پارێزەرەکێ دۆسیەیا بەڕەڤانیکرنێ ژ کارەساتا شنگالێ ئیماژە بڤێ چەندێ دکەت، ھەتا نوکە نێزیکی 40 سکالا ژلایێ وەلاتیانڤە لسەر ئەبوبەکر بەغدادی و رێکخراوا داعش ھاتینە تۆمارکرن و ھەمووژی ل سنورێ پارێزگەھا دھۆکێ بووینە، لەوڕ پێنج ژوان سکالایان ھاتینە ھنارتن بۆ دادگەھا تاوانێن نێڤدەولەتی.

ھەولێر، قائید میرۆ:

پارێزەر ئەیاد کاکەیی، ئەندامێ تیما بەڕەڤانیکرنێ ژ کارەستا شنگالێ و دەڤەرێن دی بۆ ئەڤرۆ دیارکر، کو سەندیکایێ سێ پارێزەرێن خۆ بەخش دەستنیشانکرینە و گۆت” رۆژا 4\0\2014ێ، ب بڕیارا جڤاتا سەندیکا پارێزەرێن کوردستانێ سێ پارێزە دێ بێ بەرامبەر کار بۆ بەڕەڤانیکرن ژ قوربانیێن ئەڤان کارەستان بکەن، یێن چەکدارێن داعش بسەر خەلکێ شنگالێ و ھەموو دەڤەرێن دیدا ئینای، ئەوژی پێکھاتینە ژ پارێزەران  عەلی گوندەسۆری و ئەیاد کاکەیی ئەحمەد عەبدولا، ئەڤ سێ پارێزەرە دێ بریکارنامێ ژ کەسێن سکالا تۆمارکری وەرگرتی بکەن و دێ ل دادگەھێن نافخۆ دەرڤە کار تێدا بکەن، ئەم دگەل سەرۆکێ دادگەھا تێھەلچوون و لایەنێن پەیوەندار ل پارێزگەھا دھۆکێ کۆمبووینە و  مە پارێزەرەک ل دھۆکێ دانایە و دگەل سەرۆکێ دەستەیا لێکۆلینێ مژۆلی رێکخستنا سکالایێن وەلاتیانە و ھەتا نوکە ھژمارەکا زۆرا سکالایان ھاتینە تۆمارکرن، بەلێ ئەڤا ھەتا نوکە بەردەستێ مە نێزیکی ٤٠ کەسان سکالا لسەر ئەبوبەکر بەغدادی سەرۆکێ رێکخراوا تیرۆرستیان داعش و ھەروەسا ئەف کەسێن ھەڤکاریا داعش دکەن”.

ئەیادی گۆتژی” چو دادگەھێن تایبەت بڤان کەیسان نینە، دێ بەلگەنامە ھێنە کۆمکرن ھەتا شاندێ حوکمەتا ھەرێما کوردستانێ ژ دەرڤە ڤەگەڕێن کوردستانێ و دادگەھا تاوانێن نێڤدەولەتی دەست ب ڤەکۆلینێن خوە دکەت، مە پێنج سکالا دگەل شاندێ ھەرێمێ ھنارتینە بۆ دادگەھا نێڤدەولەتی و داخوازکارێ گشتیێ جیھانێ، دادگەھا تاوانێن نێڤدەولەتی دێ دوڤچوونا ڤان پێنج سکالایان بکەت و ئەگەر وەرگرتن، ئەڤە داخوازکارێ گشتیێ جیھانی بخوە دێ سەرەدانا کوردستانێ کەت، راستە گورەی رێکەفتناما رۆما عێراق و ھەرێم تێدا ئەندام نینە، بەلێ ژبەرکو زۆربەیا کەسێن تۆمەتبار دگەل داعشدا رەگەزنامەیێن وان وەلاتان ھەنە یێن ئەندام ل دادگەھا نێڤدەولەتی”.

ئەڤرۆ:
مەکتەبا سیاسی یا ئێکەتی نیشتمانی کوردستان ئەڤرۆ ٢٧/١٠/٢٠١٤ د کۆمبوونەکێ دا گەنگەشە ل سەر پەیوەندیێن خوە پارتی دیمۆکراتی کوردستان و ئالیێن سیاسی یێن دی یێن کوردستانێ کر و دوپاتی ل پێشڤەبرنا پەیوەندیێن خوە کر و د ڤێ دەربارێ دا بڕیارێن پێدڤی دان و لژنە ژی بۆ برێڤەبرنێ پێکئینا.
د تەوەرەکێ دی دا گەنگەشە ل دۆر پرۆسا سیاسی یا عیراقێ و ھەرێما کوردستانێ و بەروکێن شەرێ پێشمەرگەی دژی تیرۆرستێن داعش کر.

1 of 15

ناوەران،بارزان سلێمان مزووری:

ژێدەرەکی ژ ھێزێن پێشمەرگەی ل میحوەرێ ناوەران بۆ ئەڤرۆ نیوس دیار کر کو ئەڤرو دانێ ئێڤاری ٢٧/١٠ ھێزێن پێشمەرگەی ل میحوەرێ ناوەران کاروانەکێ ترومبێلێن چەکدارێن تیرورستێن داعش ل باژێرێ مووسل دھاتن بۆ گوندێ خورسەبات کیلومەترەکێ ل نێزیک سەنگەرێ شەری ب تمامی بوردومان کرن ب چەکێ گران زیانێن مەزن یێن گیانی و ماددی ب داعش کەفتن تەرمێن خوە ل بەر دووماھی ساترێ خوە ھێلان و گۆت: “نەگەھشتن تەرمێن خو قورتال کەن”.
زێدەتر گۆت: “کاروانێ وان ب ترۆمبێلێن مەدەنی بوون، گەلەک ژ وان ترۆمبێلا ل بەر دیوارێن کارگەھێن گوندێ خورسەبات ڤەشارتینە، نەشێن بھێنە سەر رێیا گشتی ژ بەر ھێزێن پێشمەرگەی”.
دا زانین ژی کو گەلەک داعش ھاتنە کوشتن و گۆت: “مە ب چاڤێن خوە دیتن دەمێ تەرمێن خوە ل بەر ساتری را دکێشان بەس ھژمارا وان دیار نەبوویە”.