ئه‌ڤرۆ نیوز، بارزان مزوورى
ئه‌ڤرۆ چه‌ند گه‌نجێن باژێرێ دهۆكێ ئه‌وێن ل گه‌ل كومپانیا ئه‌یهه‌م چووینه عومرێ، ب سه‌رپه‌رشتیا مه‌لا ئێحسان رێكانى، سه‌رۆكێ لقێ دهۆك یێ ئێكه‌تیا زانایێن كوردستانێ ئاگرێ نه‌وروزێ ل چیایێ ئوحود ل سعودیێ هلكر و ژ یه‌زدانێ مه‌زن خواستن پێشمه‌رگه سه‌ركه‌فیت و دووماهى ب تیرورستان بهێت.
ئه‌ڤرۆ نیوز:
ب به‌رهه‌ڤبوونا پارێزگه‌رێ دهۆك و جه‌ماوه‌ره‌كێ زور ژ پێكهاتێن جودا جودا یێن دهۆكێ، ل جهێ ئه‌منا كه‌ڤن ل دهۆكێ ئاگرێ نه‌وروزێ هاته هلكرن.
ئه‌ڤ ساله چ ئاهه‌نگ نه‌هاتنه گێران ل دهۆكێ، ب تنێ ئاگرێ نه‌وروزێ هاته هلكرن و دیسان وێنێن پێشمه‌رگێن قاره‌مان د پێشانگه‌هه‌كێ دا هاته نیشادان، ژبه‌ر كو پێشمه‌رگه نوكه یێ د چه‌په‌رێن به‌ره‌ڤانیێ دا و هلكرنا ئاگرێ نه‌وروزێ ژى ئاماژه‌ك بوویه ب وێ چه‌ندێ كو كوردان هه‌رده‌م زورلم و زوردارى ل سه‌ر خوه قه‌بوول نه‌كریه و ناكه‌ت.
فوتو: ئاشتى باجلورى
ئەڤرۆ نیوز، زنار زوبێر:
د چارچوڤێ یاریێن گەرا شازێ یا خولا ھەرێما کوردستانێ یا تەپا پێ بۆ یانێن نایاب تیما تەپا پێ یا پێشمەرگە یا ھەولێرێ شیا خوسارەتیا ئێکێ ب گەھینتە یانا زێرەڤانی ل ڤی وەرزی پشتی سەرکەفتنەکا گرنگ لسەر تومار بکەت ب گۆلەکێ بێ بەرامبەر د وێ یاریێ دا ئەوا ل یاریگەھا زێرەڤانی ھاتیە کرن د کەش و ھەوایەکێ سار باران دا.
د نیڤا ئێکێ دا سەرەرای کەش ھەوایەکێ سار و باران دا ھەردو یانە باش ھاتنە یاری کر تایبەت یاریکەرێن یانا پێشمەرگە ھەولێر ئەوێن شیاییندو ھێرشێن مەترسیدار ل سەر گۆلا زێرەڤانی پەیدا بکەن ھەتا دەقیقەیا ١٩ ژ یاریێ دەمێ یاریکەرێ خودان شیان یێ یانا پێشمەرگە یا ھەولێر شوان مامو شیا ب جوانترین شێوە گولا ئێکانە یا یاریێ تومار بکەت دەمێ ژ دەرڤەی دەڤەرا پەنەلتیێ شوتەکا بھێز داوەشینتە گۆلا زێرەڤانی، پشتی ڤێ گۆلێ یاریکەرێن پێشمەرگە یا ھەولێر شیا بەردەوامیێ بدەتە ئاستێ خوە یێ باش و چەندین دەلیڤێن گۆلێن مسوگەر ل سەر گۆلا زێرەڤانی پەیدا بکەت لێ ھەمی ھێرشێن وان بێ مفا بوون ھەتا نیڤا ئێکێ ب دووماھی ھاتی ب گۆلەکێ بێ بەرامبەر د بەرژەوەندیا یانا پێشمەرگە دا.
