ئه‌ڤرۆ نيوز:

پشتى رۆژه‌كێ ژ رزگاركرنێ، فه‌رماندێ هێزێن چه‌كدار ل عيراقێ و سه‌رۆك وه‌زيرێ عيراقێ گه‌هشته‌ باژێرێ تكريت، سه‌نته‌رێ پارێزگه‌ها سه‌لاحه‌دين.

د به‌ياننامه‌كێ دا، نڤيسينگه‌ها حه‌يده‌ر عه‌بادى گه‌هشتنا فه‌رماندێ هێزێن چه‌كدار ل عيراقێ و سه‌رۆك وه‌زيرێ عيراقێ بۆ باژێرێ تكريت، سه‌نته‌رێ پارێزگه‌ها سه‌لاحه‌دين راگه‌هاند.

ژ لايێ خوه‌ ڤه‌ رائد جبۆرى پارێزگارێ سه‌لاحه‌دين د رێ و ره‌سمه‌كى دا ب ئاماده‌بوونا وه‌زيرێ ناڤخۆ و چه‌ندين په‌رله‌مانتار و كه‌ساتيێن وى باژێرى ب ره‌نگه‌كێ فه‌رمى ئاڤاهيێ پارێزگه‌هێ ڤه‌كر و ئالايێ عيراقێ ل سه‌ر بلندكر.

ئەڤرۆ:

ھەکە ریفراندۆمەک ل ھەرێما کوردستانێ بھێتە ئەنجامدان ل دۆر دامەزراندنا دەولەتا کوردی و مللەتێ کورد تێدا داخوازا سەرخەبوونێ بکەت، پێدڤیە ل سەر مە رێزێ ل بریارا مللەتێ کورد بگرین و دێ پێشوازیێ ل بریارا وان کەین، ژ بەر کو نوکە پەیوەندیا ھەرێما کوردستانێ ل گەل عیراقێ پەیوەندیەکا کونفیدرالی یە و ڤێ پەیوەندیا نە دروست زیان ب عیراقێ گەھاندینە (ل ناڤ عیراقێ و ل دەرڤەی عیراقێ) و ئەڤ پەیوەندیا من ئاماژە پێکری ئێک ژ ئەگەرێن کوورکرنا ئاریشان بوو نەکو چێکرنا ل ھەڤھاتنەکا سیاسی ل عیراقێ.
ب دیتنا عالیا نسەیفێ، ھەکە ریفراندۆم ل ھەرێما کوردستانێ بھێتە ئەنجامدان ل دۆر پرسا جودابوونێ ژ عیراقێ، دێ ھەمان ئەزموونا ئوسکوتلەندا دوبارە بیت دەمێ ل رۆژا ١٨ ئیلۆنا ٢٠١٤ وەلاتیێن ئوسکوتلەندا جوودابوون ژ بریتانیا رەتکری، ژ بەر کو گەلەک ژ وەلاتیێن کورد ناخوازن ژ عیراقێ جوداببن و ھندەک پارتێن کوردی ژی یێن ھەین دخوازان ھەرێما کوردستانێ دناڤ عیراقێ دا بمینیت.
ل دووڤ بوچوونا ڤێ ئەنداما دەولەتا قانوونێ، پرسا مادێ ١٤٠ دێ مینیت و ھەکە ھەرێما کوردستانێ ژ عیراقێ جودابیت ژی، دێ پرسا دەڤەرێن مادێ ١٤٠ بیتە پرسەکا نێڤدەولەتی د ناڤبەرا ھەردو دەولەتێن عیراقێ و کوردستانێ دا و گوت”عەرەبێن عیراقێ دێ وێ پرسێ کەنە پرسەکا نێڤدەولەتی و دێ بۆ نەتەوێن ئێکگرتی و دادگەھا دادپەروەری یا نێڤدەولەتی بلند کەن”.