ئه‌ڤرۆ نیوز، هه‌ژار مه‌عروف:
چاڤه‌رێ دهێته‌كرن سوباهى ل یاریگه‌ها یانه‌یا دهۆك تیما ته‌پا پێێ یا دهۆك یاریا خوه‌ یا گه‌را چاردێ ژ خولا پلا نایاب یا عیراقێ به‌رامبه‌ر یانه‌یا نه‌فت بكه‌ت د یاریه‌كێ دا كو هه‌ردو تیم دێ بزاڤێن ب ده‌ستڤه‌ ئینانا سێ خالێن یاریێ كه‌ن كو سه‌ركه‌فتى ڤێ یاریێ دێ هه‌تا راده‌كێ رێكا خوه‌ خوش كه‌ت بۆ ده‌ربازبوونێ بۆ خولا بژاره‌، ب تایبه‌ت تیما دهۆك كو نوكه‌ 17 خال هه‌نه‌ رێزا چارێ دهێت و باشترین ده‌لیڤه‌یه‌ بۆ تیما دهۆك دڤێ یاریێ دا بشێت ئێكه‌م سه‌ركه‌فتن توماربكه‌ت ب سه‌رپه‌رشتیا راهێنه‌رێ خوه‌ حازم سالح ئه‌وێ ل حه‌فت یاریێن بورى نه‌شیاى سه‌ركه‌فتنێ توماربكه‌ت.
تیما دهۆك دڤێ یاریێ دا چو رێك نین ژبلى سه‌ركه‌فتنێ و ب ده‌ستڤه‌ ئینانا سێ خالێن ڤێ یاریێ دێ هیڤێن خوه‌ گه‌شكه‌ت بوو ده‌ربازبوونێ به‌رامبه‌ر تیما نه‌فت ئه‌وا ل ڤێ قوناغێ ب سه‌رپه‌رشتیا راهێنه‌رێ خوه‌ سائیر جه‌سام كو راهێنه‌رێ به‌رى نوكه‌ یێ یانه‌یا دهۆك بوو زێده‌بارى 5 یاریكه‌رێن تیما دهۆك ژى ل گه‌ل ڤێ تیمێ یاریێ كه‌ن دێ بزاڤێن سێ خالێن یاریێ كه‌ن كو ژ باژێرێ به‌غدا ب ئارمانجا سه‌ركه‌فتنێ هاتینه‌ .

ئه‌ڤرۆ نیوز، هه‌ژار مه‌عروف:
تیما دێرسم سپور رێژه‌یا یانێن باكورێ كوردستانێ دخولا پلا سێ یا توركیا دا زێده‌تر كرن پشتى دوهى د یاریا خوه‌ یا گه‌را به‌رى دووماهیێ دا ژ خولا بالیگى لیگ دا ب سه‌ركه‌فتى لسه‌ر یانه‌یا مالاتیا 44 سپور ب گوله‌كێ بێ به‌رامبه‌ر و سه‌ركێشا كوما دوێ پاراستى ب 54 خالان.
تیما دێرسم سپور ئه‌وا سه‌رجه‌مێ 23 یاریان شیاى 54 خالان كومبكه‌ت و 17 سه‌ركه‌فتن به‌رامبه‌ر پێنج وه‌كهه‌ڤیا و ئێك خوساره‌تى دێ بۆ وه‌رزێ بهێت دناڤ یانێن خولا پلا سێ دا یاریێ كه‌ت.
هه‌ژى گوتنێ یه‌ به‌رى ڤێ حه‌فتیێ تیما جه‌زیزه‌ سپور ژى ژ باكورێ كوردستانێ وه‌كو قاره‌مانا كوما ئێكێ ده‌ربازى خولا پلا سێ بوو ئانكو ل وه‌رزێ 2015-2016 دێ دو نوونه‌رێن دى ژى دخولا پلا سێ یا توركیا دا ژ باكورێ كوردستانێ زێده‌بن.