د نیڤا دویێ دا یاریکەرێن زێرەڤانی شێوازێ یاریا خوە گوھارت و شیان رێکخستی تر بھێنە د یاریێ دا پێخەمەت وەکھەڤ کرنا ئەنجامێ یاریێ ئەڤ چەندە بجە ھات دەمێ یاریکەرێن زێرەڤانی برێکا نێچیرڤان شوکری شیاین گۆلا وەکھەڤیێ توماربکەن لێ دادڤانێ یاریێ ئەڤ گولە نە ھژمارت ژ ئەگەرێ ئوفسایدێ بەرامبەر یاریکەرێن پێشمەرگە یا ھەولێر تنێ بەرەڤانی ژ گۆلا خوە دکر و پشتبەستن ل سەر ھێرشێن ھەڤدژ دکر بۆ پاراستنا ئەنجامێ یاریێ د ڤێ نیڤێ دا ھەردو راھێنەران چەندین گوھورین کرن بۆ باشترکرنا ئەنجامێ یاریێ تایبەت راھێنەرێ زێرەانی لێ ھەمی بزاڤێن وان سەرنەگرتن بۆ ڤێ چەندێ و چەندین دەلیڤەیێن گۆلکرنێ یێن مسوگەر یاریکەرێن زێرەڤانی ژدەستدان ھەتا دووماھیا یاریێ دادڤان سەباح حەمە ریزا فریکا ب دووماھیا یاریێ ب سەرکەفتنا پێشمەرگە یا ھەولێرێ ب گۆلەکێ بێ بەرامبەر ل سەر یانا زێرەڤانی.
ژ یاریێن دی یێن ڤێ گەرێ شێروانە شیا سەرکەفتنێ لسەر پێشمەرگە یا سلێمانیێ تومار بکەت ب گۆلەکێ بێ بەرامبەر و ھەولێر ژی سەرکەفتنەکا مەزن ل سەر برایەتی تومار کر ب پێنج گۆلان بێ بەرامبەر سلێمانی شیا ب سەرکەڤیت ل سەر ھندرین ب سێ گۆلان بەرامبەر گۆلەکێ و نەروز ژی سەرکەفتن لسەر کەرکووک تومار کربوو ب دو گۆلێن پاقژ و دێربیا پارێزگەھێ ژی بێ گۆل ناڤبەرا زاخۆ و دھۆک دا ب دووماھی ھاتبوو.
پشتی ب دووماھی ھاتنا یاریێن گەرا شازدێ ھەولویستێ خولا کوردستانێ ب ڤی رەنگی یە.
1- دھۆک 31 خال
2- نەوروز 30 خال
3 زێرەڤانی 29 خال
4- پێشمەرگە یا ھەولێر 23 خال
5- زاخۆ 23 خال.
ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ چه‌ندين رێنما ب هه‌لكه‌فتا هاتنا نه‌ورۆزێ به‌لاڤكرن ب مه‌ره‌ما سلامه‌تيا وه‌لاتيان كو ئه‌ڤێن ل خوارێ نه:
١- نابیت ھاتنوچوون بو سەیرانی و تایبەت ل جادیین بەرتەنگ ب ترۆمبیلیت بارھەلگر بھێتەکرن وەک :ترێل – مه‌قتورە- سەرێن ترێلا- قله‌ابە –لوری – .. ھتد و گومان تێدا نینە جاده‌یێن سەیران و گەشتوگوزاریێن پارێزگەھا دھۆکی و دەوروبەران زۆر د بەرتەنگن و ھەموو ئێک سایدن.
٢- قەدەغەیە زاروک ل بودیا ئوتومبیلا پیکەمدا بھیتە دانان و ئەڤ دیاردە زورا بەربەلاڤە دناڤا شوفیراندا لدەمی چوونا سەیرانی
٣- پێدڤيه شوفێر پێگیريێ ب بێیارێن لەزاتیا جادێ بکەن و ل دووڤ تابلويێ بۆ ھاتیە بەستن و سنورێن لەزا قانوونى نەبەزینن.
٤-وەلاتیێن خوشتڤی ئاگەھداری زارۆکی بە و زارۆکێ ژیێ وی ژ ٧سالی کێمتر ل سینگێ ترۆمبێلێ دانە دانن، چونکو ب روودانەکا سڤک زیانەکا مەزن دێ ب زارۆی کەڤیت.
