ئەڤرۆ:
سترانبێژا دەنگ خوەش(نیان جەمال) د تورا جڤاکی یا فەیسبووکی دا، چەندین وێنێن خوەیێن نوو کو بۆ جارا ئێکێ دھێنە دیتن ل گەل چەندین گۆتنان بەلاڤەدکەت.
سترانبێژ (نیان جەمال) ل گەل وێنێن خوە ئاماژە ب ھندێ کریە کو گەلەک حەز ژکنارێ دەریایی دکەت، ب ئارامی ھاتن و چوونێ ل بەر لێڤێن ئاڤێ دکەت، جھێ ئاماژەکرنێ یە کو سترانبێژا ناڤبری ئاشکراکریە کو ب ژڤانە بەرھەمەکێ نوویێ ھونەری بەلاڤ بکەت.
ئه‌ڤرۆ نيوز:
د درێژاهيا كار و بزاڤێن پرۆژێ چاڤدێريا خۆشتڤيێن ده‌زگايێ خێرخوازى يێ بارزانىدا ب هاريكاريا پرۆژێ كوردستانێ كو يێ تايبه‌ته ب هاريكاريێن مادى ژ لايێ ده‌وله‌مه‌ند و خێزمه‌ند و سه‌رمايه‌داران ڤه ل هه‌رێما كوردستانێ بۆ زارۆيێن بێ باب، ده‌ست ب به‌لاڤكرنا مووچه‌يى كريه، بۆ ڤێ چه‌ندێ ژى د ويستگه‌هێ ئێكێ دا، ل باژێرێ دهۆكێ ده‌ست ب به‌لاڤكرنا مووچێ چار هه‌يڤان ب سه‌ر خۆشتڤيێن وى باژێرى دا كر كو 853 زارۆنه و پاشان ژى دێ ب سه‌ر زارۆيێن هه‌موو پارێزگه‌هێن دى يێن هه‌رێما كوردستانێ هێته به‌لاڤكرن كو چار هزار و 946 كه‌سن.
ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو پشتى ب دووماهى هاتنا بهێنڤه‌دانا جه‌ژنا نه‌ورۆزێ، شاندێ حوكمه‌تا هه‌رێما كوردستانێ دێ سه‌ره‌دانا به‌غدا كه‌ت و ل گه‌ل به‌رپرسێ حوكمه‌تا عيراقێ كۆم بيت.
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ گۆت: “بڕياره پشتى بهێنڤه‌دانا جه‌ژنا نه‌ورۆزێ شانده‌كێ حوكمه‌تا هه‌رێما كوردستانێ سه‌ره‌دانا به‌غدا بكه‌ت و ل گه‌ل به‌رپرسێن حوكمه‌تا عيراقێ ل سه‌ر كێشێن د ناڤبه‌را هه‌ولێر و به‌غدا و كێشێن به‌رامبه‌ر رێكه‌فتنێ كۆمببن، به‌لێ هه‌تا نوكه ديار نينه كا ئه‌و شاند دێ ب سه‌رۆكاتيا نێچيرڤان بارزانى بيت يان نه.
گۆتژى: “حوكمه‌تا هه‌رێمێ ب ته‌مامى يا پابه‌نده ب رێكه‌فتنا ل گه‌ل به‌غدا ئيمزا كرى، ئه‌ركێ خوه ژى ب ته‌مامى بجهـ ئينايه، رۆژانه زێده‌ترى 250 هزار به‌رميلێن په‌ترۆلێ دده‌ته به‌غدا، هه‌ر ژ به‌ر وێ چه‌ندێ چوونا وى شاندى بۆ به‌غدا بۆ هندێ يه بزانن بۆچى حوكمه‌تا عيراقێ بودجه و مووچێ هه‌رێما كوردستانێ ره‌وانه ناكه‌ت”.
ژێده‌ر: مالپه‌رێ فه‌رمى يێ پارتى ديموكراتى كوردستان KDP.info
ئه‌ڤرۆ نيوز:
ئيرانێ سزايێ سپێداره‌دانێ دانا سه‌ر چار كوردێن رۆژهه‌لاتێ كوردستانێ ئه‌وێن ل زيندانێن وێ و بڕياره سزا ل ڤان رۆژان ل سه‌ر بهێته سه‌پاندن.
