ئه‌ڤرۆ نیوز:
د.عزه‌ت سابر ئه‌ندامێ په‌رله‌مانێ كوردستانێ ژ ئه‌گه‌رێ بلندبوونا بهایێ دولارى به‌رامبه‌ردینارێ عیراقێ، پێشنیازه‌كێ ئاراسته‌ى وه‌زاره‌تا دارایى یا حوكمه‌تا هه‌رێما كوردستانێ دكه‌ت و ڤێ بلندبوونێ ب زیانه‌كا مه‌زن بۆ فه‌رمانبه‌ران و بلندبوونا كه‌ل و په‌لان ل بازارى دزانیت و داخواز دكه‌ت نیڤا مووچێ هه‌یڤا ئێك ب دولارى بهێته دابه‌شكرن.
رۆژا پێنج شه‌مبیى 100 دولارێ ئه‌مریكى گه‌هشتبوو به‌رامبه‌ر 128 هزار دینارێ عیراقێ د بازارێن هه‌رێما كوردستانێ دا.
ئه‌ڤرۆ نيوز:
موقته‌دا سه‌در سه‌ركردێ بزاڤا سه‌در د كارڤه‌دانه‌كێ دا به‌رامبه‌ر كوشتنا سنێله‌كێ ژ ئاليێ حه‌شد شه‌عبى ڤه د هێرشا سه‌ر تكريت دا راگه‌هاند : هنده‌ك گروپێن چه‌كارى ل ته‌نشت سوپايێ عيراقێ شه‌رى دكه‌ن، ئه‌گه‌ر ده‌ستهه‌لات وان هه‌بيت، دێ كارێن وێرانكه‌ر كه‌ن.
سه‌در گۆت: بۆ وێ يه‌كێ هه‌يبه‌ت بۆ پوليس و سوپايێ عيراقێ ڤه‌گه‌ريت، دڤێت گرنگى ب ئاڤاكرنا سوپايێ عيراقێ بهێته دان، نه گروپێن چه‌كدارى.
سه‌ركردێ بزاڤا سه‌در ديسا دياركر كو ئه‌و چه‌كدارێن نوكه ب ناڤێ حه‌شد شه‌عبى هاتينه خرڤه‌كرن ل ژێر كونترولا ئيرانێ دانه و چ په‌يوه‌نديا وان ب عيراقێ ڤه نينه و ئه‌گه‌ر ده‌ستهه‌لات وان هه‌بيت، دێ قرنێ د ناڤ خه‌لكى دا كه‌ن.
ئه‌ڤرۆ نیوز، ناجی به‌ده‌ل:
محسن عه‌بدولره‌حمان چاڤدێرێ سیاسی بو ئه‌ڤرۆ نیوز دیاركر ئێك ژ ئارمانجێن سه‌رهلدانێ ئێك رێزی و برایه‌تیا كوردایه‌تی بوویه كو خه‌لك ژ كوبانێ هه‌تا خانه‌قینێ ئێكه لێ سه‌ركرده‌یێن مه رایێن جیاواز هه‌نه و رێگریێ ژ ئێك رێزیێ دكه‌ن مینا نه سه‌رگرتنا كونگرێ نه‌ته‌وه‌یی و گۆت: تاكه چاره‌سه‌ری ژی بو پرسا كوردی ئه‌و كونگره‌یه.
ناڤبری ئه‌و چه‌نده ژی دیاركر بورینا 24 سالان كورد نه‌شیاینه ئه‌و داخوازیێن هه‌ین پێشبێخین و كه‌سایه‌تیا تاكێ كورد ئاڤا بكه‌ن كو ئارمانج ژێ ئاڤاكرن بویه ب هه‌مو رامانین خوه و ئه‌و ئارمانجێن سه‌رهه‌لدان د پێخه‌مه‌تا وێ دا هاتیه‌كرن بده‌ستڤه نه‌هاتینه و زێده‌باری ئه‌وێ قوربانیا وه‌لاتیێن ئه‌ڤێ هه‌رێمێ دای ل قوناغین رابوری هه‌تا نها و ئارمانجێن وێ نها بوینه درۆشم و ل چه‌ند بونه‌یه‌كان دا دهێنه بكار ئینان.
محسنی گوتژی: دڤێت بزاڤێ بكه‌ین دادیا جڤاكی و یاسا سه‌روه‌ر بیت دێ بڤێ ریكێ شیێن ئارمانجێن سه‌رهلدانێ بده‌ستڤه بینین.
ئه‌ڤرۆ نیوز، ناجی به‌ده‌ل:
د.ئازاد سه‌عدون سه‌رۆكێ زانكویا نه‌ورۆز بو ئه‌ڤرۆ نیوز دیاركر عیراقێ سیسته‌مێ نوو یێ باجێ یێ داناى و ل گه‌ل یاسایا بودجه دا هاتیه راگه‌هاندن و ده‌ستپێكریه ب تشتێن نه‌پێدڤی و جوانكاریێ و ره‌وشا حكومه‌تا به‌غدایێ نه وه‌ك یا هه‌رێمی یه و هه‌موو پێدڤى و موچه‌یێن خه‌لكی دابینكرینه و دده‌تێ .
ناڤبری ئه‌و چه‌نده ژی دیاركر ئاریشه‌یا دارایی یا حكومه‌تا هه‌ریما كوردستانێ مه‌زنتره ژ یا به‌غدا و نه‌یا به‌رهه‌ڤه ئه‌وان جورێن باجێن عیراقێ دانای ئه‌و ژی دابنیت و نه‌شیایه مافێن وه‌لاتیان دابین بكه‌ت هه‌تا ب شێن باجێ فه‌رز بكه‌ت ژ موچه‌ی و هه‌تا خزمه‌ت گوزاریان چ ل كه‌رتێ گشتی و یان تایبه‌ت.
