ئه‌ڤرۆ نیوز:
وه‌زاره‌تا دارایى و ئابوورى یا حوكمه‌تا هه‌رێما كوردستانێ ناڤێ وێ وه‌زاره‌تێ ئاشكراكر كو سوبه دێ مووچێ هه‌یڤا ئێك وه‌رگریت.
ل دووڤ راگه‌هاندنه‌كا وه‌زاره‌تا دارایى و ئابوورى كو دانه‌یه‌ك ده‌ست ب ئه‌ڤرۆ نیوز كه‌فتى یه سوبه دێ فه‌رمانبه‌رێن وه‌زاره‌تا باژێرڤانێ و گه‌شتوگوزار مووچه‌ى وه‌رگرن.
ئه‌ڤرۆ نيوز، نيوار محه‌مه‌د سه‌ليم:
ئامينا زكرى جێگرێ سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ، د په‌يجێ خوه يێ تۆڕا جڤاكيا فه‌يسبۆكى دا به‌رسڤه‌ك بۆ په‌رله‌مانتاره‌كێ په‌رله‌مانێ سويد ل سه‌ر پارتا ژينگه‌هـ يا وى وه‌لاتى دايه كو دهه‌مان ده‌م دا كه‌سه‌كێ نێزيكى بزاڤا گۆڕانه.
ئامينا زكرى بۆ ئه‌ڤرۆ نيوز گۆت: “گه‌له‌ك جاران ده‌ما ئه‌و كه‌س دهاته په‌رله‌مانێ كوردستانێ و ئه‌ڤ پرسه و به‌حسێ كريارێن گۆڕان د ناڤا په‌له‌مانى دا دهاتنه‌كرن ب تشته‌كێ ديموكراسى ددا زانين، به‌لێ ڤێ جارێ هه‌مبه‌ر لێدانا په‌رله‌مانتارێ گۆڕان خوه نه‌رازى كريه.
ئه‌ڤه ژى ده‌قێ رۆهنكرنێ يه:
بەرسڤەك بو بەرێز جەبار ئەمین ئەندامێ پەرلەمانێ سوئیدێ
بەرێز جەبار ئەمین من دڤێت بیرا هەوە لـ هندەك ئاخفتنێن تە لـ خولا سیێ یا پەرلەمانێ کوردستانێ بینم
دیموکراسیەت د هندێ دا یە کو پەرلەمانتەر بـ ئازادانە و بـ هەمی رەنگان دەربرینێ ژ بیر و بوچون خوە بکەت و لـ وەلات و پەرلەمانێن دیموکراسی دا هەمی جورێن کەرەستە بو نێرینا خوە بو بەرەڤانیکرن ژ پروگرام، بەرنامە و ئایدیا خوە دشیت بـ کار بینیت تا کو لیدانا ئێک و دو لـ پەرلەمانی، و دبێژنە ڤێ دیموکراسیەتا پەرلەمانی..
لـ خولا سێێ یا پەرلەمانێ کوردستانێ، هێزەك بناڤێ ئوپوزسیونێ هەبو د وان چوار سالێن خولا پەرلەمانی دا پترین زاراڤێن سیاسی کو د ئەدەبیاتێن هێزا ئوپوزسیون و راگەهاندنا وان دا بکار دهات، پەرلەمانتەر یێ ئازادە ژ دەربرین و بیر و کردارێن خوە، پەرلەمان ئەو قوبەیە کو شەرێ سیاسی تێدا بهێتە ئەنجامدان و پەرلەمانتەر بـ هەمی ئەمرازا تا کو کورسی شکاندن و لێدانا ئێک و دو دەبیت دیموکراسیەتێ بپارێزیت بـ رێکێن بوکس و لیدان و شەرە دەڤ و ئەڤە ئەو پەری دیموکراسیەتێ یە،
مە دگوت ئەڤە رەفتارە دگەل کلتور و واقعێ کوردستانێ ناگونجیت هەوە دگوتە مە لـ وەلاتێن دیکتاتور هەدارا ڤان رەفتارا ناهێتە کرن، مە دگوت ئاشتیا کومەلایەتی لـ کومەلگەهێ تێك ددەت هەوە دگوت ئەوێ وەسان هزر بکەت پاشڤەرونە!؟
مە مەجال دا ئوپوزسیونێ هەمی جورێن مومارەسەکرنا دیموکراسیەتێ و ریک و ئالاڤان بکار بینین، هەر لـ ژێرڤان ئاخفتنا ئیهانا سەروکاتیا پەرلەمانی یا وی وەختی و پەرلەمانتەران بـ جورەها شێوازان هاتە کرن، کار گەهشتە هندێ لێدانا سەروکاتیا پەرلەمانی بـ دەبێن ئاڤێ و شکاندن و خرابکرنا سامانێ گشتیی وەلاتی لـ پەرلەمانی(شکاندنا شاشە، دەر، پەنجەرە، کورسی، مایکێن پەرلەمانی..) و لێدانا پەرلەمانتەر و تێکدانا کومبونێن پەرلەمانی و …هتد.بەس جەنابێ هەوە دگوت پەرلەمان جهێ نوینەراتیا خەلکی یە و تشتەك رەوایە و ئەڤە ناڤەروکا کارێ پەرلەمانتاری یە.