ئەڤرۆ نیوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی دێ هنده‌ك ئه‌ور ل ئه‌سمان دێ بيته ئه‌ور و پاشان دێ باران ل ده‌ڤه‌رێن جودا باريت ل گه‌ل هه‌بوونا بريسيان و ل هنده‌ك ده‌ڤه‌ران ژى دێ بارانه‌كا دژوار باريت.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن وه‌لاتێ توركيا كو هه‌وايه‌كێ سار ل گه‌ل دايه بۆ ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.20 ئه‌سمان دێ بيته ئه‌ور و پاشان دێ باران ل ده‌ڤه‌رێن جودا باريت ل گه‌ل هه‌بوونا بريسيان و ل هنده‌ك ده‌ڤه‌ران ژى دێ بارانه‌كا دژوار باريت..
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ ھێتە خوار وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 13 بۆ 5 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ یێ ل سەرخوە بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ئەڤرۆ:
بریارە ئەڤرۆ یاریێن گەرا چونێ ژ قوناغا شازدێ یا یوروپا لیگ ھەشت یاری بھێنە کرن کو گرنگترین یاری دا ئەنترمیلان یا ئیتالی ل گەل ڤولڤسبورگ یا ئەلمانی کەت و ئەرکێ ئەشبیلیا بەرامبەر وەلاتیا وێ ڤیاریال دێ یێ ب ساناھی بیت.
ل یاریگەھا جوسێبی میاتزا ل میلان یانا ئەنترمیلان دێ بزاڤێ کەت تومارا خوە یا قارەمانیا ئوروپی ل ناڤ جەماوەرێ خوە دا قەرەبویا خوسارەتیا خوە ھەمبەر ڤۆلڤسبورگ یا ئەلمانی ب سێ گۆلان بەرامبەر گۆلەکێ بکەت، یانا ئیتالی دێ ھەمی شیانێن خوە تەرخانکەت بۆ ڤێ یاریێ سەرکەفتنێ ب جوداھیا دو گۆلان تومار بکەت ئەڤ سالە دەست ڤالا ب دووماھی نە ئینت ژ بەرکو بەری نوکە ژ قارەمانیا کاسا ئیتالیا دەرکەفتیە و ژ ھەڤرکیا ناسناڤێ خولێ ژی دورکەفتیە کو نوکە ل رێزا حەفتێ یە ئامارا یانا ئیتالی ل ڤی وەرزی د قارەمانیا یوروپا لیگ دا ھەتا نوکە د یازدە یاریان دا تووشی خوسارەتیێ نەبویە د یاریگەھا خوە دا، لێ ئەڤ چەندە یا ب ساناھی نابیت بۆ ئەنترمیلان ژبەرکو یانا ڤولڤسبورگ ب سەرپەرتشتیا راھێنەرێ خوە دیتر ھیکینگ نوکە د باشترین دەمێن خوە دا یە د قارەمانیا یوروپا لیگ و خولا ئەلمانیا دا باشترین ئەنجام دەستڤە ئیناینە تایبەت ژ دەرڤەی یاریگەھا خوە و د خولا ئەلمانیا دا شەش یاریێن بوری دا تووشی خوسارەتیێ نەبویە دیسان سێ یاریێن بوری ژ قارەمانیا یوروپا لیگ و کاسا ئەلمانیا ژی یانا ڤولڤسبورک گەھشتیە یاریا پێش دووماھیێ کو بریارە ل گەل یانا فرایبورگ بکەت ھەیڤا بھێت.
ل یاریگەھا رامون سانشیز بیسخوان یانا ئەشبیلیا بەربژێرەکا بھێزە دەربازبیتە یاریێن قوناغا ھەشتێ ژ بەرکو یاریا بوری دا شیابوو سەرکەفتنەکا ب ساناھی ب سێ گۆلان بەرامبەر گۆلەکێ ل سەر یانا ڤیاریال تومار بکەت و ھەمی شیانێن یانا ئەندەلوسی ئەون بۆ جارا چارێ بشێت ناسناڤێ قارەمانیا یوروپا لیگ دەستخوە ڤە بینت کو ووماھی جار ل سالا ٢٠١٠ ئەڤ ناسناڤە دەستخوە ڤە ئینابوو.
دیسان ل سەر یاریگەھا ئەرینا خیمکی ل موسکو یانا ناپولی یا ئیتالی پشتبەستن ب سەرکەفتنا خوە ب سێ گۆلان بەرامبەر گۆلەکێ یا ب ھیڤی یە خوە ژ یاریا بەرامبەر دینامو موسکو قورتال بکەت دەرباز بیتە قوناغا دیفدا.
