ئه‌ڤرۆ نیوز:
فوئاد حسێن سه‌رۆكێ دیوانا سه‌رۆكاتیا هه‌رێما كوردستانێ راگه‌هاندنه‌ك ل دۆر ره‌وشا ساخله‌میا مه‌سعود بارزانى سه‌رۆكێ هه‌رێمێ به‌لاڤكریه و تێدا ره‌تكر كو ره‌وشا وى ساخلمیێ تێكچووبیت و دیاركریه: ره‌وشا وى یا ساخله‌میێ زور یا باشه، و ئه‌ڤرۆ پشكدارى د پێشانگه‌ها نێڤده‌وله‌تا یا پرتووكان دا كریه ل هه‌ولێرێ، به‌لێ ژبه‌ر كو په‌رسیڤ یێ هاتیه، ئالوزى دده‌نگى دا بۆ دروست ببون، له‌وما نه‌شیا گوتاره‌كێ پێشكێش كه‌ت.
لیژنا پێشمەرگەيی ل پەرلەمانێ کوردستانێ ئاماژە ب وێ چەندێ دکەت، ھژمارەکا زۆرا پێشمەرگەیان دەست ژ کارێ خوە بەرداینە و زووریا ھژمارا وان جھێ مەترسیێ یە.
دلێر ماوەتی، جێگرێ سەرۆکێ لیژنا پێشمەرگەی ل پەرلەمانێ کوردستانێ بۆ ئەڤرۆ نیۆز گۆت: “د گەل دەستپێکرنا شەڕێ داعش ھەتا نوکە ھژمارەکا زوورا پێشمەرگەيی دەست ژ کارێ خوە بەردایە و ھندەک ژ وان ژی ژ لایێ بەرپرسێن وان ھاتینە لادان و کەس و کارێن خوە ل جھێ وان دامەزراندینە”.
ماوەتی گۆتژی: “لیژنا پێشمەرگەيی شیایە ھژمارەکا زوورا پێشمەرگەیێن دەست ژ کارێ خوە بەرداین و ھندەک ژی يێن ھاتینە فەسلکرن ڤەگەڕینیته سەر کارێ وان، بەلێ دەست ژ کار کێشانا پێشمەرگەيی ھژمارەکا ھندە زووره جھێ مەترسیێ یە، بەلێ ژ بەر کو دوژمن مفايی ژ زانیاریان نەبینیت ھژمارا وان ئاشکرا ناکەم”.
دکتور رەبیع شاکر مەھدی سەرۆکێ کوربەندێ ئەکادیمی بۆ ئاشتیێ ل یەمەنێ د داخۆیانیەکێ دا بۆ ئەڤرۆ نيوز دبێژیت، حوسیێن یەمەنێ ب سەر مەزھەبێ زەیدی (شیعی) ڤەنە و رێژا وان ل یەمەنێ ٢٥% يه و خۆیا دکەت کو سعودیێ ئەڤ شەرە بێ خواندنا ئەنجامان دەستپێکریە و ل دووڤ بوچوونا وی دێ کارتێکرنەکا خراب ل سەر رەوشا دەڤەرێ کەت و رەت ژی دکەت ئیرانێ ھەبوون ل یەمەنێ ھەبیت.
دکتور رەبیع زێدەتر بۆ ئەڤرۆ دبێژیت” وەلاتیێن یەمەنێ مەندەھوش بووینە ژ وی شەری و د وێ باوەریێ دا نەبوون کو سعودیە دێ وەلاتێ وان ب فرۆکان بومبەبارانکەت و ب دیتنا من ڤی شەری دێ کارتێکرنێن خراب ل سەر دەڤەرێ ھەبن، ژبەر کو سعودیێ ئەڤ شەرە بێ خواندنا ئەنجامان دەستپێکر”.
دیارکر ژی کو ھێرشێن فرۆکێن سعودی پتریا باژێرێن یەمەنێ ڤەگرتینە وەمو سەنعا، مەئرب، سەعدە، حەدیدە، تەعز، عەدن و زالع و پتریا دەزگەھێن گرنگ وەکو فرۆکخانە و سەربازگەهـ و نەخوەشخانە و ویستگەھێن کارەبێ کرینە ئارمانجێن خوە و پتریا ھێرشان ل سەر سەنعایا پایتەخت و سەعدە ھاتینە ئەنجامدان و ئەڤ ھێرشە بووینە ئەگەرێ ئاوارەبوونا ب ھزارەھا وەلاتیان.
