لژنا ناڤخۆ دێ سه‌ره‌دانا جڤاتا پارێزگه‌ها دهۆك كه‌ت

07/04/2015 14:04

106

ئه‌ڤرۆ نيوز:

بۆ هه‌ماهه‌نگيێ د ناڤبه‌را لژنا ناڤخۆ و ئاسايشا جڤاتا پارێزگه‌هێ دا، لژنا ناڤخۆ و ئاسايش و جڤاتێن خۆجهى ل په‌رله‌مانێ كوردستانێ دێ سه‌ره‌دانا جڤاتا پارێزگه‌ها دهۆك كه‌ت.

ئه‌يۆب عه‌بدولا،لژنا ناڤخۆ و ئاسايش و جڤاتێن خۆجهى ل په‌رله‌مانێ كوردستانێ، بۆ مالپه‌رێ فه‌رميێ په‌رله‌مانێ كوردستانێ گۆت: “بڕياره‌ سه‌ره‌دانا جڤاتا پارێزگه‌ها دهۆك بكه‌ين ب مه‌ره‌ما دانانا ميكانيزمه‌كا گۆنجايى بۆ هه‌ماهه‌نگيێ د ناڤبه‌را هه‌ردو لادا و ئه‌كتيفكرن و زه‌نگينكرن و گه‌هاندنا ئه‌و پرۆژه‌ و بڕيار و قانوونێن كو په‌يوه‌ندى ب جڤاتێن خۆجهى ڤه‌ هه‌يه‌”.

زێده‌تر گۆت: “ئه‌ڤ سه‌ره‌دانا دێ ل دوشه‌مبيا بهێت رێكه‌فتى 13ى نيسانا 2015ێ بيت، پێشتر ژى ل گه‌ل جڤاتێن پارێزگه‌هێن هه‌ولێر و سلێمانيێ كۆمبووينه‌”.

توركيا دووباره‌ رێ ب كارپێكرنا Tuitter دا

07/04/2015 13:15

113

ئه‌ڤرۆ نيوز:

حوكمه‌تا توركيا دووباره‌ رێ ب كارپێكرنا Tuitter ل توركيا دا پشتى بۆ ماوێ چه‌ند ده‌مژمێران راگرتى ژ ئه‌گه‌رێ به‌لاڤبوونا وێنه‌كى و پاشان ژى كۆمپانيا ناڤبرى ئه‌و وێنه‌ راكرى.

به‌رپرسه‌كێ توركى راگه‌هاند كو پشتى ئه‌وان وێنێ داواكارێ گشتيێ توركيا ئه‌وێ ژ لايێ چه‌پێن تۆندره‌ۆ هاتيه‌ گرتن و پاشان كوشتى د تۆرا جڤاكيا Tuitter دا به‌لاڤكرى، ئه‌و مالپه‌رێ ناڤبرى ل توركيا ژ كار خستبوو.

زێده‌تر گۆت: “پشتى تۆرا جڤاكى ل سه‌ر داخوازيا مه‌ ئه‌و وێنه‌ راكرين، دووباره‌ مه‌ رێ ب كارپێكرنا وێ تۆرا جڤاكى دا”، ئاماژه‌ ب وێ چه‌ندێ ژى كر كو رێ ناده‌ن تۆڕێن جڤاكى بۆ مه‌ره‌مێن خه‌له‌ت بهێنه‌ ب كارئينان و ئه‌و دێ رێگريێ ل وى كارى كه‌ن.

عه‌لاوى: يا ب ترسه‌ د عيراقا نوو دا سونى بى

07/04/2015 13:03

118

ئه‌ڤرۆ نيوز:

ئه‌ياد عه‌لاوى جێگرێ سه‌رۆك كۆمارێ عيراقێ ئاماژێ ب وێ چه‌ندێ دكه‌ت كو گه‌له‌ك يا ب ترسه‌ د عيراقا نوو دا كه‌سه‌ك سونى بيت، چونكو هه‌كه‌ سونى بيت،ئانكو نه‌يێ پاراستى يه‌ و ل ژێر مه‌ترسيێ يه‌.

