ئه‌ڤ مژاره پرانیا مال و ته‌خ و چینان بخوه‌ڤه‌دگریت كو ئه‌وه گرنگی و پووته‌كێ مه‌زن ب پاره‌ی دهێته دده‌ن كو بگه‌هیته وی راده‌ی كو پاره ژ بهایێ مرۆڤان بهاتربیت، به‌لێ ب مخابنیڤه ئه‌م ئه‌ڤرۆ ل سه‌ر ده‌مه‌كی دژین كو پاره ((ئه‌ز به‌نی)) یه ئه‌م هه‌می دزانین پاره گرنگه. ؟ به‌لێ نه گرنگتربیت ژ په‌یوه‌ندیێن خێزانی و جڤاكی كو بگه‌هیته وی رادی هه‌ر كه‌سه‌ك بێژیت ئه‌ز و ئه‌ز!! و به‌رژه‌وه‌ندیا من ل پلا ئێكێ ب راستی ژیان یا بوویه ته‌ڤنێ ئالۆز په‌یوه‌ندیێن خێزانی و جڤاكی ێین بووینه به‌رژه‌وه‌ندی، ژیان یا بوویه چاڤلێكرن، لێبۆرین یا بوویه زارڤه‌كرن، هه‌كه كه‌سه‌ك هه‌ژار بیت كه‌س چ پووته‌ی ناده‌تێ دبیت سلاڤ نه‌كه‌نێ، هه‌كه بچیته جهه‌كێ میری یان هه‌ر چ جه بیت كارێن وی برێڤه ناچن و پاش گوه ڤه دهاڤێژن چونكو باش دزانن چ مفا تێدا نینه ل دووڤ هزرا وان ب چ ره‌نگان ئه‌و نه‌شێت سكرتێری ژی ببینت!! هه‌كه به‌روڤاژی بیت كه‌سه‌كێ ده‌وله‌مه‌ند بچیته جهه‌كێ دێ پێشڤه‌رابن و ل پێشوازیا وی بن یا ستار عه‌مێ گوزێ هات جهێ وی ل سه‌رێ دیوانێ یه ئاخفتن به‌س بۆ به‌رێزی یه هه‌می دێ د خزمه‌تێ دابن، ئه‌رێ ئه‌ی فه‌رمانبه‌ر ئه‌وێ تو ل جهێن میری یان جهێن رامیاری هتد.. . یان هه‌ر چ جه بیت ما تو نه فه‌رمانبه‌ری كارێ ته برێڤه‌برنا كارێن وه‌لاتیانه ما هنده‌ك هه‌نه ل پلا ئێكێ و دوێ د وه‌لاتێ مه دا تاكو تو ب ڤی ره‌نگی سه‌ره‌ده‌ریێ ل گه‌ل بكه‌ی؟! گرفتان بۆ چێكه‌ی جوداهیێ د ناڤبه‌را وی مرۆڤێن خودان ده‌سهه‌لات و ده‌وله‌مه‌ند دا بكه‌ی، ما تو نه ل ژێر قانوونه‌كێی كو ئه‌و قانوون وه‌كهه‌ڤی یه بۆ هه‌میان، تو باش د ئه‌ركێ خوه گه‌هشتی یان پێدڤی هنده‌ك خولانی دا بزانی چاوانیا سه‌ره‌ده‌ریكرنێ ته باش هه‌لویستێ خوه زانی مخابن كو ژنوو مه فێركه‌ن كا وژدان چیه و نانێ خوه حه‌لال بكه‌ی وژدانا خوه ئارام بكه‌ی دا ئارام بنڤی.
