ئه‌ڤرۆ:

گەلەک ژ ڤەکولینێن بەری نھو دیارکریە کو بەتالی کارتێکرنێ ل ساخلەمیا دەروونی و لەشی یا مرۆڤی دکەت، بەلێ ل دووڤ ڤەکولینەکا نوو دیاردبیت کو کارێ نەباش ژی کارتێکرنێ ل ساخلەمیا دەروونی یا مرۆڤی دکەت.
ئەڤە و ڤەکولەران ل زانکۆیا ئسترالی یا نیشتمانی ڤەکولینەک ل سەر کۆمەکا بریتانیان کر کو ھندەک ژوان چ کارنەدکرن و ھندەکا ژی کارێ وان ب دلێ وان نەبوو، ئەنجامێن ھەردو ڤەکولینان دیارکر کو نێزیکی ئێکن و ھەردو کومان خەموکی و ئالوزی ھەبوون، بەلێ ئەوێن کارێ وان ب دلێ وان ھەلبەت ئاریشەیێن ب ڤی رەنگی نەبوون.
کارێ نەباش ئەو کار نینە کو ل بەر روناھیەکا نەباش یان سەقایەکێ نەباش بھێتە کرن، بەلکو ئەو کارە یێ کو رێڤەبەر گەلەک یێ دژواربیت یان گەلەک داخوازیان بکەت و دیسا کارێن کو ئێمناھی تێدا نەبیت.
ڤەکولینەکا بەری نھو ژی ل لەندەن دیارکربوو کو فەرمانبەرێن خەمگین پتر ژ یێن دیتر تووشی بلندبوونا فشارا خوینێ دبن.

ئه‌ڤرۆ:

پشتی ڤەکولینەکێ ھەڤبەندی دناڤبەرا نەخۆشیا شەکرێ و مەترسیا تووشبوونا وان ب ئاریشەیێن گولچیسک و دلی و کێم دیتنێ دبن کری، ڤەکولینەکا یابانی ژی دیارکر کو تووشبوویێن نەخۆشیا شەکرێ پتر تووشی کێم گوھلێبوونێ دبن، ھەروەسا ڤەکولەران دیارکر ژی کو نەخۆشێن بچووک پتر ژ مەزنان تووشی ڤێ چەندێ دبن و بێی کو ئاماژێ ب ئەگەران بکەن.
ڤەکولەران ئەنجامێن ١٣ ڤەکولینێن بەری نوکە شروڤەکرن کو دیارکربوون نەخۆشیت شەرکێ پەیوەندی ب کێم گوھلێبوونێ ھەیە و ئەو ڤەکولین دناڤبەرا سالێن ١٩٧٧-٢٠١١ ھاتبوونە ئەنجامدان و پێزانینێن ٧٣٧٧ تووشبووێن شەکرێ کۆمڤەکربوون ل گەل ١٢٨١٧ کەسێن ساخلەم و دیاربوو کو پەیوەندی دناڤبەرا شەکرێ و کێم گوھلێبوونێ ھەیە، ئەڤە نە جارا ئێکێ یە ژی ڤەکولینێن ب ڤی رەنگی دھێتە کرن، ل سالا ٢٠٠٨ێ ژی ھندەک ڤەکولەران ل پەیمانگەھا ساخلەمیێ یا ئەمریکی ڤەکولینەکا ب ڤی شێوەی ل سەر ١١ ھزار مرۆڤان ئەنجامدابوو و دیارببوو کو ژ ئەنجامێ تێکچوونا دەمارێن گوھی، نەخۆشێن شەکرێ پتر ژ کەسێن ساخلەم تووشی کێم گوھلێبوونێ دبن.