ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12\11\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1207 |
| 1 يۆرۆيێ ئه‌ورۆپى | 1505 |
| 1 ليرێ توركى | 535 |
دۆلار بلند بوو و يۆرۆ هات خوار
نووترين نووچه
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
- پەرلەمانتارەك: هنارتنا بودجەی دێ پرۆسەیا سیاسی د ناڤبەرا هەرێمێ و بەغدایێ دا بهێزتر كەت
- مەحما خەلیل: هندەك بەرپرسێن ئیراقێ هەڤپشكێن جینۆسایدا شنگالێ نە
- وەزارەتا دەرڤە یا ئەمریكی: ئیدارەیا ترەمپی دێ بەردەوام بیت د كاركرنێ دا ل گەل هەرێما كوردستانێ
- دەم پارتی: پەیاما ئۆجەلانی دێ یا ڤیدیۆیی بیت
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
سهرهكى Twitter
ره‌وشا كه‌شوهه‌وايێ سوبه‌هى ل دهۆكێ
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو راگه‌هاند كو سوبه‌هى دێ ئه‌سمانێ هه‌رێمێ ساهى بيت و پلا گه‌رميێ دێ وه‌كو يا رۆژا به‌رێ بيت كو بلندترين پله 20 بيت و كێمرين ژى دێ 10 بيت.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ دياركر كو سوبه‌هى رۆژا سێشه‌مبى رێكه‌فتى 12\11\2014 دێ ئه‌سمان ساهى بيت و پلا گه‌رميێ ژى دێ وه‌كو ئه‌ڤرۆ بيت و چ گوهۆڕينێن به‌رچاڤ نابن.
ئاشكه‌را ژى كريه كو ئاراسته‌يێ بايى دێ ل باكوورێ رۆژئاڤا بيت ب ره‌نگه‌كى د ناڤبه‌را پێنج هه‌تا 10 كيلۆمه‌تران د ده‌مژمێره‌كێ دا.
ل دۆر ديتنێ ژى دايه زانين دێ ئاراستێ ديتنێ هه‌شت هه‌تا 10 مه‌تر بيت و بلندترين رێژا پێشبينيكرى دێ 20 پله بيت و نزمترين ژى 10 پله بيت.
ئاگه‌هداريه‌ك بۆ ده‌رچوويێن پۆلا 12 ئاماده‌يى
ئه‌ڤرۆ نيوز:
ناڤه‌ندا وه‌رگرتنێ ل وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ داخوازێ ژ قوتابيێن پۆلێن 12ى ئاماده‌يى دكه‌ت كو ل ده‌مێ هه‌بوونا هه‌ر كێشه‌كێ د پڕكرنا داخوازيێن خوه يێن زانكۆلاين و سه‌ره‌دانا مه‌لبه‌ندێ شيره‌تكاريێ بكه‌ن.
د ڤێ راگه‌هاندنا وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ يا كو دانه‌ك بۆ ئه‌ڤرۆ نيوز هنارتى هاتيه: رێڤه‌به‌ريا ناڤه‌ندا وه‌رگرتنێ ل وه‌زاره‌تا خوێندنا بلند و ڤه‌كۆلينێن زانستى ئاگه‌هداريا هه‌موو قوتابيێن پۆلا 12 دكه‌ت كو ل ده‌مێ پێشكێشكرنا فورمێن زانكۆلاين و روو ب رووى بوونا هه‌ر كێشه و ئاريشه‌كێ، سه‌ره‌دانا مه‌لبه‌ندێ شيره‌تكاريى بكه‌ن.
ئاشكه‌را ژى كريه كو بۆ ڤێ مه‌ره‌مێ 13 مه‌لبه‌ندێن شيره‌تكاريى ل زانكۆيێن هه‌رێمێ بۆ ب كارئاسانيكرن و برێڤه‌چوونا كارێن قوتابيان هاتينه دانان كو ئێدى پێدڤى ب وێ چه‌ندێ ناكه‌ت سه‌ره‌دانا ديوانا وه‌زاره‌تێ و ناڤه‌ندا وه‌رگرتنێ بكه‌ن.
بريتانيا بۆ جارا ئێكێ دربێن ئه‌سمانى وه‌شاندنه داعش
ئه‌ڤرۆ نيوز:
وه‌لاتێ بريتانيا بۆ جارا ئێكێ هێرش ب رێيا فرۆكێن بێ فرۆكه‌ڤان كره سه‌ر داعش ل عيراقێ ب گۆره‌ى داخۆيانيه‌كا وه‌زاره‌تا به‌ره‌ڤانيا بريتانى.
بريتانيا ب رێيا فرۆكا بێ فرۆكه‌ڤان ژ جۆرى “ريبر” هێرش كره سه‌ر باژێرێ بێجى ئه‌وا زێده‌تر پالاوگه‌هێن په‌ترۆلێ لێ د داناين.
وه‌زاره‌تا به‌ره‌ڤانيا بريتانى راگه‌هانديه كو هێرشا وان يا فرۆكيێن بێ فرۆكه‌ڤان هێرش ب سه‌ركه‌فتيانه ئه‌نجام دايه ل دژى وان چه‌كدارێن دڤيا ته‌قه‌مه‌نيان بچينن.
بريتانيا ئێكه ژ 40 وه‌لاتێن پشكدار د شه‌رێ دژى داعش دا، ئه‌وا گه‌له‌ك روويێ عيراق و سوريا داگير كرى.
ئه‌ڤ هێرشه هاتن پشتى ره‌زامه‌نديا په‌رله‌مانێ وى وه‌لاتى ژ لايێ پشكداريا سه‌ربازى ڤه ب چار رۆژان.
هه‌ر ديسا وه‌لاتێ بريتانيا راهێنه‌رێن سه‌ربازى ژى يێن هنارتينه عيراقێ بۆ هه‌ڤكاريكرنا له‌شكرێ عيراقێ ل دژى چه‌كدارێن داعش.
ژێده‌تر: BBC
وێنه‌ى: 68 كيلۆ كێم كرن
ئه‌ڤرۆ نيوز:
دانيێل جوارنت زێده‌ترى 164 كيلۆيان بوو، ئاخفتنا زارده‌ڤێ هه‌ڤالێن خوه بوو، ژيانا وێ ژى گه‌له‌ك نه‌خۆش ببوو، ل 3ى هه‌يڤا ته‌باخێ ل سالا 2012 ته‌ماشه‌ى به‌رنامێ “Weight Watchers”. كر.
جورانت ل ده‌سپێكێ گه‌له‌ك نه‌خۆشى ديتن ژ ئه‌نجامێ رێيێن خه‌له‌ت يێن خوارنێ ب تايبه‌ت ل ژيێ سنێله‌يێ، خوارنا زێده پرۆتين وه‌لێ كربوو نه‌دشيا گه‌شتان بۆ چ جهان بكه‌ت و ل ده‌مێ چوونا پاركان ژى جهێ وێ نه‌بوو ل چو ئه‌ردان ب روونيته خوار، چونكو چو كورسيێن ب كێرى وێ دهێن نه‌هاتبوونه دروستكرن.
پاشان رابوو ده‌ست ژ خوارنێن سڤك و ڤه‌خوارنێن گازى به‌ردا، ل شوونا وان فێقى و كه‌سكاتى خوار، د ئه‌نجام دا هه‌تا نوكه 68 كيلۆ ژ كێشا خوه ژ ده‌ست دان.
جورانت بڕيار دا ل سالا 2014 ب ره‌نگه‌كێ رۆژانه وه‌رزشێ بكه‌ت و سۆز دا ده‌ست ژ ڤى كارى به‌ر نه‌ده‌ت.
ل ڤێره چه‌ند وێنێن خوه يێن به‌رى و پشتى ل سه‌ر تۆرا جڤاكى يا فه‌يسبۆكى به‌لاڤكرينه و ته‌ماشه‌ى وێ گوهۆڕينێ بكه‌ن يا د وێنا دا ديار، كو ژ ژنه‌كا كه‌سێ نه‌ڤێت ته‌ماشه بكه‌ت، چ شۆخه‌كا جوان ژێ ده‌ركه‌فتيه.
ئه‌ڤ ژنا 41 سالى دبێژيت: “هه‌ست دكه‌م كو د سالێن بيستان دامه ژ ژيێ خوه”، گه‌له‌ك خه‌لكى وه‌سان هزر دكر كو زه‌لامێ وێ يێ به‌رێ كوڕێ وێ يه، ئه‌وێ به‌رى نوكه ژ ئه‌گه‌رێ كێشا وێ يا زێده هێلايى.
كه‌نالێ NRT بۆ سێ هه‌يڤان هاته راوه‌ستاندن
ئه‌ڤرۆ نيوز، ناجی به‌ده‌ل:
ل به‌ری راوه‌ستاندنا په‌خشێ خوه رێڤه‌به‌رێ كه‌نالێ NRT دیاركر كو راوه‌ستاندنا كه‌نالى دێ بۆ ماوێ سێ هه‌يڤان بيت و ل ده‌مه‌كێ نێزیك دێ ڤه‌گه‌رن.
ئه‌ڤرۆ ده‌مژمێر00:00 په‌خشێ كه‌نالێ NRT بۆ ماوه‌یێ 90 رۆژان هاته راوه‌ستاندن و پشتی ئه‌وی ده‌مێ دیاریكری ب كومه‌كا گوهورینان دێ ده‌ست ب په‌خش و رۆمالكرنا روودانان و چه‌ندین پرۆگرامان كه‌ت.
