ئه‌ڤرۆ نیوز, ره‌زوان رۆژبه‌یانى
چه‌ند جهێن زێده‌گاڤی ل سه‌ر زه‌ڤێن چاندنێ ل به‌رده‌ره‌ش ژلایێ لژنێ نه‌هێلانا زێده‌گاڤیان هاتینه تێك دان.
سالح عیسى به‌رپرسێ راگه‌هاندنا قایمقامیا قه‌زا به‌رده‌ره‌ش بۆ ئه‌ڤرۆ نیوز گوت: ئه‌ڤرۆ ب سه‌رپه‌رشتیا قایمقامێ به‌رده‌ره‌ش لژنا زێده‌گاڤیان رابوون ب تێكدانا چه‌ند جهێن كو ژلایێ وه‌لاتیان ڤه ب زێده‌گاڤى هاتبوونه دروستكرن ل سه‌ر زه‌ڤیێن چاندنێ و سیما و جوانیا باژێرێ تێكدده‌ت.
ئه‌ڤرۆ نیوز:
وه‌زیرێ كوچ و كوچبه‌رێن عیراقێ ئاشكراكر كو حكومه‌تا عیراقێ ل دووڤ قه‌بارێ هنارتنا نه‌فتا هه‌رێما كوردستانێ دێ پاران هنێریت و حه‌فتیا بهێت پارێ هه‌یڤا سێ دێ بۆ هه‌رێما كوردستانێ هنێریت.
د.ده‌رباز محه‌مه‌د وه‌زیرێ كوچ و كوچبه‌رێن عیراقێ كو سه‌ر ب بزاڤا گۆرانه دیاركر ژ ئه‌ڤرۆ پێدا به‌رى سه‌رێ هه‌یڤێ، حوكمه‌تا عیراقێ دێ پاران بۆ هه‌رێمێ هنێریت و حه‌فتیا بهێت دێ پارێ هه‌یڤا سێ هنێریت.
د.ده‌رباز دیار كر كو به‌غدا ڤێ جارێ دێ 500 ملیار دیناران هنێریت.
جەمال کوچەر ئەندامێ جڤاتا نوونه‌رێن عیراقێ بۆ ئەڤرۆ نیوز دیارکر كو هه‌بوونا گه‌له‌ك ئاينێن دى ل كوردستانێ وێ چه‌ندێ دگه‌هينيت كو ئه‌و سيسته‌مێ ئيسلامێ يێ كوردستانێ دهێته په‌يره‌و كرن ميانڕه‌ۆه و گۆت: “هه‌ر ئاينه‌ك ب ئازادانه كارێ خوه دكه‌ت بێى كو رێگرى لێ بهێته كرن”.
زێده‌تر گۆت: “ئه‌و ئيسلاما ل كوردستانێ بۆ وه‌لاتيان هاتيه شرۆڤه‌كرن چو مه‌ترسى تێدا نينه”.
دا زانين ژى كو هه‌تا نوكه نه‌شياينه تێگه‌هه‌كێ دروستێ ئيسلامێ بۆ هه‌لبژارتنا ئێگه‌هێ ئاينى ل ده‌ف تاكێ كورد و جڤتكێ كوردى ده‌ستنيشان بكه‌ن.
جه‌مال كۆچه‌ر گۆتژى: “هه‌تا نوكه مه نه‌شيايه شرۆڤه‌كا كوردى بده‌ينه ئيسلامه و ياريا سياسى يا ب ئيسلامێ دهێته كرن”.
ئەڤرۆ، زنار زوبێر:
یاریکەرا کینک بوکسینگێَ یا کورد و کچا باژێرێ دھۆکێ سوزان حەمید ئەوا نوکە ئاکنجیا وەلاتَێ ئەلمانیا شیا جارەکا دی ناسناڤێ قارەمانیا کاسا ئەلمانیا ب دەستخوە ڤە بینت و ل رۆژا شەمبیا بھێت دێ دەست ب راھێنانان ل گەل ھەلبژارتیێ ئەلمانیا یێ ڤێ یاریێ کەت.
ل دور ڤێ چەندێ حەمید ئێمینکی بابێ سوزانێ د داخویانیەکا تایبەت دا بۆ رۆژناما ئەڤرۆ گۆت: د قارەمانیا ئەلمانیا یا کینگ بۆکسێ ل سەر ئاستێ کچان سوزان شیا چار سەرکەفتنا ل دووڤ ئێک د کێشەیا ٣٢کگم دا تومار بکەت و ناسناڤێ ڤێ قارەمانیا کاسا ئەلمانیا ب دەستخوە ڤە بینت ل گەل یانا خوە یا باژێرێ دیسبورگ.
