ئه‌ڤرو نیوز،بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بو مالپه‌رى ئه‌ڤرو نیوز دیار ئه‌ڤرو 29/3/2015 چه‌كدارێن تیرورستێن داعش فه‌رمانه‌ك ده‌ركریه بو خودانێن فروشگه‌هێن مووسل كو حه‌تا 10 روژێن دى كه‌ل و په‌لێن خو هژماربكه‌ن كا چه‌ند كه‌ل و په‌ل دناڤ دانه ژبو دانا زكاتێ وان كه ل و په‌لا و گۆت: ئه‌ڤ ساله داعش سێ جاران زكات ژ خه‌لكێ مووسل وه‌رگرتیه.
ئه‌ڤرو نیوز ،بارزان سلێمان مزوورى
ئه‌ڤرو سپێدێ 29/3/2015 كومه‌لا كوردێن لیموش یا فه‌ره‌نسا كه‌ل و په‌لێن ته‌ندروستى گه‌هاندنه میحوه‌رێ ناوه‌ران بو پێشمه‌رگه‌یێن قه‌هره‌مان .
شڤان ئه‌كره‌م ئێك ژ شاندێ خێرخواز بو مالپه‌رێ ئه‌ڤرو نیوز دیاركر كو ئه‌و ده‌رمانێن وان گه‌هاندینه دناڤ رێزێن پێشمه‌رگه‌یێ ل میحوه‌رێ ناوه‌ران، یێن كوردێن لیموشن، ئه‌ڤ ده‌رمانه كوم كربون ژبو پشته‌ڤانى كرنا هێزێن پێشمه‌رگه‌ى و پتریا وان ده‌رمانا ئه‌ون ئه‌وێن پێدڤى بو پێشمه‌رگه‌ى و گه‌له‌ك ژوانا ده‌رمانا ل كوردستانێ ب ده‌ست ناكه‌ڤن.
ئه‌ڤرۆ نیوز:
سه‌رۆك بارزانى ئه‌ڤرۆ د پێشوازیا وه‌زیرێ ده‌رڤه یێ لوكسومبورگ راگه‌هاند: گه‌لێ كوردستانێ خودان كولتوورێ پێكڤه‌ژیانێ و لێبوورینێ یه و ب چ ره‌نگه‌كێ نابیته پشكه‌ك ژ ململانێیا تائیفى یا ل ده‌ڤه‌رێ په‌یدابووى.
هه‌ڤده‌م ژان ئاسڵ بۆرن وه‌زیرێ ده‌رڤه و كاروبارێن ئێكه‌تیا ئوروپا یا لوگزەمبۆرگ راگه‌هاند كو د ناڤ ولاتێن ئوروپا دا مه‌یله‌كا زور یێ هه‌ى بۆ هاریكاریكرنا هه‌رێما كوردستانێ ژ ئالیێ سه‌ربازى و هاریكاریێن مروڤى و وه‌لاتێ وى ژى د پشته‌ڤانیكرنا هه‌رێما كوردستانێ دا دێ یێ به‌رده‌وام بیت.
ئه‌ڤرۆ نیوز:
تانه‌ر یه‌لدز وه‌زیرێ وزا توركیا راگه‌هاند شه‌رێ ل یه‌مه‌ن روودده‌ت دێ كارتێكرنێ ل بلندبوونا بهایێ نه‌فتێ كه‌ت ژبه‌ر كو یه‌مه‌ن ل سه‌ر رێیا ترانزێتا نه‌فتا سعودیه و ئه‌و نه‌فتا ل به‌سره دهێته هنارتن.
تانه‌ر یه‌لدز وه‌زیرێ وزا توركیا دیاركر كو 5% دێ كارتێكرنێ ل بلندبوونا بهایێ نه‌فتێ كه‌ت، هه‌ر چه‌نده پشكا یه‌مه‌ن ل سه‌ر ئاستێ جیهانێ بۆ به‌رهه‌مئینانا نه‌فتێ دو ل سه‌ر هزارێ یه، به‌لێ یه‌مه‌ن رێیا ترانزێتا نه‌فتا سعودیه و وێ نه‌فتێ یه كو ژ به‌سره دهێته هنارتن.
ئه‌ڤرۆ نیوز:
جڤاتا ئاسایشا هه‌رێما كوردستانێ د راگه‌هاندنه‌كێ دا، كوشتنا (زیاد سلیم محمد علی الكوردی) پشتراستكر كو ل ناڤ داعش ل تاخه‌كێ ناڤ باژێرێ مووسل هاتینه كوشتن.
ل دووڤ راگه‌هاندنا جڤاتا ئاسایشا هه‌رێما كوردستانێ شڤێدى ل ده‌مژمێر 12 و نیڤ ل (ساحل الایمن) ل تاخێ (ثوره) یا باژێرێ مووسل و ل نێزیك مزگه‌فتا (حـافـظ) د پرۆسه‌كا هه‌والگیری دا زیاد سلیم یێ به‌رنیاس ب (زیاد الكردی) و (منصور) ب فرۆكێن هه‌ڤپه‌یمانان هاتیه كوشتن.