شاسوار عه‌بدلواحد خودانێ كه‌نالێ NRT راگه‌هاند: “بلا وه‌لاتيێن هه‌رێمێ پشت راست بن پشتی 90 رۆژان دێ د دلخوه‌ش بن ب دووباره ده‌ستپێكرنا په‌خشێ كه‌نالێ NRT HD”.
ناڤبری دیاركر كه‌نالێ ناڤبرى ژ لایێ 200 كادرێن پرۆفیشنال و خودان سه‌ربور د هاته برێڤه‌برن و گۆت: “تێچوويێ ڤى كه‌نالى سالانه ب تنێ سێ ملیون دولار بووینه”.
هه‌تا پێڤه‌رێن ئاڤی نه‌هێنه دانان وه‌لاتی ژ دانا پاره‌ی ناهێنه لێبۆرین
دهۆك، له‌زگین جۆقی:
رێڤه‌به‌رێ ئاڤێ ل پارێزگه‌ها دهۆكێ بۆ ئه‌ڤرۆ دیاركر كو هێشتا چو بریارێن فه‌رمی نه‌هاتینه دان بۆ لێبۆرینا وه‌لاتیان ژ دانا پارێ ئاڤێ بۆ ماوێ چار هه‌یڤان، گۆت ژی ئه‌م ل گه‌ل وه‌لاتیان تووشی ئاسته‌نگان دبین ل ده‌مێ وه‌رگرتنا پارێ هه‌یڤانه یێ ئاڤێ، كو هنده‌ك وه‌لاتی وه‌سا تێدگه‌ن كو نوكه یێن هاتینه لێبۆرین ژ دانا پاره‌ی.
جه‌لال جه‌میل رێڤه‌به‌رێ ئاڤێ ل پارێزگه‌ها دهۆكێ ئه‌و ژی دیاركر كو هه‌تا پیڤه‌ر نه‌هێنه دانان و وه‌زاره‌تا دارایی و ئابووری بریارێ ل سه‌ر نه‌ده‌ت وه‌لاتی ناهێنه لیبۆرێن ژ دانا پارێ ئاڤێ، لێ نوكه ب تنێ كار یێ دهێته كرن و هیشتا پیڤه‌ر نه‌هاتینه دانان، ئاماژه دا وێ چه‌ندێ ژی كو ل هه‌ر پارێزگه‌هه‌كی دێ 100 هزار پیڤه‌ر هێنه دانان و هێشتا به‌رهه‌ڤ نه‌بووینه، هێشتا ل چو پاریزگه‌هان ده‌ست پێ نه‌هاتیه كرن.
ئاشكرا ژی كر كو ده‌مێ ده‌ست ب كاری دهێته كرن دێ نڤیسینگه‌هێن كۆمپانیێن جێبه‌جێكار هێنه ڤه‌كرن، گۆت ژی هه‌ر ژ مێژوویا پێڤه‌ر بۆ مالان دهێنه دانان ل وێ مێژوویێ وه‌لاتی دێ ژ دانا پاره‌ی بۆ چار هه‌یڤان هێنه لێبۆرین، گرێبه‌ست ل گه‌ل كۆمپانیان یێن هاتینه گرێدان د ماوێ دو سالان دا پیڤه‌ر بهێنه دانان لێ هێشتا رۆژا دانانا پیڤه‌ران نه‌یا دیاره.
هه‌تا نوكه زێره‌ڤانی نزانیت بۆچی ده‌سپێكا وێ یا لاوازه
ئه‌ڤرۆ، ملله‌ت جه‌مال:
سه‌رپه‌رشتێ تیما ته‌پا پێی یا یانا زێره‌ڤانی دیاركر كو پشتی یاریا دهۆك و هه‌تا نوكه دووڤچوونا تیما خوه دكه‌ن بو وێ چه‌ندێ بزانن ئه‌گه‌رێن هه‌ر دو وه‌كهه‌ڤیێن تیما وان چنه.
زێده‌تر رێبه‌ر نوعمان د دیداره‌كێ دا بۆ رۆژناما ئه‌ڤرۆ گوت: مه وه‌كو كارگێریا تیمێ چ كێماسی ل تیما خوه نه‌هێلاینه ژ لایێ دابینكرنا هه‌ڤبه‌ست و مووچێن یاریكه‌ران سه‌ره‌رایی وێ قه‌یرانا نوكه یانه تێدا دبوریت، له‌ورا دبیت لاوازیه‌ك هه‌بیت لێ هه‌تا نوكه نزانین چ لاوازیه.
