ئه‌ڤرۆ نیوز:
ئیلهامى ئیشك كو ل میدیا توركیا ب “باڵکجی” یێ به‌رنیاسه، ئێكه ژ گرنگترین ئه‌و ناڤێن كو د ناڤبه‌را ئیمرالى و ده‌وله‌تا توركى نێڤبه‌رى كرى، ئاماژه ب وێ یه‌كێ دكه‌ت كو ئوپه‌راسیونا كونترۆلكرنا مووسل ل دووماهیا هه‌یڤا 4 دێ هێته ئه‌نجامدان، و توركیا ب چالاكانه دێ پشكداریێ تێدا كه‌ت .
ئیلهامى ئیشك ئاماژه ب وێ یه‌كێ دكه‌ت كو پێشمه‌رگه و گه‌ریلایێن په‌كه‌كێ و هێزێن سوونى دێ پشكداریێ د ڤى شه‌رى دا كه‌ن.
ئه‌ڤرۆ نیۆز: ڤه‌ده‌ر ره‌شاڤایی:
نان زوو ره‌ق دبیت بهه‌می جۆرێن خوه‌ڤه و چ رێ نینه مرۆڤ وه‌كی به‌رێ بزڤرینیت لێ رێیه‌كا نوو دێ چاره‌سه‌ركرنا ڤێ ئاریشێ نیشا ته ده‌ت .
ئێدی ئه‌گه‌ر ته گه‌له‌ك سامونه ئینان و به‌ری هه‌میێ بۆ خارنێ بكاربینی ره‌ق بوو، دلگرانا نه‌به پێدڤی ناكه‌ت زاعیر بیت و بهاڤێژی، تو دشێ تشته‌كێ ب ساناهی بكه‌ی بۆ نه‌رمكرنێ.
سامونێ خوه بده به‌ر حه‌نه‌فیا ئاڤه‌كا نه‌یا خورت هه‌تا باش ته‌ر دبیت، نه‌یا گرنگه ئاڤ یا گه‌رم بیت یان ته‌زی، پاشی بكه د فرنێ یان مایكرۆ وه‌یڤێ دا، لسه‌ر پله‌یا 150 بده كاری و بۆ نێزیكی 12 ده‌قان بهێله تێدا، دێ هه‌ست پێكه‌ی ژنوو یێ هاتیه پێژتن.
ئه‌ڤرۆ نیوز: ڤه‌ده‌ر ره‌شاڤایی:
ژێده‌ره‌كی ژ به‌ره‌یێ توركمانی ل هه‌رێما كوردستانێ راگه‌هاند كو توركیا لبه‌ره كونسلخانا خوه ل سلێمانیێ ڤه‌كه‌ت كو دێ بیته دووه‌م كونسلخانا توركی ل هه‌رێما كوردستانێ پشتی كونسلخانا هه‌ولێرێ.
ئایدن مه‌عرۆف سه‌رۆكێ به‌ره‌یێ توركمانی خویاكر: توركیا نیه‌ت هه‌یه د سه‌ره‌دانا خوه یا داهاتی دا ژ ئالیێ وه‌زیرێ ده‌رڤه و وه‌زیرێ ئابۆری یێ توركیا بۆ به‌غدا و هه‌رێما كوردستانێ كونسلخانه‌كێ ل باژێرێ سلێمانێ ڤه‌كه‌ت .
لدووڤ گۆتنا شرۆڤه‌كارێن سیاسی سلێمانیێ گرنگیا خوه بۆ توركیا هه‌یه ژبه‌ر هه‌بوونا ئیرانێ وه‌ك هێزه‌كا هه‌ڤرك بۆ توركیا ل هه‌رێمێ كو ته‌ركیزا خوه كریه سه‌ر سلێمانێ زێده‌باری هه‌ولێرێ، له‌ورا توركیا دڤێت په‌یوه‌ندیێن بهێزدگه‌ل هه‌رێما كوردستانێ بشێوه‌كێ گشتی هه‌بن.