زێدەتر ناڤبری ئەو چەندە ژی دیارکر پشتی ب دەستڤە ئینانا ڤێ قارەمانیێ راھێنەرێ ھەلبژارتیێ ئەلمانیا ل سەر ئاستێ کچان ناڤێ سوزانێ کرە د لیستەیا یاریکەرێن ھەلبژارتیێ وی وەلاتێ دا و بریارە ل رۆژا شەمبیا بھێت دەست ب راھێنان خوە بکەت ل گەل ھەلبژارتیێ ئەلمانیا ئەوا بریارە پشکداریێ د قارەمانیا ئوروپا یا یاریا کینگ بوکسێ دا بکەت ل دەمەکێ نێزیک.
ھەلبژارتیێ دھۆکێ یێ گورپان مەیدانێ ئەڤرۆ ب رێکەفت بوو باژێرێ بەغدا ب مەرەما پشکداری کرنێ د قارەمانیا ھەلبژارتیێن پارێزگەھێن عیراقێ، ھەلبژارتیێ دھۆکێ ژی ب ٢٠ یاریکەران پشکداری دڤێ قارەمانیێ دا کر کو ١٥ ژ ئەوان کور و پێنج کچن.
ل دور ڤی بیاڤێ سەباح خدر سەروک شاندێ ھەلبژارتیێ دھۆکێ د داخویانیەکێ دا بۆ مالپەرێ ئەڤرۆ نیۆز دیارکر زوربەیا ھەلبژارتیێن پارێزگەھێن عیراقێ دێ پشکداریێ د ڤێ قارەمانیێ دا کەن و بریارە سوباھی ھەڤرکیێن وێ ل یاریگەھا زانکویا وەرزشی ل بەغدا بھێنە دەستپێکرن.
ناڤبری ئاماژە ب وێ چەندێ ژی کر ئەوان باوەری ب تیما خوە ھەیە دێ ئەنجامێن سەرکەفتی د قارەمانیێ دا ب دەستخوڤە ئین تایبەت لسەر ئاستێ کچان کو یاریکەرێن خودان شیان ژ دھۆک و زاخۆ ژێگرتی نە بەری نوکە ژی ھەمان یاریکەرێن کچ یێن دھۆکێ لسەر ئاستێ قارەمانیا یانێن عیراقێ ئەنجام و نەمرێن باش ب دەستخوڤە ئینابوون.
ئه‌ڤرۆ نيوز:
ليۆنێل مێسى ستێرا جيهانى يا ته‌پا پێ ل رێزا ئێكێ هات د ناڤا پر داهاتترين ياريكه‌رێن جيهانى ب كۆژمێ 65 مليۆن يورۆيان بۆ سالا بۆرى و پێشكه‌فت ل سه‌ر يێ پرتۆگالى كرستيانۆ رۆنالدۆ و نيمارێ به‌رازيلى ژى ل رێزا سيێ هات.
ياريكه‌رێ ته‌پا پێ يێ ئه‌رژه‌نتينى، ليۆنێل ميسى يێ 27 سالى و خودانێ چار ناسناڤێن باشترين ياريكه‌ر ل جيهانێ، ب سه‌ر كرستيانۆ رۆنالدۆ كه‌فت د ليستا ياريكه‌رێن پر داهاتترين كه‌س ل جيهانێ بۆ سالا 2014، ب گۆره‌يى رۆژناما فرانس فوتبۆر ئه‌وێ شيايى ل سالا بۆرى 65 مليۆن يورۆيان كۆم بكه‌ت، ژ ئه‌نجامێ مووچێ وى و داهاتێ ريكلامان.
رۆنالدۆ ياريكه‌رێ يانا ريال مه‌دريد يێ ئسپانى ب كۆژمێ 54 مليۆن يورۆيان ل رێزا دويێ هات و نيمار يێ به‌رازيلى ل رێزا سيێ هات ب 36.5 مليۆن يورۆيان.
ئەڤرۆ نیوز، ھەژار مەعروف:
خوبەرھەڤکرن بۆ ھەردو قارەمانێن ئاسیا و عەرەبی ئەوا بریارە ل ماوێ بھێت ھەلبژارتیێ عیراقێ پشکداریێ تێدا بکەت ،ئێکەتیا ناڤەندی یا باسکت بولا عیراقێ بریار دا ھەلبژارتیێ ئێکێ عیراقێ کەمپەکا راھێنانی ل باژێرێ دھۆکێ ب دانیت.