نووترين نووچه
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
- پەرلەمانتارەك: هنارتنا بودجەی دێ پرۆسەیا سیاسی د ناڤبەرا هەرێمێ و بەغدایێ دا بهێزتر كەت
- مەحما خەلیل: هندەك بەرپرسێن ئیراقێ هەڤپشكێن جینۆسایدا شنگالێ نە
- وەزارەتا دەرڤە یا ئەمریكی: ئیدارەیا ترەمپی دێ بەردەوام بیت د كاركرنێ دا ل گەل هەرێما كوردستانێ
- دەم پارتی: پەیاما ئۆجەلانی دێ یا ڤیدیۆیی بیت
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
سهرهكى Twitter
داعش گرۆپه‌كێ تیرۆرستیێ خودان شیانێن ده‌وله‌تێ یه، نه‌ك ده‌وله‌ته
زۆر پێناسه بۆ ده‌وله‌تێ هه‌نه، لێ پرانیا وان ل سه‌ر وێ چه‌ندێ د كۆكن كو ده‌وله‌ت، كۆمه‌كا خه‌لكی یه ب ره‌نگه‌كێ به‌رده‌وام و ئێمن د هه‌رێمه‌كا خودان جوگرافیایه‌كا دیاركری دا دژین و دپابه‌ندن ب رێكخستنه‌كا خودان ده‌سهه‌لاتا سیاسی بۆرێڤه‌برنا كاروباران ، هه‌ر وه‌كی دكتور (محسن خه‌لیل) ناساندن بۆ كری. زانایێ فره‌نسی ژی (بارتلی) ل دۆر ڤێ چه‌ندێ گۆتی یه، ده‌وله‌ت سازیه‌كا سیاسی یه، رێكخستنه‌كا پێشكه‌فتی وان پێكڤه گرێدده‌ت. دكتور كه‌مال ئه‌لعانی ژی دبێژیت (ده‌وله‌ت كۆمه‌كا پێكڤه گرێدایی یا خه‌لكی یه ب ره‌نگه‌كێ به‌رده‌وام د هه‌رێمه‌كا دیاركری دا دژین). هه‌كه ڤان ره‌نگه ناساندنا بۆ داعشێ ئه‌وا ناڤێ ده‌وله‌تائیسلامی ل سه‌ر خوه دانای چ مه‌رجێن ده‌وله‌تبوونێ تێدا نینه و تنێ دیار دبیت كو داعش گرۆپه‌كێ تیرۆرستی و چه‌ته‌یی یه، مخابن پشتی جه‌نابێ سه‌رۆك مه‌سعود بارزانی د په‌یڤه‌كا خوه دا دیاركری ئه‌م یێن شه‌رێ ده‌وله‌ته‌كا تیرۆرستی دكه‌ین، په‌یڤا ده‌وله‌تێ بوویه ئیدیه‌مه‌ك ل سه‌ر ڤی گرۆپێ تیرۆرست و زۆر ژ كه‌سایه‌تیێن سیاسی و سازیێن راگه‌هاندنێ و نڤیسكار ڤێ چه‌ندێ بۆ بكاردئینن، ب دیتنا من ئه‌م خه‌له‌ت د ڤێ گۆتنا سه‌رۆك بارزانی گه‌هشتینه یان خه‌له‌ت شرۆڤه دكه‌ین، چونكی مه‌به‌ستا بارزانی ژ كارئینانا ڤێ په‌یڤێ ئه‌و بوویه كو ئه‌ڤ گرۆپێ تیرۆرستی ژ لایێ شیانێن مادی و له‌شكری و مرۆڤی مینا ده‌وله‌تێ یه، هه‌كه ل هنده‌ك ده‌وله‌تان زێده‌تر ژی نه‌بیت.. . !. هه‌له‌یه‌كا مه‌زنه ئه‌م ڤی ناڤی ل سه‌ر گرۆپه‌كێ تیرۆرستی دادنێین و ل داهاتی دا ئه‌نجامێن نه‌رێنی دێ ل پاش خوه هێلیت، چونكی ئه‌ڤ گۆتار و نڤیسینه بۆ داهاتی دێ هێنه دیكیۆمێنتكرن و دبیت نفشێ داهاتی پشتی چه‌ندین سالان بكه‌نه ژێده‌ر بۆ به‌رهه‌مێن خوه و وه‌سا هزر بكه‌ن ده‌وله‌ته‌ك ب ناڤێ (داعش) ل ڤێ ده‌ڤه‌رێ هه‌بوویه، ئه ڤه ژی مافێ وانه هه‌كه وه‌سا هزر بكه‌ن. له‌وما گرنگه ڤی گرۆپی ب ناڤێ خوه یێ دروست كو چه‌ته و تیرۆرستن بده‌ینه نیاسین چونكی هه‌می ره‌فتارێن وان د چه‌ته‌یی و تیرۆرستی مینا مینا بتالان بردنامال و ملكی گه‌شتی و تایبه‌ت و كوشتنا خه‌لكه‌كێ سڤیل ب هه‌می ته‌خ و چینڤه ب ره‌نگه‌كێ هۆڤانه و دوور ژ بنه‌مایێن هه‌می ئۆلا و مرۆڤاتیێ، یا ژ هه‌میێ سه‌یتر ب ناڤێ ئایینێ پیرۆزێ ئیسلامێ كو ئاینه‌كێ ئاشتی و ئازادیخواز و پارێزه‌رێ مافێن كێم نه‌ته‌وه و ئایینێن جودایه د ناڤ وه‌لاتی دا و ب چ ره‌نگه‌كی ته‌عدایی ل كه‌سه‌كێ ناكه‌ت ب ببیته موسلمان و ره‌فتار و كریارێن وان ب هه‌می ره‌نگان دژی بنه‌مایێن ئایینێ پیرۆزێ ئیسلامێ نه، له‌وما پێنه‌ڤێن ناڤێ ده‌وله‌تێ ل سه‌ر ڤی گرۆپێ دانێین و تنێ ب چه‌ته و تیرۆرست بده‌ینه ناساندن.
نەوال سەعداوی: من دڤێت ژ نێزیکڤە ھایداری ئێش و ژانێن ژنا کورد بم
ئەڤرۆ نیوز، زنار توڤی:
دکتورا نەوال سەعداوی ئێکە ژ نڤیسەرێن ب ناڤ و دەنگ و چالاکڤانێن ھەرە مەزن د بوارێ ژنێ دا ل وەلاتێ مسر و وەلاتێ عەرەبی دا. ب سپونسەریا کومپانیا ئاسیاسیل و قەھوەخانا فلکلوری ل سلێمانیێ ب سەرەدانەکا چەند رۆژی ھاتیە کوردستانێ.
کومپانیا ئاسیا سێل د پەیجێ خوەدا بەلاڤکریە، دکتورا نەوال سەعداوی ڤیایە ژ نێزیک ڤە ھایداری رەوشا ژنێن کورد بیت و ئەو ئێش و ئازارێن ب سەرێ واندا ھاتین،بو جڤاکێ عەرەبی بدەتە خویاکرن.
ناڤھاتی دێ چەندین کور و سمینارێن گریدای رەوشا ژنێ ڤە ل باژێرێن جودا یێن کوردستانێ ب ژنان ڤە پێشکێش کەت،ھەروەسا دیاردکەت:دکتورا نەوال سەعداوی دێ چەند دیداران دگەل دەستەیا روناکبیر و چالاکڤانێن مافێن ژنان ل کوردستانێ کەت،ژ پێخەمەت بلند کرنا ئاستێ روشنبیریێ ژنا کورد دھەمی بواراندا.
ھەشت دوکان ل بەردەرەش ھاتنە داخستن
ئەڤرۆ نیوز، رەزوان رۆژبەیانی:
ئەڤرۆ ل رێکەفتێ 26\11\2014 لژنا ئابووریا قەزا بەردرەش د سەرەدانەکێ مەیدانی دا بۆ ناف سەنتەرێ باژێرێ ھەشت دوکان ب ئەگەرێ سەرپێچی ل ھەمبەر رێنمایێن ئابووری داخستن.
