ئه‌ڤرۆ نيوز:
كه‌نالێ عه‌ره‌بيه هنده‌ك ديمه‌نێن تايبه‌ت يێن ب ده‌ست خوه خستين كو تێدا شه‌رڤانێن YPJ ژ كۆبانێ و شه‌رڤانێن كورد YPG ژ ئيرانێ دچنه كۆبانێ بۆ شه‌رێ دژى داعش.
نووترين نووچه
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
- پەرلەمانتارەك: هنارتنا بودجەی دێ پرۆسەیا سیاسی د ناڤبەرا هەرێمێ و بەغدایێ دا بهێزتر كەت
- مەحما خەلیل: هندەك بەرپرسێن ئیراقێ هەڤپشكێن جینۆسایدا شنگالێ نە
- وەزارەتا دەرڤە یا ئەمریكی: ئیدارەیا ترەمپی دێ بەردەوام بیت د كاركرنێ دا ل گەل هەرێما كوردستانێ
- دەم پارتی: پەیاما ئۆجەلانی دێ یا ڤیدیۆیی بیت
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
سهرهكى Twitter
پێشمەرگەکی وێنەک بۆ ئەڤرۆ نیوز ھنارت
ئەڤرۆ نیوز ، نەوزاد زادە ھلۆری :
پێشمەرگەکی وێنەکێ سرۆشتیێ سەرنجراکێش ل بەروکێن شەری گرتیە و بۆ ئەڤرۆ نیوز ھنارت و دبێژیت: “من نەشیا ژێ ببوورم و وێنەیەکێ بۆ نەگرم”.
دەشتی سالح ئەو پێشمەرگەیەیێ وێنەگرتی دیارکر کو نھا ئەو ل بەروکێن شەری یە و گۆت: “ئەڤ وێنە وێنەیێ گولەکا جەھی یە کو من ل بەروکێن شەری ل دەڤەرا تلسقووف ب موبایلێ گرتیە و کو 16 دندکێن پێڤە و ھەر 16 دەندک ژی ل سەر بنێ خوە شووون بووینە کو گەلەکا جوان و سەرنجراکێشە”.
دەشتی زێدەتر دبێژیت: “د ھەوا پاقژکرنا تلسقوفێ ژ چەکدارێن داعش ل رۆژانێن بوری ئەڤ وێنەیە ل بەرچاڤێن من کەفت ل جھەکێ ب مەترسی من دلنەدا ژێ ببوورم و وێنەیەکێ بوو نەگرم، ئەڤی وێنەی وانەیەکا زورا مەزن د دلێ من دا چاند ئەو ژی نیشانا دلسووزی و وەفاداریا پێشمەرگێ قارەمانە کو ئەو ژی ئەوە دەمەکێ دا چەکدارێن داعش ل چوو مروڤان نابوورن ئەگەر نەکوژن و ل چو جھـ و واران نابورن ئەگەر تالاون و وێران نەکەن و ھەموو ژێدەرێن ئاڤێ و ژینگەھێ خرابکرینە و د بەرامبەر دا پێشمەرگێ قارەمان ب سینگەکێ بەرفرەە و نیەتەکا دلسووز د گەل ھەموو تشتەکێ خەباتێ دکەت چو رزگارکرنا مروڤان بیت یان ژی پاراستنا ژینگەھێ بیت و ئینا بیرا من ئەو پێشمەرگێ ل تشتەکی َھوسا نەبووریت چەوا دێ دلدەتن کەسەکێ کوژیت بێ حەق”.
كچه‌كا كورد دێ بۆ ئاواران وێنێن خوه يێن رووت به‌لاڤ كه‌ت
ئه‌ڤرۆ نيوز:
كچا سترانبێژا كورد موژدين يا ئاماده‌يه بۆ رزگاركرنا چكێن ئێزدى دانوستاندنێ ل گه‌ل به‌رپرسێ داعش بكه‌ت.
مژدين د په‌يوه‌نديه‌كا تله‌فۆنى دا ل گه‌ل رووداو ئاشكه‌را كر كو گه‌له‌ك جاران وێ هزر ل وێ چه‌ندێ كريه كو ل گه‌ل چه‌كدارێن داعش دانوستاندنێ بكه‌ت دا كو كچێن ئێزدى ئه‌شكه‌نجى نه‌ده‌ن و به‌لا خوه ژ گه‌لێ كورد ڤه‌كه.