بەرێز جەبار ئەمین
ئەوا لـ پەرلەمانی دروست بوی نە جارا ئێکێ یە و بـ دەهان جاران لـ خولا چویی مە لـ پەرلەمانێ کوردستانێ ئەڤە دیتیە و داهێنانەکە ژ ئوپوزسیونێ دەرکەفتی و هەوە تائیدا وان رەفتاران کریە و لـ بیرا مە ناهێت د ماوێ بوری دا هەوە داخوازا دەست ژ کار کێشانا 25 پەرلەمانتەرێن وی دەمی یێن بزاڤا گوران لـ بەرێز نوشیروان مصطفی رێکخەرێ بزاڤا گوران لـ پەرلەمانی کوردستانێ کر بیت، بەلکو هەوە ئەڤە بـ کارەك ئاسایی و د چوارچوڤێ پەرلەمانتەریدا لـ قەلەمددا.
باشە بەرێز پەرلەمانتەرێ سوئیدێ بو، بو ئەوان دیموکراسیەتا پەرلەمانی یە و بو مە ژی نادیموکراسیەتە؟؟
یان د چوار سالێن بوریدا هەوە زانیاریین دروست نەگەهاندینە خەلکێ کوردستانێ یان نوکە هەوە دڤێت خەلکی بەرەف لارێدا ببەن.
لـ دوماهی دبیژم
بـ هیچ رەنگەکەێ ئەم دگەل توند و تیژی نینن و بـ پراکتیک مە یا سەلماندی کو کەس هندی مە نەشیت تەقەبولا رەخنە و هەر جورە کەرەستەیەکا دیموکراسی بکەت و هەردەم ئاسایش و ئارامیا کوردستانێ مەبەست و ئارمانجا سەرەکیا مەیە، کەس هندی مە مروڤ دوست نینە و نەشیت بەرەڤانیێ ژ پاراستنا کەرامەتا مروڤێ کوردستانێ بکەت، شانازیا پاراستنا سنورێن کوردستانێ و قوربانیدان بو وەلاتی و شەرەفا پێشمەرگایەتی کرنێ پتر ژ هەر هێزەکا سیاسی لـ کوردستانێ یا لـ بەر پارتی دیموکراتی کوردستان کەفتی و بـ کردار ئەم شول دکەین نە بـ دروشم و ئاخفتن ژ بەرهندێ تکایە هوین مزایدا مروڤدوستی لـ سەر پەرلەمانتەرێن پارتی نەکەن.
ئامینا زکری، پەرلەمانتەرا فراکسیونا پارتی دیموکراتی کوردستانێ
ئه‌ڤرۆ نيوز:
سه‌عيد پشده‌رى، به‌رپرسێ لقا چار يا پارتى ديموكراتى كوردستان ل سلێمانيێ بۆ مالپه‌رێ فه‌رميێ پارتى ديموكراتى كوردستان راگه‌هاند: “مه ب فه‌رمى بۆچوونا خوه ل سه‌ر دانوستاندنێن بۆ پێكهاتنا حوكمه‌تا پێگه‌هێن به‌رفره‌هـ يا ناڤخۆيا سلێمانێ بۆ هه‌ر ئێك ژ بزاڤا گۆڕان و ئێكه‌تى نشتيمانى كوردستان هنارتيه و گه‌له‌ك ب ئاشكرايى بۆچوونا خوه ب وان گۆتيه، به‌لێ هێشتا ئه‌وان به‌رسڤا مه نه‌دايه”.