حکمه‌ت مه‌ولود بەرپرسێ راگەھاندنا قایمەقامیا قەزا بەردرەش بۆ ئەڤرۆنیوز خویاکر کو ئەڤرۆ ل رێکەفتێ 26\11\2014 د سەرەدانەکا مەیدانی دا بۆناف سەنتەرێ باژێرێ، لژنا ئابووریا قەزا بەردەرەش ھەشت دوکان ژ بەر سەر پێچیا وان بەرامبەر رێنمایێن ئابوور داخستن.
گۆتژی: “ئەو دوکان پێک ھاتبوون ژ دوکانێن تشتێن خوارنێ ب کۆم و خوارنگەھان کو بێ مۆلەتێن قانوونى دوکان ڤەکر بوون کار تێدا دکر”.
ڤایرۆسێ مەژی ھشکیێ ھاتە ئاشکەرا کرن
ئه‌ڤرۆ:
زانایان ئاشکەرا کر کو نەخۆشیەکا ڤایرۆسی یا ھەی دبیتە ئەگەرێ مەژی ھشکیا گەلەک کەسان و دمینیتە د ناڤ لەشی دا بۆ دەمەکێ درێژ بێی بھێتە دیتن.
ھژمارەکا زانایان ل زانکۆیێن “جونز ھۆبکنز” و “نبراسکا” یێن ئەمریکی ئاشکەرا کر کو ڤایرۆسەکێ د لەشی مرۆڤی دا ھەی دبیتە ئەگەرێ مەژی ھشکیێ و ناڤێ وی “کلوروڤایرۆس ئەی سی ڤی١” Chlorovirous ATCV-١ ئەوێ نەھاتیە دیتن ب تنێ د کەفزا دبنێ ئاڤێن شرین دا بەلێ نوکە مرۆڤ ژی تووش دبنێ، دبیت نوکە ب ملیۆنان مرۆڤان ئەڤ ڤایرۆسە ھەبیت و ھەتا نوکە نەھاتبیتە دیتن.
زانا دیار کر کو ئەڤ ڤایرۆسە ل دەڤەرا قرکا مرۆڤی دژیت و ل نک ٤٤% ژ وان مرۆڤان دیار بوویە یێن ئەڤ ڤایرۆسە ھەی، ئەڤ ڤایرۆسە وەکو یێن دی چو جھێن لەشی پووچ ناکەن وەکو ئیبۆلا و ئنفلەوەنزا بەلێ دمینیتە بێدەنگ ھەتا زیانێ دگەھینیتە رەوشت و زانینا مرۆڤی.
د ڤەکۆلینا خوەدا زانا ئاشکەرا کریە کو ئەڤ ڤایرۆسە کار بۆ گوھۆرینا جیناتێن مێشکی دکەت و شیانێن کارێ مێشکی لاواز دکەت و بتایبەت باندۆرێ ل ھورمۆنێ “دوبامین” دکەت ئەوێ بەرپرس ژ بیردانکێ و دلینیێ و خۆشیێ.
بۆچی ل زڤستانێ دەرمان ب دروستی کارێ خوە ناکەن؟
ئەڤرۆ:
ل ھەموو وەرزێن سالێ و ب تایبەت ژی ل زڤستانێ خەلکەک ھەیە ژمارەکا زور یا دەرمانا و ب تایبەت یێن دژی ھەودانان ب کاردئینیت و ھەست ب ساخلەمبوونێ ناکەن، ب راستی ژی دەرمانێن ئەنتی بایوتیک شیان ھەنە ژیانا مرۆڤی ب پارێزن، بەلێ ھندەک میکروبان ھێزەکا تایبەت ھەیە و دشێن بەرگریا ڤان دەرمانان بکەن و ل وی دەمی دەرمان ب شێوازەک دروست ب کارێ خۆ رانابن،ھەروەھا ئەو میکروب دشێن بەرگریا خۆ بدەنە ھندەک میکروبێن دی.
