ئەڤرۆ نیۆز، قائید میرۆ:
ھێزێن پێشمەرگە ل قەزا مەخمور ھێرشەکا تیرۆرستێن داعش شکاند و زیانێن مەزنن گەھاندن تیرۆرستان، ئەفسەرەک ژی دبێژیت: “ئەڤرۆ سپێدێ ژی فڕۆکەیان زیان گەھاندینە داعش”.

رائید زاھر کەریم، ئەفسەرێ پێشمەرگەی لە میحوەرێ مەخموور بە ئەڤرۆ نیۆز راگەھاند” شەڤا بۆرى تیرۆرستێن داعش ل میحوەرێ قەزا مەخموور ھێرش کریە سەر ھەردو گوندێن گل گامێش و عەلیاوە، بەلێ ژ لایێ ھێزێن پێشمەرگەی ھاتنە شکاندن و زیان گەھاندینە تیرۆرستێن داعش.
زاھری گۆتژی” جارەکادی ئەڤرۆ سپێدێ فڕۆکەیێن ھەڤپەیمانان ئەف دەڤەرا شەڕ تێدا بوردۆمانکرینە و پێشبینی دکەین فڕۆکەیانژی ھژمارەکا زۆرا چەکدارێن داعش ھاتبنە کوشتن، بەلێ ھژمارا کوشتیێن وان ب دورستی ناھێتە زانین.

ئه‌ڤرۆ نيوز:

برايێ رێبه‌رێ پارتا كرێكارێن كوردستانێ ئاماژێ ب وێ چه‌ندێ دكه‌ت كو باكورێ كوردستانێ پێدڤى ب پارته‌كا ميانڕه‌وا ديمۆكرات هه‌يه‌. بۆ ڤێ قووناغێ گه‌له‌ك يا گرنگ بوو بارزانى هيمه‌ت كربايه‌ و پارتى ديمۆكراتى كوردستان- توركيا دروست كربايه‌ و ب ليسته‌كێ پشكدارى هه‌لبژارتنان ببايه‌.

ئۆسمان ئۆجه‌لان، برايێ عه‌بدولا ئۆجه‌لان، رێبه‌رێ په‌كه‌كێ د داخۆيانيه‌كێ دا بۆ باسنيوز راگه‌هاند د هه‌لبژارتنێن ڤێ گه‌ڕێ دا پارتيا ديمۆكراتا گه‌لان “هه‌ده‌په‌” دێ پتريا ده‌نگان ل ده‌ڤه‌رێن كوردى ب ده‌ست خوه‌ ڤه‌ ئينيت، ژ به‌ر بنبڕكرنا پارتێن كوردى چو ليسێن دى د وى ئاستى دا نينن ده‌نگێن پێدڤى بينن، به‌لێ كاودانێن توركيا و باكورێ كوردستانێ هندێ دخوازن پارته‌كا ميانڕه‌ۆ يا ديمۆكرات هه‌بيت كو پشكدارى هه‌لبژارتنان بيت، وه‌كو پێگوهۆڕه‌ك بۆ وان ده‌نگێن ب نه‌چارى دده‌نه‌ هه‌ده‌په‌ و ئه‌كه‌په‌ و گۆت: “دڤى كاودانى دا گرنگ بوو بارزانى شيابا پارتى ديمۆكراتى كوردستا – توركيا ڤه‌كه‌ت و پشكدارى هه‌لبژارتنان بيت و ب پشت راستى دا ده‌نگێن “AKP” و “HDP” هه‌ده‌په‌ و پارتيا دادوگه‌شه‌پێدانێ ل ده‌ڤه‌رێن كوردى بۆ خوه‌ به‌ت و بيڤه‌له‌رزه‌كا سياسى ل ده‌ڤه‌رێ خولقينيت”.

گۆتژى: “هيڤيدارم پشتى ڤان هه‌لبژارتنان بارزانى لقه‌كێ پارتى ل باكورێ كوردستانێ ڤه‌كه‌ت، چونكو گه‌له‌ك خه‌لك يێ هه‌يى ژ سياسه‌تا چه‌ند سالى يا بگره‌ و به‌رده‌ يا دولايه‌نى نه‌درازى نه‌”.