زێده‌تر گۆت: “د وێ رێكه‌فتنا ل هه‌له‌بچه دا هاتيه كرن يا ژ لايێ لژنا دانوستاندنكارا پێكئينانا حوكمه‌تا ناڤخۆ يا هه‌له‌بچه دا هاتيه كرن ئيمزا ل سه‌ر وێ چه‌ندێ هاتيه كرن كو پۆستێ قايمقامى بۆ پارتى بيت و نه د ئاماده‌ينه پێداگريێ ل سه‌ر وى پۆستى بكه‌ين”.
ئه‌ڤرۆ:
د چارچووڤێ بزاڤێن دەزگەھێ دلی یێ بریتانی بۆ ھاندانا خەلکی بۆ دەستبەردانێ ژ کێشانا جگاران بۆ دەمێ رۆژەکێ ب تنێ، رۆژناما “ئێکسپرێس” یا بریتانی راپۆرتەک بەلاڤکریە و تێدا ھژمارا ناڤنجیا جگارێن ھەر مرۆڤەک دکێشێت شرۆڤەکریە کو تێکرایی دگەھیتە ١٣ جگاران د ئێک رۆژ دا و ٤٧٥٤ جگاران د سالێ دا.
دەزگەھێ ناڤبری بزاڤکرینە کو پشتەڤان بن بۆ دەستبەردانا ژ کێشانا جگاران و مفایێن ھێلانا جگاران بۆ دەمێ ئێک رۆژ دیار کرینە، و ب ڤی رەنگی:
پشتی ٢٠ دەقیقان دل ڤەدگەریت بۆ لێدانا خوە یا سروشتی و فشارا خوینێ نزم دبیت، پشتی دو سەعەتان حەزەکا مەزن بۆ کێشانا جگارێ پەیدا دبیت پشتی ھەستکرنێ ب کێشانا نیکوتینێ و نەئارامی و ھەستکرن ب برسیبوونێ زێدە دبیت، پشتی ھەشت سەعەتان ئوکسیدێ ئێکێ یێ کاربۆنی د خوینێ دا کێم دبیت و رێژا ئۆکسژینی زێدەتر لێدھێت دا بگەھیتە ئاستێ خوەیێ سروشتی، پشتی ٢٤ سەعەتان دەلیڤا تووشبوونا ڤەکوشتنا سینگی کێم دبیت، پشتی ٤٨ سەعەتان ھەستا تامکرنێ و بێھنکرنێ باشتر لێدھێت، پشتی سێ رۆژان نیکوتین ب ئێکجاری ژ لەشی دەردکەڤیت و ھەناسا مرۆڤی ب ساناھی دکەڤیت، پشتی سێ ھەیڤان شیانێن سیھا سۆر ٣٠% بلند دبن و زڤرینا خوینێ باشتر لێدھێت و لڤین بساناھیتر لێدھێت، پشتی نەە ھەیڤان تێھنا لەشی زێدە دبیت و شیانێن لڤینێ ب ھێز دکەڤن و کریارا پاقژکرنا سیھا سۆر ژ نیکوتینێ دەستپێدکەت، د چارچووڤێ سالەکێ دا مەترسیا تووشبوونا تەنگبوونا دەمارێن خوینێ کێم دبن، د دەمێ دو سالان دا و وەکو رێکخراوا ساخلەمیا جیھانی دیار دکەت کو رێژا تووشبوونا جەلتا دلی ڤەدگەریتە ئاستێ سروشتی، د دەمێ پێنج سالان دا مەترسیا مرنێ ب پەنجەشێرا سیھا سۆر و حەفکێ ٥٠% کێم دبیت و ھەروەسا رێژا جەلتێن مێشکی ژی کێم دبیت.
پێشه‌نگێ هاتنوچوونێ، به‌درخان محه‌مه‌د سه‌ليم، به‌رپرسێ پشكا هاتنوچوونا قه‌زا شێخان، بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 10:30 ده‌قيقه‌يى سپێده‌هيا 28\3\2015 ل سه‌ر رێيا سه‌ره‌كيا شێخان بۆ ناحيا ئه‌لقوش ل دووريانا گۆندێ جه‌راحيێ روودانه‌ك د ناڤبه‌را ترۆمبێله‌كا ژ جۆرێ كيا سيراتۆ ره‌نگێ سپى تايبه‌ت و ترۆمبێله‌كا شۆفێرلێت ئۆپترا ره‌نگێ رساسى روودا و د ئه‌نجام دا چار كه‌س بريندار بوون”.