دەرمانێن ئەنتی بایوتیک کاردکەن ژبو کوشتنا بەکتریا و رێکگرتنێ ل وەرارا وان،بەلێ دبیت ئەڤ چەندە پەیدانەبیت و بەکتریایێن ب ھێز ھەر شیانێن وەرار و بەربەڤبوونێ ل دەڤ بمینن و جارەک دی مرۆڤ نەخوش ببیتەڤە و ل وی دەمی کونترولکرنا نەخوشیێ دێ یا ب زەحمەت بیت.
ئەو کەسێن دەرمانێن ئەنتی بایوتیک ب بەردەوامی و ب شێوەیێن دووبارەکری ب کاردئینن پتر بەرئاتافی بەرگریا بەکتریا دبن و ئەڤە دبیتە ئەگەر ب زەحمەت کونترول ل سەر ھندەک نەخوشیان بھێتە کرن یان نەخوش پێدڤی ب پتر دەرمانان و سەرەدانێن نوشداری ببیت.
میکروب دھێنە دابەشکرن بو دو پشکێن سەرەکی ئەوژی بەکتریا و ڤایروسن و ئەڤە ھەردو ئەگەرێن سەرەکی یێن پتریا نەخوشیانە و دەرمانێن ئەنتی بایوتیک کونترولێ ل سەر بەکتریا دکەن بەلێ چ کارتێکرنێ ل سەر ڤایروسان ناکەن و ڤایروس کومەکا نەخوشیان پەیدادکەن ژوانژی ( پەرسیڤ و کوخک و ئەنفلاوەنزا و ئاریشەیێن دفنێ و ھەناسێ و ھەودانا گوھی).
بەکتریا دژین دناڤ ئاڤێ و خوارنێ و ئاخێ و دیسا دناڤ رووەک و ئاژەل و مرۆڤان دا ھەنە و پتریا وان گەلەک ب زیان نینن ل سەر ساخلەمیا مرۆڤان بەلکو ھندەک ھاریکاریێ دگەل مرۆڤان دکەن د ھەرسکرنا خوارنێ دا و ھندەکێن دی نەخوشیێن ب مەترسی پەیدادکەن وەک نەخوشیا ئێشا زراڤ.
ئەگەر تو تووشی نەخوشیەکا ڤایروسی ببی ھەلبەت ب کارئینانا دەرمانێن ئەنتی بایوتیک ھزرەکا گەلەک باش نینە، ژبەرکو چ کارتێکرنێ ل ڤایروسان ناکەن و چ زیان و چ مفا ژی تێدا نینن,ھەر جارەکا تو ڤان دەرمانان ب کاردئینی تو دەلیڤێ ڤەدکەی کو بەرھنگاریا ڤان دەرمانان نوو ببیتەڤە و ئەڤەژی ل پاشەرۆژێ بوتە خرابە.
گرنگترین خەلەتی ئەوە ل دەمێ نەخوش ڤان دەرمانان داخواز دکەت و چ پێدڤی ژێرا نەبیت بو نموونە ل دەمێ تووشی پەرسیڤی دبیت و ڤان جورە دەرمانان دخوت، یانژی ل دەمێ ل دووڤ شیرەتێن نوشداری ب کارنەئینیت، ب کارئینانا خەلەت یا دەرمانان بوارێ ئابوری ژی گران دکەت و نەخوش دێ نەچاربیت دەرمانێن بھاگرانتر ب کاربینیت داکو ژنەخوشیێ قورتال ببیت.
یانژی ل دەمێ نەخوشەک دەرمانی ب ھەلگریت و پشتی بورینا دەمەکی وی دەرمانی دووبارە ب کاربینیتەڤە و بێی شیرەتا ژ نوشدارێ تایبەتمەند وەربگریت.
