ئه‌ڤرۆ نیوز، هه‌ژار مه‌عروف:
تیما ته‌پا پێێ یا یانه‌یا گاره وه‌كو قاره‌مانا خولا پلا ئێك یا وه‌رزێ ئه‌ڤ ساله هاته ده‌ستنیشانكرن پشتى د یاریا خوه یا گه‌را 14 و به‌رى دووماهى دا شیاى سه‌ركه‌فتنه‌كا مه‌زن لسه‌ر یانه‌یا شه‌هیدان توماركربكه‌ت ب چار گولان بێ به‌رامبه‌ر، دوێ یاریێ دا ئه‌وا ئه‌ڤرۆ ل یاریگه‌ها یانه‌یا گاره هاتیه‌كرن ب ئاماده‌بوونا جه‌ماوه‌ره‌كێ باش.
دڤێ یاریێ دا تیما گاره ل نیڤا ئێكێ نه‌شیا بوو چو گولا توماربكه‌ت و ل ده‌ستپێكا نیڤا دوێ یاریكه‌رێن گاره كونترول لسه‌ر یاریێ كر و دڤێ نیڤێ دا شیان چار گولان توماربكه‌ن ب رێكا یاریكه‌رێن خوه ئالان موحسن، نێچرڤان میرخان، خسرو محه‌مه‌د و ئه‌حمه‌د سه‌ردار ب ڤى ئه‌نجامى تیما گاره خالێن خوه گه‌هاندنه 30 خالان وه‌كو قاره‌مانا خولا پلا ئێك ده‌ربازى خولا پلا نایاب بوو.
ژ ئه‌نجامێن دى یێن ئه‌ڤرۆ تیما كویه وه‌كهه‌ڤ بوو ل گه‌ل سیروان نووى ب گوله‌كێ و سێمێل ده‌لیڤه‌یا ده‌ربازبوونا خوه ب زه‌حمه‌ت ئێخست ده‌مێ خوساره‌ت بووى ب گوله‌كێ به‌رامبه‌ر دو گولان و سولاڤ ب سه‌ركه‌فت لسه‌ر خاك.
هه‌لویستێ خولێ پشتى یاریێن گه‌را 14 و به‌رى دووماهیێ ب ب ڤى شێوه‌یه.
گاره 30 خال
سولاڤ 26 خال
سیروان نووى 25 خال
كویه 24 خال
سێمێل 23 خال
ئالتون كوپرى 23
سوران 23 خال
ئه‌ڤرو نیوز ،بارزان مزوورى
به‌رپرسێ پشكا هاتن وچوونا قه‌زا شێخان بو مالپه‌رێ ئه‌ڤرو نیوز دیار كر كو رویدانه‌ك دناڤبه‌را سێ ترومبێلا دروست بوویه و د ئه‌نجامدا وه‌لاتیه‌كى گیانێ خو ژ ده‌ست دا و 9 وه‌لاتى برینداربوون .
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا قه‌زا شێخان گۆت: ئه‌ڤرو مه‌غره‌ب ده‌مژمێر 6:40 شه‌ڤ 30/3/2015 ل سه‌ر رێكا سه‌ره‌كیا دهوك بو باعه‌درێ ل نێزیك خارنگه‌ها بریفكانێ رویدانه‌ك ژ جورێ لێكدان دناڤبه‌را ترومبێله‌ك ژ جورێ هوندا سه‌نتاڤى و پیكاب دێر و ئوپل ئومیگا رویدا ژ جورێ لێكدان د ئه‌نجام دا وه‌لاتیه‌كى گیانێ خو ژ ده‌ست دا و 9 وه‌لاتى برینداربون و بو نه‌خوشخانا ته‌نگاڤیا دهوك هاتن ڤه‌گوهاستن و گه‌له‌ك ژوانا برینێن وان گه‌له‌ك د دژوارن و نها لبن چاڤدێریا نوژدارانه .
