ئه‌ڤرۆ نیوز:
ئەسیل نوجەیفی پارێزگارێ نه‌ینه‌وا راگه‌هاند ب ده‌هان خێزانێن ئاكنجى ل مووسل، یێن شیاین خوه ل بن ده‌ستێ داعش بیننه ده‌ر و پشتى برینا رێیه‌كا دور گه‌هشتینه به‌غدا.
نوجەیفی گوت: داعش ژماره‌كا ئه‌ندام و به‌رپرسێن وان ده‌رگه‌هێن كو ڤى خه‌لكى خوه تێدا قورتال كرى و ده‌رباز بووین، گرتینه و به‌رهه‌ڤیێن دژوار بكارئیناینه.
ئه‌ڤرۆ نیوز:
سه‌ره‌راى زێده‌بوونا ژمارا ئاواران ل هه‌رێما كوردستانێ، به‌لێ نوكه حوكمه‌تا عیراقێ ب رێژه‌كا كێم كه‌ل و په‌ل و پێدڤیێن نوشدارى ره‌وانه‌ى هه‌رێما كوردستانێ دكه‌ت كو پێدڤیه 17% بیت كو كێم هنارتنا ده‌رمانان بارگرانیێ ل سه‌ر حوكمه‌تا هه‌رێمێ زێده دكه‌ت.
د.رێكه‌وت حه‌مه ره‌شید وه‌زیرێ ساخله‌میا كوردستانێ رادگه‌هینیت كو به‌غدا زێده‌تر ژ 1 ترلیون و 200 ملیار دیناران پارێ ده‌رمانان قه‌ردارا هه‌رێما كوردستانێ یه كو ب تنێ 45% ره‌وانه دكه‌ت و ژبه‌ر ڤێ ئاریشێ سالانه هه‌رێم نێزیكى 100 ملیون دیناران ده‌رمانان كرى.
ئه‌ڤرۆ نیوز:
وه‌زیرێ ده‌رڤه یێ عیراقێ ل دیمه‌شقێ ره‌وشا ده‌ڤه‌رێ و شه‌رێ داعش ل گه‌ل به‌رپرسێن وى وه‌لاتى شروڤه دكه‌ت.
نڤیسینگه‌ها ئیبراهیم جه‌عفه‌رى وه‌زیرێ ده‌رڤه یێ عیراقێ د به‌یاننامه‌كێ دا به‌حسێ سه‌ره‌دانا ئه‌ڤرۆ یا جه‌عفه‌رى بۆ سووریا دكه‌ت كو ل سه‌ر داخوازا وى وه‌لاتى بوویه و هه‌ڤدیتن ل گه‌ل بشار ئه‌سه‌د سه‌رۆكى وى وه‌لاتى و وه‌لید موعه‌لیم وه‌زیرێ ده‌رڤه‌یێ سووریا پێكئینایه و ره‌وشا ده‌ڤه‌رێ و شه‌رێ داعش ل گه‌ل شروڤه كریه.
جه‌عفه‌رى دیاركریه : عیراق خودان سه‌روه‌ره‌یا خوه‌یه و ناكه‌ڤیته بن ده‌ستهه‌لاتا چ لایه‌نه‌كێ ده‌ره‌كى، له‌وما یا سه‌ربه‌سته هه‌ڤه‌پمیانیێ ل گه‌ل كێ بكه‌ت ل شه‌رێ دژى داعش.
ئه‌ڤرۆنیوز، قه‌یس ئیسماعیل:
هێرشبه‌رێ ئورگویانى د كومێنتا خو دا ل سه‌ر وێ رێكا جوان تێدا گولا ریال هه‌ژاندى گوت (( من نه‌سحكره لایێ كاسیاسى، چنكو د ڤان حاله‌تا دا هێرشبه‌ر به‌رى وى بۆ شوتكرنێ بۆ لایێ به‌روڤاژى چنكو گولچى دچیته زاویا نێزیك))
لویس سوارێز ئێك ژ گرنگترین كلیلێن سه‌ركه‌فتنا به‌رشلونه بوو ل سه‌ر ریال مدرید ل شه‌ڤا ئێك شه‌مبیا بورى ، هێرشبه‌رى ئورگوایانى كه‌یف خوشیا خۆ ب گولا دووێ ده‌ربرى ئه‌وا ل نیڤا دوێ توماركرى و برێكا وێ گولێ سه‌ركه‌فتن ب ئه‌نجامێ (2-1) بۆ تیما بلاوگرانا د یاریا كلاسیكو دا د چالاكیێن گه‌را 28 ژ لیگا ئسپانى دا توماركرى و ب گرنگترین گول ل ده‌مێ یاریێ بۆ به‌رشه‌لونه دكه‌ت دهژمێریت.