٥- -پێدڤییە سەیرانی ترۆمبێلێن خوە ل سەر تەنیشتێن جادێ و ل سەر یێن فلکان و جھێن بەرتەنگ نەراوەستینن دا کو رێ و ھاتنوچوون نەھێتە گرتن و بۆ زانیین زۆر جاران ژ بەر زۆربوونا ترۆمبێلان ئەم پێدڤی تەنیشتێن جادێ دبن بۆ ھاتنوچوونێ.
٦-دیاردەکا داخباریێ د ناڤا سەیرانیان دا یا بەربەلاڤە ئەو ژی ل دەمێ سەرێ زارۆيى دئیننە دەرێ برێيا جاما ترۆمبێلێ یان برێيا سلایتی (بانێ ترۆمبێلێ) و پێدڤيه بھێتە قەدەغەکرن.
٧- پێدڤيه ل سەر ھەموو شوفێران پێگريێ ب ئاموژگاری و ئیشارەتێن پولیسێ ھاتنوچوونێ بکەن و ل دووڤ حەزا جادێ ل دەمێ ھندەک جادا دگرن و بەری شوفێران وەردگیرن و ئەف چەندە ژى بۆ کونترولکرنا کەتوارێ زۆربوونا ترۆمبێلان.
٨- نابیت چەژنا نەورۆزی و ھەموو چەژنێن بھارێ ب دەلیڤە بھێنە ديتن و ھاژوتنا ترۆمبێلێ بھێتە کرن بێ دەستووردان و ھەر کەسەکی سەرپێچیێ بکەت دێ ھێتە رەوانەکرن بۆ دادوەرێ نوبەدار و دێ ھێتە زیندانکرن.
٩- زۆر گرنگە ل رۆژین جەژنێ و خۆشيێ و شادیێ شوفێری ب رەوشتی و ب قانوونێ بھێتە کرن و نابیت ھاژوتنا ترۆمبێلێ ب خەمساری بھێتەکرن وەک :بەتەناش ڤەدان –زگزاک کرن ل ناڤ بەینا ترۆممبیلان دا –سەردا شکاندن –ھاڤیتنا بەرمایكێن خوارنێ برێيا جامێ –ھێلان و ژێبورینا خەلەت یان برێيا دەستی راستێ- ……ھتد
١٠- پێدڤيه ل سەر ھەموو شوفێر و سەرنشین و گەشتیاران پێگیریێ ب گرێدانا قاویشا سلامەتیێ بکەن ل ناڤ ترۆمبێلێ دا ل دەمێ ھاژوتنێ ل رێيێین ناڤ باژیری و ل ریێيێن ژ دەرڤەيی باژیری.
١١- نابيتن گەلەک كه‌س سواری ترۆمپێلێ ببن و قەدەغەیە سوار بوونا زێده‌تريا وه‌لاتيان ژ ژمارا دەست نیشانکری چونگی روودانەکا سفک زیانەکا مەزن پەیدا دکەت.
١٢- پێدڤیە بابەتێ سەبر و ھەداری و بھێن فرھەیێ د ناڤا شوفێران دا بەربەلاڤ بیت و تایبەت ل دەمێ زۆربوونا ترۆمبێلان کارتێکرنێن نەرێنی ل سەر شەقامان دکەت و ھەر شوفێرەک ل دوو سایدی خوە بچیت و ترۆمبێل ھەموو ببنە ئیک رێزی و ئێک ل دووڤ ئێکێ دا بچیت قەدەغەیە جادێ بکەنه دوو رێزی.
١٣- ل دووڤ رێنمایێن گشتی قەدەغەیە ئەف کارە بھێنە ئەنجامدان ژ لایێ وه‌لاتیان ڤە: “ھاڤێتنا بەرمایێن خوارنێ و پیسکرنا ژینگەھێ – برينا دار و باران –ئارمانجانی ب تڤه‌نگا- نێجیرا گیانەوەران- ئاگر ھەلکرن ل نیزیکی ترۆمبێلا…. ھتد.