ئه‌ڤرۆ نیوز: تایبه‌ت:
بنەمالا شەهیدێ پێشمەرگە (حوزیفی سعید ئەرەدنی) دلگرانیا خوه ب وێ چه‌ندێ ده‌ربرى كو شه‌هید حوزیفى ب تیرورست ل قه‌له‌م داینه و ئه‌ڤا ل خوارێ ده‌قێ رۆنكرنێ یه:
ئەم وەکو کەس و کارێت شەهید (حوزیفی سعید ئەرەدنی) دلگرانین ژ داخویانیا جێگرێ سەرۆکێ لیژنا کاروبارێن پێشمەرگە و شەهیدان و قوربانیانیێن جینوسایدا ل پەرلەمانێ کوردستانێ (دلێر ماوەتی) کو شەهید حوزیفی ب تیرورستێ داعش ل قەلەم دایە و ناڤێ شەهیدێ ئینایە وەکو “خوکوژەکێ داعش”، لەورا ژبو راستیا ڤێ چەندێ ئەم دبێژین شەهید حوزیفی ل سالا 1985 بو پێشمەرگێ کوردستانێ هه‌تا شەهیدبوونا خو ل شەرێ رەبیعە ل رێکەفتی 18/11/2014 ژی هەر پێشمەرگە بویە و دووماهیک پلە وەکو عمید و ئەندامێ فەرماندا سپیلکی یا هێزا پێشمەرگەی بویە.
ئەم وەکو بنەمالا شەهیدی دێ سکالایەکا یاسایی لسەر پەرلەمانتار (دلێر ماوەتی) و هەر دەزگایەکێ راگەیاندنێ یێن ئەڤ نووچەیە بەلاڤکری تومار کەین، و هیڤی خازین ژ سەروکاتیا هەرێما کوردستانێ و سەروکاتیا پەرلەمانی و سەروکاتیا حکومەتا هەرێمێ بجدی لسەر ڤی بابەتی براوستن، چونکە ئەڤە یاریکرنە ب خوینا شەهیدا، هیڤیخازین ژ حیزب و لایەنێن سیاسی بلا خوینا شەهیدا نەکەنە د چارچوڤێ هەڤرکیا سیاسی دا.
بژیت کورد
بژیت کوردستان
بنەمالا شەهیدێ پێشمەرگە (حوزیفی سعید ئەرەدنی)
30/3/2015
ئه‌ڤرۆ نیوز:
سكاى نیوز د راپۆرته‌كێ دا ب ئامار به‌حسێ باشترین یاریكه‌ر د سالا 2015 دا كریه، مێسى هه‌تا نوكه باشترین یاریكه‌رێ 2015 ێ یه ژبه‌ر كو ژ د 12 یاریێن خولا ئسپانیا یا ئه‌ڤ ساله‌دا 17 گول توماركرینه و رۆنالدو د 11 یاریان دا، ب تنێ 6 گول توماركرینه و رۆنالدو ل رێزا 29 ێ دهێت.
رێزبەندا باشترین 25 یاریزان ل 2015 هه‌تا نوكه ب ڤى ره‌نگى یه:
1- مێسی ( بارسێلۆنا )
2-ئاریێن رۆبن ( بایەرن میونشن )
3-باس دۆست ( فۆلفسبۆرگ )
4- لویس سوارێز ( بارسێلۆنا )
5-دیێگۆ كۆستا ( چێڵسی )
6-ئێدین هازارد ( چێڵسی )
7-مەسوت ئۆزێل ( ئارسناڵ )
8-خیسۆس ناڤاس ( مان سیتی )
9-كیڤین دی پرۆین ( فۆلفسبۆرگ )
10-شینگی كاگاوا ( بروسیا دۆرتمۆند)
11-نوری شاهین ( دۆرتمۆند )
12-پۆل پۆگبا ( یوڤێنتۆس )
13-فێرناندینیۆ ( مان سیتی )
14-لۆكاس بێجیلكا ( لازیۆ )
15-گۆندوگان ( بروسیا دۆرتمۆند )
16-گایل كلێشی ( مان سیتی )
17-مارسیلۆ ( ریال مەدرید )
18-رافینیا ( بایەرن میونشن )
19-ناسیمنتۆ ( بایەر لیڤەركوزن )
20-زابالێتا ( مان سیتی )
21-سباهییچ ( بایەرلیڤەركوزن )
22-دیمیكلیس ( مان سیتی )
23-هامێڵز ( دۆرتمۆند )
24-سمالینگ ( مان یونایتد )
25-تیاگۆ سیلڤا ( پاریس سان جێرمان )
ئه‌ڤرۆ نیوز:
به‌یان سامى نوونه‌را حوكمه‌تا هه‌رێما كوردستانێ ل ئه‌مریكا راگه‌هاند : داعش ل عیراقێ ب دووماهى ناهێت، له‌وما ژناڤبرنا داعش چه‌ند ڤه‌كێشیت پێدڤیه كه‌نه‌دا و ولاتێن هه‌ڤپه‌یمان د روى ب روى بوونا وێ دا دبه‌رده‌وام بن ژبه‌ركو داعش مه‌ترسیه بۆ سه‌ر هه‌موو جیهانێ.