د یاریا دێربیا ئیتالیا دا ناڤبەرا یانا فیورونتینا و روما دا ل یاریگەھا یا دویێ دا یانا روما چەنسەکێ باشتر ھەیە دەربازی قوناغا ھەشتێ بیت پشتی یاریا گەرا چونێ دا ل یاریگەھا ئەرتیمیو فرانکی ھەردو تیم ب گۆلەکێ وەکھەڤ دەرکەفتین، پێشبینی دھێتە کرن دەلیڤەیەکا باش ھەمبەر یانا پایتەختێ ئیتالیایە تولا خوە ژ یانا فیورونتیا ڤەکەت ژبەرکو یانا فیرونتینا شیابوو یانا روما ژ کاسا ئیتالیا دەربێخیت پشتی ب دو گۆلان بێ بەرامبەر تومارکری سەرەای کو یانا روما د دووماھی یاری دا تووشی خوسارەتیێ ببوو ل سەر دەستێ یانا سامبدروریا.
ژ یاریێن دی یێن ڤێ گەرێ یانا بشکتاش دێ ل گەل کلوب بروج یا بەلچیکی کەت و دینامو کیێڤ یا ئوکرانی ل گەل ئیڤرتونا ئنگلیزی و ئەیاکس ئەمستردام یا ھولەندی ل گەل دنیبروڤسکی یا ئوکرانی و تورینو یا ئیتالی ل گەل زێنت سان پترسبورگ یا روسی کەت.
ئەڤرۆ:
چاڤەرێ دھێتە کرن ئەڤرۆ یاریێن گەرا شازدێ ژ خولا ھەرێما کوردستانێ یا تەپا پێ بۆ یانێن نایاب ل یاریگەھێن جودا یێن ھەرێما کوردستانێ بھێتە کرن کو گرنگترین یاری دێ دێربیا پارێزگەھێ بیت ناڤبەرا یانا زاخۆ و دھۆک دا ل یاریگەھا دەلال ل زاخۆ، یانا پێشمەرگا ھەولێرێ ژی دێ بیتە مێڤانەکا گران بۆ یانا زێرەڤانی خودانا رێزا دویێ.
ل دۆر ڤێ یاریێ کاوە دینو گولچیێ یانا دھوکێ بۆ رۆژناما ئەڤرۆ دبێژیت: د یاریێن دێربی دا ھەمی تشت تیتە پێش ومە وەکو یانا دھوک بەرھەڤیەکا باش کریە بۆ ھندێ سێ خالێن یاریێ بۆ تیما خوە مسوگەر بکەین وخوە ژ ھەڤرکێ خوە دیربکەن لێ یانا زاخۆ دناف جەماوەرێ خوە دا نە یا بساناھی یە لێ دێ ھەمی بزاڤ ئێنە کرن ئەم سێ خالێن یاریێ بدەست بینن ژ بەرکو چو کێماسی د ناف پێکھاتیێ تیمێ دا نینن.
ژلایەکێ دووڤە ل دۆر بەرھەڤێن یانا زاخۆ حەسەن حاجی یاریکەری یانێ دبێژیت:ئەم ھەردو تیم ھەڤرکن وسەرکەفتن بۆ مە ھەردوکا گرنکە بەلێ ڤێ یاریێ تایبەتمەندیا خوە یا ھەی کو یاریا دێربیە دێ جەماوەرەکی باش ئامادە بیت و ژبلی سەرکەفتنێ زاخۆ ب چو تشتی رازی نابیت سەرەرای نە پشکداریا یونس شەکور ومسرو ردوان ژ ئەگەرێ ھەبونا وکارتا و ھنگافتنێ و مە دڤێ قوناغێ دا خالێن ژدەست داین دڤێت بۆ ڤێ یاریێ ئەم قەرەبویا یاریێن بوری بکەن.
د یاریەکا دی یا ھەمان گەر دا یانا زێرەڤانی خودانا رێزا دویێ ل یاریگەھا خوە دێ یاریەکا ب زەحمەت ھەمبەر یانا پێشمەرگا ھەولێرێ کەت، ل دۆر بەرھەڤێن یانا زێرەڤانێ راھێنەرێ تیمێ سلێمان رەمەزان دیارکر یانا پێشمەرگە ئەڤە دوماھیک دەلیڤە بوێ ئەگەر بڤێت ھەڤرکیێ ل سەر خۆلا کۆردستانێ بکەت چنکو دێ ژ ھەڤرکیێ دیرکەڤیت دەلیڤا قەرەبویا ئەنجامان نابیت د ڤێ قوناغێ دا بۆ ڤێ یاریێ ژی ھەمی یاریکەرێن تیمێ دێ پشکداریێ د یاریێ دا کەن.
