ئه‌ڤرۆ نیوز:
پێكهاتێ چاڤه‌رێكرى یا یاریا د ناڤبه‌را یانا ڕیال مەدرید و شالکە كو دهێته چاڤه‌رێكرن ئه‌ڤ شه‌ڤه ل ده‌مژمێر 10:45 ب ده‌مێ کوردستانێ ژ یاریا ڤه‌گه‌ریانێ قوناغا 16 ژ خولا یانێن قاره‌مانێن ئوروپا بهێته سازكرن
ڕیال مەدرید: کاسیاس، ئاربێلۆوا، پیپی، ڤاران، مارسێلۆ، کرۆس، خزێرە، ئیسکۆ، کریستیانۆ، بەیل، بێنزێمە.
شالکە: ڤیلینەرۆسەر، هاودێس، ماتیپ، ناستازیچ، ئۆچیدا، ئۆگۆ، هۆگر، نێوستادتێر، مایەر، مۆتینگ، هۆنتلار.
ئه‌ڤرو نیوز ، نه‌وزاد زاده هلۆرى :
ده‌زگه‌هێ خێرخوازیێ بارزانى نه‌مر 50 خێزانێن شه‌هیدان ل ناحیا شێلادزێ ئه‌ڤرو خه‌لاتكرن.
شه‌ڤگێر ره‌مه‌زان به‌رپرسێ ده‌زگه‌هێ خێرخوازیێ بارزانى نه‌مر ل شێلادزێ بو ئه‌ڤرۆ نیوز گۆت : ( وه‌كو رێزگرتن بو شه‌هیدان و هه‌لكه‌فتا رۆژا جیهانیا ئافره‌تان مه وه‌كو ده‌زگه‌هێ خێرخوازیا بارزانى نه‌مر 50 ئافره‌ت كو خێزانێن شه‌هیدێن تیرورێ بوون خه‌لاتكرن )
زێده‌تر گۆت : ( د رێورسمێن خه‌لاتكرنێ دا سمیناره‌ك ژى ژ بوو دكتوره ڤیان سلێمان سكرتێرا ئافره‌تێن كوردستانێ هاتیه رێكخستن كو تێدا به‌حس ل ئاریشه‌یێن ئافره‌تان و پێشكه‌فتنا وان و قوربانیدانا ئافره‌تان هاته‌كرن)
ئه‌ڤرۆ نيوز، زنار زوبێر:
بۆ جارا ئێکێ دەزگرا سێرا پرتوگالی کرستیانو رۆنالدو نمایشکەرا جلوبەرگا یا رووسی ئێرینا شایک ئەگەرێ سەرەکی یێ ژێکڤەبونا وێ ل گەل رونالدوی ئاشکرا دکەت.
زێدەتر ئێرینا شایک د دیدارەکێ بۆ رۆژناما میرور یا ئنگلیزی دیاردکەت کو ئەوێ ھەست ب ئارامیێ و خوشیێ ل گەل کرستیانو رۆنالدوی نە دکر دیسان وێ ھەردەم ھزر دکر ئەو یا پشتگوە خستیە ل گەل ستێرا جیھانێ.
نمیاشکەرا جلوبەرگا ئەو چەندە ژی دیارکر کو ئەوێ باوەری ب وی کەسی نینە یێ کچکێ بھێلیتە خەمگین و ئەو کەسێن ڤێ شێوەی وەک زاروکانە و چو نیشانەیێن زەلامان ل دەف نینن لەورا نەچاربوم ڤێ پەیوەندیێ ب دووماھی بینم ژبەرکو من کەسەکێ دی کو یێ گونجای ل گەل من و ژیانا من دا بۆ خوە دیتیە.
ل دووماھیا ڤێ دیدارێ شایک دیاردکەت کو ئەو کچا ل گەل کەسەکێ نە گونجای ئەو دێ ھەست ب نەخوشیا کەت لەورا ئەوێ بریار دا ڤێ پەیوەندیێ ب دووماھی بینم ل گەل رۆنالدوی و ئەو یا پەشیمان نینە ل سەر ڤێ بریارێ.
ئەڤرۆ نیوز، زنار:
بریارە سوبەھی دەمژمێر شەش ئیڤاری تیما تەپا پێ یا ھەولێر یاریا خوە یا دویێ ژ کوما سیێ یا قارەمانیا ئێکەتیا ئاسیا یا تەپا پێ بەرامبەر قادسیە یا کوێتی بکەت ژ چارچوڤێ یاریێن گەرا دویێ ل یاریگەھا عەرەبی ل پایتەختێ قەتەر دوحە.
ل دۆر ڤێ یاریێ یاریکەرێ یانا ھەولێر ھەلگورد مەلا محەمەد د داخویانیەکێ دا بۆ مالپەرێ ئەڤرۆ نیوز دیارکر ئەڤ یاریە دێ گەلەک بۆ تیما وان یا ب زەحمەت بیت ژ بەرکو یانا قادسیە ژ یانێن بھێزە و چەندین یاریکەرێن خودان شیان یێن ھەلبژارتیێ کوێتێ و یاریکەرێن پیشەکار یاریێ بۆ دکەن لەورا ئەو چاڤەرێ یاریەکا بزەحمەت دکەن لێ ھەمی بزاڤێن وان دێ ئەوبن بشێن خالێن یاریێ دەستخوە ڤە بینن و سەرکەفتنێ توماربکەن داکو ھەلویستێ خوە باشتر بکەن ل سەرێ لیستا کوما سیێ بۆ دەربازبونێ بۆ یاریێن قوناغا دویێ، ناڤبری ئەو چەندە ژی دیارکر کو راھێنەرێ تیمێ ئەیوب ئودیشو پلانەکا باش ل دووڤ ئاستێ ڤێ یاریێ دارشتیە کو بھیڤی نە سەرکەفتنێ تومار بکەین.
ئه‌ڤرۆ نيوز:
حوكمه‌تا هه‌رێما كوردستانێ راگه‌هاند كو رۆژا چارشه‌مبى و پێنجشه‌مبى دێ بنه بهێنڤه‌دانێن فه‌رمى ل هه‌رێما كوردستانێ.
ئاخفتنكه‌رێ ب ناڤێ حوكمه‌تا هه‌رێما كوردستانێ، سه‌فين دزه‌يى، راگه‌هاند: ب هه‌لكه‌فتا رۆژا 11ى ئادارێ كو سالرۆژا دامه‌زارندنا رێكه‌فتناما مێژوويى يا 11ى ئادارێ يه د ناڤبه‌را سه‌ركرداتيا سياسى يا كورد و حوكمه‌تا عيراقێ ل سالا 1970 و سالرۆژا سه‌رهلدانا مه‌زنا باژێرێ هه‌ولێرێ يه يا سالا 1991ێ، پيرۆزباهيێن گه‌رم ل وه‌لاتيێن خۆراگرێن كوردستانێ دكه‌م و هيڤى دكه‌م هه‌رده‌م د خۆشى و ئاراميێ دا بژين و هه‌موو كێشه و قه‌يران ب دووماهى بهێن.
گۆتژى: “ب ڤێ هه‌لكه‌فتێ رادگه‌هينين كو سوبه‌هى رۆژا چارشه‌مبى 11ى ئادارا 2015 ل هه‌موو ده‌زگه‌هێن حكومى يێن هه‌رێما كوردستانێ بهێنڤه‌دانا فه‌رمى يه، ديسا رۆژا پێنجشه‌مبى 12ى هه‌يڤێ ژى دێ بيته بهێنڤه‌دانا فه‌رمى.
ئه‌ڤرۆ نيوز:
حوكمه‌تا عيراقێ گه‌را چارێ يا پارێ گه‌نمێ جۆتيارێن هه‌رێما كوردستانێ هنارت و د چه‌ند رۆژێن بهێت دا، دێ ل سه‌ر جۆتياران هێته به‌لاڤكرن.
فه‌رهه‌نگ خالد رێڤه‌به‌رێ گشتيێ ديوانا وه‌زاره‌تا بازرگانيا هه‌رێما كوردستانێ بۆ KNN گۆت: “حوكمه‌تا عيراقێ گه‌را چارێ يا پارێ گه‌نمێ جۆتيارێن هه‌رێما كوردستانێ هنارت و شه‌ڤا بۆرى گه‌هشته هه‌رێما كوردستانێ”.
ئاشكه‌را ژى كريه كو كۆژمێ 140 مليار دينارايه و د چه‌ند رۆژێن داهاتى دا و پشتى هووربينيێ و چه‌ند ريێن پێدڤى دێ ب سه‌ر جۆتياران دا هێته به‌لاڤكرن.
جۆتيارێن هه‌رێما كوردستانێ ل سالا بۆرى ب بهايێ 577 مليار ديناران گه‌نم دايه وه‌زاره‌تا بازرگانيا هه‌رێما كوردستانێ، د وێ ده‌ربارێ ژى دا ب سێ گه‌ران 233 مليار دينار وه‌رگرتيه و شه‌ڤا بۆرى ژى 140 مليار دينار گه‌هشتن و نوكه پێدڤيه حوكمه‌تا عيراقێ 204 مليار دينارێن دى بۆ هه‌رێما كوردستانێ ب هنێريت دا كو پارێ هه‌موو جۆتيارێن گه‌نم دايى پێ بهێته دان.
نيشاندان