ئه‌و دبێژيت: “ره‌نگه كه‌س وه‌كو من هزر لێ نه‌كه‌ت، هه‌ر ده‌م هزرا منا ل سه‌ر هندێ كو بشێم ل گه‌ل داعش باخڤم و دانوستاندنێ ل گه‌ل بكه‌ت دا كو قه‌ناعه‌تێ بۆ چێكه‌م كچێن ئێزدى ئازاد بكه‌ن”.
مژدينێ ئاماده‌يا خوه ده‌ربڕى كو وێنێن خوه يێن رووت ل سه‌ر كۆڤارێن جيهانى به‌لاڤ بكه‌ت هه‌تا كو ل به‌رامبه‌ر پاره‌ك ب ده‌ست ب كه‌ڤيت و بۆ ئاوارێن كۆبانێ و شنگال بهنێريت و گۆت: “دبيت گه‌له‌ك ره‌خنه ل من بهێنه گرتن، به‌لێ ژ به‌ر ئاواران يا ئاماده‌مه خوه رووت بكه‌م”.
به‌رى نوكه هنده‌ك وێنێن مژدينێ ب رووتى ده‌ركه‌فت بوون و ئاماژه ب وێ چه‌ندێ كربوو كو كوره‌كى كو حه‌ز ژێ دكر خيانه‌ت لێ كريه و وێنێن وێ يێن وه‌سا به‌لاڤ كرينه و پاشان ژى بڕيار دابوو كو ب چو ره‌نگان ئێدى ڤان ره‌نگه وێنان به‌لاڤ نه‌كه‌ت.
ھەتا سەرێ سالێ قەیرانا گیروبوونا مووچان دێ چارەسەر بیت
ئەڤرۆ:
جێگرێ سەرۆکێ لیژنا وزێ و سامانێن سروشتی ل پەرلەمانێ کوردستانی بۆ ئەڤرۆ دیار کر کو ھەتا سەرێ سالێ قەیرانا گیروبوونا مووچەیان نامینیت و گۆت “مووچە دێ د وەختێ خوە دا ھێنە دان”.
دلشاد شەعبان غەفار جێگرێ سەرۆکێ لیژنا وزێ و سامانێن سروشتی ل پەرلەمانێ کوردستانی دیار کر کو ئەو ٥٠٠ ملیۆن دولارێن ژ بەغدا دگەھن رێژەیا 60% دێ بۆ سولفێن وەبەرھێنانێ بیت و رێژا 40% دگەل داھاتێ پەترۆلێ دێ بۆ مووچەیان ھێنە مەزاختن و گۆت “500 ملیۆن دولارێن قووناغا دویێ ھەمی دێ بۆ مووچەیان بیت”.
جێگرێ سەرۆکێ لیژنا وزێ و سامانێن سروشتی ل پەرلەمانێ کوردستانی دیار کر ژی کو نھا رۆژانە 350 ھزار بەرمیلێن پەترۆلا ھەرێمێ دھێنە فرۆتن و ھەتا سەرێ سالێ دێ بنە 450 ھزار بەرمیل د رۆژەکێ دا و گۆت “دەمێ فرۆتنا پەترۆلا مە ببیتە 450 بەرمیل، ھینگێ دێ مووچە د وەختێ خوە دا ھێنە دان”.
ژ ئالیێ خوەڤە ناجی عزەدەین سەرۆکێ ئێکەتیا بەلێندەرێن کوردستانێ دیار کر کو ژ ئالیێ نڤیسینگەھا قوباد تاڵەبانی جێگرێ سەرۆکێ حوکمەتا ھەرێمێ ڤە ھاتینە ھایدارکرن کو پشکەک ژ وی پارێ ژ بەغدا دھێت دێ سولفەک بۆ بەلێندەران بیت.
سندوقا داھاتێ نەفتێ گەھشتە پەرلەمانی
ئەڤرۆ:
بریارە پەرلەمانێ کوردستانێ ل روونشتنا خوە یا سوبەھی 25\11\2014 خواندنا ئێکێ بۆ پرۆژە قانوونا سندوقا کوردستان بۆ داھاتێ نەفتێ بکەت.