ئه‌ڤرۆ نیوز:
سه‌رۆكێ فره‌نسا ل كومبوونا ل گه‌ل وه‌زیرێ پێشمه‌رگه‌ى راگه‌هاند: ل نێزیك دێ چه‌ند چه‌ك و كه‌رستێن دى یێن سه‌ربازى بۆ پێشمه‌رگه‌ى هنێرین.
شانده‌كێ وه‌زاره‌تا پێشمه‌رگه‌ى ل كوشكا ئلیزێ ژ ئالیێ فرانسو ئولاند سه‌رۆك كومارێ فره‌نسا ئه‌ڤرۆ پێشوازى لێ هاته كرن ، د كومبوونه‌كێ دا كو ده‌مژمێره‌كێ ڤه‌كێشاى به‌حسێ شه‌رێ پێشمه‌رگه‌ى ل دژى چه‌كدارێن داعش و هه‌ڤكاریا زێده‌تر یا پێشمه‌رگه‌ى هاته كرن، ژ ئالیێ خوه‌ڤه، سه‌رۆكێ فره‌نسا راگه‌هاند كو ل نێزیك ئه‌و دێ چه‌ند چه‌ك و كه‌رستێن دى یێن سه‌ربازى بۆ پێشمه‌رگه‌ى هنێرن.
ئه‌ڤرۆ نیۆز، سالار دۆسكى:
چاڤدێره‌كێ سیاسى ، ل سه‌ر پێكئینانا له‌شكه‌ره‌كێ عه‌ره‌بى بۆ مالپه‌رێ ئه‌ڤرۆ نیۆز دیار دكه‌ت كو ب چ ڕه‌نگه‌كی چێبوونا له‌شكه‌ره‌كێ عه‌ره‌بى كارتێكرنه‌ك ل سه‌ر كوردان ناكه‌ت، و وێ چه‌ندێ ژى بۆ دیرۆكا وه‌لاتێن عه‌ره‌بى ڤه‌دگه‌رینت.
غیاسه‌دین نه‌قشه‌به‌ندى زێده‌تر بۆ مالپه‌رێ ئه‌ڤرۆ نیۆز گۆت: دڤێت به‌ری ئه‌م ڤێ پرسیارێ بكه‌ین بله‌ز دسه‌ر چه‌ند ڕوودانه‌كێن دیروكى ڕا بچن و هه‌روه‌سا چه‌ند فاكت و بویه‌ران ب هه‌ند وه‌رگرین، ئه‌ڤه جارا ئێكێ نینه سعودیه و ئیران دكه‌ڤنه به‌رامبه‌ر ئێك وهه‌روه‌سا جارا ئێكێ نینه كو جه‌نگێ مه‌زهه‌بی دناڤبه‌را شیعه وسوننان دا هه‌ل دبیت و ئه‌م دشێین بێژین كو جارا ئێكێ ژی نینه عه‌ره‌ب ب ڤی شێوازی بڕیارا یه‌كبوونا له‌شكری دده‌ن! كومكارا عه‌ره‌بی كو لساڵا ١٩٤٤ ئێكه‌مین به‌ڵگه ناما پێكئینانێ ئیمزاكری و ل ساڵا ١٩٤٥ ێ پێكهاتی ئێك ژمه‌رجێن پێكهاتنا وێ بڕگا سییه دناڤ به‌ڵگه‌ناما پێكهاتنێدا كو ده‌وله‌تێن عه‌ره‌بی لژێر ناڤێ كومكارا عه‌ره‌بی دێ به‌رگریێ ژهه‌ڤ كه‌ن ئه‌گه‌ر مه‌ترسییه‌ك هاته سه‌ر ئێك ژ وان ده‌وله‌تان، پشتی ڤێ پێكهاتنێ و دروستبوونا كومكارا عه‌ره‌بی ب سێ ساڵان نه‌ته‌وه‌یێن ئێكگرتو بڕیارا دابه‌شكرنا فه‌لستینێ دا بو دو ده‌وله‌ت، ئێك بۆ فه‌لستینیا وئێك بۆ ئیسرائیلێ، عه‌ره‌ب هه‌موو كومبوون و نه‌رازیبونا خوه دیاركر له‌شكره‌كێ ئێكگرتو بناڤێ (جیش الأنقاژ) پێكئینا و دگه‌ل ئیسرائیل كره شه‌ڕ، وكوتاییا شه‌ڕی ب هندێ هات كو سه‌روكێ ئه‌مریكا “تڕوومان” دان بده‌وله‌تا ئیسرائیل ئینا، هه‌روه‌سا جاره‌كا دیژی ل ١٩٦٧ عه‌ره‌بان شه‌ڕێ بناڤێ “جه‌نگێ شه‌ش روژان” ده‌ستپێكر وهه‌میا خوكره ئێك هێز و نه‌شیانێ و هێدی هێدی ته‌ڤكه‌را وان ژهه‌ڤ بزدییا ونه‌شیانه ئیسرائیلێ ب شه‌ش روژا ئیسرائیلێ هه‌می ژێك ڤه‌قه‌تاندن و له‌شكرێ وان ڕه‌ڤاندن، ودسه‌ر هندێڕا گه‌له‌ك جهێن دی ژی بده‌ستڤه‌ئینان كو به‌رێ دده‌ستی دا نه‌وبوون وه‌كی جولان ولێڤا ڕوژئاڤا (الچفه الغربیه)وغه‌ززه و ودورگه‌ها سینا، پشتی ڤێ شكه‌ستنا مه‌زن عه‌ره‌با زانی كو هه‌رجه‌نگه‌كێ دگه‌ل ئیسرائیل دهێته كرن د به‌رژه‌وه‌ندییا ئیسرائیل دا خلاس دبیت، لژێر فشارا جیهانی و قه‌ناعه‌تا ده‌وله‌تێن زلهێز جاره‌كادی نه‌ته‌وه‌یێن ئێكگرتى بڕیارا ٢٤٢ ئینا ده‌ر و كه‌ڤتنه هیڤییا ژ ئیسرائیل دا جاره‌كا دی بزڤڕیته‌ڤه جهێن به‌ری جه‌نگێ شه‌ش ڕوژا. ل ئوكتوبه‌را ساڵا ١٩٧٣ جه‌نگێ ئوكتوبه‌ر، ئه‌وردن وسوریێ رۆله‌كێ باڵا تێداهه‌بوو به‌لێ پا نه‌گه‌هشته چ ده‌را، ده‌وله‌تێن عه‌ره‌بی جاره‌كا دی جه‌نگه‌كێ دوڕاو دگه‌ل ئیسرائیل كره‌ڤه. كو پشتی وی سه‌روكێ میسری ئه‌نوه‌ر سادات هه‌ست بڤێ چه‌ندێ كر و دگه‌ل ئیسرائیلێ پێكهات ب پێشبینییا كام پدێڤد.
