سه‌رۆكێ ده‌سته‌یا زانایێن موسلمان ل عیراقێ وه‌غه‌ركر

12/03/2015 15:32

167

ئه‌ڤرۆ نیوز:
ئه‌ڤرۆ ده‌سته‌یا زانایێن موسلمان ل عیراقێ گیان ژ ده‌ستدانا سه‌رۆكێ ده‌سته‌یێ حارس زارى راگه‌هاند.
یه‌حیا تائى په‌یڤدارێ ده‌سته‌یا زانایێن موسلمان ل عیراقێ د به‌یاننامه‌كێ دا راگه‌هاند ئه‌ڤرۆ حارس زارى ل باژێرێ ئیسته‌نبول ژ ئه‌گه‌رێ نه‌خوشیه‌كا دوم درێژ چو به‌ر دلوڤانیا خودێ.
جارس زارى ئێك بوویه‌ ژ زانایێن ناڤدارێن سوننان ل عیراقێ و سه‌رۆكێ ده‌سته‌یا زانایێن موسلمان بوویه‌ و پشتى روودانێن 2003 و رزگاركرنا عیراقێ ل ئوردن ئاكنجی بوویه‌.

كه‌شتیه‌كا دى یا هه‌لگرتنا فرۆكێن ئه‌مریكى بۆ ژناڤبرنا داعش برێكه‌فت

12/03/2015 15:31

139

ئه‌ڤرۆ نیوز:
كه‌شتیه‌كا دى كو فروكه‌ ل سه‌ر دادده‌ن، ژ باژێرێ نورفولك به‌ره‌ڤ رۆژهه‌لاتا ناڤه‌راست برێكه‌فت داكو پشكداریێ د شه‌رێ دژى داعش دا بكه‌ت.
كه‌شتیا (یو إس إس پیودور روزفلت) كو فروكێن ژ جورێ (نیمتز) هلدگریت، به‌ره‌ڤ كه‌شتیێن دى ل رۆژهه‌لاتا ناڤه‌راست برێكه‌ڤت كو ل گه‌ل ڤان كه‌شتیان دێ پشكداریێ د شه‌رێ ژناڤبرنا داعش ل عیراق و سووریا دا كه‌ت.
تێ زانین كه‌شتیا (یو إس إس پیودور روزفلت) فرۆكێن ئه‌مریكى یێن هه‌رى پێشكه‌فتى هه‌لدگریت.

https://www.youtube.com/watch?v=uBtahfXlD5s

فرۆكه‌كا نه‌ناسيار بۆردۆمانا له‌شكرێ عيراقێ كر

12/03/2015 13:32

266

ئه‌ڤرۆ نيوز:

ژێده‌ره‌كێ مه‌يدانى ژ سۆپايێ عيراقى ئاماژه‌ ب وێ چه‌ندێ كر كو فرۆكه‌كا نه‌ناسيار بۆردۆمانا له‌شكرێ عيراقێ كر.

ئه‌ڤى ژێده‌رى د داخۆيانيه‌كا رۆژنامه‌ڤانى دا راگه‌هاند كو ل پارێزگه‌ها ئه‌نبا فرۆكه‌كا نه‌ناسيار بۆدومانا چه‌ند بنگه‌هێن له‌شكرى يێن عيراقێ كرن و ده‌زگه‌هێ هه‌والگه‌ريا عيراقى ژى هه‌تا نوكه‌ نه‌زانيه‌ ئه‌و فرۆكه‌ سه‌ر ب چ لايه‌نه‌كى يه‌.

ئه‌ڤى ژێده‌رى ئاماژه‌ ب وێ چه‌ندێ ژى كر كو ل ئه‌نبار شه‌ره‌كێ دژوار يێ د ناڤبه‌را له‌شكرێ عيراقێ و چه‌كدارێن داعش دا دهێته‌ كرن و هه‌ردولا به‌رده‌وام يێ پێشڤه‌چوون و پاشڤه‌چوونان دكه‌ن.

خشته‌ و ژڤانێ ياريێن ئه‌ڤرۆ يێن يۆرۆپا ليگ

12/03/2015 12:30

116

ئه‌ڤرۆ نيوز:

ئه‌ڤرۆ ياريێن گه‌را 16 ژ قاره‌مانيا يۆرۆپا ليگ دێ هێنه‌ كرن و ئه‌ڤێ ل خوارێ خشتێ ياريى و ژڤانێ وانه‌:

زینیت سان پترسبۆرگ يا ڕوسی × تۆرینۆ يا ئیتاڵی (8:00)

دنیپرۆ پیترۆڤسكی يا ئۆكرانی × ئەیاكس ئەمستەردام يا هۆڵەندی (9:00)

كلوب بروج يا بەلجیكی × بێشكتاش یا توركی (9:00)

فۆڵڤسبۆرگ یا ئەڵمانی × ئینتەرمیلان یا ئیتالی (9:00)

ئێڤەرتۆن یا ئینگلیزی × داینامۆكیێڤ یا كۆكرانی (11:05)

ڤیاڕیاڵ یا ئیسپانی × سیڤیلیە یا ئیسپانی (11:05)

فیۆرەنتینا یا ئیتالی × ڕۆما یا ئیتالی (11:05)

ناپۆل يا ئیتالی × دینامۆ مۆسكۆ یا ڕوسی (11:05)

ڤيديۆ: بۆ جارا ئێكێ ديمه‌نێن كه‌عبێ ژ ناڤ دا ببينه‌

12/03/2015 12:22

1061

ئه‌ڤرۆ نيوز:

بۆ جارا ئێكێ يه‌ ديمه‌نێن ناڤا حه‌ره‌مێ كه‌عبا پيرۆز به‌لاڤ دبن.