ده‌نگێ د.ئازاد سه‌عدون:
ئه‌ڤرۆ نیوز ، بارزان مزوورى
به‌رپرسێ لقا 14 ل مووسل، عصمت ره‌جه‌ب، بو ئه‌ڤرۆ نیوز دیار كر كو گروپێن دژى داعش ل ناڤ باژێرێ مووسل په‌يدابووينه و ل بازارێ سریج خانێ ل سه‌ر ماركێتێن وان نڤیساینه ” دوله اللا اسلامیه زائله وتتقلص” و ل هنده‌ك جهێن دى نڤیسایه “داعش كتبوا موتهم ”
ناڤبرى دیار كر كو د ناڤ باژێرێ مووسل گروپێن دژى داعش رابووینه سه‌ر خوه و ده‌ست ب كوشتن و گرتنا چه‌كدارێن تیرورستێن داعش كریه.
ناڤبرى دیار كر كو گه‌له‌ك جهێن ناڤ باژێرى داعش نه‌شێن هاتنوچونێ تێدا بكه‌ن ژبه‌ر گروپێن دژى وان .
ئه‌ڤرۆ نيوز:
پێگه‌هێ Goal يێ جيهانى د نووترين راپۆرتا خوه‌دا، ناڤێ ده‌وله‌مه‌ندترين ياريكه‌رێن 2015 به‌لاڤكريه كو ب ڤى ره‌نگى نه.
١. ڕۆناڵدۆ – ١٥٢.٣ ملیۆن پاوەند
٢. میسی – ١٤٥ ملیۆن
٣. نێیمار – ٩٧.٩ ملیۆن
٤. زلاتان – ٧٦.١ ملیۆن
٥. واین ڕۆنی – ٧٤.٦ ملیۆن
٦. کاکا – ٦٩.٦ ملیۆن
٧. ساموێل ئیتۆ – ٦٣.١ ملیۆن
٨. ڕەئول – ٦١.٦ ملیۆن
٩. ڕۆناڵدینهۆ – ٦٠.٢ ملیۆن
١٠. فرانک لامپارد – ٥٨ ملیۆن
ئه‌ڤرۆ نیوز، بارزان مزوورى
ئه‌ڤرو پشتى نیڤرو 5/3 سه‌روك كومارێ عێراقێ دگه‌ل پارێزگه‌رێ دهوك فه‌رهاد ئه‌تروشى سه‌ره‌دانا په‌رستگه‌ها لالش دا و ژلایێ بابه شێخ كه‌سایه‌تیێ ئێكێ یێ ئاینى یێ ئیزدیا و قایمقامێ قه‌زا شێخان ئیسماعیل مسته‌فا ره‌شید پێشوازى لێ هاته كرن.
سه‌روك كومارێ عێراقێ بۆ مالپه‌رێ ئه‌ڤرو نیوز گۆت: ئه‌ز سوزدێ دده‌م كو بله‌ز ئه‌و باژێرێن كه‌فتینه لبن كونترولا داعش رزگار كه‌ین و ئه‌و ئاواره‌یێن د ناڤ كه‌مپا دژین بزوترین وه‌خت بزڤرنه جهێن ژێ هاتین.
د.فوئاد مه‌عسوم زێده‌تر گۆت: ل هه‌ر جهه‌كێ بزانین ژن ، زارو، زه‌لام د ده‌ستێن داعش دانه ب هه‌مى شیاناڤه دێ هه‌ولده‌ین رزگار كه‌ین، ئه‌گه‌ر ب پاره بیت یان قانون بیت ب له‌شكه‌رى بیت، ب چ ره‌نگێ بیت ناهێلن لبن ده‌ستێن وان بن، چونكو هه‌ر وه‌كى ئه‌و ژن نه ب تنێ شه‌ره‌فا ئیزدیانه، ئه‌و شه‌ره‌فا هه‌مى ملله‌تانه هاتیه كرن.
ناڤبرى دیار كر كو مجلسا روحانیا ئیزدیا پێتڤیه روله‌كێ گرنگ هه‌بیت بو وان ئه‌وێن ژ رویێ نه‌فسى ڤه بشێن چاره‌سه‌ریا وان بكه نمه پێتڤى ب شه‌هره‌زایێن ده‌رڤه هه‌یه داكو چاره‌سه‌ریا وان بكه‌ن ئه‌وێن توشى كێشه‌یا نه‌فسى بوین بو وان ئه‌وێن ل ده‌ستێن داعش رزگار بوین.
ئه‌ڤرۆ نیۆز، سالار دۆسكى:
پشتى به‌لاڤبوونا نووچه‌یێ كو حه‌فتیێ رۆژه‌ك بۆ مامۆستایێن ژ سه‌نته‌رێن باژێران قه‌ستا گوندان دكه‌ن دێ بیته بهێنڤه‌دان، ئه‌ڤرۆ نیوز بۆ راستیا بابه‌تى په‌یوه‌ندى ب ئێكه‌تیا ماموستیان كر.
عه‌بدوالواحد حاجى سه‌رۆكێ ئێكه‌تیا مامۆستایێن كوردستانێ بۆ ئه‌ڤرۆ نیۆز گۆت: چ راستى بۆ ڤێ چه‌ندێ نینه و بتنێ بریار ده‌ركه‌فتیه كو مامۆستایێ دڤێت ژ سه‌نته‌رى بچیته قه‌زایه‌كێ دو رۆژ بۆ بهێنڤه‌دانه و ئه‌و ژى لدووڤ چه‌ند مه‌رجێن په‌روه‌رده د دانیت.
نيشاندان