دڤان هه‌موو جه‌نگێن دوڕاودا خاڵه‌كا گرنگ بو چاڤدێر و خوێنده‌ڤانێ سیاسی دیاردبیت كو، عه‌ره‌ب چ جارا پێكناهێن چونكی ئاڵا ئیسلامێ نه‌شییا وان پێكبینیت، ل جه‌نگێ شه‌ش روژان هێزێن میسری و هێزێن سوری ل سه‌ر هندێ پێكنه‌هاتن سوریا دگوت دێ سپێدێ زوی ل ئیسرائیل ده‌ین و میسرێ دگوت نه‌خێر دێ ڕوژئاڤابوونێ لێده‌ین! دووماهیێ گه‌هشتنه هندێ كو باشترین ده‌م نیڤرو بیت!! نه ئاخڤتنا وان و نه‌یا وان! نهوژی دروستبوونا له‌شكه‌ركێ ته‌ڤگه‌ر كاره‌كێ دوڕاوه بۆ عه‌ره‌بان و چ جارا به‌رده‌وام نابیت چونكی نه‌شێن پێكبهێن، به‌لێ پا یا یه‌مه‌ن ئێك ژوان ژ حه‌فت ده‌وله‌تێن دامه‌زرێنه‌ره بۆ كومكارا عه‌ره‌بی: ئوردن، سوریا، عیراق، سعودیه، لبنان، مسرو یه‌مه‌نن و مه‌رزێ وێ یێ ب سعودیێ ڤه، به‌لێ پا ئه‌ڤ ته‌ڤگه‌ره سه‌رناگریت چونكی پاره‌ده‌ر سعودیه‌یه‌و هێزا له‌شكری مسره، و مسر بساناهی ناهێته دناڤ ڤی جه‌نگیدا چونكی سیمایێن جه‌نگه‌كێ مه‌زهه‌بی دناڤبه‌را سونا شیعان دا پێڤه دیاره ومسر پتر پویته‌ی ب پان عه‌ره‌بیزمێ دده‌ت، هه‌روه‌سا نه‌وێریت ب قورسییا خو بهێته دناڤدا ژبه‌ر مه‌ترسییا هندێ كو ته‌پك بیت خه‌فك ژبو راكێشانا مسرێ، ژبه‌ر هندێ ئه‌زدبینم ئه‌ڤ له‌شكرێ ته‌ڤگه‌ر وه‌كی زاڕوه‌كێ ژبه‌رچووی دێ بمری ژ دایك بیت و ئه‌گه‌ر بوو ژی چ كارتێكرن نابن. سعودیه وه‌كی هێزه‌كا ئه‌قلیمی نوێنه‌رایه‌تییا جیهانا سوننی وه‌رگرتییه وسه‌ر ژ توركان ستاند، تورك نه‌شییان پێگه‌هێ خو دناڤ جیهانا ئیسلامیدا چێكه‌ن ژبه‌ر هندێ مه‌رجێن به‌رگریكرنا پێلێن شیعی ژئیرانێ پێ چێنابیت و نه‌شێت ببیته جه‌مسه‌ره‌ك د هه‌ڤكێشا ئه‌قلیمیدا به‌رامبه‌ر پێلێن شیعه‌گه‌ریێ ژئیرانێ، ئیران بێگومان یالبه‌ری وان چونكی ب فعلی چوار پایته‌ختێن عه‌ره‌بی یێ دده‌ستدا! به‌غدا، و دیمه‌شق و به‌یروت و سه‌نعا. دڤێت ڕاكێشانا ئیرانێ راوستینن و دێ ب عه‌ره‌بان ڕاوستینن هه‌تا ڕاده‌كی و دێ ده‌ڤه‌رێ لێكڤه‌كه‌ن ل سه‌ر بنه‌مایێ ده‌وله‌تێن بچویكتر، له‌سه‌ر بنه‌مایێ ئیتنیك و نه‌ته‌وه‌و ئاین وه‌كی سیستمێ ل به‌لقان بكار ئینای
ئه‌ڤرۆ نیوز: ڤه‌ده‌ر ره‌شاڤايی:
وه‌زیرێ كۆچ و كۆچبه‌ران یێ حكومه‌تا ئیراقێ جاسم موحه‌مه‌د جاف راگه‌هاند كو نه‌ته‌وێن ئێكگرتی 800 ملیۆن دۆلار پێشكێشی ئیراقێ كرنه لێ ئیراق بچه‌ند جاركی پێدڤی پتره ژ ڤی كوژمی.
د به‌یاننامه‌كێ دا جاف دبێژیت: ئه‌ڤ كۆژمێ پاره‌ی گه‌هشتیه ده‌ستێ ئیراقێ و به‌هرا وێ یه و د حسابه‌كا نه‌ته‌وێن ئێكگرتی دا هاتیه دانان و برێیا رێكخراوێن نێڤده‌وله‌تی دێ هێته مه‌زاختن بۆ هاریكاریكرنا ئیراقێ د قه‌یرانا وێ دا به‌رامبه‌ر ئاواره و په‌نابه‌ران دا، لێ داخازا ئیراقێ پتره.