لەورا یا پێدڤی یە ل سەر تە چ جاران دەرمانێن ئەنتی بایوتیک ب کارنەئینی ل دەمێ نوشدار دبێژیتە تە نەخۆ،یانژی ل دەمێ تو تووشی نەخوشیێن ڤایروسی دبی وەک ( ئەنفللاوەنزایێ) دەرمانێن خو ل دووڤ رێنمایێن نوشداری ب کاربینە و ل دەمێن پێدڤی و دەمێ تو ھەست دکەی تو یێ ساخلەم بوی، ل دەڤ خو دەرمانی نەراوەستینە و دەرمانێن چ کەسێن دی بو نەخوشیا خو ب کارنەئینە.
ئه‌ڤ مسريه دخوازيت سترانه‌كێ ب كوردى بێژيت
ئەڤرۆ:
سترانبێژا گەنجا مسری کارمن سلێمان راگەھاند کو وێ گەلەک حەز بۆ پاشەرۆژێ ھەنە، لێ یا ژھەموویان گرنگتر ئەو بشێت سترانەکێ ب کوردی بێژیت.
ناڤھاتیێ بۆ کەنالەکێ تەلەفزیۆنی یێ مسری گۆتیە: دەمێ وێ ل سالا بۆری پشکداری د بەرنامێ ئەرەب ئایدول دا کری ئەوێ ل سەر شاشا ئێم بی سی دھاتە نیشادان، حەزا سترانێن کوردی کەفتیە دلێ وێ و گۆت: ھەر چەندە ئەز کوردیێ نوزانم، لێ ل دووف سەلیقا سترانێ ئەز دزانم کو کورد مللەتەکێ زەنگینن ب ھونەرو سترانێن خوە، ھەروەسا مە ھوموویان ب چاڤێن خوە دیت کا چاوا ل سالا بۆری پەروازێ و ل ئەڤ سالە ژی عەمار کۆفی ستران ب کوردی گۆتن و چەند جەماوەرێ خوە ھەبوو، ھەلبەت ئەڤ جەماوەرە ژی نەبەس کورد ب تنێ بوون، بەلکو عەرەب ژی دناڤدا ھەبوون و خەلکەکێ زۆر ل پتریا وەلاتێن عەرەبی ب ھنارتنا نامان پشتەڤانیا وان دکرن، لەورا ھیڤیا من ئەوە ئەز ژی فێری وی زمانی ببم و سۆزێ ددەم ھەر دەمێ من باش زانی یان من شیان ھەبوون سترانەکێ ب کوردی بێژم بیێ دو دلی دێ بێژم و خوە سەرفەراز دبینم کو من جەماوەرێ خوە ل کوردستانێ ژی ھەبیت.
ل دووماھیێ گۆت: نوکە ئەز مژوولی بەرھەڤکرنا ھندەک سترانێن نوومە و ھژمارەکا ھەلبەستڤان و ئاواز دانەرێن باش سۆزا دایە من سترانان بۆ من چێکەن و ئەز ژی ل گۆڕەی شیانێن خوە دێ دخزمەتا واندا بم و من دڤێت بێژم کو دێ ئەلبۆما من ل ناڤەراستا سالا ٢٠١٥دەرکەڤیت، چونکو نوکە ئەز مژوولی خوە بەرھەڤکرنێ مە بۆ ئاھەنگێن سەرێ سالێ کو چەندین داخواز بۆ من ھاتینە.
دھێتە زانین کو ناڤبری ژدایکبوویا سالا ١٩٩٤ یە و بەری دوسالان پشکداری د بەرنامێ ئەرەب ئایدول دا کربوو، و شیابوو ھەڤرکیەکا ب ھێز ل گەل دونیا بەتمە پشکدارا وی بەرنامەی بکەت و ل دووماھیێ خەلاتێ ستێرا عەرەبان وەرگرت.