به‌درخان محه‌مه‌د سه‌ليم زێده‌تر گۆت: “بريندار بۆ نه‌خۆشخانا شێخان هاتينه ره‌وانه‌كرن و ره‌وشا ساخله‌ميا وان يا باشه و ل ژێر چاڤێدريا نوشداران دانه”.
ئه‌ڤرۆ نيوز:
ئه‌ڤرۆ شه‌رێ باهۆزا دورپێچيێ بۆ رۆژا سيێ يێ به‌رده‌وامه و فرۆكێن شه‌رى يێن سعودى ئه‌ڤرۆ ژى كاروانه‌كێ حوسيان يێ بۆمبه‌بارانكرى و UN ژى دخوازيت كێشا يه‌مه‌ن ب رێيا دانوستاندنێ چاره ببيت.
هنارتيێ نه‌ته‌وێن ئێكگرتى بۆ يه‌مه‌ن داخواز ژ لايه‌ن و پێكهاتێن يه‌مه‌ن كر كو د رێيا دانوستاندنێ دا، كێشێن ناڤخۆ يێن خوه چاره بكه‌ن و بچنه سه‌ر مێزا دانوستاندنان.
جه‌مال بنعه‌مر د چارچۆڤێ كۆمبوونا ل گه‌ل نوونه‌رێن چه‌ند پێكهاتێن ئه‌وى وه‌لاتى دا، داخواز ژ لايه‌نێن ناڤخۆيا يه‌مه‌ن كر كو رێكه‌فتناما رياز ئيمزا بكه‌ن و درێژاهيێ ب دانوستاندنێ بكه‌ن و گۆت: “ئه‌و ده‌سپێشخه‌ريا وه‌لاتێن كه‌نداڤى بۆ يه‌مه‌ن دانايى دشێت كێشێن وێ چاره بكه‌ت”.
هنارتيێ نه‌ته‌وێن ئێكگرتى به‌حس ل وێ چه‌ندێ ژى كر كو هه‌موو پێكهاتێن يه‌مه‌ن دانوستاندنێ د وى وارى دا بكه‌ن و ئاماده‌يا خوه ژى نيشا دا ل سه‌ر پێشنيازێ، به‌لێ هه‌تا نوكه ب فه‌رمى حوسيان به‌رسڤا وان نه‌دايه.
پێشتر هه‌ر ئێك ژ وه‌لاتێ ئيرانێ و عيراقێ داخواز ژ سعوديێ كربوو شه‌رێ ل سه‌ر يه‌مه‌ن ب راوه‌ستينن و بچنه سه‌ر مێزا دانوستاندنێ دا كو كێشێن يه‌مه‌ن ب رێيا دانوستاندنێ چاره ببن و ئه‌مريكا ژى پشته‌ڤانيا خوه بۆ هێرشێن سعودێ بۆ سه‌ر حوسيێن يه‌مه‌ن راگه‌هاند بوو.
بۆ ماوێ سێ رۆژايه فرۆكێن شه‌ركه‌رێن سعودى و ئيمارات هێرشێن ئه‌سمانى د چارچۆڤێ باهۆزا دوورپێچيێ دا، هێرشێ دكه‌نه سه‌ر حوسيێن يه‌مه‌ن ئه‌وێن كوده‌ته‌يا له‌شكرى ل دژى حوكمێ ده‌سته‌لاتا شه‌رعى يا يه‌مه‌ن ب سه‌رۆكاتيا عه‌بدره‌به مه‌نسۆر هادى ئه‌نجام دايى.
ئه‌ڤرۆ:
گەلەک جاران پشتی خوارنا دانەکێ به‌رفره‌هـ يێ خوارنێ، مرۆڤ ھەست ب وەستیانێ دکەت، مرۆڤ گازنداژی دکەت کو نەشیایە تێر بێھنا خوە ڤەدەت، بەلێ ل دووڤ ڤەکولینەکێ دیاردبیت کو ئەڤێ چەندێ چ پەیوەندی ب نڤستنێ ڤە نینە، بەلکو پەیوەندی ب خوارنا مرۆڤی ڤە ھەیە.