ژ یاریێن دی یێن ھەمان گەر پێشمەرگا سلێمانیێ دێ ل گەل شێروانە کەت و برایەتی ل گەل ھەولێر نەوروز ل گەل کەرکووک دیسان سلێمانی ل گەل ھندرین.
ئەڤرۆ
ئەندامەکێ پەرلەمانێ کوردستانێ راگەھاند، ھەتا نوکە پارێزگەھا دھۆکێ ژ قانوونا دەرئینانا ناوچەیێن زیان پێ دگەھن ژ ئەنجامێ دەرئینانا پەترۆلێ مفادار نەبوویە و دھۆکێ چو ژ پارێ پەترۆدۆلاری وەرنەگرتیە، سەرۆکێ لژنا دارایی ل جڤاتا پارێزگەھا دھۆکێ ژی دبێژیت ، نە پارەیێ پەترۆدۆلار و نە ژی گەشەپێدانا ھەرێمان بۆ پارێزگەھا دھۆکێ نەھاتیە تەرخانکرن.
عەلی ھالۆ ئەندامێ لیژنا سامانێن سروشتی ل پەرلەمانێ کوردستانێ بۆ ئەڤرۆ دیارکر ھەتا نوکە چو پارەیێ پەترۆدۆلاری بۆ ھەر سێ پارێزگەھێن ھەرێمێ نەھاتیە دان و پارێزگەھا دھۆکێ ژی پارێ پەترۆدۆلاری وەرنەگرتی یە و گۆت” قانوون یا ل پەرلەمانی کو ژ داھاتێ پەترۆلێ پشتەڤانیا وان دەڤەرێن بھێتە کرن ئەوێن زیان ب دەرئینانا پەترۆلێ پێ گەھشتی کو دێ رێژەیەک بۆ پارێزگەھێ ھێتە دابینکرن”.
خەلیل مەحموود قایمقامێ قەزا زاخۆ بۆ ئەڤرۆ دیارکر وەک قانوونا جھێن زیان ڤێکەفتی، کومپانیا دەرئینانا پەترۆلێ قەرەبوویا خەلکێ گوندێ تاوکێ نەکربوو، لێ ب بریارا سەرۆکێ حوکمەتا ھەرێما کوردستانێ ھەموو ئاقارێ گوندی ئەوێ ب بەر کێلگەھێ کەفتین یێن ھاتینە قەرەبووکرن و کریا سالانە وەردگرن، خەلکێ دەڤەرێ و ئامیرێن وان ل ڤێ کێلگەھێ کار دکەن.
خویاکر ژی”زاخۆ نەبوویە پارێزگەە، ژبەر ھندێ رێژەیەک بو پارێزگەھا دھۆکێ دچیت، ھەکە ببیتە قانوون، دێ ب رێیا پارێزگەھێ ل سەر ھەموو قەزایان ھێتە بەلاڤکرن”.
یونس مەلا رەمەزان سەرۆکێ لژنا دارایی ل جڤاتا پارێزگەھا دھۆکێ ل دۆر ڤی بابەتی بۆ رۆژنامەیا ئەڤرۆ دیارکر” پارێ پەترۆدۆلاری ب رێیا وەزارەتێن پەیوەندیدار دھاتە دابینکرن، لێ نوکە ناھێت و یێ راوەستای، ژ دەستپێکا دەست ب کاربوونا مە ل جڤاتا پارێزگەھێ، نە پارەیێ پەترۆدۆلاری ونە ژی پارێ گەشەپێدانا ھەرێمان بۆ پارێزگەھا دھۆکێ نەھاتیە تەرخانکرن”.
دیسا عەلی ھالۆ ئاشکرا ژی کر”بریارا پترۆدۆلاری ھێشتا رێژە بۆ دەڤەر و خەلکێ زیان ڤێکەفتی نەھاتیە دەستنیشانکرن، ئەو بریار ژ جڤاتا نوونەرێن عیراقێ دەرکەفتی یە، لێ ھەتا نوکە بجە نەئینایە و ل ھەرێمێ نەھاتیە بجھئینان، لێ وەکو پێگھۆرەک نوکە سندۆقا کوردستانێ بۆ داھاتیێن پەترۆلێ و غازێ یا د قۆناغا دانوستاندنێ دا ل پەرلەمانی و دناڤ فراکسیۆنێن کوردستانی دا مژارەکا گەرم پێ ھەیە کو ژ شازدە مادان شەش مادان خواندن بۆ ھاتینە کرن، ھێشتا دەە مادە دێ ژنوو ھێنە گەنگەشەکرن”.