پشتى داگیركرنا مووسل ژ ئالیێ داعش ڤه ب (زیاد الكردی) چه‌ندین پۆست ل ناڤ داعش وه‌رگرتینه و ب ده‌هان وه‌لاتیێن كورد و وه‌لاتیێن دى ل سه‌ر ده‌ستى وى هاتینه كوشتن.
د وەرزێ زڤستانێ دا لێڤ ھشک و پێتی دبن و رەنگێ خوە یێ پیڤازی ژ دەست ددەن و کرێت دبن، چارەسەریا وان ب رێیەکا ب ساناھی و ئەرزان کو ھەموو دەما یا دگەل ژنان و د چانتێن واندانە و دیسا د مالێن وانداژی ھەنە ئەوژی ب ڤان رێکا:
١-تێکەلا شەکر و ھنگڤینی کو چەرمێ مری سەر لێڤان ناھێلیت و جوانتر لێدکەت.
٢-کاوچکەکێ ڤازەلینێ دگەل کاوچکەکێ ھنگڤینی و دگەل تامەکێ چ شوکولاتا یان کارامێل یان فراولا بیت و دێ ھندەک فلفلا پێوەرکەین، چونکی فلفل یا ھاریکارە بو پتکرنا لێڤا و ھەمیا پێکڤە دێ تێکەل کەین تا وەکی ملحەمی لێ بھێت پاش دێ لێڤێن خوە باش ب ئاڤ و سابینا شووین و دێ وی ملحەمێ مە چێکری دانینە سەر و ب فرچێ ددانا ئینین و بەین بو ماوێ پێنج دەقیقا تا باش لێڤ وان مادا بکێشیت دا نازکتر و مەزنتر دیاربکەن.
ئەڤە رێیەکا ئاسانە بۆ وان ھەموو کچا ئەوێن حەزا مەزنکرنا لێڤا ھەی ب رێکێن سروشتی کو (مقشرە و ھەروەسا بێھنەکا خوش ژی دەتە لێڤا )، ھەروەسا رێکەکە کو وخوە دوور بکەن ژ کەرەستێن کیمیاوی و نشتەرگەریێن لێڤا و بوتوکسی.
ئه‌ڤرۆ نيوز:
لژێر چاڤدێريا عه‌بد يوسف ئه‌حمه‌د رێڤه‌به‌رێ گشتيێ په‌روه‌ردا پارێزگه‌ها دهۆك و ب ئاماده‌بوونا بوتان محسن قايمقامێ قه‌زا دهۆك و رێڤه‌به‌رێن په‌روه‌رده‌يێن دهۆك (رۆژهه‌لات و رۆژئاڤا) و هاريكارێ رێڤه‌به‌رێ گشتى و رێڤه‌به‌رێ چالاكيێن قوتابخانا و ئه‌ندامێن چڤاتا پاريزگه‌ها دهۆك و نووينه‌رێ سه‌روكێ ئێكه‌تيا ماموستايێن كوردستانێ و نووينه‌رێ ئێكه‌تيا قوتابيێن كوردستانێ و ژماره‌كا باش ژ مامۆستا و قوتابيا و مێهاڤانان رێڤه‌به‌ريا په‌روه‌ردا دهوك روژهه‌لات پشكا چالاكيێن قوتابخانا رابو ب ڤه‌كرنا پێشانگه‌ها شێوه‌كارى و كارێن ده‌ستى بو قوتابخانێن قوناغا بنه‌ره‌تى (1 هه‌تا 6) (1 هه‌تا 9) قوناغێن بنه‌ره‌ت ل سنورێ په‌روه‌ردا رۆژهه‌لات.
ئه‌نجام بڤى ره‌نگى بوون : سەرجەمێ قوتابخانێن بنەرەتی (1 هه‌تا 6) (1 هه‌تا 9) د پێشانگەھا شێوەکاری و کارێن دەستی دا بو ساڵا خواندنێ (2014-2015):
• قوتابخانێن پشکدار (95) قوتابخانە کو نمرا پیڤایی شکاندی یە ب رێژا (100%) ژمارا قوتابیێن پشکدار (3979) قوتابینە * (5) قوتابخانە دھێنە خەلاتکرن وەک سەرکەفتی ل قوناغا بنەرەتی ئەنجامێن بنەرەتی (1 هه‌تا 6)، (1 هه‌تا 9) بنه‌ره‌ت:
1 – قوتابخانا چريسك سەرکەفتیێ ئێکێ 82 نمرە
2 – قوتابخانا ئێكه‌تى سەرکەفتییا دووێ 81 نمرە
3 – قوتابخانا ئه‌كه‌د يا سريانى سەرکەفتییا سیێ 76نمرە
4 – قوتابخانا خه‌بات سەرکەفتییا چارێ 75نمرە
5 – قوتابخانا دڵناز سەرکەفتییا ێێنجێ 74نمرە
• رێزگرتن بو ھەمی قوتابخانێن بەشداری کری دڤێ پێشانگەھێ دا
• خەلاتێ ھونەری بو قوتابخانا (پيره‌مه‌گرون يا بنه‌ره‌ت) هاته دان ژ به‌ر كو کارەکێ جوان ل قوتابخانێ ێێشکێشکر بوو.