ئه‌ڤرو نیوز ، بارزان مزوورى
ژێده‌ره‌ك ژ رێكخراوێن چه‌كدارێن ئازاد ل ناڤ باژێرێ مووسل بو مالپه‌رێ ئه‌ڤرو نیوز دیار كر كو چه‌كدارێن تیرورستێن داعش ژبه‌ر لاوازیا چه‌كدارێن وان و كێم بونا چه‌كدارێن زه‌لام ل به‌روكێن شه‌ریدا ژماره‌كا ژنێن بیانى ئیناینه د ناڤ باژێرێ مووسل ئه‌وێن دناڤ رێزێن داعش ژبو پاراستن و ئیمناهیا باژارى دگه‌ل ژماره ترومبێلێن كه‌یه، جورێ لاندگروز مهاڤى ل جهێن راوه‌ستانا پولیسیێن ترافیكى و پولیسێن دى راوه‌ستیاینه یێن زه‌لام ژى ڤه‌گوهاستینه بو ده‌رڤه‌ى باژێرێ مووسل بو سه‌نگه‌رێن شه‌رى.
ئه‌ڤرۆ نیوز:
ئه‌ڤرۆ ئه‌نجومه‌نێ وه‌زیرێن عیراقێ بریا ردا چه‌ند تاوانێن ( داعش ) ل عیراقێ ب جینوساید بده‌ته نیاسین.
ئه‌نجومه‌نێ وه‌زیرێن عیراقێ چه‌ند تاوانێن داعش ب جینوساید و ژناڤبرنا ب كوم دا نیاسین ژ وان ژى تاوانا كوشتن و كوچپێكرنا كورد و مه‌سیحى و ئێزدى و شه‌به‌كان ل ده‌شتا نه‌ینه‌وا و شنگالێ ب تاوانا كومكوژیێ بریار ل سه‌ر هاتیه دان.
هه‌روه‌سا كوشتنا ب ئه‌نقه‌ست یا گرتیگه‌هێن بادوش و كارمه‌ندێن بنگه‌هێ سپایكه‌ر و كوشتنا ب ئه‌نقه‌ست یا گه‌نجێن عه‌شیره‌تێن ( بونه‌مر و جبور و لهێت و عودبێد ) ب جینوساید دا نیاسین
ئه‌ڤرۆ نیوز:
رێباز محەممەد حەملان، وه‌زیرێ دارایى و ئابوورى راگه‌هاند كو سبه دێ چه‌ند وه‌زاره‌ت مووچه‌ى وه‌رگرن.
وه‌زیرێ دارایى و ئابوورى راگه‌هاندیه: سبه دێ ئه‌ڤ ده‌سته و وه‌زاره‌ته مووچێ هه‌یڤا ئێك وه‌رگرن، وه‌زاره‌تا ساخله‌میێ، وه‌زاره‌تا دارایى و ئابوورى، وه‌زاره‌تا خواندنا بلند ، وه‌زاره‌تا كاره‌بێ ، وه‌زاره‌تا چاندنێ، ل گه‌ل ئه‌نجومه‌نێ دادوه‌رى و ده‌سته‌یا وه‌به‌رهێنانێ و دیوانا چاڤدێریا دارایى و ده‌سته‌یا مافێ مروڤ و ژینگه‌ه و ده‌ستپاكى و فه‌رمانگه‌ها ده‌ڤه‌رێن ده‌رڤه‌ى هه‌رێمێ.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ راگه‌هاند كو ئه‌ڤرۆ ل گه‌ليێ زاخۆ روودانه‌كا دلته‌زين د ناڤبه‌را پێنج ترۆمبێلان دا روودا و د ئه‌نجامدا كه‌سه‌كى گيانێ خوه ژ ده‌ست دا.
رائيدێ مافپه‌روه‌ر ئازاد تاها به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رێكه‌فتى 24\3\2015 ل ده‌مژمێر 12:30 ده‌قيقه ل گه‌ليێ زاخۆ و نێزيك پانزينخانا نه‌ورۆز روودانه‌كا دلته‌زين د ناڤبه‌را پێنج ترۆمبێلێن ژ جۆرێ ترێله‌كا بارهه‌لگر، دو ته‌ن كيا، د گه‌ل سێ ته‌كسيان دا روودا”.
زێده‌تر گۆت: “ب مخابنى ڤه د ڤێ روودانێ دا كه‌سه‌كى گيانێ خوه ژ ده‌ست دايه و 10 كه‌س ژى ب گرانى بريندار بووينه”.
ل دۆر ئه‌گه‌رێ روودانێ ژى گۆت: “شۆفێرێ ترۆمبێلا بارهه‌لگر ترێلا بارهه‌لگر هاته زڤراندن كو له‌زاتى ب كارئينايه و شه‌كر باركربوو، سوويێ ترۆمبێلێ نه‌مابوو و كۆنترۆل ژ ده‌ست دابوو و خوه ل چار ترۆمبێلێن دى دايه و وه‌رگه‌ريايه و شۆفێرێ دو ته‌نێ هاتيه دورپێچكرن و د ئه‌نجام دا گيانێ خوه ژ ده‌ست دايه”.