60% ژ کارمەندێن کۆمپانیێن پترۆلێ ل کوردستانێ کار دکەن خەلکێ ھەرێمێ نە
ئەڤرۆ:
ل دووڤ راپۆرتەکا وەزارەتا سامانێن سروشتی یا حوکمەتا ھەرێما کوردستانێ نوکە 26 کۆمپانیێن بیانی یێن پترۆلێ ل ھەرێما کوردستانێ کاردکەن، ل ڤان کۆمپانییان 1693 کارمەندێن بیانی کاردکەن و ھەلگرێن باوەرنامێن تایبەتن ب زانستێ پترۆلێ و ئاشکراکرن و دەرخستنا وێ، ژ وان پێنج کۆمپانییان کو پتریا کارمەندان لێ ھەنە ئەوژی، دی ئێن ئۆ، تی تی ئۆپکۆ، شیڤرۆن، دانە غاز، ئێم ئۆ ئێل، د راپۆرتێ دا دیاربوویە 60% ژ کرێکارێن کۆمپانیێن د بیاڤێ پترۆلێ دا کاردکەن خەلکێ کوردستانێ نە.
پتر ژ پێنج هزار قوتابیان ل دھۆکێ زانکۆلاین دانه‌گرتیە
ئەڤرۆ:
رێڤەبەرێ تۆمارا گشتی یا زانکۆیا دھۆک د. سەعید خودێدا بۆ رۆژناما ئەڤرۆ دیارکر کو ل پارێزگەھا دھۆکێ 5219 قوتابیان فۆرما زانکۆلاین یا پێشکێش کرنا زانکۆ و پەیمانگەھێن ھەرێمێ نەداگرتیە.
د. سەعید خودێدا ئەو ژی دیارکر کو ل پارێزگەھا دھۆکێ 18594 قوتابیان ماف ھەبوو پێشکێشی زانکۆلاینێ بکەن، 13375 قوتابیان یا پێشکێش کری و یێن دی پێشکێش نەکریە، ئاشکرا ژی کر کو ل ھەرێمێ 18531 قوتابیان پێشکێش نەکریە کو 17746 قوتابیان مافێ پێشکێش کرنێ ھەبوو.
پێشکێشکرنا زانکۆلاین ژ 8\11\2014 دەست پێکر و ھەتا 24\11\2014 یا بەردەوام بوو.
ره‌وشا سه‌قايى يا سوبه‌هى ل دهۆكێ
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب ته‌مامى ئه‌ور بيت ل گه‌ل بارانا بارينێ ل هنده‌ك ده‌مان ب تايبه‌ت دانێ ئێڤارى.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ مانا وان پاله‌په‌ستۆيێن نزمێن ده‌ريا ناڤه‌راست بۆ سه‌ر هه‌رێما كوردستانێ پێشبينى دهێته كرن ل دهۆكێ ئه‌سمان ئه‌ور بيت و ب تايبه‌ت ل دانێ ئێڤارى ل گه‌ل بارانا بارينێ.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ ب دو سێ پلان نزمتر بيت وه‌كو ژ رۆژێن بۆرى ب ره‌نگه‌كى د ناڤبه‌را پێنج هه‌تا 15 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو ل رێژا بايى دێ ل سه‌ر خوه بيت ب پێنج بۆ 10 كليۆمه‌تر د ده‌مژمێره‌كێ دا به‌لێ ل ده‌مێ باران دێ زێده‌ت بيت، د ناڤبه‌را 20 هه‌تا 25 كيلۆمه‌تران د ده‌مژمێره‌كێ دا و مه‌ودايێ ديتنێ ژى دێ هه‌شت هه‌تا 10 مه‌تران بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ بۆ سوبه‌هى رێكه‌فتى 26\11\2014 ل دهۆكێ پێشبينا هاتنا رێژا پێنج بۆ حه‌فت ملم بارانێ دكه‌ت.
نيشاندان
WP Facebook Auto Publish Powered By : XYZScripts.com