ل زانکۆیا بنسلفانیا ڤەکولەران دیت کو ئەو وەستیان و دامابوونا مرۆڤ ب رۆژێ ھەست پێ دکەت و ب تایبەت ل دەڤ فەرمانبەران رەنگە ئەگەرێ وێ جورەکێ تایبەت یێ خوارنێ بیت، ڤەکولەر دبێژن کو ھەتا ھەکە مرۆڤ بنڤیت ژی ھەستا مرۆڤی خوش نابیت، ئانکو ھەکە مرۆڤ تێر بنڤیت و خوارنەکا قەلەو یان گران بخوون دێ ھەست ب دامابوونێ کەت.
دلایەکێ دیتر دا ڤەکولەر دبینن کو خوارنا پری نەشەویات دێ کارتێکرنێن بەروڤاژی ھەبن، ھەستداریێ زێدەدکەن و مرۆڤی پتر ئاگەە ژ خوە ھەیە و ھشیاردمینیت و ئەڤەژی یا گرنگە بۆ ھندەک پیشەیان، ل پشکا پزیشکی یا زانکۆیا بنسلفانیا گەھشتە ڤان ئەنجامان پشتی کو ڤەکولین ل سەر ٣٠ کەسان کرین کو ھەموو د ساخلەمیەکا باش دابوون و ژیێن وان دناڤبەرا ١٨-٦٥سالیێ دابوون و پشکدارێن ڤەکولینێ دھندەک ژوورێن تایبەت دا نڤستن و خوارنێن جورا و جور خوارن و د ئەنجامدا دیاربوو کو زێدەبوون و کێمبوونا پرۆتینان چ کارتێکرنێ ل دامابوونا رۆژێ ناکەت بەلکو خوارنێن گرانن دبنە ئەگەرێ ڤێ چەندێ، لەورا یا گرنگە مرۆڤ بزانیت چ دخووت داکو کارتێکرنێن وێ ل سەر کارێ مرۆڤی نەمینن.
ئه‌ڤرۆ:
رەنگە تو ماندی ببی ب لێگەریانا ئالاڤ و کریمێن جوانکاریێ ڤە و رۆژانە ژی لێ بگەری، دگەل ڤێ چەندێ دبیت ئەو تشتێ تو لێ دگەری د لێنانگەھا مالا تەدا ھەبیت، ب رێکا وان دێ تە شیان ھەبن ل دووڤ دلێ خۆ ھندەک تشتان دەستنیشانکەی بۆ چاڤدێریا پیستێ خۆ، ل ڤێرێ ئەم دێ ھندەک ژوان پێکھێنەران بۆ تە دەینە بەرچاڤکرن:
چا
کەرستێ ژ ھەموویان گرنگتر دناڤ چایێ دا دبێژنێ (تانین) و یا زانا ئەوە کو ڤی کەرستەی ھندەک مفایێن جوانکاریێ ھەنە، ژبەرکو وی کەرستەی شیانێن مێتنا تیشکا رۆژێ یا دژوار ھەنە وەکو تیشکا ل سەر بنەفسجی و ب ڤێ چەندێ ” چا” ئێک ژ پێکھێنەرێن پاراستنا مرۆڤی یە ژ تیشکا رۆژێ بۆ ھشک راگرتنا پرچێ و جوانکرنا رەنگێ پرچێ ، پرچێ سپی تاریتر لێ دکەت و پاشی بەرزە دکەت، ھەروەسان ب کارئینانا کەمادێن چایێ ھاریکارە بۆ باشکرنا چاڤێن وەستیای و نەھێلانا نیشانێن تاڕی ل دەوروبەرێن چاڤان.
زەیتا زەیتوونا
زەیتا زەیتوونان باشترین زەیتێن رووەکی یە ھەکە بۆ مەرەمێن جوانکاریێ بھێتە ب کارئینان، سەرەرای مفایێن وێ یێن ساخلەمیێ یێن جورا و جور، زەیتا زەیتوونان شیان ھەنە تیشکا رۆژێ یا ب زیان بمێژیت.