ڤيديۆ ژ په‌يجێ دهۆك پوست ل سه‌ر تۆڕا فه‌يسبۆكى هاتيه وه‌رگرتن
ئه‌ڤرۆ نيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ ئيدانا شه‌هيدكرنا چار پێشمه‌رگان ژ لايێ داعش ب ره‌نگه‌كێ درندانه دكه‌ت و ئاماژێ ب وێ چه‌ندێ دكه‌ت كو ئه‌ڤ كريارا وان يا دڕندانه هه‌موو خه‌لكێ كوردستانێ و مرۆڤ دوستێن جيهانێ دلگران كرن.
محه‌مه‌د عه‌لى ياسين، ئاخفتنكه‌رێ ب نازێ فراكسيۆنا پارتى ديموكراتى كوردستان د ڤێ به‌ياننامێ دا دده‌ته زانين ژى كو شه‌هيدكرنا ڤان پێشمه‌رگان د ده‌مه‌كى دايه كو تيرۆرستێن داعش د هه‌موو ميحوه‌رێن شه‌رى دا به‌ر ب لاوازبوونێ دچن و شكه‌ستن ئينايه و نه‌شێن خوه به‌رامبه‌ر ئيراده و خوه‌راگريا گه‌ل و پێشمه‌رگێ كوردستانێ بگرن.
ده‌قێ راگه‌هاندنێ:
د ڤێ به‌ياننامێ دا هاتيه ژى: “چه‌كدارێن داعش دڤێت ئه‌ڤان كارێن وه‌حشه‌كارى بكه‌ن دا د وێ رێ دا ل هه‌يبه‌تا پێشمه‌رگه‌يى بده‌ن و خه‌لكێ كوردستانێ تووشى شووك ببيت، به‌لێ خه‌يالا وان يا خاڤه، چونكو خه‌لكێ كوردستانێ و هێزا پێشمه‌رگه‌يى د مێژوويا خوه دا خوينه‌كا زۆر ل سه‌ر ئاخا پيرۆزا كوردستانێ رێتيه و ب چو سزايان ده‌ستان ژ مافێن خوه يێن ره‌وا به‌رناده‌ت”.
ئاخفتنكه‌رێ ب ناڤێ فراكسيۆنا پارتى دبێژيت: “ئه‌م د ده‌مه‌كى دا، ئيدانا ڤى كارێ تيرۆرستى دكه‌ين، هه‌ڤخه‌ميا خوه ژى بۆ خه‌لكێ كوردستانێ و كه‌سوكارێن شه‌هيدان و هێزێن پێشمه‌رگه‌يى و ته‌ڤاهيا مرۆڤدوستێن جيهانێ ده‌ردبڕين، به‌لێ د پشت راستين چاره‌نڤيسێ تيرۆرستان ژناڤچوونه و سه‌ركه‌فتنا ئێكجارى يا گه‌لێ كورد يا نێزيكه”.
په‌يمان ژى نووكرينه كو ل په‌رله‌مانێ كوردستانێ به‌ره‌ڤانێن ب هێز يێن مافێن كه‌سوكارێن شه‌هيدان بن و خوه ب خزمه‌تكارێن بچووكێن قوربانيدانێن پێشمه‌رگه‌يى دزانن.
ئه‌ڤرۆ نيوز:
فرۆكه‌كا ئيرباس 320 يا ئه‌لمانى دا ب 148 كه‌سى ب 142 كه‌س ڤه ل باشوورێ فره‌نسا ئه‌ڤرۆ 24\3\2015 كه‌فته خوار، سه‌رۆكێ فره‌نسا ژى دا زانين كو ئه‌و پێشبينى ناكه‌ن چو كه‌س تێدا رزگار ببن.
ده‌زگه‌هێن راگه‌هاندنا فره‌نسى به‌لاڤكرن كو ئه‌ڤ فرۆكه يا كۆمپانيا “Germanwings ” بوو، كه‌فتيه خوار ل ده‌مێ گه‌شتا خوه ژ به‌رشه‌لۆنا يا ئسپانى بۆ دوسلدۆرف يا ئه‌لمانى، پشتى ل سه‌ر شاشێن راداران نه‌مايى ل نێزيكى ده‌مژمێر 11:00 ب ده‌مێ ناڤخۆ.
دو هه‌ليكوپته‌رێن فره‌نسى شيان ڤێ فرۆكێ ل ئه‌لب پرڤينس يا بلند د ناڤبه‌را هه‌ردو باژێرێن لى بان و بارسيلۆنيتى ببينن.
د ڤى چارچۆڤه‌يى دا، سه‌رۆك فره‌نسا، فرانسۆا هۆلاند گۆت: “ئه‌و ره‌وشا فرۆكه تێدا هاتيه ديتن گه‌له‌ك نه‌يا باش بوو و باوه‌ر ناكه‌ين چو ژ سه‌رنشينێن وێ رزگار ببن.
نيشاندان