ئه‌ڤرۆ نیوز، زنار زوبێر:
یاریێن گه‌را سێزدێ یا خولا پله‌ ئێكا كوردستانێ یا ته‌پا پێ بریاره‌ سوبه‌ ل یاریگه‌هێن جودا یێن هه‌رێمێ بهێنه‌ كرن و گرنگترین یارى دا هه‌ردو نووینه‌رێن پارێزگه‌هێ تیمێن گاره‌ و سێمێل به‌ر ب كه‌ركووكێ چوینه‌ بۆ ئه‌نجامدانا یاریێن خوه‌ یێن ڤێ گه‌رێ.
د یاریا ئێكێ دا سه‌ركێشا خولێ ب 24 خالان تیما ته‌پا پێ یا گاره‌ به‌ر ب ئالتون كوپرى چویه‌ بۆ ئه‌نجامدانا یاریا خوه‌ یا ڤێ گه‌رێ سه‌ركه‌فتنا یانا گاره‌ د ڤێ یاریێ دا هه‌تا راده‌یه‌كێ مه‌زن دێ ده‌ربازبونا خوه‌ بۆ سالا بهێـت بۆ ناف رێزێن خولا نایاب ئێكلا كه‌ت و هه‌ر ئه‌نجامه‌كێ دێ ژ بلى سه‌ركه‌فتنێ دێ هیڤیێن ده‌ربازبونێ بۆ یانێن دووڤ دا بهێز ئێخیت.
ل دۆر ڤێ یاریێ راهێنه‌رێ تیما ته‌پا پێ گاره‌ خالد موسا بۆ ئه‌ڤرۆ نیوز گۆت: تیم د باشترین ده‌مێن خوه‌ دایه‌ و بارێ ده‌رونى یێ یاریكه‌ران گه‌له‌ك یێ ئارامه‌ لێ بۆ هه‌ر یاریه‌كێ كاودانێن خوه‌ یێن تایبه‌ت هه‌نه‌ له‌ورا بۆ یاریا سوبه‌ به‌رامبه‌ر ئالتون كوپرى د یاریگه‌ها وى دا گه‌له‌ك یا ب زه‌حمه‌ته‌ ژ به‌ركو ئالتون كوپرى ژ تیمێن هه‌ڤركه‌ ل ڤى وه‌رزى بۆ ده‌ربازبونێ بۆ پلا نایاب، دێ بزاڤێ كه‌ین د ڤێ یاریێ دا هه‌ر چ نه‌بیت خوساره‌ت نه‌بین ژ به‌ركو پێكاهتیێ تیمێ بۆ ڤێ یاریێ چو كێماسى تێدا نینن دیسان چاره‌سه‌ریا ئه‌وان خه‌له‌تیێن د یاریێن بورى دا رویدان دوباره‌ نه‌بن.
ژ لایێ خوه‌ ڤه‌ یانا سێمێل ئه‌وا نوكه‌ ل پلا حه‌فتێ دهێـت ب 18 خالان به‌ر ب كه‌ركوكێ ڤه‌ چویه‌ بۆ ئه‌نجامدانا یاریا خوه‌ هه‌مبه‌ر یانا خاك خودانا رێزا هه‌شتێ ب 16 خالان ئه‌گه‌ر یانا سێمێل بڤێت به‌رده‌وام بیت ل سه‌ر هه‌ڤركیا ده‌ربازبونێ پێدڤیه‌ د ڤێ یاریێ دا سه‌ركه‌فتنێ تومار بكه‌ت به‌روڤاژى دێ تیم بۆ پاشڤه‌ زڤریت.
ل دۆر ڤێ یاریێ قوسه‌ى زه‌كى یاریكه‌رێ یانا سێمێل بۆ ئه‌ڤرۆ نیوز گۆت: ئه‌ڤ یاریه‌ بۆ تیما مه‌ دێ یا بزه‌حمه‌ت بیت ژبه‌ركو نوكه‌ هه‌ڤركى ناڤبه‌را تیما ئێكێ هه‌تا یا هه‌شتێ ده‌لیڤا ده‌ربازبونێ بۆ خولا نایاب یا هه‌ى تایبه‌ت یانا خاك و یارى د ناڤ یاریگه‌ها وێ دا یا زه‌حمه‌ته‌ بشێن سه‌ركه‌فتنێ تومار بكه‌ین سه‌ره‌راى هه‌مى ئاسته‌نگان ئه‌وم دێ بزاڤێ كه‌ین ب سێ خالان ڤێ یاریێ د به‌رژه‌وه‌ندیا خوه‌ دا ب دووماهى بینن داكو زێده‌تر خوه‌ نێزیكى سه‌ركێشا خولێ بكه‌ین هیڤیێن ده‌ربازبونێ بهێز بێخین.

ئه‌ڤرۆ نیوز، زنار:
یاریكه‌رێ هه‌لبژارتیێ لاوێن عیراقێ یێ ته‌پا پێ و یانا كاره‌با مه‌هدى عه‌بدولزه‌هره‌ د په‌قینه‌كێ دا ئه‌ڤرۆ ل باژێرێ به‌غدا شه‌هید بوو.
یاریكه‌رێ ناڤبرى ئه‌ڤرۆ ده‌مێ ژ مالا خوه‌ به‌ر ب راهێنانێن یانا خوه‌ یا ته‌پا پێ كاره‌با د چوو ل ده‌ڤه‌را حه‌بیبیه‌ ل باژێرێ به‌غدا ژ ئه‌گه‌رێ په‌قینه‌كا تیرورستى یاریكه‌ر مه‌هدى عه‌بدولزه‌هره‌ ژى ئێك ژ وان كه‌سان بوو هاتیه‌ شه‌هید كرن، ژ لایێ خوه‌ ڤه‌ یانا كاره‌با ئه‌ڤرۆ ب رێكا مالپه‌رێ خوه‌ ل تورا كومه‌لایه‌تى یا فێس بوك ئه‌ڤ په‌یامه‌ پشت راستكر.
مه‌هدى عه‌بدولزه‌هره‌ یاریكه‌رێ تیما ته‌پا پێ یا كاره‌با بوو به‌رى نوكه‌ یارى بۆ هه‌ردو هه‌لبژارتیێن پێگه‌هشتى و لاوێن عیراقێ ژى كریه‌.

ئه‌ڤرۆ نیوز:

لۆكا مۆدریچ، یاریكه‌رێ یانا ریال مه‌درید یا ئسپانى د وێ باوه‌رێ دایه‌ كو ئه‌نجامێ یاریا كلاسیكو نه‌یا دادپه‌روه‌ر بوو و ئه‌و ژ هه‌ژى وه‌كهه‌ڤیێ بوون.

مۆدریچ پشتى یاریێ گۆت: ئه‌م ب كێمانى پێدڤى ب وه‌كهه‌ڤیێ بوون ژبه‌ر كو مه‌ ئاسته‌كێ باش نیشادا، به‌لێ گولا دوێ یا به‌رشه‌ ئه‌م كوشتین.
لۆكا مۆدریچ، دیاركر هێشتا گه‌له‌ك یارى یێن ماین، ئه‌م ل هه‌مى یاریا بۆ سه‌ركه‌فتنێ یاریێ دكه‌ین، ئه‌گه‌ر به‌رشه‌ هه‌موو یاریێن مایى برن دێ پیروزباهیێ لێكه‌ین.