١٤- ریڤەبەریا ھاتنوچوونا پاریزگەھا دھۆکی ھەماھینگێ د گەل ھەموو دەزگەھێن ئێمناھيێ و دەزگەھێن خزمەتگوزاری یێت ھەین وەک: باژێرڤانى- ساخلەمی – ئاسایش – ھەوالگیری – ھاوارھاتن …..ھتد
١٥-داداوەرێ نوبەدار ھاتیە دانان و ھەر لیڤینەکا نەيا قانوونى ھەبیت و یان بوویەرەکا دلتەزین ھەل بده‌ت ب زووترین دەم پەیوەندیێ ب جھێن شولەژێ بکەت دا کو بھێتە چارەسەرکرن.
١٦- نابیت ماتورسکل ھاتنوچوونێ ل جھێن سەیرانا بکەن ل ھەر سێ رۆژێن جەژنا نەورۆزێ دا.
١٧- بو ھەر روودانەکا ترافیکێ داخوازێ ژ وەلاتیان دکەین ب زووترین دەم ژمارە ١٨٨ ھیێا ھاوار ھاتنا ترافیکی لێ بدەن د ٢٤ دەمژمێران دا د خزمەتا هه‌وە دایە.
ئه‌ڤرۆ نيوز:
د دوو نامەیێن جوودا جوودا دە، ھەر یەک ژ رێزداران در حەیدەر عەبادی سەرۆکێ ئەنجوومەنا وەزیرێن عيراقێ و نووری مالکی جێگرێ سەرۆک کۆمارێ عيراقێ، ب ھەلکەفتا ھاتنا جەژنا نەورۆزێ، پیرۆزباھیێ ل به‌رێز مەسعوود بارزانی سەرۆکێ ھەرێما کوردستانێ و گەلێ کوردستانێ کرن.
سەرۆکێ ئەنجوومەنا وەزیرێن عيراقا فەدەرال ل نامەیا خوەیا ژ بۆ سەرۆک بارزانی، نڤیسیە: “ب ھەلکەفتا ھاتنا جەژنا نەورۆزا پیرۆز ڤە گەرمترین پیرۆزباھیێ پێشکێشی هه‌وە و گەلێ کوردێ رێزدار دکه‌ين. ژ خودایێ مەزن داخواز دکه‌ين ئەڤ جەژن، ب ئارامی و خوەشی و گەشبوونا عيراق و گەلێ مە بێ پیرۆزکرن”.
ھەروسا نووری ئەل مالکی جێگرێ سەرۆک کۆمارێ غيراقا فەدەرال ل نامەیا خوە دا ژ بۆ به‌رێز سەرۆکێ ھەرێما کوردستانێ نڤیسیە: “ب ھەلکەفتا جەژنا نەورۆزا پیرۆز خوشترین و گەرمترین پیرۆزباھیێ پێشکێشی هه‌وە و ھەموو زارۆ و گەدەیێن گەلێ مەیێ کورد ل کوردستانێ دکه‌ين. ژ خودایێ مەزن داخواز دکه‌ين ب خوشی و شادیێ دەرباس ببيت و عيراق و گەلێ مە ژی ژ ھەموو نەخوشیەک بپارێزێت”.
ھەر ل نامەیا خوە دا، جیگرێ سەرۆک کۆمارێ عيراقا فەدەرال، بالکشاندیە ل سەر وێ یەکێ کو گەلێ کورد ل سایەیا عيراقەکا فەدەرالی ئێکگرتی دا کو زارۆيێن وێ ل ماف و ئەرکێن خوە دا وەکھەڤن و ل سیبەرا ئازادی و دەستوورەک دا کو ماف ئازادیان د پارێزيت و دووری ل دیکتاتۆریەت، ڤێ سال ڤەگەرا خوش پیرۆز دکەت.
بالکشاندیە ل سەر وێ یەکێ ژی کو ھەموو گەلێ عيراقێ بەرپرسیارن ل بنیادنانا عيراقەکا ئێکگرتی کو تێدا ھەموو زارۆيێن وێ بەختەوەربن.