هه‌تا دووماهيا ڤێ هه‌يڤێ هه‌رێم دێ 600 هزار به‌رميلێن په‌ترۆلێ هنێريت

12/03/2015 12:11

ئه‌ڤرۆ نيوز:

وه‌زاره‌تا سامانێن سرۆشتى ل حوكمه‌تا هه‌رێما كوردستانێ راگه‌هاند ل دووماهيێ ڤێ هه‌يڤێ هه‌رێما كوردستانێ دێ ب په‌ترۆلا كه‌ركووك ڤه‌ شێت رۆژانه‌ 600 هزار به‌رميلێن په‌ترۆلێ د رێيا به‌غدا را ره‌وانه‌يى ژ ده‌رڤه‌ كه‌ت.

سه‌رۆكێ لژنا وزه‌ و سامانێن سرۆشتى ل په‌رله‌مانێ كوردستانێ بۆ رووداو دياركر كو نوكه‌ هه‌رێما كوردستانێ 250 هزار به‌رميلێن په‌ترۆلێ بێى كه‌ركووك ره‌وانه‌ دكه‌ت، ب ره‌نگه‌كى كو ئێدى حوكمه‌تا عيراقێ هێجه‌ت نه‌ماينه‌ پشكا بودجێ هه‌رێمێ ببڕيت و گۆت: “نوكه‌ هه‌رێما كوردستانێ پشكا خوه‌ ژ رێكه‌فتنێ ب جهـ ئينايه‌ و پێدڤيه‌ حوكمه‌تا ناڤه‌ندى ژى به‌هرا خوه‌ ب جهـ بينيت”

شێركۆ جه‌وده‌ت سه‌رۆكێ لژنا وزه‌ و سامانێن سرۆشتى ل په‌رله‌مانێ كوردستانێ ده‌رباره‌يى په‌ترۆلا كه‌ركووك گۆت: “ب گۆره‌يى گۆتنێن وه‌زيرێ سامانێن سرۆشتى هنده‌ك كێشێن ته‌كنيكى يێن هه‌ين و هێشتا چاره‌سه‌ر نه‌بووينه‌، به‌لێ نابنه‌ رێگر ل هه‌مبه‌ر بجهـ نه‌ئينانا وێ رێكه‌فتنێ، چونكو په‌ترۆلا كه‌ركووك ل ژێر چاڤدێريا كۆمپانيا په‌ترۆلا باكوور دهێته‌ هنارتن و ئه‌وان هاش كێشێن ته‌كنيكى هه‌يه‌”.

ب گۆره‌يى راگه‌هاندنه‌كا وه‌زاره‌تا سامانێن سرۆشتى بڕيار سه‌رجه‌مێ هنارتنا په‌ترۆلێ ل هه‌رێما كوردستانێ هه‌تا دووماهيا ڤێ هه‌يڤێ بگه‌هيته‌ 600 هزار به‌رميلان.

ل نه‌ورۆزێ ستوكهۆلۆم دێ هزار شه‌مالكان بۆ شه‌هيدێن كوردستانێ هه‌لكه‌ت

12/03/2015 11:57

939

ئەڤرو نیوز،بارزان مزووری:
تارا ئەحمەد، ئێک ژ راگەھاندنکارێن ڤێ فیستڤالێ ل باژێرێ ستوکھۆلۆم بۆ ئەڤرۆ نیوز دیار کر کو ئەڤ ساله‌ فیستڤالا نەورۆزێ تایبەت يا گرێدایە ب شەھیدێن کوردستانێ ڤه‌، وێنە یێن وان شەھیدێن خوینا خوه‌ گوری کوردستانێ کرین دێ ھێنە نمایشکرن دگەل ھەلکرنا ھزار شه‌مالكان د ناڤ وان وێنان دا.

تارايێ گۆت: “ئالايێ كوردستانێ ژى دێ ل گه‌ل وان هێته‌ بلندكرن و ئه‌ڤ چالاكيه‌ دێ يا دوور بيت ژ كارێن حزبى و چالاكيه‌كا تايبه‌تا كوردستانى يه‌”
ناڤبری دیار کر کو چەندین ھونەرمەندێن کورد دێ پشكدار ڤێ فيستڤالێ بن و گۆت: “ج جورێن دەهواتا ناھێنە کرن، ب تنێ سرودێن نشتیمانی دێ ھێنە گۆتن د گەل سرودێن ب جەژنا نەورۆزێ ڤە گرێدایی”.