ئه‌ياد عه‌لاوى د داخۆيانيه‌كێ دا بۆ رۆژناما گارديان يا بريتانى گۆت: “ئه‌و سونيێن ل ده‌ڤه‌رێن شه‌رى دا ماين ل ده‌مێ ڤه‌گه‌ريانێ بۆ مالێن خوه‌ پشكنينه‌كا دژوار بۆ دهێته‌ كرن ژ لايێ هێزێن حه‌شه‌د شه‌عبى ڤه‌”.

عه‌لاوى به‌حس ل وێ چه‌ندێ كر كو ده‌مێ وه‌لاتيێن عه‌ره‌بێن سونه‌ ڤه‌دگه‌رنه‌ ده‌ڤه‌رێن خوه‌، نه‌ورێن ناڤێن خوه‌ يێن درست ب كار بينن و نه‌چار دبن ناڤێن دى ب كار دئينن”.

300 كوردێن ره‌ڤاندين دهێنه‌ ئازادكرن

07/04/2015 12:52

109

ئه‌ڤرۆ نيوز:

پشتى رۆژه‌كێ ژ ده‌سته‌سه‌ركرنێ، به‌ره‌يى نوسره‌ 300 وه‌لاتيێن كورد يێن ل رۆژئاڤايێ كوردستانێ ره‌ڤاندين ئازادكرن.

نه‌واف خه‌ليل ئاخفتنكه‌رێ پارتا ئێكه‌تيا ديموكرات په‌يه‌ده‌ ل ئه‌ورۆپا بۆ رۆيترز گۆت: “ئه‌و 300 وه‌لاتيێن ژ لايێ رێكخراوا تۆندره‌ۆ يا ب ناڤێ -به‌ره‌يى نوسره‌- ڤه‌ هاتينه‌ ره‌ڤاندن، ئه‌ڤرۆ رۆژا سێشه‌مبى هاتنه‌ ئازادكرن”.

ژ لايه‌كێ دى ڤه‌ ره‌وانگه‌ها سۆرى بۆ مافێن مرۆڤى ئازادكرنا ئه‌وان وه‌لاتيان پشت راست كر.

به‌رى نوكه‌ به‌ره‌يى نوسره‌ 300 وه‌لاتيێن كورد ل رۆژئاڤايێ كوردستانێ د ناڤبه‌را عه‌فرين و ديمه‌شقێ دا ره‌ڤاند بوون ل ده‌مێ به‌ر ب باژێرێ ديمه‌شقێ دچوون بۆ وه‌رگرتنا مووچێن وان و پاشان ره‌ڤاند بوون و بربوونه‌ باژێره‌كێ نێزيكى حه‌له‌بێ.

هه‌لويستێ په‌روه‌ردێ ل سه‌ر قوتابخانێن سه‌رێ چيايێ شنگال

07/04/2015 12:29

142

ئه‌ڤرۆ نيوز:

ئه‌ڤرۆ رۆژا سێشه‌مبی رێكه‌فتی 7ى نيسانا 2015ێ عه‌بد یوسف ئه‌حمه‌د رێڤه‌به‌رێ‌ گشتیێ‌ په‌روه‌ردا پارێزگه‌ها دهۆكێ‌ د كۆنگره‌كێ‌ رۆژنامه‌ڤانی دا بۆ ده‌زگه‌هێن راگه‌هاندنێ‌ دا دیار كرن كو ب چو ره‌نگه‌كی دانپێدانێ ب وان قوتابخانان ناكه‌ن یێن ژ لایێ‌ لایه‌نه‌كێ‌ سیاسیی ڤه‌ هاتینه‌ ڤه‌كرن ل سه‌رێ‌ چیایێ‌ شنگالێ‌ و خویاركر ڤه‌كرنا قوتابخانان ژ ڤی جوری ب تنێ‌ مه‌ره‌مێن سیاسی یێن به‌رته‌نگ پێ ههه‌نه‌، نه‌ك خزمه‌تا قوتابیان پێ‌ هه‌یه‌ و وه‌زاره‌تا په‌روه‌ردێ‌ ڤان جوره‌ قوتابخانا ره‌ت دكه‌ت.