ئه‌ڤرۆ نيوز:
رێڤه‌به‌ريا په‌يوه‌ندى و راگه‌هاندێ ل وه‌زاره‌تا دارايى و ئابوورى يا حوكمه‌تا هه‌رێماێ كوردستانێ وان وه‌زاره‌تان راگه‌هاند ئه‌وا بڕيار سوبه‌هى مووچه‌يى وه‌رگريت.
ب گۆره‌يى به‌لاڤكريه‌كێ كو ل مالپه‌رێ فه‌رمى يێ وه‌زاره‌تا دارايى و ئابووريا حوكمه‌تا هه‌رێما كوردستانێ به‌لاڤ بوويه، پشكا په‌يوندى و راگه‌هاندنێ رادگه‌هينيت كو سوبه‌هى 30\3\2015 وه‌زاره‌ته‌كا دى دێ مووچێ هه‌يڤا ئێك وه‌رگريت.
دێ ڤێ راگه‌هاندنێ ئاشكه‌را كريه كو سوبه‌هى وه‌زاره‌تا بازرگانى و پێشه‌سازى و ئه‌و فه‌رمانبه‌رێن ناڤخۆ يێن مووچه وه‌رنه‌گرتين دێ مووچێ هه‌يڤا ئێك وه‌رگرن.
هه‌تا نوكه ب تنێ مووچێ خانه‌نشينكريان و هه‌رسێ سه‌رۆكاتيێن هه‌رێما كوردستانێ مووچێ هه‌يڤا ئێك وه‌رنه‌گرتيه و ب وه‌رگرتنا مووچێ هه‌يڤا ئێك يێ وان، دێ پرۆسا دابه‌شكرنا مووچێ هه‌يڤا ئێك ب دووماهى هێت.
ئه‌ڤرۆ نيوز:
به‌رپرسێ راگه‌هاندێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو دو وه‌لاتى د روودانه‌كا وه‌رگه‌ريانێ دا بريندار بوون پشتى ترۆمبێل ژ بن كونترۆلا شۆفێرى ده‌ركه‌فتى و قوديكێن مه‌يى د ناڤ ترۆمبێلا وان دا هه‌بوون.
ئازاد تاها، به‌رپرسێ راگه‌هاندێ ل رێڤه‌به‌ريا هاتنوچوونا پارێزگه‌ها دهۆكێ، بۆ ئه‌ڤرۆ نيوز گۆت: “دوهى رۆژا شه‌مبى رێكه‌فتى 28\3\2014 و ل ده‌مژمێر 11.45 شه‌ڤ ل سه‌ر جادا سه‌ره‌كيا شێخان بۆ رۆڤيا نێزيك گۆندێ مه‌لا په‌روان ترۆمبێله‌كا ژ جۆرێ هۆندا تايبه‌ت ئه‌لنترا ره‌نگێ سپى ژ بن كۆنترۆلا شۆفێرى ده‌ركه‌فت و وه‌رگه‌ريا و د ئه‌نجام دا دو كه‌س ب گرانى بريندار بوون”.
به‌رپرسێ راگه‌هاندێ ل رێڤه‌به‌ريا هاتنوچوونا پارێزگه‌ها دهۆكێ گۆتژى: “ئه‌گه‌رێ روودانێ ژى بۆ بكارئينانا ماددێ كحولى دهێته زڤراندن، قوديكێن مه‌يى د ناڤ ترۆمبێلا وان هه‌بوون”.
ئه‌ڤرۆ نيوز:
ب هه‌لكه‌فتا جه‌ژنا سه‌رێ سالا ئێزديان حوكمه‌تا هه‌رێما كوردستانێ راگه‌هاند كو 15ى نيسانا هه‌يڤا داهاتى ل هه‌رێما كوردستانێ بهێنڤه‌دانا فه‌رمى يه.
خه‌يرى بۆزانى، رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ ل سه‌ر په‌يجێ تايبه‌ت خوه، ئاگه‌هداريا هه‌موو فه‌رمانبه‌ران كريه كو حوكمه‌تا هه‌رێما كوردستانێ ب هه‌لكه‌فتا چارشه‌مبۆيا سۆر بڕيار دايه رۆژا 15\4\2015 ل هه‌موو داموده‌زگه‌هێن حوكمه‌تا هه‌رێما كوردستانێ بهێنڤه‌دانا فه‌رمى بيت.
سه‌رێ سالا ئێزديان ب چارشه‌مبوويا سۆر يا به‌رنياسه و سالانه ل هه‌رێما كوردستانێ ب وێ هه‌لكه‌فتێ دكه‌نه بهێنڤه‌دانا فه‌رمى.
سالانه حوكمه‌تا هه‌رێما كوردستانێ 9\4 ژى ب هه‌لكه‌فتا رۆژا ئازادكرنا عيراقێ ل گه‌ل حوكمه‌تا عيراقێ دكه‌ته بهێنڤه‌دانا فه‌رمى.
نيشاندان