به‌یان سامى دیسا گۆت: پێشمه‌رگه هێزا ئێكانه‌یه كو دژى چه‌كدارێن داعش شه‌رى دكه‌ت ل عیراقێ و هه‌رێما كوردستانێ.
ئه‌ڤرۆ نیوز:
ئه‌ڤرۆ پشتى بان كى مون ئه‌میندارێ گشتى یێ نه‌ته‌وێن یه‌كگرتى سه‌را به‌غدا داى و ل گه‌ل حه‌یده‌ر عه‌بادى سه‌رۆك وه‌زیرێن عیراقێ كومبووى، پشتى كومبوونێ د كۆنگره‌كێ رۆژنامه‌ڤانى دا داخواز ژ عه‌بادى كر كو هه‌موو میلیشیاتێن شیعان كو د چوارچوڤێ حه‌شد شه‌عبى دا هاتینه كومكرن، بئێخته بن كونترۆلا خوه.
ئه‌ڤ ئاخافتنێن بان كى مون دده‌مه‌كێ دایه كو پرانیا وه‌لات و رێكخراوێن نێڤده‌وله‌تى ژ میلیشیاتێن شیعه دترسن ژبه‌ركو قانوون و مافێن مروڤى پێشێل دكه‌ن.
ئه‌ڤرۆ نیوز:
ئه‌ڤرۆ جڤاتا پارێزگه‌ها سلێمانیێ كوم بوو و تێدا ده‌نگدان بۆ به‌ربژارێن ته‌ڤگه‌را گۆران ل سنورێ پارێزگه‌ها سلێمانیێ هاته كرن، سه‌رۆكێ لیستا پارتى دیموكراتى كوردستان ل جڤاتا پارێزگه‌ها سلێمانیێ دیاركر كو ژبه‌ر به‌رژه‌وه‌ندیا خه‌لكێ سلێمانیێ وان ده‌نگ ب وان به‌ربژێران دا.
سه‌رۆكێ لیستا پارتى دیموكراتى كوردستان ل جڤاتا پارێزگه‌ها سلێمانیێ زیاد كاكه ره‌زا بۆ مالپه‌رى پارتى دیاركر كو د وێ پرۆسێ وان ده‌نگێ خوه دا گۆران كو وان 5 قایمقام و 7 رێڤه‌به‌رێن ناحى و 6 رێڤه‌به‌رێن گشتى و جێگرێ پارێزگارێ سلێمانیێ و جێگرێ به‌رپرسێ ئیدارا راپه‌رین گه‌هشتینێ و گۆت: سه‌ره‌راى بجهنه‌ئینانا داخوازیا مه، به‌لێ ژبه‌ر به‌رژه‌وه‌ندیا خه‌لكێ سلێمانیێ بۆ وێ پرۆسێ مه ده‌نگێ خوه دا به‌ربژێرێن وان، و بریاره ڤێ حه‌فتیێ شاندێ هه‌ڤپشكێ ئێكه‌تیێ و گۆڕان سه‌را مه بده‌ن، ژبه‌ر كو ب تنێ كێشا قایمقانێ هه‌له‌بجه یێ ماى كو ئه‌م ب مافێ خوه دزانین و ئه‌م ل سه‌ر وه‌رگرتنا وێ درژدین.
نيشاندان