ژێدەرەکێ نێزیک ژ دەستەیا راھێنەریا ھەلبژارتیێ عیراقێ د داخویانیەکێ دا بۆ مالپەرێ ئەڤرۆ نیوز دیارکر ئەڤ کەمپا راھێنانی دێ یا گرتی بیت بوو ماوێ ١٧ رۆژان ژ خوبەرھەڤکرن بوو قارەمانیا رۆژئاڤا ئاسیا و قارەمانیا عەرەبی ئەوا بریارە ل ئوردون و لوبنان ھەڤرکیێن وێ بھێنەکرن و دێ راھێنانێن خوە ل ھولا گرتیا یانەیا دھۆک کەن.
ناڤبری ئاماژە ب وێ چەندێ ژی کر ل دووماھی کومبوونا خوە دا ل باژێرێ بەغدا ئێکەتیا ناڤەندی رازی بوو کەمپا راھێنانی ل دھۆکێ بھێتە دانانێ ژبەرکو ل دھۆکێ خالێن سەرکەفتنا کەمپا راھێنانی ھەنە و ب ئومێدن کەمپەکا سەرکەفتی ل دھۆکێ ب دووماھی بینن .
ئه‌ڤرۆ نيوز:
وه‌زيرێ په‌ترۆلا توركى، تانه‌ر يه‌لدز، ئه‌ڤرۆ رۆژا پێنجشه‌مبى راگه‌هاند كو ژ ده‌سپێكا سالا بۆرى و هه‌تا نوكه رێژا په‌ترۆلا عيراقێ ل به‌نده‌رێ جيهان يێ توركى گه‌هشتيه 47 مليۆن به‌رميلان و بهايێ وێ نێزيكى سێ مليار دۆلارايه.
يه‌لدز د كۆنگره‌كێ رۆژنامه‌ڤانى دا بۆ رۆژنامه‌ڤان دياركر كو هه‌تا نوكه 57 ترێلێن ڤه‌گۆهاستنا په‌ترۆلێ ژ عيراقێ گه‌هشتينه توركيا.
ئاماژه ب وێ چه‌ندێ ژى كر كو پتريا ئه‌ڤ په‌ترۆلا دچيت يا هه‌رێما كوردستانێ يه، به‌لێ نوكه عيراق ژى ب هه‌مان رێ په‌ترۆلا خوه يا خاڤ دهنێريته به‌نده‌رێ جيهان ل سه‌ر ده‌ريا ناڤه‌راست.
ئه‌ڤرۆ نيوز:
وه‌زيرێ ده‌رڤه يێ كۆمارا ئيرانى، محه‌مه‌د جه‌واد زه‌ريف، داخواز ژ سعوديێ كر كو ب ده‌مه‌كێ گه‌له‌ك نێزيك هێرشێن خوه بۆ سه‌ر يه‌مه‌ن ب راوه‌ستينيت.
زه‌ريف بۆ كه‌نالێ “عالم” يێ ئيرانى ب زمانێ عه‌ره‌بى گۆت: “داخواز ژ سعودى دكه‌ين ب له‌ز هێرشێن خوه بۆ سه‌ر يه‌مه‌ن ب راوه‌ستينيت”.
ئاماژه ب وێ چه‌ندێ ژى كريه كو هێرشێن له‌شكرى بۆ سه‌ر يه‌مه‌ن سه‌روه‌ريا وه‌لاتى تێكدده‌ن و گۆت: “ئه‌ڤه خوين رێتنێ راناوه‌ستينيت”.
وه‌زيرێ ده‌رڤه يێ كۆمارا ئيرانى دا زانين ژى كو ئه‌و دێ هه‌موو بزاڤان كه‌ن دا كو ئه‌و كێشا نوكه ل يه‌مه‌ن هه‌يى ب دووماهى بينن.
ئه‌ڤرۆ ده‌مژمێر 2:00 سپێدێ، 10 وه‌لاتان ب سه‌ركێشيا سعودى و ل ژێر ناڤێ گه‌رده‌لۆلا ب هێز هێرش كريه سه‌ر وه‌لاتێ يه‌مه‌ن بۆ لێدانا حوسيان ئه‌وێن كوده‌ته‌يا له‌شكرى ل وى وه‌لاتى راگه‌هاندى و چه‌ندين كه‌سێن پله بلند ژى ژ حوسيان كرينه ئارمانج.
وه‌لاتێ ئه‌مريكا ژى پشته‌ڤانيا خوه بۆ ڤان ره‌نگه هێرشان دايه دياركرن و وه‌زيرێ ده‌رڤه يێ يه‌مه‌ن ژى دبێژيت: “هێرشێن سه‌ر يه‌مه‌ن بۆ وێ چه‌ندێ نه، يه‌مه‌ن نه‌كه‌ڤيته ده‌ست ئيرانێ”.
نيشاندان