فەخرەدین قادر سکرتێرێ پەرلەمانیَ کوردستانێ بۆ خەندان گۆت ل دووڤ بەرنامێ کارێ روونشتنا سوبەھی رۆژا سێ شەمبی پەرلەمان دێ خواندنا ئێکێ بۆ پرۆژە قانوونا سندوقا کوردستان بۆ داھاتێ نەفتێ، ھەروەسا بۆ پرۆژە قانوونا کۆمپانیا کوردستان بۆ ڤەدیتن و وەبەرھێنانا نەفتنێ ل ھەرێما کوردستانێ کەت، دیار ژی کر کو ھەر د وێ روونشتنێ دا دێ گەنگەشە ل سەر راستڤەکرنا ئێکێ یا قانوونا دەستەیا دەستپاکیێ ژی ھێتە کرن.
بهايێ دراڤى ل بازارێن دهۆك
بهايێ زێر و زيڤى ل بازارێن دهۆكێ
دێ ھەڤرکیێ کەت
ئەڤرۆ:
سترانبێژا بەرنیاسا لوبنانی مەی حەریری راگەھاند کو نوکە یا بەرھەڤیێن خوە دکەت دابەرنامەکێ تەلەفزیۆنی یێ مەزن پێشکێش کەت و گۆت: ب ئەڤی بەرنامەی دێ ھەڤرکیا کیم کارداشیانێ کەم.
ناڤھاتی دبێژیت: بەرنامێ من ژ 18 خەلەکان پێک دھێت و من ل بەرە ھندەک سترێن ناڤدارێن جیھانی د بەرنامەی دا مێھڤان کەم و دێ برگە و پەنەلێن باش ھێنە پێشکێًشکرن.
ھەروەسا گۆت: دبیت ھندەک کەس بێژن ئەڤ بەرنامە وەکو یێ ستێرا جیھانی (کیم کاردشیانێ) یە، لێ وەسا نابیت بەلکو دێ گەلەک ژوی یێ دوور بیت.
سەرەدەریا زەلامان ل گەل خودان چمکێن بلند
ئه‌ڤرۆ:
زێدەباری سەرنجراکێشیا چمکێ بلند ل رێڤەچوون و جەستەیێ ژنێ زێدە دکەت، ڤەکۆلینەکا نوو ئاشکرا کر کو زەلام رەفتارەکا نەرمتر ل گەل وێ ژنێ دکەن یا پێلاڤا چمک بلند دکەتە پێ خوە و پتر ھاریکاریا وێ دکەن.
ڤەکۆلەران ھندەک تاقیکرن ل سەر کۆمەکا ژنان ئەنجامدان ئەوێن پێلاڤا چمک بلند دکەنە پێ خوە، کۆما ئێکێ پێلاڤێن بێ چمک “فلات” کرنە پێ خوە، و کۆما دویێ پێلاڤێن چمکێ وان ب بلنداھیا ٥سم و کۆما دوماھیێ پێلاڤێن 10 سم بلند کرنە پێ خوە، ھەر ئێک ژ وان رەفتارەکا جودا ل گەل ھاتە کرن ل سەر بنیاتێ پێلاڤا وان.
د تاقیکرنێ دا وان ژنان ل سەر جادێ داخوازا ھاریکاریێ ژ زەلامان کر، وەسا دیار بوو کو زەلامان زووتر بەرسڤا وان ژنان دا ئەوێن جمکێ پێلاڤا وێ بلندتر و ئەڤە وێ چەندێ دگەھینیت کو پێلاڤا چمک بلند دشێت سەرنجا زەلامان راکێشیت و پتر دھاریکار بن.
ناتۆ داخوازا ده‌وله‌تبوونا باشوورێ كوردستانێ دكه‌ت
ئه‌ڤرۆ نيوز:
د كۆمبوونا په‌يمانا باكوورێ ئه‌تله‌سى يا ناسيا ب “ناتۆ” چه‌ند پێشنيازه‌ك بۆ كوردستانێ هاتنه كرن و ب فه‌رمى ژى داخواز كر پارتا كرێكارێن كوردستانێ “PKK” ژ ليستا تيرۆرێ بهێته ده‌ر و سه‌به‌خۆى ژى بۆ باشوورێ كوردستانێ بهێته راگه‌هاندن.
