ئه‌ڤرۆ نيوز، ناجی به‌ده‌ل:
وه‌زیرێ به‌ره‌ڤانیا عیراقێ سه‌ره‌دانا هه‌ولێر كر و د كۆمبوونه‌كا سه‌ربازى دا خواست كو فرقه‌كا سه‌ربازی ل هه‌ولێرێ بهێته دان و 70% تێدا كورد بن و یا مای بۆ كێمنه نه‌ته‌وه‌یێن دن و سه‌رۆك فه‌یله‌ق ژی دێ ژ كوردان بیت.
عادل به‌رواری راوێژكارێ به‌رێ یێ سه‌رۆك وه‌زیرێ عیراقێ خولا چووی بۆ ئه‌ڤرۆ نیوز گۆت: “ل ده‌مێ پێكئینانا حوكمه‌تێ و دو فرقه پشكه‌كا هه‌رێمێ نه هێنه درۆستكرن و لی سه‌رۆكێ هه‌ریمێ نه‌رازی بوو چونكو ئه‌و هێز دڤیا ل بن فه‌رمان و چاڤدێریا وه‌زیری به‌ره‌ڤانیا عیراقێ دابن و سه‌رۆكێ هه‌رێمێ سه‌رۆكێ هێزێن چه‌كدارێن هه‌رێمێ یه و ئه‌ڤه ژی ئێك بوو ژ ئه‌گه‌ری نه رازیبونێ و ئاریشا هه‌ری مه‌زن ئه‌ڤه بوویه پاشی بودجه و نه‌فت ژی هاته سه‌ر.
راوێژكارێ خانه‌نشینكری دا زانین سه‌رۆكا تیا هه‌رێمێ دێ ڤێجاری ژی ل سه‌ر چاوانیا دانانا ئه‌وێ فرقێ و فه‌رمان و ئه‌ر‌كێن وێ چاوا بن رازی بیت یان به‌غدا دێ راری بن ل سه‌ر ئه‌وا هه‌رێمێ دڤێت.
عادل به‌رواری دیار كر 70% پێك ئینانا فرقا سۆپایی بۆ كوردان باشه، چونكو مه توركمانێن هه‌ی و مه‌سیحی و ئیزدی و ل گوری دستووری دڤێت مافێ هه‌موو پێكهاتیان تێدا هه‌بیت و دڤێت قائید فه‌رقه ژ كوردان بیت .
عادل به‌رواری ئه‌و چه‌نده ژی گوت: “ئیستحقاقێ مه وه‌كو كورد ل عیراقێ دو فرقه‌نه، ئێك ل هه‌ولێرێ و یا دی ژی ل سلیمانیێ یه ل گوری ئه‌وێ ریكه‌فتنا كه‌ڤن یا هاتیه كرن”
نيشاندان