ژ لایێ خوەڤە ھشیار فەریق ئەندامێ جڤاتا پارێزگەھا دھۆکێ دبێژیت”مە داخواز ژ سەرۆک کۆمارێ عیراقێ کریە کو پارێ پەترۆدۆلار بۆ پارێزگەھا دھۆکێ ڤرێکەن، لێ کێشە ئەوە پارە دگەھیتە وەزارەتێن پەیوەندیدار و ب رێیا رێڤەبەریێن گشتی پارڤە دکەن، بجھئینانا ڤێ بریارێ ژی غەدرێ ل وان دەڤەران دکەن یێن پەترۆل تێدا بیت، ژ بەر کو رێڤەبەرێن گشتی ل سەنتەرێ پارێزگەھان دانە، ھەکە ل دووڤ دانانا بەرنامەیان ژی بیت، ھەر قەزایێن پەترۆل ژێ بھێتە دەرئینان مفایێ پێدڤی ژێ نابینیت”.
ئه‌ڤرۆ نیوز:
جه‌بار یاوه‌ر ئه‌میندارێ گشتى یێ وه‌زاره‌تا پێشمه‌رگه‌ى راگه‌هاند وه‌زاره‌تا دارایى و ئابوورى یا حوكمه‌تا هه‌رێما كوردستانێ ئه‌ڤرۆ رۆژا پێنجشه‌مبى بریاردا مووچێ وه‌زاره‌تا پێشمه‌رگه‌ى به‌لاڤ كه‌ت.
ژ ئالیێ خوه‌ڤه خه‌تاب ئیسماعیل رێڤه‌به‌رێ گه‌نجینا هه‌ولێر دیاركر كو ئه‌ڤرۆ وان ده‌ست ب به‌لاڤكرنا مووچێ پێشمه‌رگه‌ى كر.
ئه‌ڤرۆنیۆز، سالار دۆسكى:
سالانه ل 21 نه‌ورۆزێ و ب هه‌لكه‌فتا سه‌رێ سالا كوردى، ئاگرێ نه‌ورۆزێ ل شه‌ڤا 20 ل سه‌ر 21 ێ دهێته هلكرن و لدووڤ زانیاریێن ده‌ست ب ئه‌ڤرۆ كه‌فتین ئه‌ڤ ساله دێ هه‌لكرنا ئاگرى ل پارێزگه‌ها دهۆك جوداهى هه‌بیت.
تارق تاها به‌رپرسێ لقێ دهۆك یێ ئێه‌تیا قوتابیێن كوردستانێ بۆ ئه‌ڤرۆ نیۆز گۆت: هه‌ر سال ب هه‌لكه‌فتا هاتنا جه‌ژنا نه‌ورۆزێ و سه‌رێ سالا كوردى، وه‌ك ئێكه‌تیا قوتابیان كوردستانێ رێوره‌سمێن هلكرنا ئاگرى ژ باره‌گایێ قوتابیان ده‌ست پێدكرن، ئه‌ڤ ساله بڤى ره‌نگى نابیت، ئه‌ڤ ساله رێوره‌سم جودانه ژ سالێن بورى ، ئاگرێ نه‌ورۆزێ وه‌ك ئێكه‌تیا قوتابیان دێ هه‌لكه‌ت و ب ئاماده‌بوونا هه‌ر ئێك ژ ئێكه‌تیێن ئافره‌تان، لاوان و ب پشكداریا پارێزگه‌رێ دهۆك (فه‌رهاد ئه‌مین).
تارق تاها دیسان گۆت: سالانه ئاهه‌نگ دهاتنه‌گێران بڤێ هه‌لكه‌فتێ دیسان ئه‌ڤ ساله هه‌ر چ ئاهه‌نگ ژى نابن و ناهێنه‌گێران، بتنێ ئاگرێ سه‌ركه‌فتنێ یێ نه‌ورۆزێ وه‌ك تیره‌ك بۆ ناڤ چاڤێ دوژمنى دێ هێته هلكرن و گۆت: ب مه‌ره‌ما پشته‌ڤانیا هێزێن پێشمه‌رگێ كوردستانێ ل گه‌ل هه‌لكرنا ئاگرێ نه‌ورۆزێ دێ دروشمێن ئه‌م هه‌موو پێشمه‌رگه‌ینه هێنه بلندكرن و پشته‌ڤانى بۆ پێشمه‌رگه‌ى دێ هێته دووپاتكرن.
نيشاندان