ئاکرێ، بێوارحسێن زێباری:
لژنا بلندا پارستن و چاڤدێریا ساخلەمیا گشتی ل قائیمقامیا قەزا ئاکرێ نێزيكى 15 تەنێن کەلوپەلان ھاتنە ژناڤبرن.

ئەڤرۆ ب ئامادەبوونا نوونەرێن لژنا بلند 14 ته‌ن و 800 کیلۆ یێن کەلوپەلێن ئێکسپایر یێن ھشک و شکل ھاتنە ژناڤبرن د داخویانیەکێ دا بۆ دەزگەھێن راگەھاندنێ شه‌ھاب یاسین بەرپرسێ بنگەھێ چاڤدێریا بازرگانی ل ئاکرێ و نووێنەرێ لژنا بلند، دیارکر کو ئەو کەلوپەلێن ئیرۆ ھاتينه‌ ژناڤبرن 14 ته‌ن و 800 كيلۆ بوون.

زێده‌تر گۆت: “ژ وان ژی 14 تەن کەلوپەلێن جودایێن خوارنێ و ڤەخارنێ و جوانکاریێ بوون، 800 کلیۆ ژی دەرمان بوون”.

ھەر د وێ داخویانیێ ژى دا ناڤبری ئاشکرا كر کۆ ئەو کەلوپەل ژ لایێ ھۆبا ئابووری یا رێڤەبەریا ئاسایشا ناڤ باژێر و دەوروبەر ل ئاکرێ ھات بوونه‌ وەرگرتن و دەستەسەرکرن .

ئەڤرۆ نیوز:

رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئەسمان دێ بيته‌ ئه‌ور و باران دێ ل ده‌ڤه‌رێن جودا باريت.

پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن ده‌ريا سۆر ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.17 ئەسمان دێ بيته‌ ئه‌ور و ل هنده‌ك ده‌ڤه‌رێن جودا باران باريت.

رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ ھێتە خوار وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 17 بۆ 8 دا.

ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ یێ ل سەرخوە و ناڤەندی بیت د ناڤبەرا 5 بۆ 20 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.