ئه‌ڤرۆ نيوز، نيوار محه‌مه‌د سه‌ليم:
به‌رى ده‌مه‌كێ كێم و ژ ياريێن ماين يێن خولا نايابا كوردستانێ، ژ ئه‌نجامێ حه‌فتيا 16ێ، تيما ته‌پا پێ يا يانا زێره‌ڤانى ل سه‌ر ياريگه‌ها خوه تووشى خوساره‌تيا ئێكێ بوو.
زنار زۆبێر، سه‌رپه‌رشتيارێ راگه‌هاندنێ يێ ياريا زێره‌ڤانى و پێشمه‌رگه‌يى هه‌ولێر بۆ ئه‌ڤرۆ نيوز گۆت: “تيما ته‌پا پێ يا يانا زێره‌ڤانى تووشى خوساره‌تيێ بوو ب گۆلا ئێكانه يا ياريكه‌رێ وێ يێ وه‌رزێ بۆرى شوان مامۆيى ل ده‌قيقا 19 ژ ياريێ”.
دوهى ژى هه‌ردو يانێن پارێزگه‌ها دهۆكێ، يانا دهۆك سه‌ركێشا خولێ و يانا زاخۆ بێ گۆل ل ياريگه‌ها يانا زاخۆ وه‌كهه‌ڤ بوون.
ئەڤرۆ نیۆز، قائید میرۆ:
ئەفسەرەکێ ھێزێن پێشمەرگەی ئاماژە ب زیانێن داعش ل ھێرشا شەڤا بۆری یا میحوەرێ باشیک دکەت و را دگەھینیت، کو چار داعش ژ لایێ پێشمەرگەيی ڤه هاتينه كوشتن و چەندین چەکدارێن دی ژ لایێ ھەڤپەیمانان ڤه ھاتینە کوشتن.
رائید رەقیب شوکری، ئەفسەرێ پێشمەرگەيی ل میحوەرێ باشیک بۆ ئەڤرۆ نیۆز راگەھاند: کو پشتی شەڤا بۆری تیرۆرستێن داعش ھێرشەکا بەرفرەە کریە سەر ھێزێن پێشمەرگەيی ل میحوەری باشیک، ھێزێن پێشمەرگەيی گورزەکا کوژەک ل داعش دایە و زیانێن زۆر گەھاندینە تیرۆرستان.
رەقیب شوکری گۆتژی: “د ئەنجامێ شکەستنا شڤێدی يا تیرۆرستێن داعش دا، پێشمەرگە شیاینە چار چەکدارێن داعش بکوژن و نەھێن دی ژی بریندار بکەن، ئەڤە ژبلی کو فڕۆکەیێن ھەڤپەیمانان ژی د دەمێ پاشڤەچوونێ دا بوردۆمانا داعش کریە و ھژمارەکا دی ژی ژێ کوشتینە.
ئه‌ڤرۆ نیۆز، قائید میرۆ
ژێدره‌كێ بۆ ئه‌ڤرۆ ئاشكراكر، كو د هێرشا شه‌ڤا بۆریا تیرۆرستێن داعش بۆسه‌ر هێزێن پێشمه‌رگه‌ی ل میحوه‌رێ باشیك ئه‌فسه‌ره‌كێ پێشمه‌رگه‌ی كو ئێكانه‌بوو شه‌هیدبوویه.
ته‌ها ناوه‌نده‌یی، كارگێڕێ لقا 26 یا پارتی دیموكراتی كوردستان ب ئه‌ڤرۆ نیۆز راگه‌هاند: شه‌ڤا بۆری دده‌مێ پێكدادانا هێزێن پێشمه‌رگه و تیرۆرستێن داعش ل میحوه‌رێ باشیك، ئه‌فسه‌ره‌كێ پێشمه‌رگه‌ی ب پله‌یا نه‌قیب شه‌هیدبوویه.
ناوه‌نده‌یی گۆتژی” شه‌هید نه‌قیب فه‌رحان سورچی ، خوه‌دیێ شه‌ش زارۆیانه و ئێكانه‌یه، لسالا 1999ێ په‌یوه‌ندی ب رێزێن پێشمه‌رگه‌یڤه كریه و شه‌ڤا بۆری دده‌مێ به‌رسڤا هێرشا داعش شه‌هیدبوویه.
نيشاندان