تكريت ب تمامى هاته‌ كونترۆلكرن

12/03/2015 11:28

159

ئه‌ڤرۆ نيوز:

لژنا ئه‌منى يا جڤاتا پارێزگه‌ها سه‌لاحه‌دين راگه‌هاند كو ئه‌ڤرۆ سپێدێ كريارا ئازادكرنا باژێرێ تكريت ب ته‌مامى هاته‌ كرن پشتى 48 ده‌مژمێران ژ شه‌رێ ئازادكرنا وى باژێرى.

جێگرێ سه‌رۆكێ لژنێ خالد جسام بۆ شه‌فه‌ق نيوز گۆت: “ئه‌ڤرۆ سپێدێ شه‌رێ ئازادكرنا تكريت ب دووماهى هات پشتى هاتنا هێزێن له‌شكرێ عيراقێ و حه‌شد شه‌عبى و چه‌كدارێن عه‌شيره‌تان بۆ ناڤ سه‌نته‌رێ باژێرى”.

زێده‌تر گۆت: “كريارێن له‌شكرى يێن ل حه‌فتيا بۆرى بۆ ئازادكرنا ناحيا عه‌له‌م و دور و باژێرێ تكريت هاتينه‌ كرن ئه‌ڤرۆ ب دووماهى هاتن”.

ره‌وشا سه‌قايێ سوبه‌هى

12/03/2015 11:10

296

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان ژ ئه‌وره‌كێ تمام بۆ هنده‌ك ئه‌ورێن كێم بهێته‌ گوهۆڕين و پاشان ژى ببيته‌ ساهى.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌واميا فشارێن بلندێن ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.3.13 ئه‌سمان ژ ئه‌وره‌كێ تمام بۆ هنده‌ك ئه‌ورێن كێم بهێته‌ گوهۆڕين و پاشان ژى ببيته‌ ساهى.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ دێ بلند بيت وه‌كو هه‌ڤبه‌ركرى بيت ل گه‌ل رۆژێن به‌رى نوكه‌ ب ره‌نگه‌كى د ناڤبه‌را 20 بۆ 14 دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكوورێ رۆژئاڤا بيت ب ره‌نگه‌كى دێ يێ ل سه‌رخوه‌ و ناڤه‌ندى بيت د ناڤبه‌را 5 بۆ 20 كلم د ده‌مژمێره‌كێ دا و ماوێ ديتنێ ژى دێ 8 بۆ 10 كلم دا بيت.

پروژێ جوتسایدێ چرە پێدڤی سەخبێریەکا ب لەزە

12/03/2015 11:08

1050

ئەڤرۆ:
رێڤەبەرێ ناحیا قەسروک راگەھاند، پرۆژێ جوتسایدێ ناڤ سەنتەرێ کۆمەلگەھا چرە پرۆژەکێ ستراتیژیە و رێیا ھاتن و چوونا ھەموو باژێرێن کوردستانێ د ناڤ ڤی سەنتەری دەرباز دبن، بەلێ ڤێ رێیێ چو پێگوھۆرێن دی نینن و ئاریشە بۆ وەلاتیان پەیداکرینە.

شێردل سمۆ، رێڤەبەرێ ناحیا قەسروک بۆ روژناما ئەڤرۆ ئاشکرا کر، ئەو رێیێن پێگوھۆر رێیا باشیک و بن چیایێ مەقلوبە، ئەو یێن ھاتین گرتن و ھندەک ژ وان یێن ژ کار کەفتین، ب تنێ ئەڤ رێیە یا مایی قەلەبالغەک مەزن یا کەفتیە سەر و بوویە جھێ دلگرانیێ بی خەلکێ کیمەلگەھێ و شوفێرێن ھاتن و چوونێ ل سەر دکەن.
ناڤبری دیار کر، ھەر چەندە باژێرڤانیا چرە ھندەک ئامادەکاری یێن بۆ کرین بۆ رێیێن پێگوھۆر ژی، بەلێ ب دیتنا من ئەو نابنە پێگوھۆرێن دروست کو چارەسەریا وێ قەلەبالغێ بکەن، ئەو پرۆژە پێدڤیە ب زووترین دەم بھێتە چێکرن، ئەم دێ تەحەملا ھندێ کەین کو ماوەیەک ببیتە قەلەبالغ، بەس دێ خزمەتەکا گشتی گەھینتە وان کەسێن ھاتن و چوونێ ل سەر دکەن، ئەگەر ئەڤ پرۆژە بھێتە دروستکرن ھەتا رادەیەکێ باش دێ قەلەبالغ کێم بیت.
ناڤبری دیار کر، کۆژمێ ڤی پرۆژەی پتر ژ ١٢ ملیار دینارانە، ژ لایێ کۆمپانیا مەساج ڤە ھاتیە گرتن، ئەڤ پرۆژە درێژیا وی ٢ کیلومەتر و شەش سەد مەترە و ٤% کار ل سەر ھاتیە کرن.

نيشاندان 1...2,090 3,090 4,090 4,0964,0974,098...4,558 زێده‌تر

لاپه‌ر 4,097 ژ 4,558