ل دۆر حوسیێن یەمەنێ، دبێژیت” بزاڤەکا سیاسی ئایینی یا چەکدارە ب ناڤێ (انصار اللە) ل سالا ١٩٩٢ ھاتیە دامەزراندن و سەر ب مەزھەبێ زەیدی ڤەنە و رێژا وان ل یەمەنێ ٢٥% يه و ب حوسی ھاتینە نیاسین ژبەر دامەزرێنەرێ وێ (بەدرەدین حوسی) کو ل سالا ٢٠٠٤ ل سەر دەستێ لەشکرێ یەمەنی ھاتبوو کوشتن و باژێرێ سەعدە بنگەھێ وان یێ سەرەکی یە”.
ناڤبری خۆیاکر کو ھەموو وەلاتیێن یەمەنی و ژ کەڤندا ژی د چەکدارن و نوکە پتر ژ ٧٠ ملیۆن چارچێن چەکی یێن ل یەمەنێ ھەین.
سەبارەت ئیرانێ ل یەمەنێ و پشتەڤانیا وێ بۆ حوسیان، دبێژیت” ئیران ل یەمەنێ نینە، لێ ژبەر ھەبوونا دۆرپێا ئابووری ل سەر یەمەنێ ژلایێ سعودیێ و ھندەک وەلاتێن ھەڤپەیمانێن وێ، یەمەن نەچارکر رێککەفتنەکا ئابووری و دەریایی ل گەل ئیرانێ ئیمزا بکەت و پشتی پێنج کومپانیێن فرۆکەڤانی یێن وەلاتێن کەنداڤی گەشتێن خوە بۆ یەمەنێ ل ٢١ ئیلۆنا ٢٠١٤ راوەستاندین، ئیرانێ و یەمەنێ رێککەفتنەک د وارێ ڤەگوھاستنا ئەسمانی دا ئیمزاکر کو ھەفتیانە ١٤ گەشتێن ئەسمانی ژ ئیرانێ بۆ یەمەنێ دھاتن و بەرۆڤاژی ژی ١٤ گەشت ژ یەمەنێ بۆ ئیرانێ و ئەڤ چەندە ئەگەرێ ھەلکرنا شەری بوو ژلایێ سعودیێ ڤە و ئیران تۆمەتبارکر کو ئەو ھاریکاریێن مرۆڤایەتی ئەوێن ئیران پێشکێشی یەمەنێ دکەت ب رێیا وان گەشتان، چەکە و نوکە بەردەوام و ب رێیا ١٨٠ فرۆکێن خوە ھێرشان دکەتە سەر یەمەنێ کو ھەتا نوکە چار ژ وان فرۆکان یێن ھاتینە ئێخستن”.
ناڤبری ئاماژە دا کو وەلاتێ سعودیێ گوژمێ ٣٠ ملیار دۆلاران بۆ شەرێ یەمەنێ تەرخانکرینە ژ بلی ملیارێن دۆلاران ئەوێن ل سەر وەلاتێن ھەڤپەیمانێن خوە د شەری دا بەلاڤکرین و گوت” ملیۆنەک و ھەفت ھزار وەلاتیێن یەمەنێ ژ ھەموو پارێزگەھان ناڤێن خوە وەکو خوەبەخش یێن تۆمارکرین و یێن گونجای بۆ شەری ژ وان دێ ھێنە ژێگرتن بۆ ھێرشکرنێ ل سەر سعودیێ”.
ئەڤرۆ، رێوار مزووری:
سترانبێژا باکورێ کوردستانێ ئەسمەر بۆ ئەڤرۆ نیوز دبێژیت: “ژ بەر کو دەنگێ دایکا من گەلەک بۆ گۆتنا سترانان یێ خوەش بوو دەمێ ژیێ من ١٢ سال من ژی دڤیا ببمە سترانبێژ و پشتی بوورینا دەمەکی ب پشتەڤانیا ھندەک ھەڤالان ئەز شیام ئێکەم سترانا خوە تۆماربکەم”.
ھەروەسا ناڤھاتیێ ل دۆر نووترین دەنگ و باسێن خوە یێن ھونەری گۆت: ئەز نوکە مژوولی تۆمارکرنا سترانەکێ مە ب زمانێ کوردی ب ناڤێ (وەرە) ژ پەیڤ و ئاوازێن من و ل دەمەکێ نێزیک دێ دەرھێنەرێ گەنج (بێوار بەداخ) ب کارێ کلیپکرنا وێ رابیت، و ئەسمەرێ ئاماژە دا وێ چەندێ ژی: کو ھەتا نوکە وێ چەندین سترانێن سترانێن تۆمارکری و کلیپ و دو بەرھەم ھەنە و چەندین کۆنسێرتێن ھونەری گێراینە، بەلێ چو سترانێن دوقۆلی نینن و ھەر سترانبێژەکێ دھۆکێ داخوازێ ژێ بکەت یا بەرھەڤە سترانەکا دوقۆلی ل گەل بێژیت.