ھەڤیر ترش
ئەڤە ژ باشترین کەرستەیێن سروشتی یە بۆ ڤیتامین و کانزا و پرۆتینان، دبێژن ھەکە مرۆڤ ب رێکا دەڤی بخوت دێ خولا خوینێ باش بیت، لەش دێ ھێتە ڤەژاندن، ھەروەسان بۆ ساخلەمیا پرچێ و پیستی و ددانان و نینووکان باشە، لەورا ژی ئەڤە وەک ماسک ژی دھێتە ب کارئینان.
ئاڤا ماستی
دھێتە نیاسین وەکو پاقژکەرەکێ باش بۆ دێمی، ھاریکارە بۆ پاقژکرن و سافیکرنا دێمی، ب تایبەت خودانێن دێمێ دوھنی دێ گەلەک مفای ژێ بینن، لەورا دناڤ پێکھاتێ گەلەک کەرستێن جوانکاریێ دا ھەیە.
ھێک
ھێک بۆ چاڤدێریا دێمی دھێتە ب کارئینان، پێدڤیە بزانین سپیلکا ھێکێ کاریگەریەکا باش یا ھەی بەلێ نابیت رۆژانە ب کاربینین،ھێک یا باشە بۆ پاقژکرنا سەروچاڤێن دوھنی و بەرھنگاریا نەھێلانا کونکێن سەروچاڤا، بەلێ زەرکا ھێکێ یا تژی یە ژ پروتینان و دیسان بۆ دێمی مفایەکێ باش ھەیە و ناھێلیت دێمێ مرۆڤی ھشک ببیت، ھەروەسان ھێک دھێتە ب کارئینان وەکو دەرمانەک بۆ ب ھێزکرنا موویێن لەشی ژبەرکو گەلەک پروتین دناڤدا ھەیە، دەمێ ھێک بۆ پرچێ دھێتە ب کارئینان پرچ د تەیسیت و ڤەژاندنێ ددەتە لەشی.
ئەڤرۆ نیۆز ، قەیس ئیسماعیل:
ھەڤرکیێن قارەمانیا عیراقێ یا یانێن پلا نایاب ب یاریا شەترنجێ ل پارێزگەھا دیوانیە د بەردەوامن، د ڤێ قارەمانیێ دا دو یانێن ھەریمێ “خانزاد یا تایبەت بۆ شەترنجێ و پێشمەرگا سلێمانیێ” د پشکدارن.
د ناڤ رێزێن خانزاد دا، ھەردو یاریکەرێن دھۆکێ موستەفا کەمال جەلالەدین و کارین کەمال جەلالەدین د پشکدارن و یاریکەر ڤین کەمال جەلالەدین بۆ یانا کەھربا یاریێ دکەت.
سەعد کینانی دادڤانەکێ قارەمانیێ یە، دیارکر ھەر سێ یاریکەر ب شێوێ خواستن یاریێ بۆ ڤان ھەردو یانا دکەن ژ بەر نەبوونا چ یانێن پارێزگەھا دھۆکێ د ڤێ رێزبەندێ دا.
زێدەتر ناڤبری دیارکر د ھەڤرکیێن قارەمانیێ دا ھەردو رەگەز پشکداریێ تێدا دکەن و حەفت پێشەکار د پشکدارن د ھەڤرکیێن قارەمانیێ دا “دو یاریکەرا ژ جورجیا و دو ژ ئوکرانیا و دو ژ ئێرانێ و ئێک ژ مسرێ” د پشکدارن د ڤێ قارەمانیێ دا.
ژێده‌ره‌كى ژ رێكخراوا چه‌كدارێن ئازاد ل ناڤ باژێرێ مووسل بۆ ئه‌ڤرۆ نيوز گۆت: “دوهى د گۆتارا ئه‌ينيێ دا، چه‌كدارێن تيرۆرستێن داعش د ده‌مێ خواندنا گۆتارا ئه‌ينيێ دا ل هه‌موو مزگه‌فتێن ناڤ سه‌نته‌رێ باژێرێ مووسل دو داخوازى ژ خه‌لكێ مووسل كرن ل سه‌ر وان سه‌پاند كو هه‌ر خێزانه‌كا ل به‌ر سيبه‌را چه‌كدارێن داعش دژيت پێدڤيه 100 هزار ديناران بده‌نه رێكخراوێ ژ به‌ر پاراستنا وان و يا دويێ ژى پێدڤيه چه‌كى ب هه‌لگرن و بچنه ناڤ رێزێن وان”.
نيشاندان