ئه‌ڤرۆ نیوز:

وه‌زاره‌تا به‌ره‌ڤانیا نه‌رویج راگه‌هاند وان بریار دایه‌ 50 راوێژكارێن سه‌ربازى ره‌وانه‌ى هه‌رێما كوردستانێ بكه‌ت بۆ راهێنانا هێزێن پێشمه‌رگه‌ى د شه‌رێ دژى داعش دا.
وه‌زاره‌تا به‌ره‌ڤانیا نه‌رویج به‌حسێ وێ چه‌ندێ ژى كریه‌ كو ڤان 50 سه‌ربازان به‌رى نوكه‌ ل هێزا پیاده‌ یا سوپایێ نه‌رویج پشكداربووینه‌ د شه‌رێ ئه‌فغانستانێ دا وه‌ك پشكه‌ك ژ هێزا ناتو دژى چه‌كدارێن تالیبان.
وه‌زاره‌تا به‌ره‌ڤانیا نه‌رویج ژڤانێ هنارتنا سه‌ربازان راگه‌هاندیه‌ كو دێ ل هه‌یڤا 4 یا ئه‌ڤ ساله‌ هێنه‌ هه‌رێمێ، هه‌روه‌سا دێ چه‌ند راوێژكارێن سه‌ربازى ره‌وانه‌ى به‌غدا ژى كه‌ت بۆ راهێنانا هێزێن عیراقى.

ئەڤرۆ نیۆز، قائید میرۆ:
جێگرێ فەرماندێ میحوەرێ مەخموور تایبەت ب ئەڤرۆ نیۆز دیارکر، ب ئەگەرێ بورۆدمانا فڕۆکەیێن ھەڤپەیمانان دو ترۆمبێلێن تژی داعش ھاتنە کوشتن.

زریان شێخ وەسانی، جێگرێ فەرماندێ میحوەرێ مەخموور ب مالپەڕێ ئەڤرۆ نیۆز راگەھاند: “دەمەکی بەری نوکە فڕۆکەیێن ھەڤپەیمانان ب دژواری چەکدارێن داعش ل گوندەکێ گرێدایی میحوەرێ مەخموور بوردۆمانکرن و زیانێن زۆر گەھاندن تیرۆرستێن داعش”.
زریانی گۆتژی” د ئەنجامێ ئەڤێ بوردۆمانێ ژبلی شکاندنا حەفارەیەکا داعش، دو ترۆمبێلێن ژ جۆرێ تیوتا ھاتینە پەقاندن و تژی بووینە ژ چەکدارێن داعش و ھەموو چەکدار ھاتینە کوشتن، بەلێ ھژمارا وان ب دورستی نه‌هاتيە زانین”.