زێده‌تر رێبه‌ری ئه‌و چه‌نده ژی دیاركر كو هه‌تا راده‌كێ مه‌زن یێ رازی یه ژ ئاستێ تیما خوه و دو وه‌كهه‌ڤی نابیته دووماهیا وه‌رزشێ و گه‌له‌ك هاتیه مه‌زنكرن و هه‌كه نه ئاستێ تیما وان یێ باشه و دیاركر یێ هه‌ولده‌ن و گڤاشتنا ل سه‌ر یاریكه‌ران راكه‌ن به‌رامبه‌ر ڤێ چه‌ندێ ژلایێ هونه‌ری ڤه راهێنه‌ری گڤاشتن بێخستیه سه‌ر یاریكه‌ران.
ناڤبری ل دور پاشه‌رۆژا تیمێ گوت: مه هیڤی هه‌نه ئه‌نجامێت مه دێ باشتر لێهێن بتنێ بێهن فره‌هی پێدڤێت و بارێ تیما مه یێ گرانه چونكو ئه‌م قاره‌مانێن دو وه‌رزێن بوری نه، له‌ورا هه‌ر تیمه‌كا یاریێ به‌رامبه‌ری مه بكه‌ت دێ هه‌می هێز و شیانێت خوه مه‌زێخیت هه‌ر چنه‌بیت خاله‌كێ ژ مه چێكه‌ت، لێ بو یاریا داهاتی مه باشترین به‌رهه‌ڤی كرینه و دێ بیته ده‌رگه‌هێ سه‌ركه‌فتنێن تیمێ.
پرۆژه ژ 50 وه‌به‌رهێنه‌ران هاتیه ستاندن
ئه‌ڤرۆ، ره‌وان نهێلی:
ژ ئه‌گه‌رێ بجهنه‌ئینانا پرۆژان زێده‌تر ژ 50 وه‌به‌رهێنه‌ر راده‌ستی دادگه‌هێ هاتینه كرن و پرۆژێن وان ژێ هاتینه ستاندن و ئه‌ندام په‌رله‌مانه‌ك ل لژنا نه‌زاهێ ل په‌رله‌مانێ كوردستانێ دیاركر كو گه‌له‌ك وه‌لاتی ژ پرۆژێن ل هه‌رێما كوردستانێ دهێنه ئه‌نجام دان نه درازی نه و گازندان دكه‌ن.
د كۆنفرانسه‌كی دا كو لژنا نه‌زاهێ ل په‌رله‌مانێ كوردستانێ ئه‌نجام دابوو رژدی ل سه‌ر پێدڤیا راگرتنا هه‌ڤسه‌نگیێ هاته كرن ل ناڤبه‌را وه‌لاتیان و خودانێن پرۆژێن وه‌به‌رهێنانێ كو پێدڤیه پرۆژه زێده‌تر د خزمه‌تا وه‌لاتیان دابن، هه‌روه‌سا دڤێت چاڤدێریا پرۆژان بهێته كرن بۆ تمام كرنا وان ب باشترین كۆالێتی.
برزو مه‌جید ئه‌ندامێ لژنا ده‌ستپاكیێ ل په‌رله‌مانێ كوردستانێ سه‌باره‌ت ئارمانجا كۆنفرانسی گۆت وه‌لاتیان سكالا ل سه‌ر پرۆژان هه‌بوون، له‌وما ئه‌ڤ كۆنفرانسه هاتیه ئه‌نجامردان و ل دووڤ ئامارێن ده‌سته‌یا وه‌به‌رهێنانێ ل سالا 2006 و هه‌تا نوكه مۆله‌ت ب دروستكرنا 143 هزار یه‌كه‌یێن ئاكنجیبوونێ هاتیه كرن، د به‌رامبه‌ر دا زێده‌تر ژ 50 وه‌به‌رهێنه‌ر ژی ژ ئه‌گه‌رێ بجهنه‌ئینانا پرۆژان و هه‌بوونا كێماسیان د پرۆژان دا هاتینه سزادان و روو ب روو دادگه‌هێ بووینه و پرۆژێن وان هاتینه هه‌لوه‌شاندن.
تێكه‌له‌ك بۆ سپی كرنا نینوكێن ته
گه‌له‌ك جاران ژ به‌ر مژولیا ژنێ ب كاروبارێن مالێ ڤه نینوكێن وێ تووشی شكه‌ستنێ دبن و ره‌نگێ وان زه‌ر دبیت بۆ چاره‌سه‌ر كرنا ڤێ كێشێ ڤی تێكه‌له‌ی بكار بیته:
دو كه‌چكێت ئاڤا میموكان د گه‌ل دو كه‌چكێن ئاڤا گولان تێكه‌ل بكه و ب پارچه‌كا پامبی ل نینوكێن خوه بده رۆژانه و بۆ ماوێ پێنج خوله‌كان بهێله پێڤه و پاشی بشوو دێ بینی كو نینوكێن ته سپی و بهێز كه‌تن.
نيشاندان
WP Facebook Auto Publish Powered By : XYZScripts.com