ل دووماھیێ ناڤھاتیێ گۆت: ئەز گەلەک حەز ژ گۆتنا سترانێن ئەڤینی دکەم و حەز ژ گۆتنا سترانێن داواتان ناکەم و چوجاران من ھزر نەکریە کارێ سترانگۆتنێ بھێلم، زێدەتر دبێژیت: مخابن ئەڤە چار سالە دھێمە دھۆکێ و ھەتا نوکە من چو سترانبێژێن دھۆکێ نەنیاسینە و من سەرەدانا چ وجھان ژی نەکریە ھونەرمەند لێ خرڤە ببن.
ئەسمەر د ژیێ ٢٨ سالیێ دا یە سترانان ب زمانێ کوردی و تورکی دبێژیت، داخبارا دەنگ و سترانێن ھونەرمەندێ ناڤدارێ کورد محەمەد شێخۆ یە.
بەردەرەش، بێوارحسێن زێباری:
راگەھانکارێ قائیمقامیا قەزا بەردرەش سالح عیسی بۆ ئەڤرۆ نیۆز ئاشکر دکەت کۆ رێڤەبەریا بەلاڤکرنا قەزایی رابوویه ب دووڤچوون کرن ب سەر کارەبا دەڤەرێ کۆ ئەو ژی ھندەک کەسان سەرپێچی کر بوون ئەو ژی ھاتنە سزادان ب 330 ھزار دیناران.
ناڤھاتی گوتژی: “ل هه‌يڤا ئادارێ قه‌زا به‌رده‌ره‌ش راببوو ب هه‌وه‌كا پاقژكرن و دووڤچوونا كاره‌با قه‌زايێ و ده‌ردۆرێن وێ و د ئه‌نجام دا 11 مال ب كۆژمێ 330 هزار ديناران وه‌كو سه‌رپێچى ل سه‌ر كاره‌بێ هاتينه سزادان”.
دا زانين ژى كو لژنه دێ به‌رده‌وام دووڤچوونا وان مالان كه‌ن يێن سه‌رپێچيێ ل سه‌ر كاره‌با گشتى دكه‌ن و سزا ده‌ن.
ئه‌ڤرۆ نيوز:
ساخله‌ميا سه‌رۆك بارزانى تێكچوو و نه‌شيا به‌ره‌ده‌واميێ بده‌ته پشكداريا خوه د پێشانگه‌ها پرتووكان يا هه‌ولێر دا ئه‌وا ژ لايێ ده‌زگه‌هێ مه‌دا يێ چاپ و وه‌شانێ هاتيه ڤه‌كرن.
د. فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ راگه‌هاند كو بارێ ساخله‌ميا سه‌رۆكێ هه‌رێما كوردستانێ نه‌يا باشه و ژ به‌ر هندێ ژى نه‌شيا په‌يڤێ ل ده‌مێ ڤه‌كرنا پێشانگه‌هێ بخوونيت و زوو پێشانگه‌هـ بجهـ هێلا.
ژێده‌ر: رووداو
ئەڤرۆ نیۆز، سالار دۆسکی:
بنگەھێ چاڤدێریا بازرگانی ل ئاکرێ، فەرمانەکا رێڤەبەریا ساخلەمیێ و دەڤەرداریا قەزا ئاکرێ بجهتئینا و فرۆتنا (شەعری بەنات) ل وێ قەزایێ قەدەغەکر.
شھاب یاسین محەمەد بەرپرسێ بنگەھێ چاڤدێریا بازرگانی ل ئاکرێ بۆ ئەڤرۆ نیۆز گۆت: “ل دووڤ نڤیسارا رێڤەبەریا زێرەڤانی یا ساخلەمی یا ئاکرێ، بریارا قائیمقامیا ئاکرێ، بریارا قەدەغەکرن و فرۆتنا (شعری بەنات) ھاتیە دان کو جادە و فرۆشگەھێن ئاکرێ دھاتە فرۆتن”.
ناڤبری گۆت: “ژ بەر کو ماوەکێ زور ب سەرڤەدچیت ھەتا دھێتە فرۆتن، ژ رێنما و مەرجێن ساخلەمیێ ل پێخەمەت پاراستنا ساخلەمی یا گشتی ئەڤ بریارە ھاتیە دەرکرن”.
نيشاندان