هه‌ر د درێژاهیا ڤێى كۆنگرێ‌ روژنامه‌ڤانی دا رێڤه‌به‌رێ‌ گشتی یێ‌ په‌روه‌ردێ‌ دیاركر كو دووڤچوونا ڤی بابه‌تی هاتیه‌ كرن و ئه‌ڤ قوتابخانێن هاتینه‌ ڤه‌كرن بۆ هژماره‌كا كێم هاتینه‌ ڤه‌كرن و چو بنه‌مایێن قانوونی و زانستی نینن، هه‌روه‌سا عه‌بد یوسف دا دیاركرن كو رێڤه‌به‌ریا گشتی یا په‌وه‌ردێ‌ ل هه‌ر جهه‌كێ‌ هاتیه‌ رزگاركرن، قوتابخانه‌ لێ‌ هاتینه‌ ڤه‌كرن و به‌رهه‌ڤیا رێڤه‌به‌ریا گشتی یا په‌روه‌ردێ‌ دیار كر بۆ ڤه‌كرنا قوتابخانان ل هه‌ر جهه‌كی كو پێدڤی بیت قوتابخانه‌ بهێنه‌ ڤه‌كرن و قوتابی ب شێوه‌یه‌كێ‌ ئاسایی ده‌واما خوه‌ لێ‌ بكه‌ن و دیار كر كو وه‌زاره‌تا په‌روه‌ردێ‌ ب تنێ‌ ئه‌و ماف هه‌یه‌ قوتابخانا ڤه‌كه‌ت.

ره‌وشا زێر و زيڤى ل بازارێن دهۆكێ

07/04/2015 12:24

439

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى نيسانا 2015ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	38000
1 گرام زێرێ (ع) 21	45500
1 گرام زێرێ (ع) 22	47000
1 گرام زيڤ	3000

ره‌وشا دراڤى ل بازارێن دهۆكێ

07/04/2015 12:24

685

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى نيسانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى	1300
1 يۆرۆيێ ئه‌ورۆپى	1420
1 ليرێ توركى	505

دێ ڤه‌كۆلين ل سه‌ر تالانكرن و سۆتنا تكريت هێته‌ كرن

07/04/2015 12:08

ئەڤرۆ نیوز،بارزان سلێمان مزووری:

بڕيارده‌رێ لژنا ئاسايش و به‌ره‌ڤانيێ ل جڤاتا نوونه‌رێن عيراقێ بۆ ئه‌ڤرۆ نيوز راگه‌هاند كو ژ به‌ر تالانكرنا مال و سامانێ ئاكنجيێن تكريت و سۆتنا خانيێن وان ژ لايێ حه‌شه‌د شه‌عبى ڤه‌، لژنه‌ك دێ بۆ ڤه‌كۆلينێ د وان كرياران دا هێته‌ پێكئينان.

شاخه‌وان عه‌بدولا بڕيارده‌رێ لژنا ئاسايش و به‌ره‌ڤانيێ ل جڤاتا نوونه‌رێن عيراقێ گۆت: “هێشتا تكريت ب ته‌مامى نه‌هاتيه‌ كونترۆلكرن، حه‌شه‌د شه‌عبى ده‌ست ب تالانكرنا مالێن خه‌لكى كر و هنده‌ك جهـ ژى سۆتن و ئه‌ڤه‌ ژى جهێ نه‌رازيبوونێ يه‌”.

بڕيارده‌رێ لژنا ئاسايش و به‌ره‌ڤانيێ ل جڤاتا نوونه‌رێن عيراقێ گۆتژى: “بۆ دووڤچوونا ڤى بابه‌تى گه‌له‌ك لژنه‌ هاتينه‌ پێكئينان و دێ دووڤچوونه‌كا هوور هێته‌ كرن”.

