛ ئيران رێ دده‌ته چه‌كداران پشته‌ڤانيا رژێما سوريا بكه‌ن و توركيا ژى رێ ب كه‌سانێن بيانى دده‌ت هه‌ڤكاريا داعش بكه‌ن”.
د هه‌مان ده‌م دا ئه‌ڤ تۆمه‌ته ئاخفتنكه‌رێ ب ناڤێ PYD ژى، نه‌واف خه‌ليل، خستنه پال توركيا و گۆت: “چه‌كدارێن داعش هێرش ژ دو لايان ڤه دكر، به‌لێ ل رۆژا شه‌مبى ژ چار جهان ڤه كر”.
د به‌رامبه‌ر ڤێ چه‌ندێ دا، به‌ياننامه‌كێ ژ حوكمه‌تا توركيا راگه‌هاند كو ئێك ژ هێرشێن خوه‌كوژى ب ترۆمبێله‌كا پرى مين ل لايێ سنورى په‌قى يه، به‌لێ ره‌تكر كو ئه‌و ترۆمبێل د سنورێن توركيا را چووبيته كۆبانێ.
د به‌يانێ دا هاتيه: “ئه‌وێن دبێژن ترۆمبێله‌ك د ده‌رگه‌هين سنورى يێن توركيا را چوويه كۆبانێ و خوه ته‌قانديه “دره‌وه. به‌رى نوكه چو به‌رپرسێن توركيا رانه‌گانديه كو ترۆمبێله‌كا مينرێژكرى ل ناڤ توركيا بيت”
توركيا يا دودله د هه‌ڤكاريكرنا هێزێن هه‌ڤپه‌يمانان دا دژى داعش ئه‌وا روويه‌كێ مه‌زن ژ عيراق و سوريا گرتى، د هه‌مان ده‌م دا هێزێن چه‌كدارێن كورد و پێشمه‌رگه شه‌ره‌كێ دژوار ب پشته‌ڤانيا هه‌ڤپه‌يمانيا نێڤده‌وله‌تى ل گه‌ل دكه‌ن.
نيشاندان
WP Facebook Auto Publish Powered By : XYZScripts.com