ئه‌ڤرۆ ناتۆ كۆمبوونا 60ێ بۆ په‌رله‌مانتارێن رێكخراوێ ل باژێرێ ده‌نهاگ يێ هۆله‌ندى گێرا، مه ده‌سته‌يا په‌رله‌مانتارێن ناتۆ پێكهاتبوون ژ په‌رله‌مانتارێن وه‌لاتێن ئه‌ندام د رێكخراوا په‌يمانا باكوورێ ئه‌تله‌سى يا ناسيار ب “ناتۆ” ل په‌رله‌مانێ ئه‌ورۆپا.
د كۆمبوونێ دا، په‌رله‌مانتاران چه‌ند به‌حس كرن ژ وان ژى كێشێن ئۆكراين و شه‌رێ دژى داعش و د ناڤ وان ژى دا به‌حس ل رۆلێ كوردان كر د روو ب رووى بوونا گرۆپێ تيرۆرستى يێ داعش ل عيراق و سوريا.
پيته‌ر پيلز ئه‌ندامێ په‌رله‌مانێ ئوستراليا كو د هه‌مان ده‌م دا ئه‌ندامێ په‌رله‌مانێ ناتۆ ژى يه چه‌ند پێشنيازه‌ك پێشكێشى رێكخراوا ناتۆ و ئێكه‌تيا ئه‌ورۆپا كرن و گۆت: “پێدڤيه هه‌رێمێن كوردى ل توركيا و ئيران و سوريا ئۆتۆنۆمى پێ بهێته دان و هه‌رێما كوردستانێ ژى مافێ ده‌وله‌تا سه‌ربه‌خۆ يێ هه‌يى و پێدڤيه رێگرى لێ نه‌هێته كرن”.
د دووماهيا ئاخفتنێن خوه دا ئه‌ڤى په‌رله‌مانتارى گۆت: “به‌رى نوكه رێكخراوان رزگاريا فه‌له‌ستينى خستبوو ناڤ ليستا تيرۆرێ، پاشان ئه‌و رێكخراو ژ ناڤ ليستا تيرۆرێ هاته ده‌رخستن، پێدڤيه نوكه په‌كه‌كه ژى هه‌مان شانسێ وێ رێكخراوێ پێ بهێته دان و ژ ليستا تيرۆرا نێڤده‌وله‌تى بكه‌نه ده‌ر”.
ئاماژه ب وێ چه‌ندێ ژى كر كو نوكه مه‌زنترين شه‌رێ دژى داعش ل سه‌ر ئاستێ جيهانێ ژ لايێ كوردستان ڤه يێ دهێته كرن، “ژ به‌ر هندێ پێدڤيه رۆلێ كوردان ب گرنگى ڤه وه‌رگرن و هه‌ڤكاريا وان بكه‌ن”.
داخواز ژى ژ ناتۆ و ئێكه‌تيا ئه‌ورۆپا كر، ب زووترين ده‌م بكه‌ڤنه ناڤگريا خوه د ناڤبه‌را توركيا و په‌كه‌كێ دا و گۆت: “هه‌كه توركيا گرنگيێ ب ڤێ چه‌ندێ نه‌ده‌ت، پێدڤيه ناتۆ فشارێ بێخيته سه‌ر”.
ده‌سته‌يا په‌رله‌مانتارێن ناتۆ ل سالا 1955 ژ لايێ 158 په‌رله‌مانتارێن ئێكه‌تيا ئه‌ورۆپا و په‌رله‌مانتارێن وه‌لاتێن ئه‌ندامێن ناتۆ هاتيه پێكئينان و ل سالا 1966 وه‌كو ده‌سته‌يا باكوورێ ئه‌تله‌نيك هاتيه نياسين و پاش ل سالا 1999 هاته به‌رفره‌هكرن و هژماره‌كا زێده‌تر يا په‌رله‌مانتارێن وه‌لاتێن ئه‌ندامێن ناتۆ يێن په‌رله‌مانێ ئه‌ورۆپا پشكدارى د كۆمبوونا دا كريه.
ژێده‌ر: تۆڕا ده‌نگوباسێن سلێمانيێ
نيشاندان
WP Facebook Auto Publish Powered By : XYZScripts.com