ئاماژه‌ ب وێ چه‌ندێ ژى كريه‌ كو خه‌لكێ تكريت ب به‌لگه‌ڤه‌ به‌حس ل تالانكرنا وى باژێرێ ژ لايێ حه‌شه‌د شه‌عبى ڤه‌ دكه‌ت و گۆت: “دووڤچوونا وان هه‌موو كاران دێ هێته‌ كرن”، ئاماژه‌ ب وێ چه‌ندێ ژى كريه‌ كو ئه‌و رازى نابن ب وى ره‌نگى حه‌شه‌د شه‌عبى پشكدارى ئازادكرنا مووسل بكه‌ت.

ئه‌ردوگان گه‌هشته‌ ئيرانێ

07/04/2015 11:05

103

ئه‌ڤرۆ نيوز:

به‌رى ده‌مه‌كێ كێم سه‌رۆك كۆمارێ توركيا، ره‌جه‌ب ته‌يب ئه‌ردوگان، گه‌هشته‌ ئيرانێ و ژ لايێ وه‌زيرێ گه‌هاندن و ته‌كنۆلۆژيا و ئێزانينان يێ ئيرانى ڤه‌ هاته‌ پێشوازيكرن.

ئه‌ڤ سه‌ره‌دانا ئه‌ردۆگان د ده‌مه‌كى دايه‌ كو حه‌سه‌ن رۆحانى يێ هه‌ڤپيشه‌يێ وى داخوازيه‌كا فه‌رمى بۆ هنارتبوو و دێ رۆژه‌كێ ڤه‌كێشيت و چاڤ ب سه‌رۆكێ كۆمارا ئيسلامى يا ئيرانێ كه‌ڤيت.

ب گۆره‌يى به‌يانناما هه‌ڤپشكا وه‌لاتێ توركيا و ئيرانێ دێ چه‌ندين كۆمبوون د ناڤبه‌را وه‌زيرێن هه‌ردو حوكمه‌تان ژى دا هێنه‌ كرن و دێ چاڤ ب سه‌رۆكێ شۆره‌شا ئيسلامى ژى كه‌ڤيت.

30 ئێزدی ژ ناڤ دەستێن داعش رەڤین

07/04/2015 10:49

221

ئەڤرۆ نیوز، لەزگین جۆقی:
قاسم سمێر فەرماندی پێشمەرگێ کوردستانێ ل شنگال بۆ ئەڤرۆ نیوز دیارکرکو كو بەری دەمەکێ زۆر کیم 30 کەسێن ئێزدی ژ تلەعفەر رەڤین و گەھشتنە رووباری شوری ل ناڤ سنۆری ھەرێما کوردستانێ دا و ژ لایێ ھێزێن پێشمەرگێ کوردستانێ ڤە ھاتنە پێشوازیکرن.
قاسم سیمێر گۆتژی: “ھەموو دێ بۆ پارێزگەھا دھۆکێ ھێنە رەوانەکرن دا کو بگەھنە ناڤ کەس و کارێن خوە، ئەڤ 30 کەسێن ژ تلەعفەر رەڤین ھەموو ژن و زارۆ و دانعەمرن و ل دووڤ پیزانینێن مە ژی رەوشا وان يا ساخلەمیێ یا باشە”.
قاسم سمیر زێدەتر گۆت: “ھەر ئەڤرۆ سپێدێ ل دەمژمێر پێنچی بەری سپێدی ھژمارەکا دێ يا کوردێن ئێزدی شیان خوە ژ دەستێن تیرۆرستێن داعش رزگار بکەن و بگەھنە ناحیا زۆمار و ئەم ب ھیڤینە ھەموو کەسێن رەڤاندنی بھێنە رزگارکرن”.

نيشاندان 1...2,030 3,030 4,030 4,0364,0374,038...4,558 زێده‌تر

لاپه‌ر 4,037 ژ 4,558