نها ئیراق ب رێژا 65% كورتهێنان هه‌یه د ڤی بیاڤی دا ژبه‌ر ژمارا زێده یا ئاواران.
ئه‌ڤرۆ نیوز:
سه‌رۆك بارزانى د چوارچوڤێ پێشوازیكرنا ل شانده‌كێ ئه‌مریكى خوه‌شحالیا خوه ب سه‌ركه‌فتنا هێزێن عیراقێ ل باژارێ تكریتێ به‌رامبه‌ر تیرورستێن داعش نیشادا .
ئه‌ڤرۆ سه‌رۆك بارزانى ل هه‌ولێرێ پێشوازیا سیناتور میچ مەككۆنێڵ سه‌رۆكێ كوتلا زورینه یا كوماریخوازان ل جڤاتا پیرێن ئه‌مریكا و شاندێ ل گه‌ل دا كر.
شاندێ مێهڤان په‌سنا رۆل و قوربانیدانا هێزێن پێشمه‌رگێ كوردستانێ كر د شكه‌ستن پێ ئینانا تیرورستێن داعش و هه‌روه‌سا سه‌ركه‌فتنێن ڤێ دووماهیێ یێن هێزێن عیراقێ ل شه‌رێ دژى تیرورستان ب بلند نرخاند.
ئه‌ڤرۆ نیوز:
وه‌زاره‌تا سامانێن سروشتى یا حوكمه‌تا هه‌رێما كوردستانێ ل دووڤ خشته‌یه‌كێ هنارتنا نه‌فتێ بۆ كۆمپانیا سومو ب رێیا به‌غدا، دێ ئه‌ڤرۆ 1/4/2015 هنارتنا نه‌فتا خوه گه‌هینته 450 هزار به‌رمیلان د رۆژه‌كێ دا و 15 هه‌یڤێ دێ بیته 500 هزار و هه‌تا دووماهیا هه‌یڤێ دێ ب وى ره‌نگى بیت، هه‌روه‌سا هه‌تا دووماهیا ئه‌ڤ ساله دێ 625 هزار به‌رمیلان هنێریت و دێ قه‌ره‌بوونا هه‌یڤا 1 و دو ژى كه‌ت كو ل هه‌یڤا ئێك هه‌رێمێ 150 هزار به‌رمیل دهنارتن و هه‌یڤا 2 ژى 275 دهنارتن، و ب ڤێ چه‌ندێ و ل دووڤ رێككه‌فتنێ، هه‌رێما كوردستانێ دێ 100% پابه‌ندى رێككه‌فتنێ بیت و دێ به‌غدا نه‌چار بیت هه‌یڤانه ترلیونه‌ك و 200 ملیار دیناران بۆ هه‌رێمێ هنێریت هه‌روه‌كى د بودجێ عیراقێ دا هاتیه په‌سه‌ندكرن و دێ دووماهى ب قه‌یرانا بێ مووچه‌ییێ هێت .
ئه‌ڤرۆ نیوز:
وه‌زاره‌تا نه‌فتا عیراقێ رادگه‌هینیت : سه‌باره‌ت ڤه‌گوهاستنا نه‌فتا كوردستانێ، ئه‌و ل گه‌ل كۆمپانیا Marine Management Service و چه‌ند لایه‌نێن په‌یوه‌ندیدار گه‌هشتنه رێككه‌فتێ و وه‌زاره‌تا نه‌فتا عیراقێ دێ سكالایێن خوه ڤه‌كێشیت كو ل دادگه‌هێن یونانى توماركرین.
به‌رى نوكه رێ ل كومپانیا Marine Management Services دهاته گرتن كو نه‌فتا هه‌رێما كوردستانێ ڤه‌گوهێزیت ئه‌گه‌ر سومو رێ پێ نه‌دابا، به‌لێ نوكه ل گۆر رێككه‌فتنێ، ژ ئه‌ڤرۆ پێدا كومپانیا دشێت نه‌فتا هنارتنا هه‌رێمێ ڤه‌گوهێزیت.
نيشاندان